رواية رماني حظي العاثر عليه قلت ما أبيه و أتاريني ميته فيه الفصل السادس والثلاثون 36 - بقلم Misoo

.. في البحرين .. في بيت أبو جاسم .. كانوا قاعدين على السفرة يتعشون .. وطبعاً بعد ما انضم لهم سامي .. أبو جاسم: دريتوا إن مبارك حمد الـ.. خطب منى
شرقت بـ العصير .. منى: كح كح
أم جاسم وهي تناظره بغيض: الله .. شربي ماي حبيبتي شربي
ناظرته من طرف عيونها .. نهى:...................
سامي بإبتسامه: وأكيد أنت رديته لأن منى توها صغيره على الزواج
رفع حاجب وهو مو عاجبه الكلام .. أبو جاسم: وليش أرده بـ العكس أنا عطيته الموافقة من زمان
وقفت وهي فاتحة عيونها ندهشة .. منى: شنووو..! بس يبا أنا للحين ما قلت لك رايي .. أنا بصراحة يا يبا ماني موافقة عليه .. صليت واستخرت وما أرتحت أبد حسيت بضيقة ويوم نمت كل شوي افزع من الكوابيس
أبو جاسم وهو معصب: بس أنا صليت استخارة يوم اخترته لج
عصبت وانقهرت .. نهى: ليش أنت إلي بتتزوج ولاا هي علشان تصلي بدالها الاستخارة .. يبا حرام عليك ترخص فيها تراها بنتك .. لاتـ..
قاطعها بصوته الحاد .. وهو ينزل القفشه بـ الصحن .. أبو جاسم: جب ولااا كلمة هذا إلي قاصر بعد تحاسبيني ..ترى محد له كلمة من بعد كلمتي .. منى لـ مبارك ومبارك لـ منى ..
بعد ما قال إلي عنده تركهم وطلع من غرفة الطعام .. انقهرت وهي تقوم من السفرة وتطلع من غرفة الطعام وهي تتحلطم .. أما هو فـ هز راسه بـأسى من تفكير عمه .. سامي: الله يهديه
دمعت عيونها بقهر على حال بنتها .. أم جاسم: حسب يالله ونعم الوكيل .. حسب يالله ونعم الوكيل
نهى بغضب: والله شكلنا مالنا مكانه عنده علشان جذي يرخص فينا
.. قامت وراحت لـ أختها تواسيها ..
.. طقت الباب ودخلت .. جافتها قاعدة على السرير ولامه نفسها وصوت شهقاتها عاليه .. سكرت الباب وقربت لها وخذتها بحضنها تحاول تهديها .. نهى بأسى: بس يا قلبي بس .. وربي حاسه فيج بس شنو نقدر نسوي .. هذا أبوي طول عمره يقرر عنا
رفعت راسها وبوجه مليان دموع .. منى:أبوي بقراره هذا حطمني يا نهى حطمني
دمعت عيونها وهي تجوف انكسار اختها إلي كانت طول عمرها مصدر القوة بـ النسبة لها .. نهى: الله المستعان

.. في بيت أبو مبارك .. توه راجع من الشغل ويحس نفسه تعباااان وما يبي غير الفراش .. صعد الدرج متجهه لغرفته بس وقفه صوت أبوه في نص الدرج .. أبو مبارك: مبارك
لف لأبوه .. مبارك: هلاا يبا آمر
أبو مبارك: اليوم أبو جاسم اتصل لي وقال لي حياكم في أي وقت .. وأنا قلت له بعد بكرة بنكون عندكم بعد صلااة المغرب
كان واقف يناظر بأبوه ببرود عكس النار إلي شابه فيه .. هز راسه وكمل دربه لين وصل لـ غرفته .. رمى نفسه على السرير وهو يحس بقهر .. مبارك: الله يقطعها من سالفة تسد النفس

.. في اليوم الثاني ..

.. في بيت أبو أحمد .. في الصالة .. وضحى بترجي: يماا تكفين الله يخليج
أم أحمد بإبتسامه: خليها تسجل
أم وضحى بتنهيده: بس ما يصلح الحين
وضحى بإستغراب: ليش؟؟
ما كان ودها تكسر بخاطر بنتها بس إلحاح وضحى عليها خلاها تتكلم .. أم وضحى: لما تخلصين العدة بعدها سوي إلي تبينه بس الحين لاا
وقفت وهي معصبة .. وضحى: شنووو .. تبيني أنتظر لين أخلص العدة علشان أدرس .. و ولد أخوج اليوم بروح يخطب ما أجوفج تكلمتي وقلتي له توك مطلق .. وله هو حلاال عليه وحرام على غيره
أم وضحى بعصبية:أنا ما علي منه علي منج إنتي وبس .. وكلامي ماراح أعيده روحه للمعهد مافي لين تخلصين العدة
مشت وهي بقمة عصبيتها تتحلطم وتسب وتدعي .. صعدت لغرفتها وسكرت الباب بكل قوة ..

