رواية رغم العناء لم افقد الامل الفصل السادس 6 - بقلم فاطمة الدمرداش

مدثر: نعم يعنى أيه أنا قدامي طياره كمان كام ساعه، إيه الاستهتار ده؟ ريناد: يا خالتي، إيه الزعيق ده؟ سهام: أنا أعرف يبنتي. ليخرج مدثر: مدام سهام، حضرتك أنا معطل شغلي و... صمت ما يقرب دقيقتين. ريناد: والله خالتي مالهاش ذنب، أنا كان المفروض أخلي ورقي معايا. إحنا آسفين لحضرتك. حقك عليا، معلش يا أستاذ. مدثر: بخجل، هو انتي؟ ريناد: بخجل أكتر، آه أنا، أنا بعتذر لحضرتك إننا كنا سبب في إني أعطلك. يالا بينا يا خالتي.

مدثر: أبداً والله ما تمشوا، اتفضلوا، لازم تشربوا حاجة. سهام: الله، إيه الحكاية بقا؟ انتي تعرفيه؟ ريناد: آه، أقصد لأ، أنا. سهام: بضحك، انتي إيه؟ مدثر: أنا قبلتها في الشارع مرتين كده صدفة، لكن ما فيش أي حاجة بينا نهائيًا. سهام: بضحك أكتر، عارفة عارفة يا بني، المهم. أنا نسيت أبلغ ريناد، وأنا اللي أصرت إنها تيجي، عارفة تصرف غلط مني، لذلك يا ابني أنا بعتذر منك بالنيابة عني وعنها.

مدثر: لا طبعًا، ما فيش أي حاجة، بسيطة، استريحوا. وهعمل معاكي إنترڤيو يستي، وكمان اعتبري نفسك اشتغلتي من بكرة. كسر الباب بعصبية: جرى إيه يا أستاذ محمود؟ كلهم كلمتين وهمشي، إيه التكبر ده؟ محمود: هي حصلت تكسر الباب ده؟ انت نهارك باين. لازم تبات في السجن. مالك: بسخرية، سجن إيه؟ لا انت ولا أكبر واحد في البلد يقدر يدخلني. محمود: راغب، بلغ البوليس. مالك: مسك راغب بعصبية، اقعد بقولك. راغب: يبني أنا أبوك، حاضر هقعد.

اسمعني يا محمود. مالك: أخد نفسه وجر الكرسي وقعد قدام محمود. أنا جاي أعتذرلك على اللي حصل بخصوص الآنسة ريناد. وجاي أطلب إيد الآنسة روز. محمود: وطلبك مرفوض، اتفضل. مالك: خبط على المكتب بعصبية، كسر الإزاز. أنا لما أقول على الحاجة باخدها غصب عن أي حد. وأنا لحد دلوقتي بعتذر. وحضرتك عمال تشد معايا، بليل هاجي أنا وأهلي نتفق، بتمنى تكون موجود. وصل للباب ورجع تاني لورا. دول 20 ألف حق الإزاز والباب.

والباقي هات بيه لبن يعسل من له. هي جوازة باينة من أولها خساير. محمود: وانت بقا هتتفق مع مين؟ أنا مش حاضر أي حاجة. مالك: والله دي حاجة ترجعلك يا محمود بيه. واحتمال نحدد الفرح، ياريت تشرفنا، ولو مش حابب يبقى برضو كتر خيرك وعملت معايا معروف، لأن خلاص قفلت، ولم بقفل مش بشوف قدامي. فتح العربية واخد نفس عميق. مسك التلفون. بلغي إيناس وبناتها هنيجي نتفق بالليل. صباح: ألف مبروك يا حبيبي، أمك كبرت وبقيت عريس.

مالك: بلّغيهم بقا، سلام. صباح: دايما جاف يبني، ربنا يهديك. إيناس: نعم يا صباح؟ صباح: الله، دي السلام عليكم بتاعتك؟ إيناس: وعليكم السلام ورحمة الله وبركاته. صباح: مالك يا إيناس؟ ده انهارده يوم خير وبركة. إيناس: هيجي منين الخير بس؟ صباح: يستي أنا هقولك دلوقتي، جايين بليل نتفق ونقرا الفاتحة. إيناس: يا صلاة النبي، يا صلاة النبي. صباح: عليه أفضل الصلاة والسلام. روحي بلغي العروسة تجهز وجهزي انتي كمان. إيناس: حاضر، سلام.

بت يا روز، لولولييييي. روز: إيه ده بقا ع الصبح؟ إيناس: مبروك يا قلب أمك، انهارده جايين يتفقوا. روز: مش مصدقة، مين اللي جاي؟ إيناس: مالك وأهله، اهجزي وشوفي الميكاب والدرس وعيشي بقا. روز: حضنت أمها، حاضر. طيب وهنقدم إيه ليهم؟ إيناس: جاتوهات والمحمر والمشمر. روز: أيوه أيوه، هات بط وحمام ومحاشي بقا، دول أغنية لازم نبين إننا أحسن منهم كمان. أبويا قالك حاجة؟

إيناس: يوه بقا، متشليش هم حاجة، هل الست هتكلمنا من غير ما يكون مالك اتفق مع أبوكي؟ روز: أنا مش مرتاحة لبابا. إيناس: ومين سمعك، أبوكي من يومه سد نفسي. مدثر: ماشاء الله عليكي يا ريناد. انتي مجتهدة جدًا. بجد أنا مبهور بلباقتك وأسلوبك. ريناد بفرحة: بجد؟ مدثر: أيوه طبعًا، بصي هو أنا هسافر أربع أيام وهرجع، وأنا اللي هوريكي كل حاجة. ريناد: بجد؟ مدثر: يعني السبت تكوني هنا. ريناد: أنا مبسوطة أوي، شكرًا.

مدثر: العفو، أمشي أنا علشان الوقت، في حفظ. سهام: شطور خالص، عااااااااش، بنتتا عااااااااش. ريناد: لازم أفرح بابي بقا. سهام: يعني مش هتيجي معايا؟ ريناد: معلش، هاجي تاني، يدوبك أروح لبابا المكتب أفرحه. سهام: على راحتك، خلي بالك من نفسك. راغب: محمود، مالك طمني عليك، إيه اللي حصلك؟ لاحول ولا قوة إلا بالله العلي العظيم. محمود: طب اتكلم، حصلك إيه؟ لكن محمود استمر على نفس الوضع من الزعل والقهر.

شعبان: إحنا لسه هنستنى، بينا على المستشفى. وسعوا الطريق. ريناد: بصدمة، بابا؟ حد يقولي بابا ماله؟ راغب: متخافيش، متخافيش يابنتي، هنوديه المستشفى نطمن، وإن شاء الله خير. ريناد: أنا هاجي معاكم. روز: الناس جايه كمان نص ساعة وبابا حتى م رن يباركلي، هو ليه مش بيحبنا؟ إيناس: دايما مقلّل مني، روح يا محمود، أدعي عليك، أقول إيه بس.