رواية رواسي الدهر الفصل العاشر 10 - بقلم روح الدليمي

مرت أيام وصارت شهور. كله روتين. أروح للمستشفى، أرجع، أتغدى، أنام. بعدين أبقى أطبق كل شيء أتعلمه على راس البنات. وهيك مشت أيامي. علاقتي برسيم زينة نوعاً ما، لولا عصبيته. بس أبد ما كان يضربني أو يأذيني بأي شيء. وجفصاتي اللي مالها نهاية. تغير نوعاً ما وصار قليل كلش يحجي وياي. وما عرفت شنو سبب تغيره المفاجئ. كعدت على صوت صياح مالي البيت كله. تأفأت بضجر وگلت: "اليوم عطلتي، حتى بالعطلة ماكو نوم وراحة؟

گمت من مكاني، غسلت ونزلت جوه. شفت غسان ورسيم ديتعاركون وأصواتهم عالية. البنات واگفات يهدون بيهم بس محد يسمع منهم. غسان: أنتَ **** شلوووون هيج تسوييي؟ رد عليه بصياح: رسيم: حياتي مالكم علاقة بيها. آخر مرة أگول. تقدمت يم البنات وحجيت متسائلة: رواسي: شبيهم؟ شكو؟ رفعت أكتافها وگالت: رشا: ما أعرف. من نزل رسيم همَّ بس يتعاركون. تقدمت على رسيم، لزمته من ايده وحجيت بقلق: رواسي: رسيم اهدئ، هسه هم يرتفع السكر عندك ويصير بيك شي!

نتر ايده مني وگال بعصبية: رسيم: لتتدخلييين! عاط بي غسان وگال بعصبية وانفعال: غسان: احجي وياها ب احترام، لا أطيح حظك. وحق عليّ فوق عملتككك الغبية تصيح عليها؟ وجهت نظراتي لغسان وحجيت متسائلة: رواسي: يا عملة؟ شكو شصاير؟ بحركة سريعة من رسيم دفعني و وگعت بالگاع. عدل على ظهري. بنفس اللحظة صار ينزل مني ماي الراس وصار عندي ألم كلش قوي. عطت بصوت عالي رجيت البيت رج. دموعي صارت تنزل متألمة.

البنات أجو يمي يحاولون يسندوني أكوم، بس ما أكدر. تيبست بمكاني من قوة الوجع. بس أصرخ بصوت عالي. بعدني بالسابع مو وكت أجيب هسه أبد. گالت عذراء بخوف: عذراء: ولججج رواسييي عزا بعيني، طك عدها ماي الراس! رفعت عيوني باوعتله واكف متصنم بمكانه، وفاتح عيونه مصدوم من عملته. ضربه غسان بوكس بنص وجهه وعاط بي: غسان: شيييييل مرتككككك بسرعههههه!

تقدم عليه، شالني من مكاني وأني ألوب بين ايده. قربت روحي على كتفه وعضيته منه بكل قوتي. ويه كل لوية تجيني أزيد بالعضة أكثر. حطني بالسيارة بدون ميحجي شي. وأني بقيت أغلط عليه وأصيح بصوت عالي: رواسي: شسوييييتللككككك يا نذلللل، قندرة عليييك رسيييمم الله ياخذكككك ويخلصني منككك! عطت ب ألم لما زاد عليه الوجع. لزمت ايده نبتت أظافري بيده وحجيت بصياح: رواسي: الله ياخذذككككك الله ياخذكككك، بسرعهههه راح أمووووت!

زاد سرعته بدون ميحجي. باوعتله متوتر كلش والعرق يصب من جبينه. وصلنا لعيادة دكتورتي. أجه عليه شالني، ما أكدر أدوس على رجلي. تگطعت تگطع من الوجع. فوتني بسرعة لأن حالتي متسمح أنتظر. نومني على سرير الفحص والدكتورة فحصتني گالت ب استعجال: "هسه فوراً للمستشفى، عدها ولادة و ماي الطفلة كله نازل. متتحمل تبقى أكثر." حجيت بقهر وألم: رواسي: بنتــيييي بيها شي؟؟؟

"ان شاء الله ماكو شي، لازم بسرعة نولدج. اسبقيني للمستشفى، جايه وراكم أني." ساعدني رسيم عدلت ملابسي ورجع شالني. أخذني للسيارة واتجهنا للمستشفى. فوراً جهزوني ودخلوني لغرفة الولادة. صحت بصوت على الدكتورة: رواسي: ما أريد طبيعي، سويلي عملية. "عندج توسع و الطلگات متقاربة، تكدرين تولدين طبيعي." عصرت رجلي بقوة وعطت: رواسي: مااا ارييييد ما اريييد، ولكممممم اريييييد امي جيبووووهاااا!