.. في بيت أبو جاسم .. خصوصاً في غرفة منى .. منسدحة على السرير تتكلم بـ التلفون .. منى ونفسيتها زفت: والله مالي خلق يا دانه
دانه:عفية مناااوي كل الشلة بتطلع مو ناقص غيرج تكفين
منى وهي تزفر:وين بتروحون؟؟
دانه: بنروح أمواج نتغدى وبعدها بنروح ستي سنتر نتسوق
اعتدلت بقعدتها .. منى: أوك بقول حق أمي وبرد عليج .. يلاا سلاام
دانه :أوكيك انتظرج سلملم
.. سكرت منها وقامت وطلعت من الغرفة متجهه لـ غرفة أمها وأبوها ..طقت الباب تستأذن الدخول .. سمعت صوت أمها يوصل لها من داخل الغرفة ..
أم جاسم: دخلي
دخلت وهي تبتسم ..منى: كيف حالكِ يا أماه؟
أم جاسم بإبتسامه: بخير
قعدت يم أمها وطالعت فيها وهي ترمش بـ عيونها .. منى: أقول ماميتو
أم جاسم : عيونها
زادت بترمش عيونها .. منى وهي تمثل الخجل: استـحي
ما قدرت تمسك نفسها ..أم جاسم: ههههههههه
منى وهي تحك راسها: أحم يما دانو توها متصله لي وتقول الشله كلها بتطلع ويبوني معاهم .. يقولون ما تحلوا الطلعة بدوني
هزت راسها موافقة ..أم جاسم: يا قلبي انتي وهم صاجين ما تحلوا لاا قعدة ولاا طلعة ولاا عزيمة ولاا حتى حفلة من دونج .. روحي يما غيري جو واستانسي
حبت راس أمها وهي تبتسم ..منى: تسلمين لي يا أحلى أم في الدنياا
أم جاسم وهي تربت علي يد بنتها: بس يا قلبي ما قلتي لي مع من بتروحين و وين والساعة كم بتطلعين ؟؟
منى: بطلع مع دانة وسبيكه ورقيه وسوسن .. بيمرون علي وبنروح امواج نتغدى وبعدها بنروح لمجمع الستي سنتر نتسوق .. وما بتأخر إن شاء الله على الساعة 10 ونص بكون في البيت

.. في بيت أبو سامي .. وخصوصاً غرفة نهى & سامي .. قاعدة على الاستواليت تمشط شعرها .. سمعت صوت دق خفيف على الباب ..عقدت حواجبها بإستغراب .. نزلت المشط وقامت وفتحت الباب طاحت انظارها على نور إلي واقفه تناظر بكل براءة ..
ابتسمت بحب ونزلت لمستواها .. نهى: حي الله شيخة البنات .. ها نوري
نور ببراءة: وين خالو ثامي ؟(وين خالو سامي)
نهى بإبتسامه: خالو ثامي في الثقل (خالو سامي في الشغل)
حملتها ودخلت للغرفة وقعدت على السرير .. نهى: الله نوري شعرج حلو وااايد من سواه لج إياه
نور ببراءة: ماما
هزت راسها مبتسمه .. نهى: وثيابج بعد حلوة
نور على نفس وضعها: ماما ثرت لي اياه (ماما شرت لي اياه)
نهى بضحكة:هههه كله ماما مافي بابا
هزت راسها بـ لا .. نور: بابا ثرالي علووث (بابا شرا لي عروس )
نهى: ألآآآي عندج عروس
هزت راسها بفرح .. نور: إي .. مثل خالو ثامي .. ماما دوم تقول لي خالو ثامي عنده عروث عاد أنا ألوح حق بابا أقول له انا بعد أبي عروث حلوة مثل خالو (مثل خالي سامي .. ماما دوم تقول لي خالو سامي عنده عروس عاد أنا أروح حق بابا أقول له أنا بعد أبي عروس حلوة مثل خالو)
نهى وهي تبوس خد نور: يا قلبي إنتي والله .. أصلااً إنتي أحلى مني بوااايد وعروستج اكيد مثلج حلوووة وااايد صح
هزت راسها نور بـ معنى إي .. نهى وهي تضحك: هههههه فديت الصريحين أنا هههههههه
فجأة حست بهمس عند أذنها .. سامي: دوم الضحكة يا رب
لفت عليه وهي حاطه يدها على قلبها .. نهى: بسم الله الرحمن الرحيم .. أنت متى رجعت .. ومتى دخلت الغرفة والله ولاا حسيت فيك
نور وهي ترفع يدها: خالووو ثامي
ناظرها وابتسم .. سامي : هلااا والله بـ نور عيني أنا
خذها وحطها بحضنه .. سامي : من كثر ما كنتي مندمجه بـ السوالف مع نور ما انتبهتي ولاا أنا دخلت مثل كل مرة
نهى بهدوء: تغديت؟؟
حط عيونه بعيونها وهو مبتسم .. سامي بهيام:وحشتيني
نهى ببرود: شدخل؟؟ أقول لك تغديت تقول لي وحشتيني؟؟ .. وبعدين وين وحشتك وأنت جايفني الصبح قبل لاا تروح الشغل؟؟
قامت وطلعت من الغرفة .. تنهد بقهر على حالهم .. ناظر بـ نور إلي تلعب بـ شعرها ولاا هي بـ عارفة إلي يحصل

