رواية رنين الاسد الفصل الرابع 4 - بقلم فاطمة الزهراء

ملك بصدمة: إنت بتعمل إيه هنا؟ مالك بغضب: إنتي اللي بتعملي إيه هنا؟ زين بمرح: أه يا جماعة، إنتوا تعرفوا بعض؟ مالك وملك في صوت واحد: آه. لا. زين: آه ولا لا؟ مالك: أنا هحكيلك. وبدأ يحكي كل حاجة. زين: معلش يا مالك، دا أكيد سوء تفاهم. مالك: سوء تفاهم؟ دي واحدة مجنونة. ملك: إنت اللي مجنون وستين مجنون. أسد: إيه يا جماعة، فيه إيه؟ زين بمرح: أصلاً مالك طلع عارف ملك. مالك: اسكت يا زين بدل ما أجيبك من شعرك.

زين: لا يا عم. خلاص، دايماً كده إنت وأسد بتبوظوا البرستيج بتاعي. أسد بضحك: برستيج مين يا أبو برستيج؟ طب يلا عشان نمشي. زين: نغم هتركب معاك. وكمل بخبث: وملك هتركب مع مالك. مالك بصدمة: نعمممم؟ لأ مش هتركب معايا. ملك بغضب: وانت طولت أصلاً. وراحت ركبت في عربية مالك وطلعتله لسانها. مالك: واحدة مجنونة بس قمر. زين بمرح: بتقول حاجة يا مالك؟ مالك: أحم. لا، ويلا نمشي. زين: امم تمام. أمال فين اللي هتركب معايا؟

أسد: جاية هي ورنين أهو. وخرجت رنين، وكانت ترتدي ميني دريس وعاملة شعرها كعكة فوضوية، وكانت أمر. رنين: السلام عليكم. أسد: وعليكم السلام. أعرفك يا رنين، مالك وزين ولاد عمي وأصحابي، ومازن ابن خالتي وصحبي. رنين: تشرفت بمعرفتكم. زين بمرح: دا إحنا اللي تشرفنا يا ابن المحظوظة يا أسد. أسد بجدية: اخرس يلا بدل ما أعملك خريطة على وشك. زين: وعلى إيه؟ أمال فين نغم؟ رنين: جاية ورايا.

وهنا خرجت نغم، وكانت لابسة ميني دريس وسابة شعرها، وكانت جميلة. زين بصدمة: يالهوي! مين الصاروخ دا؟ نغم بكسوف: السلام عليكم. أسد: أعرفكم نغم. زين بصدمة: مين هي دي؟ نغم؟ أسد: إيه؟ فيه حاجة؟ زين: ها. لا. مفيش. يلا. وذهبت نغم وركبت في عربية زين. وراح زين وشوش أسد في ودنه وقال: زين: والله لو متجوزنيش بيها هقلع ملط هنا. أسد بضحكة رجولية: طب يلا يا خويا، وخف على البنت شوية.

زين: ها. طب إيه رأيك بدل ما يبقى فرح واحد يبقى فرحين؟ مالك: لا، وانت الصادق، يبقى تلاتة. زين: مين العروسة؟ مالك: المجنونة اللي في العربية. أسد: يلا يا ولاد المجانين. زين: يلا الله يسهلك. وذهب كل واحد فيهم لسيارته، واتجهوا إلى الصعيد. *** في الصعيد. الشرقاوي: كل حاجة مجهزة يا بنيتي، زمانهم على وصول. زينب بطيبة: متخافش يا عمي، كله جاهز. رهف: هما قدامهم قد إيه يا جدي؟ الشرقاوي: قدامهم 3 ساعات.

رهف: تمام. أنا هروح أشوف الأكل. زينب: خديني معاكي يا حبيبتي. وذهبت رهف وزينب إلى المطبخ. وقعد الشرقاوي قدام التلفزيون. وهنا دخلت سحر. سحر بغضب وزعيق: هو دا بجد يا جدي؟ الشرقاوي بغضب: إنتي اتجننتي يا بنت؟ إزاي تعلي صوتك على؟ بجد أسد جاي وهو ومراته؟ سحر بغضب: على جثتي لو الجوازة دي تمت. وهنا كف نزل على سحر من الشرقاوي.

