رواية رحيم قلبي الفصل الرابع عشر 14 - بقلم نور

حقك عليا يا رحيم. مانا ماعرفش إنك هتشرب منها. بعدين إنت تستاهل أكتر من كده. رحيم: مانا عارف. ثواني وجايلك. (مش قادر وطلع يجري على الحمام) غرام: بضحك. ولسه اللي جاي أحلى كتير. إن ما وريتك يا عقربة مبقاش غرام السعودي. مي: وهي كل شوية تخرج تشرب مياه. على أساس إن المياه مافيهاش حاجة. غرام: فكرة المياه اللي بتشربيها فيها الدوا. وإنتي قاعدة تشربي تشربي. ده إنتي هتقعدي أسبوع على الحال ده يا بورص.

مي: هوريكي من البورص. إنتي عاجزة كده ومش سيباني في حالي. غرام: أنا مش عاجزة. أنا لو مش عاجزة كنت ربيتك صح يا صفرا. (رحيم طلع بس كان باين عليه التعب. مي لسه بتقرب منه. طلعت تجري على الحمام) رحيم: فكرة اللي عملتيه ده غلط أوي. وأنا تعبان من الدوا ده. غرام: واللي إنت عملته فيا مش حرام؟ كنت بتلعب بمشاعري وأنا زي الهبلة اتلدعت منك. إنت عقرب وهي عقربة. واتلم العقارب في ساعة واحدة. رحيم: الله عليكي. إيه الانبهار ده؟

أنا مبهور بيكي يا بنتي. غرام: سمعت مي بتتكلم في التليفون مع واحد وبتتفق على رحيم. عشان كده لعبت اللعبة دي. (غرام نزلت قعدت مع ناهد. والحج كامل دخل وسأل على رحيم) ناهد: بضحك. أصل غرام حطت لهم دوا اسهال والاتنين في الحمام. كامل: بضحك. لأ شاطرة. بتلعبي صح يا بت يا غرام. غرام: بصراحة يا عمي رحيم قال هسافر أنا وهو. وموفقش. كامل: أنا مش هكلم رحيم خالص. أنا طالع أنام. غرام: غمزت لـ ناهد وقالت له: بارت تو يا ماما.

ناهد: قومي تعالي معايا المطبخ عشان نشوف هنعمل إيه في العقربة. (طلعوا المطبخ كان رحيم واقف بياخد حاجة تمسك المعدة. بص لـ غرام بانتقام وطلع) غرام: يا جماله يا جماله. أنا هوريك يا رحيم. ناهد: بصي. إنتي هتتدخلي عليهم الأوضة فجأة وتشوفي مين بيعمل إيه مع مي. وتقوليله إنك هتقعدي هنا وهو يقعد معاكي. وهي تنام تحت. وأنا هحطلها حاجة تجيب لها حساسية. بس كده هخليها تطلب الطلاق. (غرام فتحت عليهم لاقت مي بتكلم حد ورحيم في الحمام)

غرام: بتكلمي مين عشان نزلت التليفون؟ مي: بتوتر. بكلم ماما بتتطمن عليا. غرام: طب افتحي سبكير الموبايل كده. مي: ما ماما قفلت. بكرة أبقى أكلمها. (تحت ناهد جهزت الأوضة وخرجت واستنت مي تنزل) غرام: اطلع يا رحيم. أنا هنام على الكنبة دي وإنت هتنام على السرير هنا عشان عايزك في شغل. ومي تنام في الأوضة تحت. مي: لأ. أنا متجوزة رحيم جديد ومش عايزة أسيبه. وبعدين هو يختار أنا ولا إنتي. غرام: بصت لـ رحيم وعملت له بإيديها

على رقبتها وقالت له: إيه يا رحيم. مش عايز تشتغل معايا. رحيم: بخوف من اللي عملتله فيه. لأ طبعاً. أكيد عايزك. وهنشتغل. مي انزلي. وماما هتقول لك هتنامي فين. (مي نزلت وهي مش طايقة حد) مي: يا طنط ناهد فين الأوضة. ناهد: شاورت على الأوضة وقالت لها: هي دي الأوضة. (غرام دخلت الحمام وطلعت لابسة بجامة سوداء وعملت شعره كحكة وقعدت مع رحيم) غرام: عايزة أتكلم معاك في موضوع مهم يا رحيم. رحيم: وأنا كمان عايز أتكلم معاكي. بس اعذريني.

غرام: اسمعني. وإنت في المحكمة امبارح سمعت مي بتكلم حد وبتقول له: أنا عايزة أحرق قلبه على فلوسه وأخد مراته منه. هو سجن أختي وعايزني أحبه. هو دايب فيه. وأنا عايشة معاه لحد ما انتقم منه. هو طلق مراته لسه لم تمشي من البيت. عشان كده أنا قعدت هنا. رحيم: بصدمة. بتقولي إيه؟ سمعتي كده ولا بتكذبي عليا؟ غرام: وأنا هكذب عليك يا رحيم؟ وربنا ده حصل. رحيم: يا بنت ****؟