.. في أمواج .. عند البنات .. بعد ما خلصوا غدى قرروا يمشون .. دانة بإستهبال: يلاا خل نتسابق وإلي توصل أول وحده على السيارة هي إلي تقعد جدام والباقي يترعص ورا
منى بعربجة: يلاااا
سوسن وهي تناظر بـ الناس: لاا وين فشلة الأوادم كلها تناظر تكفون لاا تسوونا مطنزة والله ترى بيصورونكم وبحطونكم بروكستات هههه وقسم بتصيرون نكته
دانة بخوف: تهقين ؟؟ بس خلاااص منوي خل نمشي مثل الأوادم ترى كلش مو ناقصة أنا مشاكل
منى وهي تتهفف: أووف أوك
.. وصلوا السيارة وركبوا وكان ترتيبهم كـ التالي .. سبيكة هي إلي تسوق ويمها دانة .. و وراهم سوسن بعدها منى وبعدها رقية
سبيكة :شرايكم أفحط شوي
دانة وسوسن: إي إي
منى بخوف: لااا تكفين
رقية بخوف مماثل لـ خوف منى: إي تكفين لااا
سوسن بلكاعة: وي عشتوا على شنو الخوف ترى كله تفحط ..!! معليج منهم سبوج يلاا قحصي
تهز راسها موافقه للكلاام إلي إنقال .. سوسن: إي يلااا فحطي معليج منهم
سبيكة بتهور: ما طلبتوا
صارت تفحط في السيارة وتتجاوز السيايير وهي تضحك وسوسن تصفق بوناسة ودانة تصفر ومنى وريقه يصارخون يطالبونها توقف
سبيكة بضحك: هههههههه لاا تخافون ترى مو أول مرة أسويها
منى بترجي: لاااا تكفيييين وقفي
رقية بـ صياح: سبوووج يا حماارة وقفي
لفت عليها وهي تضحك .. سبيكة: ههههه من صجج تصيحين ههههه
دانة بصرخـة : سبوج انتبهـــي
لفت تناظر شـ السالفة إلي هي بشارع ران سيد وسيارة يايه بسرعه .. الكل :آآآآآآآآآآآآآآآآآآآآآآآآآآآآآآآآ

