رواية رهف حياتي الفصل الخامس 5 - بقلم اية هاني

مروان: خسيتي أوي، إيه دا؟ انتي هتلبسي الفستان دا بقا إزاي؟ رهف بإستغراب: فستان إيه؟ مروان: خطوبتي أنا وسلسبيل. قال الكلمة دي ورهف اغمي عليها. مروان ساب الفستان وقعد على الأرض. مروان بخوف شديد: رهف.. رهف أرجوكي ردي عليا.. يا عمي يا سمر.. الكل اتجمع. محمد: فيه إيه يا ابني؟ استر يارب. مالها رهف؟ مروان: مش وقت كلام يا عمي. رني يا سمر على الدكتور بسرعة. بعد شوية جه الدكتور.

مروان: ما تخلص يا دكتور، انت هتقعد تحسس عليها كده؟ الدكتور بضيقة: مش بشوف شغلي. مروان بيحاول يتماسك ويتمالك أعصابه: بسرعة.. وبعد شوية، خرج برا غرفتها وخرج وراه مروان. مروان: ها يا دكتور؟ إيه سبب الإغماء؟ الدكتور: الواضح إنها مش بتاكل وكمان عندها أنيميا. فانت هتروح تعمل لها تحليل ونشوف نسبة الأنيميا دي عندها قد إيه علشان نعالجها. ويا ريت تهتموا بيها شوية. مروان بحزن: ماشي يا دكتور. شكراً.

في غرفة رهف، فاقت وفضلت باصة في السقف بتاع الغرفة ودموعها نازلة بصمت. دخل مروان لقاها بالمنظر ده، قلبه وجعه أوي وراح حضنها. مروان: ليه يا رهف؟ تعملي فيا وفيكي كده؟ انتي بتعذبينا إحنا الاتنين. رهف بضعف: ابعد عني يا مروان. مروان فضل حضنها: لا مش هبعد يا رهف. انتي لازم تقوليلي مالك. ما أنا مش هسيبك إلا أما تقوليلي. رهف بجمود وقررت تغيظه: أنا بحب كريم يا مروان. مروان بصدمة وبعد عنها: إيه!! انتي بتقولي إيه يا رهف؟

رهف بنفس الجمود: اللي انت سمعته يا مروان. إيه؟ فيه إيه؟ مروان: انتي اتجننتي؟ وأنا يا رهف.. أنا إيه بالنسبالك؟ رهف: انت أقرب صديق ليا. مروان: بس كدا؟ رهف: آه. انت عايز حاجة تاني؟ مروان: لا. وخرج بكل هدوء وخد عربيته وخرج. رهف ببكاء: انت اللي خليتني أعمل كدا يا مروان. انت اللي عملت فيا وفيك كدا. أنا لازم أمشي من البيت، مش هقدر أشوفه معاها. في بيت يامن. يامن: ها؟ إيه العقاب بقا اللي تختاره على اللي عملتيه امبارح فيا؟

سجدة وهي بتضحك وبتقوله: والله يا أبيه أميرة اللي قالتلي نزغزغك. يامن مسكها من قفاها: آه تقومي تسمعي كلامها وتزغزغوني؟ سجدة: بس كان شكلك يضحك أوي يا أبيه. يامن: أنا بقا هعمل نفس اللي عملتيه امبارح. وفضل يزغزغ فيها. سجدة: خلاص يا يامن، أنا آسفة والله. ذاكرلي شوية بقاا. يامن: أوبس. دا امتحاناتك قربت يا سنة بيضا هتسقطي. إيه اللي انتي فالحة فيه؟

سجدة: العربي كله حلو ما عدا النحو. والرياضة لا مش فالحة خالص. آه، الدراسات، الجغرافيا بتلخبطني. بص، أنا مش شاطرة في حاجة. يامن: نعم؟ سجدة: يلا ذاكرلي بلاش تضيع وقت. يلا. رهف رنت على سجدة. رهف: الو.. سجدة: رهوفة؟ أخبارك إيه يا اللي بتسأليش؟ رهف: يعني انتي اللي بتسألي؟ سجدة: أصل بذاكر وانت عارف بقا. علينا امتحانات بقا وكدا. رهف: آه صح. دا أنا نسيت خالص والله. سجدة: انتي هبلة يابت؟ بتنسي امتحاناتك؟ بس مالك كدا؟

رهف ببكاء: تعبانة أوي يا سجدة. حاسة إني بموت. سجدة: طب بصي. هخلي يامن يجيبني وأجيلك في ثانية. رهف: لا يا حبيبتي متتعبيش نفسك. سجدة: انتي هبلة يابت؟ اقفلي. أنا جاية. وقالت ليامن ويامن خدها لرهف. يامن: بصي، أنا هروح شوية لـ قمر. وأول ما تخلصي قعدتك مع رهف، رني عليا أجي آخدك. سجدة: اشطا. ودخلت الفيلا. كريم بإعجاب: أوباااا. إيه القمر ده. سجدة: تجاهل المجانين حماية منهم. كريم: إيه المثل الغريب ده؟

سجدة: نحن نختلف عن الآخرون. كريم: يا جامد. سجدة: يا تلح فين أوضة رهف؟ كريم: تلح!! طب مش قايلك. سجدة: يا رهاااااااااف! انتي فيييين؟ رهف خرجت على صوتها: تعالي يا سجدة. أنا فوق يابت. سجدة: جيالك. وطلعت لسانها لـ كريم وقلدت صوته: "تلح!! طب مش قايل..". عرفت لوحدي يا أخويا. كريم ضحك جداً على طريقتها. وطلعت سجدة لـ رهف.