حاولت وياي تريد تقنعني وزاد عندي الألم أكثر. وكفت كدامي بين رجلي وگالت ب استعجال: "خلال خمس دقايق تولدين، يلا الطفلة راح تموت إذا تبقين هيج." صرت أسوي مثل ما تكول وأحاول أضبط نفسي. وكل متجيني الطلوگه أدفع. بقيت خمس دقايق وبعدها سحبت الطفلة مني وأني تخربطت. استرجعت وعيي بعد فترة. فتحت عيوني باوعت حواليه بغرفة خاصة. البنات گاعدات ورسيم وياهن. حجيت بصوت خافت: رواسي: وين بنتي؟

گامن البنات من مكانهن وأجن يمي. بوسوني وتحمدولي على السلامة. باوعتلهم حجيت والدموع متجمعة بعيوني: رواسي: بنتي وين؟ ماتت مو؟! رشا: لا اسم الله، بس تحتاج تبقى بالخدج لفترة. رئتها مو مكتملة بعد. غمضت عيوني ونزلت دموعي حجيت بقهر: رواسي: اخذوني عليها أريد أشوفها. عذراء: ارتاحي هسه وبعدين تشوفيها. باوعت على رسيم وأشرت عليه وحجيت بجدية: رواسي: خليه يطلع، ما أريد أشوفه. گام من مكانه طلع من الغرفة بدون حتى ميحجي ويايه. شبي؟

شنو غيره وليش هيج يتصرف ويايه وأذاني؟ بقيت يوم والثاني طلعوني. أجه عليه غسان أخذنا أني ورشا لأن بقت يمي هيَ. صعدنا بالسيارة وگلت: رواسي: وديني لبيت أهلي. غسان: خابري رسيم بلغي وبعيوني وأوديج. حجيت بجدية بصوت هادئ: رواسي: رجاءً غسان وديني لاهلي. إذا متريد تاخذني أنزل آخذ تكسي وأروح أني. غسان: أني آخذج تدللين، بس لازم ننطي خبر لرسيم. شال تلفونه واتصل عليه. بگه ساكت شوي وگال:

"أي، هسه راح نطلع. راح آخذها لاهلها. عوفها ترتاح هالفترة وبعدين تتفاهمون. انجب ولتغلط، أطيح حظك والله. درووح شاطر بس تصيح. وروح أبويه وأمي إذا أجيت للبيت راسك أكسره... يلا ولي." سده بوجهه وباوعلي من المراية. دموعي تنزل مقهورة وخايفة على بنتي ليصير بيها شي. غسان: لتجين رواسي، ماكو شي يستاهل تبجين علموده. حطيت ايدي على حلگي أمنع شهگتي تطلع وحجيت بغصة: رواسي: بروح أهلك غسان احجيلي رسيم شمسوي؟ رفع عينه على المراية

ورجع يباوع للطريق وگال: غسان: ما طلك هيا، ماخذلها بيت قريب على أهلها ومگعدها بي. بقيت ساكته ما حجيت شي. نار وگبت داخلي بس مستحيل أبين لأي شخص. أجاني صوت أشعار على تلفوني. طلعته من الجنطة باوعت رقم غريب. دخلت للمحادثة دازين صورة. انتظرتها تحمل وانصدمت بيها!!! صورة رسيم نايم وهيا بحضنه ومكتوب جواها: "حبيت أشكرج على هاي الهدية الحلوة."

الطريق كله بقيت ساكته وبس دموعي تنزل. وصلنا لبيت أهلي. بعدها ما واكفة السيارة فتحت الباب ونزلت بدون حتى ما أشكرهم. دخلت ودگيت باب البيت. بقيت أنتظر شوي ونتفتح الباب صار بوجهي رسيم! تراجعت خطوتين وره درت وجهي عنه وحجيت بنتر: رواسي: وخرر عن طريقي أريد أدخل. رسيم: گدامي بسرعة بدون أي كلام زايد. دفعته أريد أدخل. لزم ايدي لواها وخلاها وره ظهري وعاط بيه: رسيم: تردين تنكتلييين روسيه؟ عطت بصوت عالي:

رواسي: بااابااااا تعاااال! طلع أبوي مفزوع شاف رسيم شلون لازمني عاط بي: راشد: عوووفهااا ***! نتر بيرسيم: لتدخل بين الرجال ومرته، خليك بعيد عني ٢٠ متر أحسن الك. تقرب أبوي أكثر لزمني من ايدي الثانية وسحبني من يم رسيم بقوة وخلاني وره ظهره وعاط برسيم: راشد: امشييي منااا لا والله أشتكي عليك وأگول تعدى علينه. اندار عليه وأردف: راشد: فوتي بابا، أمج جوه تنتظرج. نتر بيه رسيم ونظراته كلها غضب:

رسيم: إذا تخطين خطوة وحدة بس، تنسين بنتج. عطت بي وحجيت بقهر: رواسي: إذا حرمانك الي من بنتي يخليك تعوفني بحالي، خذها رسيم ما أريدها. خذها وخلي مرتك الثانية هيَ تربيها. گال متسائل: رسيم: ياا مرههه ثانيهههه! فتحت تلفوني وشوفته صورته هوَ وهيا وحجيت بعصبية: رواسي: هااااييي شنووو رسييممم؟؟ كتلييي طلكتهاااا وعركتك ويه غسااان البارحه لأن كشفك بعدك متزوجهااا! وتكلي يا قندرهههه! عفته يحجي ويصيح:

رسيم: ماااا نايييم يمهااا والله! دخلت للبيت دورت لأمي لگيتها بغرفتها بس شافنتني گامت من مكانها ممصدگه بوجودي يمهم. حضنتها بكل قوتي وصرت أشهگ بالبجي. گعدتني على الجرباية حطيت راسي على رجلها وبقيت أبجي بدون انقطاع لحد ما غفيت ودموعي على خدي.

گعدت الصبح شفت روحي بعدني فراش أمي وأبوي. گمت متكاسلة ومتألمة بعدني بسبب الولادة بس لازم أكوم. عندي دوام أريد أخلص، هوَ بس هالكم شهر بقالي وأخلص آخر سنة عندي، سنة التطبيق. گمت دخلت للحمام وغسلت وجهي ورجعت للغرفة. فتحت كنتور أمي أدورلي شي ألبسه. آخر شي طلعت تنورة ورهمت وياها قميص. لبستهن طلعن حلوات. مشطت شعري وتركته مفتوح. نزلت جوه لگيتهم گاعدين بالصالة. أمي بس شافنتني گامت عليه لزمتني من ايدي گعدتني وگالت متسائلة:

جميله: وين بنتي؟ رواسي: عندي دوام. جميله: گعدي يا عيوني، مصارلج يومين من والده، يا دوام. باوعت لابويه وحجيت ب أسف: رواسي: أسفه، أسفه على كل شي حجيته وسويته وياكم. راشد: كل شي سويتي ما ألومج عليه أبد، لا اني ولا أمج نگدر نلومج. باستني أمي وگالت: جميله: لومنا الوحيد عليج هوَ إنج تزوجتي رسيم و ورطتي روحج وياه. نزلت دمعتي مسحتها بسرعة گمت من مكاني وگلت: رواسي: بابا ممكن توصلني للمستشفى؟

راشد: لتضغطين على روحج، اجليها هاي السنة. هزيت راسي مموافقة على كلامه وحجيت: رواسي: لا أبد، أريد أكمل وأخلص. كلها كم شهر. گام من مكانه وگال: راشد: يلا أمشي، بس إذا تعبتي رأساً خابريني أجيك. هزيتله راسي وأخذت جنطتي وطلعنا من البيت. وصلني للمستشفى ووصاني على روحي وراح بعدها. رحت لغرفة الدكتور واعتذرت منه على غيابي البارحه وبلغته بولادتي. گال: "جان بقيتي كم يوم لتعبين روحج." رواسي: لا دكتور، مرتاحة اني. "بنتج وينها هسه؟

رواسي: بالخدج، بس أخلص دوام أروح أشوفها. هز راسه وگال: "من تحسين روحج تعبانة، ارتاحي خوش بنتي؟ رواسي: ان شاء الله. أني أروح على شغلي. طلعت من عنده ورجعت لشغلي. كل ما أحس روحي تعبانة أو يصير عندي ألم أكعد أريح روحي والكل تعاونوا ويايه وما ضغطوا عليه أبد. خلص اليوم وأنتهى دوامي. خابرت أبويه يجيني گال: راشد: أني برا حبيبتي، طلعيلي. طلعت شفته گاعد بسيارته صعدت السيارة وحجيت: رواسي: اخذني لبنتي أريد أشوفها.

