رواية رهف حياتي الفصل الرابع 4 - بقلم اية هاني

رهف صحيت من النوم لبست يونيفورم المدرسة بتاعتها. ونـزلـت ع السفرة. رهف بتتجاهل النظر لمروان: صباح الخير. سمر وكريم: صباح النور. مروان: صباح الورد. رهف قعدت جمب كريم: كريم ممكن تجيب كوباية الماية اللي هناك دي. مروان: اتفضلي. رهف: أنا قولت كريم. كريم بفرحة: أنتي تأمري يا رهوفة. اتفضلي يا حبيبتي. رهف بإبتسامة مزيفة: شكراً يا كيمو. وكلت وقامت. قام وراها مروان. مروان بغضب: أنتي ليه بتعملي كدا يا رهف؟ أنا عملت فيكي إيه؟

رهف: مبقاش ينفع الكلام يا مروان وأنا هبعد عن هنا خالص، بس أول ما أدخل الثانوي. وأتمنى تعيش حياتك وتسيبني أعيش حياتي. مروان: طيب أنا مش هتكلم معاكي ف أي حاجة دلوقتي علشان عارف إنك متضايقة، بس لينا كلام تاني مع بعض يا رهوفتي. رهف: أنا هروح المدرسة مع أونكل سمير. مروان بغضب: رهف متزهقنيش، اتزفتي اركبي. رهف ركبت وخدها ع المدرسة، وقبل ما تنزل. مروان مسك إيدها: خلي بالك من نفسك يا حبيبتي. رهف: وأنت كمان. ومشي ع الشركة.

ف المكتب. أمجد: مروان فيه صاروخ واقفة براا عايزاك. مروان: دخّلها، كتك صاروخ ف ودانك. بعد ما دخلت. سلسبيل: مارو وحشتني مووت. مروان: ازيك يا سلسبيل، والله ليكي وحشة. سلسبيل: أخبارك إيه؟ مروان: الحمد لله. ودار بينهم حوار هنعرفه بعدين. *** ف الفيلا جه مروان هو وسلسبيل. لقي الكل قاعد قدام الشاشة. مروان بإبتسامة: مساء الخير. رهف بصت له وتجاهلته. مروان: طيب يا جماعة أنا عايز أقولكوا حاجة هتفرحكم أوي. سمر: بسرعة. مروان

مسك إيد سلسبيل وباس إيدها: أنا وسلسبيل خطوبتنا بعد إسبوع. ألف مبروك يا حبيبتي. وبص لرهف. رهف اتصدمت جداً: طيب يا جماعة عن إذنكوا، هطلع علشان ورايا مذاكرة كتير. سلسبيل: طب مش هتقوليلي ألف مبروك؟ رهف بحزن: ألف مبروك يا حبيبتي، ألف مبروك يا أبيه. مروان قلبه وجعه أوي من صوتها اللي كان واضح فيه نبرة الحزن. مروان: الله يبارك فيكي يا رهف. وطلعت. سمر اللي صدمتها لا تقل عن صدمة رهف: إيه!! هتخطب سلسبيل؟ مروان: آه، فيها إيه؟

سمر بتوهان: ها، لا مفيش حاجة طبعاً، ألف مبروك. الكل طلع غرفته ومبقاش فيه غير مروان وسلسبيل. *** يامن: أنتي يبنتي جهزتي ولا لسه؟ سجدة وهي بتلبس البوت: بلبس يا بوت أهو. يامن: أنا بوت يا جزمة قديمة. سجدة: دا أنت قمر يا يمونه. يامن: يمونه!! غريب الاسم دا. سجدة: معلش. مش يلا نمشي ولا إيه يا عريس؟ يامن: يلااا. وخرجوا م الشقة. وهما ف العربية. سجدة: لا بس أنت واطي أوي، روحت وعرفت أبوها إننا جايين وخدت ميعاد.

يامن: اومال، نحن في عصر السرعة. ووصلوا لبيت قمر وطلعوا. يامن: أنا يا عمي طالب إيد بنتك قمر. نور الدين: وأنا يشرفني يا ابني أناسبك. أمينة: طب مش نسيبهم بقا يقعدوا مع بعض شوية. بعد شوية. قمر بتفرك ف إيدها ومكسوفة جداً. جت سجدة من وراها: بخخخ. قمر بصريخ: عاااااا. يامن ضحك جداً لشكلهم: يخربيتك يا سجدة. امشي يبت من هناا، روحي العبي مع أميرة، شوفي بتنده عليكي أهي. وراحت سجدة ل لاميرة. يامن: ازيك يا قمر. قمر

الكلام مش راضي يطلع منها: الله يسلمك يا يامن. يامن: هتفضلي باصة كتير كداا للس.. وجت أميرة وسجدة من وراها فضلوا يزغزغوا فيه. ويامن وشه أحمر من كتر الضحك: الحقيناااي، الحقيني يا قمر، حوشي العيال دي يا سجده، عيب وربنا والله أما أروحلك. وفضل يضحك. *** رهف اتغيرت خالص، خسّت جداً ومبقتش تاكل ولا تروح مدرسة ولا بتذاكر. مروان خبط ع الباب: رهف. رهف: مين. مروان ف نفسه (كمان نسيت صوتي) : افتحي يا رهف.

رهف قامت فتحت: أه مروان، خير عايز حاجة. مروان: مبقتيش تسألي ولا بشوفك، واتغيرتي أوي كمان. رهف: اتغيرت إزاي. مروان: خسيتي أوي يا رهف، وكمان تعالي هنا، هتلبسي الفستان اللي أنا جايبه دا إزاي. رهف بإستغراب: فستان! فستان إيه! مروان: خطوبتي أنا وسلسبيل، نسيتي ولا إيه. رهف أغمي عليها.