الشرقاوي بغضب: لا، إنتي محدش عرف يربيكي وأنا اللي هربيكي. وندى على واحد من الغفر ياخد سحر يحبسها في البرندة. *** في العربية. كانت رنين نايمة على كتف أسد، وأسد بيشتغل. وخلص أسد شغل. أسد: مش عارف إذا كنت حبيتك ولا لأ، بس اللي أنا عارفه إني مش هسمح لحد يقربلك. وفي عربية زين. زين: أحم. هو إنتي يا نغم عندك كام سنة؟ نغم بإحراج: 20 سنة. ليه؟ زين: لا، أصل شكل فيه فرح قريب. نغم بعدم فهم: فرح مين؟

زين: ها. لا ولا حاجة. زين في سرّه: فرحي أنا وإنتي. وبص عليها، لاقاها نايمة. جي حط راسها على رجله وغطاها بالجاكت بتاعه. أما في عربية مالك. مالك: أحم. هو إنتي تقربي لرنين؟ إيه؟ ملك: وانت مالك؟ مالك بضيق: لو لسانك دا يتلم شوية بدل ما أقصه. ملك: تقدر تعملها؟ مالك بمشاكسة: لا طبعاً يا قمر. وغمزلها. تحول وجه ملك إلى اللون الأحمر من الكسوف. مالك: أه، ده إحنا طلعنا بنكسف أهوا. قوليلي بقا تقربي لها إيه؟

ملك: أحم. أنا وهي ونغم صحاب من واحنا صغيرين. مالك: امم. طب هو إنتي مرتبطة؟ ملك: نعمممم يا عنيا؟ وليه السؤال دا بقى؟ مالك: لا عادي. ها، مرتبطة؟ ملك: لا. مالك: تمام. مالك في نفسه: كان مبسوط قوي إنها مش مرتبطة. ****** عند أسد. أسد بيصحي رنين. أسد: رنين، قومي يلا، وصلنا. رنين بنوم: ونبي سيبني شوية، عايزة أنام. أسد بضحك: تنامي إيه؟ يلا وصلنا الصعيد. ولا أشيلك؟ وغمز لها بجرأة. رنين بإحراج: ها. لا، أنا قمت خلاص.

أسد بضحكة رجولية: طب يلا. رنين: الله، ضحكتك حلوة. أسد بخبث: ضحكتي بس؟ ونظر لها بجرأة. ونزلت رنين من العربية بسرعة، وهي في قمة الخجل. ودخلوا القصر، وكانوا البنات مبهورين بجماله. دخل أسد وراح سلم على جده. الشرقاوي بحب: إتوحشتك قوي يا حبيبي. أسد بلهجة صعيدي: وإنت اتوحشتك أكتر والله. الشرقاوي: أمال فيه العروسة؟ أسد: أهي يا جدي. وشاور على رنين. الشرقاوي: ما شاء الله، مراتك حلوة كيف البدر. وراحت رنين سلمت على الشرقاوي.

رنين بحب: إزيك يا جدو؟ الشرقاوي بحب: الحمد لله. إزيك إنتي يا مرت الغالي؟ وراحت رنين تسلم على عمام أسد وعلى مرات عمو زينب. زينب بحب: ما شاء الله، مراتك كيف الجمرين يا أسد، زين ما اخترت. أسد وهو بيحضنها: لا، وجامدة. زينب بضحك: ربنا يهنيكوا يا ولدي. وراح أسد سلم على عمته، وقال: أمال فيه مرات عمي حسن وسحر؟ الشرقاوي: أصلاً راحوا مشوار، وزمانهم جايين. ولاحظ الشرقاوي البنتين الواقفين هناك.

الشرقاوي بحب: تعالوا يا بنات، واقفين هناك ليه؟ وراحوا نغم وملك يسلموا على الشرقاوي. الشرقاوي: ما شاء الله، كيف الجمر. ملك ونغم بكسوف: شكراً يا جدي. الشرقاوي: واقفين ليه هناك يا جزمة؟ إنتي وهي مش هاتيجوا تسلموا عليا؟ زين بمرح: حبيبي يا جدي، كيفك؟ اتوحشتك قوي. الشرقاوي: وأنا والله يا ولدي. كيفكم؟ وكيف أخبار الشغل؟ مالك: كويسين الحمد لله، والشغل تمام. الشرقاوي: دايماً يا ولدي. أمال فين مازن؟

أسد: مازن هيتأخر شوية، هييجي على بليل. أمال فين رهف؟ رهف: أنا أهو يا بيه. إزيك؟ اتوحشتك قوي. أسد وهو يحضنها: وإنت أكتر يا جلب أخويا. رهف: أمال فيه مراتك؟ أسد: أهي. رهف لرنين: الله، إنتي حلوة قوي. رنين بكسوف: دا إنتي اللي عينك حلوة. أسد: تمام، خلوا حد يطلع الشنط على الجناح. الشرقاوي: تمام يا ولدي. اطلعوا على فوق استريحوا، وبعد شوية حد يطلع يصحيكوا. أسد: تمام. وطلع كل واحد فيهم على الجناح الخاص بيه. ***

في قصر محمد السيوفي. محمد بغضب: إزاي دا يحصل؟ مجهول: والله معرف يا باشا. محمد: طب غور من وشي يلا. محمد.