.. في لندن .. قاعدة تتمشى وهي سارحة بـ فكرها بإلي صار أمس بعد ما طلعوا ربع جاسم ..
_:@*:*@*:*@*:*@:_
كانت قاعدة في الغرفة تحاول تدرس بس مو قادرة تركز من كثر الإزعاج .. ابتسمت وهي تخطر لها فكرة .. خذت الكرسي الموجود في غرفتها وصارت تطق فيه باب الغرفة بقوة .. سمعت أصواتهم إلي واضحة عليها الخوف .. ضحكت بـ صوت مكتوم وهي تسمع صوت باب الشقة يتسكر .. شوي سمعت طق على باب غرفتها .. جاسم من ورا الباب: تقدرين تطلعين
فتحت الباب جافته مازال واقف في مكانه .. ريما برفعة حاجب:خير؟؟
ناظرها من فوق لي تحت .. جاسم: إنتي إلي خير ليش تناظريني جذي؟
ريما بقهر: ليش اناظرك جذي لأنك واحد سخيف وما عندك أسلوب أبد
جاسم وهو متنرفز: احترمي نفسج ومحد سخيف غيرج وقبل لاا تتكلمين على أساليب الناس طالعي أسلوبج بـ الأول .. غبية
ريما بعصبية: محد غبي غيرك يا متخلف يا السوقي زين
قرب منها وهو ينافخ من كثر العصبية .. جاسم:جوفي عاد أنا في كل شي ممكن اتساهل وامشيها إلاا إنج تغلطين علي .. فـ نصيحة اقصري الشر وبلعي إلسانج لاا والله بتجوفين شي ما جفتيه
تكتفت وهي تناظره بـ عناد ..ريما بإستفزاز: خير خير يعني شنو بتسوي بتمد يدك علي مثلااً
جاسم وهو خلااص واصل حده: وأكسر راسج بعد
ريما بسخرية: هذا إلي قاصر بعد تمد يدك علي .. شكلك فاهم الرجولة غلط
ما حست غير بـ كف على خدها .. جاسم وعيونه حمرا من العصبية: جــب ولااا كلمة ساامعة ..ماهو إنتي إلي تقللين من رجولتي .. ريال عضبـ(ن) عنج وعن إلي يسواج بعد
تركها ودخل غرفته صافق الباب وراه ..
_:@*:*@*:*@*:*@:_
حطت يدها على خدها الأيسر وهي مغمضة عيونها .. ريما: إنت مثله في كل شي .. طبعة أسلوبه .. حتى كلاامة .. هـه حتى اسمه .. بس والله لاا أدفع الثمن غاالي يا جويسم الكلب

.. في البحرين .. في بيت أبو أحمد .. واقف يم المنظرة يعدل قترته (شماغه) وهو يصفر ويغني .. بعد ما خلص خذ عطرة وصار يتسبح بالعطر .. طلع من الغرفة في نفس اللحظة إلي طلعت منها هي و ويها منتفخ من الصياح إلي صاحته بسبب قهرها من امها .. عقد حواجبه بإستغراب .. أحمد: ما توقعت إن خطبتي بـتسوي فيج جذي .. شكلج من الصبح وإنتي تصيحين ؟؟
ناظرته بقهر ممزوج بحقد .. وضحى: وعععع أنا أصيح علشانك والله وإلي رافع سما إن في يوم طلاقي ما قد فرحت مثل ذاك اليوم وكأنه العيد تقول لي الحين أصيح عليك ..! أساساً إنت ما تهمني ولاا تحلم في يوم راح تهمني ترى وجودك وعدمه واحد عندي ..
مشت عنه وهي تتحلطم .. وضحى: والله هذا إلي ناقص بعد أصيح عليك وععععع
انقهر من كلامها والأكثر من اسلوبها ونظراتها المستحقرة له .. هز راسه وفي نفسه "تولي مو مهمة عندي علشان أعطي لـ رايها أي أهمية" .. نزل من الدري وجاف الكل قاعد بـ الصالة .. أحمد بإبتسامه: شرايكم فيني يبين إني عريس صح ؟؟
هزت أم أحمد راسها على مضض :إي ما شاء الله
لف على أم وضحى إلي ولاا معطته أي اعتبار: ...............
انقهر من الوضع إلي واضح إن محد منهم فرحان له .. أحمد بهدوء: يلا يبا
قام وطلع مع أبوه من البيت من دون ولاا كلمة .. أم وضحى بحزن:والله إني منقهرة من إلي قاعد يصير .. ما حبيت أكسر بخاطرة بس
رتبت على ظهرها تحاول تخفف عليها .. أم أحمد: حاسة فيج والله إني مثلج مقهورة بس خلااص شي صار وانتهى
وقفت وهي تحس نفسها بتنفجر .. وضحى: كااسر خاطرج وما حبيتي تكسرين بخاطرة .. بس أنا بطقاق عادي تكسرين بخاطري .. (وبقهر) أكرهـج .!
طلعت تاركه امها مصدومة من كلمتها ..

