رواية رحيم قلبي الفصل الثاني عشر 12 - بقلم نور

غرام وقد ألجمتها الصدمة وشعرت بانهيار أعصابها، ثم صرخت بأعلى صوتها وهي تلقلق الكلام وتنظر له، ثم وقعت بين يديه. رحيم بصراخ: غرام فوقي، أنا جنبك، أنا آسف، غصب عني أجرحك بالشكل ده. غرام... مي قربت منه وقالت له: يعني إيه غصب عنك تجرحها بالشكل ده؟ أنت بتتضحك على مين فينا؟ رحيم شال غرام وطلع عند ناهد وخبط على الباب. ناهد فتحت له: في إيه؟ هي مالها؟

رحيم: اتصلي بدكتور بسرعة يا ماما، غرام جالها انهيار عصبي تاني ومش عارف أعملها إيه. كل ده ذنبي أنا. ناهد اتصلت بدكتور، والدكتور قال لها: ساعة بالضبط وأكون عندك. رحيم: يارب ما يتأخرش، وشها أزرق إزاي يا ماما؟ كل ده بسببي؟ ناهد ضربت رحيم بالقلم وقالت له: أصل هي عروسة لعبة نلعب بيها في أي وقت يا رحيم. عملت فيها إيه تاني؟ رحيم: أنا... أنا طلقتها. ناهد بصدمة: طلقت غرام يا رحيم؟ بقا ده حق تربيتي فيك؟

اتجوزت مي وأنا قلت لك مي لو دخلت البيت لا أنت ابني ولا أعرفك. رحيم: هتعرفي كل حاجة قريب يا أمي، وبعدين أنا قلت كلمة دي بس... غرام بدأت تصرخ وتقول كلام غريب محدش فاهم هي بتقول إيه. ناهد: الله يسمحك يا ابني، الله يسمحك. ذنبها إيه بس. فجأة الدكتور دخل وقال لهم: هي المريضة جالها انهيار تاني؟ رحيم: أيوا يا دكتور، بس هي صرخت تاني وبعدها سكتت.

الدكتور: المدام جالها انهيار عصبي شديد، قصر عليها زيادة. ده مهدا ليه، ويا ريت الراحة التامة ليها، ياريت. رحيم وصل الدكتور بره وقاله: هي ممكن تفوق إمتى؟ الدكتور: هي نفسيتها مش حلوة ومحتاجة تتظبط عشان ضغط الدم عندها واطي. رحيم: وضغط الدم ممكن يعملها إيه يا دكتور؟ الدكتور: ضغط الدم أعراضه كتير، ممكن يعمل نزيف وغيبوبة ويأثر على قلبها. رحيم: تمام، شكراً ليك يا دكتور. غرام فتحت عينيها لقت مي بتبص لها بشر ومش طايقاها.

غرام سكتت ومش عايزة تتكلم مع حد. شافت رحيم جاي غمضت عينيها. رحيم شافها: عارف إنك صاحية وغمضتي عينك، أنا آسف. غرام فتحت عينيها وبصت له وقالت: مفيش كلام بنا تاني، كلامك مع مراتك وحبيبتك، وأنا بكرة الصبح همشي من هنا. رحيم: أنت لازمك راحة ومينفعش تخرجي، وأنا جنبك الشهر ده. هاكلمك، أنتِ مش عايزة تكلميني، براحتك. غرام: ممكن تسبوني أنام؟ أنا هنام هنا، تصبحوا على خير. رحيم غمزلها وقال لها: وانتِ من أهلي يا غرامي.

ناهد نامت جمبها، ورحيم طلع فوق مع مي. مي: إيه يا بيبي، مش وحشتك؟ النهاردة فرحنا يا حبيبي. رحيم بعد عنها: أنا تعبان والله يا مي ومحتاج أنام جداً، فنامي وبكرة نكمل كلامنا. مي في سرها: ما أنا العقربة دي مش هتاخدك مني، أنا هبعدها عنك. رحيم أخد شور وطلع نام، ومي كذلك. غرام قاعدة في الأوضة مش عارفة تنام وعقلها بيقولها: أكيد نايم جمبها وسابك هنا، ما هو اتجوز واحدة بيحبها.

قلبها: أكيد عمل كل ده لسبب غير الحب، أكيد تعبان ونام. غرام تعبت من التفكير فنامت، بس شافت حلم حلو أوي.