أخذني للمستشفى الي ولدت بيها. نزلنا سوه وصعدنا للطابق مال خدج. حجيت ويا الممرضة وگلتلها على بنتي. أخذتني الها گالت: "تكدرين تشوفيها منا، ميصير تدخلين يمها." هزيتلها راسي وتقدمت على الجامّة حطيت ايدي عليها وبجيت. أبوي حط ايده على كتفي وگال: راشد: ان شاء الله تصير أحسن وتطلع، لتجين. أنتِ هم بقيتي شهر بالخدج. رفعت عيوني عليه وحجيت بقهر: رواسي: بنتي راح تعيش مو؟ ابتسم بوجهي وجاوبني:

راشد: ب إذن الله، بنتج قوية مثلج ان شاء الله تطلع وتمليها بحبج وحنانج أنتِ وأبوها. رجعت أباوع عليها شلون نايمة بس بالحفاظة وجهاز الأكسجين بخشمها وأجهزة وگانونة بيدها. حجيت بكسرة: رواسي: بابا خلي رسيم يطلكني. راشد: وبرأيج هوَ يسمع مني؟ رواسي: ما أريده تغير وصار زين وعلى غفلة گلب وتغيرت كل تصرفاته. گال طلكتها وطلع يضحك عليه. يگذب عليه، كسرنييي هوَ. كسر فوك كسر صعب يتجبر ويتشافى بابا. أخذني بحضنه وگال بحنية:

راشد: أطيح حظ حظه إذا ميطلكج، الي تردي يجرالج روسي. بقيت واگفة أباوع عليها ودموعي تجري. صغيرة كلش بعدها نموها مو كامل. إذا يصير شي ببنتي أموت وراها والله. بقيت فوگ النص ساعة أني على نفس گفتي ودموعي ما وكفت ولا لحظة. أبجي على بنتي وعلى روحي والحالة الي وصلت روحي الها. دعيت من كل گلبي الله يحفظها الي من كل مكروه.

رجعنا للبيت حالتي منهارة كلش. أول ما دخلت بوجهي لغرفتي. دگ تلفوني طلعته من الجنطة رسيم ديتصل عليه. رفضته وسويتله حظر من كل مكان و شمرت تلفوني. تمددت بالفراش ونمت من گد التعب الي بيه والبجي والنوح. گعدت بليل طلعت من غرفتي أريد أستوعب أني وين. نزلت جوه لگيت رسيم گاعد وأبويه يسولف وياه منفعل وهوَ مثبت ايده على رجله وضاضغ بيها على راسه: راشد: البنية متريدكككك گوه يعني!

رسيم: إذا مترجع ويايه أولاً أشتكي عليك ثانياً آخذها لبيت الطاعة وبكيفكم بعد. دخلت يمهم رحت ب اتجاه أبوي بسته وگلت: رواسي: راح أسويلك جاي وأجيك. راشد: تسلميلي روسيه. عاط رسيم بغضب: رسيم: لتكووول قندره! راشد: لحد هسه محترمك لأنك ببيتي، اسكت لا ألعب القندرة على راسك. هز راسه متوعد وگال: رسيم: يصير خير، بسيطة. تعديت من يم رسيم بدون ما أنظرله رحت للمطبخ على أمي واكفه يم الباب تتسمع عليهم. بستها وگلت:

رواسي: حراام أمي حراام. جميله: أبوچ ما خلاني أبقى گاعدة يريد يسولفون وحدةم. صار ساعة تكسرت رجلي. ضحكت وگلتلها: رواسي: سمعتي شيكول؟ يريد ياخذني لبيت الطاعة. جميله: هذا مخبل يسويها صحيح. حطيت مي بالقوري وجاوبتها: رواسي: أي والله مخبل وراح يخبلني وياه. رجعت تتسمع عليهم وأني حطيت الجاي على النار وكعدت. سمعت صوت أبويه يصيح بأسمي. طلعت رحت يمه وگلت: رواسي: عيوني. راشد: يريد يحجي وياج، كعدوا احجوا سوه. حجيت بجدية:

رواسي: ما أحجي بعد ويه واحد نذل. عاط بيه فززني: رسيم: أكوممم أكسر راسج والله، شوكتت تتأدبين أنتِ؟ غلست عليه مجاوبته وحجيت: رواسي: ياريت يطلع من البيت، مجرد ما أسمع صوته يصير عندي لعبان نفس.