.. في أحد المستشفيات .. في الطوارئ .. في غرفة كبيرة فيها اسرة يفصل بين كل سرير ستارة .. منسدحة على السرير وهي تتحلطم .. منى: حسب يالله عليج يا سبوج يا إنج كنتي بـ تذبحيني
سوسن وهي تناظر برجولها بحزن: حرام عليج يا منوي كفاية هي متكسرة وحالتها تصعب على الواحد
منى بقهر: تستاهل محد قال لهاا قرعتهااا
دانة وهي تتألم: آآه يا راسي والله أحس بصدااع بيفجر راسي من الألم
منى بقهر: تستاااهلييين وأقل من جزاج بعد
كان يعالج بـ سبيكه النايمة بعد أبرة مهدء وهو يسمع الحوار إلي يدور بينهم .. كتم ضحكة وهو يسمعها تتحلطم مثل العجايز وتتحسب عليهم .. بعد ما خلص انتقل لها .. فتح الستارة جاف بنت منسدحة وشعرها منثور حواليها .. والعباية نصها مفتوحة .. قرب عندها وهو يبتسم .. مبارك: سلاامات ما تجوفين شر
ناظرته من طرف عينها .. منى: وين ما أجوف شر ليش في أكثر من هـ الشر
ابتسم وهو يهز راسه .. مبارك: حمدي ربج إنتي أحسن من غيرج في ناس ما يطلعون من حادث إلى سيدة على القبر
منى بألم: الحمد الله على كل حال
دخلت الممرضة بيدها فايل .. تكلمت معاه شوي وطلعت .. قرب لها وهو يبتسم .. مبارك: الحمد الله مافي أي كسور مجرد رضوض وجروح طفيفه
منى وهي تضغط على راسها: أحس راسي بينفجر من الألم
صار يكشف على راسها .. مبارك: هذا من الجرح لاا تخافين بس يبيله تعقيم ولف
منى بتحلطم: كله منهم الخيس والله توبة ما عاد أطلع معاهم مكان خربوا وناستي يعلهم إن شاء الله بـ إسهال يلاازمهم شهر
مبارك بضحكة: ههههه حرام
منى بقهر: لاا مو حرام وهذا أقل من جزاتهم بعد
وهو يعقم الجرح ..مبارك: حاقدة بقوة
أول ما حط المعقم نقزت .. منى: أحححح يحر
مبارك وهو يبتسم: شوي بس وأخلص
منى: أحح أحح بس بس مو لاازم والله يعور
مبارك بصبر: بس شوي .. هذاني خلصت .. بلف لج راسج
منى وهي تغمض عيونها: قسم إن يوم خايس كله منهم
كتم ضحكته وهو يهز راسه وفي نفسه "هههه الله يعين ربعها عليها وعلى دعاويها" .. مبارك: خلصت باقي يدج وريلج ألفها
منى وهي تحسب: حسب يالله ونعم الوكيل بصير ممياء من كثر اللف
مبارك: ههههه
منى بقهر:الحين شلون ألعب كورة حسب يالله عليكم يا سبوج وسوسنو ودانوه
وصلها صوت سوسن وهي تصرخ: بسج دعااوي عليـنا وهذا وإنتي ما صار فيج شي غير جروح طفيفة ورضوض وجذي حاااقدة
منى بعصبية: إي لأني قلت لكم بـ لاا تهور بس كل وحده وحمد الله والشكر عقلها في بطنها
ناظرها بإستغراب وهو يكتم ضحكته وفي نفسه "شدخل العقل في البطن ههههه والله هـ البنت مو صاحية"
.. شوي ورجعت دخلت الممرضة تكلمت مع مبارك وطلعت .. ناظرته وهي ألف علامة تعجب على راسها .. منى وهي تحك راسها: بسألك
ناظرها وهز راسه .. مبارك: آمري
منى بغباء: شنو قالت؟؟
ناظرها يبي يستوعب ولما استوعب ضحك .. مبارك: ههههه تقول لي إنها عطت المريضة إلي توني معالجها أبرة مخدر
هزت راسها بـ عبط .. منى: أهاا
مبارك وهو يلف ارجولها الملتوية: إنتي أي صف؟؟
منى بـ لكاعة: آآآخر سنة وأفتك
مبارك: هههه شكلج ما تحبين الدراسة ؟
منى بلوعه: وعععع أكره شي عندي في الحياة شي اسمه دراسة
هز راسه مبتسم .. مبارك: شلون لغتج في الانجليزي؟؟
في نفسها "كأنه واايد عطيته ويه بس يالله خل استهبل عليه" .. منى بإستهبال: بقول لك بس هاا ترى سر لاا تقول لـ أحد ولاا تضحك علي اوكي ؟
هز راسه مبتسم..مبارك:أوكي
منى على نفس وضعها: بصراحة بصراحة يعني والصراحة راحة .. كل إلي أعرفه هم أربع كلمات .. Yes No Sorry Thanks .. بس
ما قدر يمسك ضحكته .. مبارك: ههههههههههه مـ..
.. قطع عليه دخول أم وأبو جاسم .. إلي أول ما طاحت عيونه على أبوها وهو يناديها بـ منى .. حس كأنه أحد كاب عليه ماااااااااي بااااااااااااااااارد

نهايــــة البارت