رواية رحيم قلبي الفصل الثالث عشر 13 - بقلم نور

صحيت من النوم، لقت نفسها جمب رحيم. "إيه ده، أنا نمت تحت امبارح؟ رحيم فتح عيونه لقاها صاحية. "صباح الخير على عيونك يا جميل! غرام: "صباح النور يا رحيم. أنا جعانة بس أنا نمت امبارح تحت..؟ رحيم: "مانا مستغرب، إيه اللي جابك هنا؟ ومي راحت فين؟ غرام بعصبية: "هو كل شوية مي مي! الي شبه البورصة بتحبها على إيه؟ أعمى النظر أوي." رحيم بضحكة: "وإنتي مالك يا صغنن؟ غيرانة عليا منها." غرام: "وأغير عليك ليه؟ وبعدين إنت مش من زوقي."

قامت ساندت ودخلت الحمام، وهو نار الغيرة قاتلة. رحيم: "يعني إيه؟ وتجيبي سيرة راجل غيري ليه؟ اسمعي، أنا بس اللي في حياتك. أوعي تفتكري إنك عشان اطلقتي من رحيم المغربي يعني خلاص كده. لأ، إنتي بتاعتي أنا وبس." غرام طلعت من الحمام وقالت له: "لأ، أفكر براحتي. إنت ملكش حكم عليا بعد كده. إنت كنت صفحة وقافلتها. لأ ومش كده وبس، قطعتها."

رحيم: "خلي بالك الكلمتين دول. هعتبر نفسي إنك مقولتيش حاجة. بس لو فكرتي تخرجي من هنا هتشوفي رحيم اللي بجد." غرام بضحكة: "ده أنا غرام، والأجر على الله." فجأة مي دخلت عليهم. مي بصت لها بقرف، وبعدها قعدت على رجل رحيم. غرام بخبث: "تقدري تقوليلي لماذا إنتي متكادة ومتغاذة؟ طبعًا عشان إنتي القديمة وأنا لسه فرش وطازة." رحيم ضحك في نفسه: "قومي كده يا مي، اقعدي هنا على ما أجيب الفطار." رحيم نزل، وبعدها مي

قعدت جمب غرام وقالت لها: "متزعليش يا حببتي، كل شي قسمة ونصيب." غرام مسكت مي من شعرها وقالت لها: "إنتي اللي بتخبيثة أوي. متفكريش إن هسيب رحيم وأمشي. إنتي شبه القرد بتاع رحيم." ونزلت فيها ضرب. رحيم سمع صوت صريخ مي: "عملتها غرام! أنا عارف." طلع فوق، لاقى غرام ماسكة شعرها ولسه بتضربها. قام رحيم شايل مي من تحت إيديها، فوقعت على الأرض.

غرام بضحك: "آه آه يا عمودي الفقري، رحيم بيكسر عضمي واحدة واحدة. كل ده عشان لقيت واحدة شبه القرد بتاعك." رحيم كاتم الضحك: "إيه اللي عملتيه ده يا غرام؟ بتزعليني." غرام: "متتفلق إنت والبورصة بتاعك ده. عاملة زي البورصة اللي بتجري وراها، وفي الآخر يضرب بشبشب في الآخر." رحيم ضحك أوي، مبقاش قادر. وغرام بصت لـ مي اللي لازقة في رحيم. غرام: "عارفة؟

أنا لو بمشي على رجلي كنت مسحت بيكي البيت كله يا حرباية يا صفرا. الصفار باين عليكي. هازمي هدفعك ثمن ده غالي أوي. يا اسمك إيه؟ غرام: "اسمي غرام السعودي. كنت بضرب أي بورصة بشوفه، عشان كده ضربتك. كان ناقص الشبشب بس مش لابسة. كان ناقصك حتة بشبشب أبو وردة بتاع الأمهات، كان زمانك حمرا مش صفرا كده." مي وقد شعرت أن كرامتها في الأرض بعد الإهانة دي: "ما تتكلم يا رحيم، عجبك اللي غرام…."

غرام: "وهو ما يعجبوش اللي زيك. وبعدين رحيم لو اتكلم نص كلمة هجيب ماما ناهد بشبشب أبو وردة؟ رحيم وقد أصابه هستيريا ضحك: "آه مش قادر. مي ادخلي خدي شور كده، وأنا مستنيكي." غرام قربت من رحيم وقالت له بغمزة: "نزلني تحت واقعد معايا عشان ما أقطعك، سامع." رحيم بخوف: "حاضر، حاضر. ماما زمانها جايه هنا هتجيب الأكل." غرام: "بقولك نازلني يا رحيم، بتفهم من وين يا جدع." رحيم شالها ونزل قعد تحت في الرسبشن، وناهد جابت الفطار. فجأة

مي نازلة على السلم بتقوله: "الحقني يا رحيم، بطني وجعاني أوي." رحيم بص لـ غرام وقال لها: "إنتي عملتي إيه؟ غرام: "شوف هي عندها إيه وهتعرف؟ رحيم لسه طالع، لقى مي طلعت تجري على الحمام. غرام بصوت عالي: "فهمت غرام عملت إيه يا قلب غرام." رحيم نزل ليها وقال لها: "عملتيها إزاي دي؟ يخربيتك." غرام: "عارف المياه اللي فوق؟ حطيت فيها حبوب إسهال. وأكيد البورصة شربت منها، خليها كده بقا طول اليوم." رحيم: "يخربيتك! أنا شربت منها؟