عفته يصيح ورجعت للمطبخ شفت الجاي ديفور. نصيت جواه وحظرت استكانات ثنين، صبيته وأخذته. رسيم عدل گعدته وجهز روحه حتى ياخذ الجاي. قدمت لابويه وأخذت الثاني بيدي وكعدت يمهم أشرب بي. أبويه عافنه وگام بدون ميحجي شي. رفعت عيوني عليه رافع حاجبه ويخزر بيه. فوگ شينه گواة عينه. بعدت نظراتي عنه وگلت: رواسي: ياريت تجيبلي ملابسي وأغراضي. جاوبني بجدية ونتر: رسيم: تحلمين حلم، أبقيج هنا. رديت عليه بنفس النبرة:

رواسي: وأنتَ تحلم حلم، أرچعلك بعد سوايتك ويايه. كلشي تحملت منك وحبيتك برغم كلشي سويته بيه! أخذتني ضرة على وحدة ثانية وهم سگتت. گلتلي راح أطلقها وصدگتگ. تالي شسويت رسيم؟ جاوبني ببرود: رسيم: شسويت؟ عطت بي: رواسي: كسرتتنييييي، كسرت روحي وگلبي.. ليش كذبت عليه وگتلي طلكتها وطلعت ماخذلها بيت مگعدها بي وممطلكها؟؟؟ ضحك بسخرية وگال: رسيم: ليش أنتِ گزاز حتى تنكسرين؟

الاستكان بيدي شمرته عليه والجاي صار بكل مكان. گام عليه يريد يضربني رفعت ايدي على راسي أحمي روحي منه. تراجع ونزل ايده وگال بهدوء: رسيم: روسيه باباتي، ما گدرت أعوفها والله طفلة بعدها. نترت بي: رواسي: جااان ما تزوجتني رسيمم! رسيم: إذا أطلكها گدامج ترجعين؟ عطت بي وحجيت بجدية: رواسي: حلمممم، تعرف شنو يعني حلممم! تحلم أرجع وياك بعد. وأنتَ شتريد تسوي سوي، ميهمني. سحبني عليه بكل قوة وأني أنضربت بصدره. ردت أبتعد

شدني أكثر وگال بهدوء: رسيم: متگدرين بدوني. ضحكت وحجيت ب استهزاء: رواسي: ليش أنتَ أكسجين وأني ما أعرف؟ لو أكل أو شرب حتى ما أگدر بدونك؟؟ لككك أنتَ گلك متهمني بگد ما تهمني نفسي وأني رخصتها الك هوايه ولهنا و حدككك. ما أسمحلك ولا أسمح لنفسي أرخصها أكثر. گرصني من خصري بقوة وگال: رسيم: أني أعرف شلون أكسر راسج، يصير خير رواسي. ضربته على ايده بقوة ونترت بي: رواسي: أمشي ولييي، لا والله أستلمك دگكك بالقندرة على صماخك.

عصر شفتي بيده وحچه بتهديد: رسيم: نشوف القندرة على صماخ منو تتدكدك. قرب روحه عليه وطبع بوسة على شفايفي وابتعد عني. طلع من البيت بدون ميحجي شي ثاني. دخلت للمطبخ أخذت وصلة وأسفنجة بيها صابون ورجعت للصالة أمسح بالجاي. دخلوا أمي وأبوي. گعدوا وأبوي گال: راشد: روسيه حبيبتي تعاي گعدي نحجي. حجيت وأني أجلف بالزولية بكل قوتي: رواسي: احجي بابا أسمعك. جميله: عوفيها بنتي ما عليها شي، اني بعدين أسويها.

رفعت ايدي على راسي وبعدت شعري بزندي عن وجهي. وگلت: رواسي: لا، أني أسويها. احجوا أنتو اسمعكم. راشد: رسيم راكب راسه ميقبل يطلكج. رواسي: أي عادي أتطلك منه غيابي نفس المرة الفاتت. جميله: هذيج المرة چان بالسجن وعندج سببج. هالمرة منو يقبل يطلگج وهوَ كلشي ممسويلج؟ وتزوجتي برضاتج، محد جبرج عليه. عفت الوصلة من ايدي باوعتلهم وحجيت: رواسي: يعني شنو؟ فرك وجهه وگال: راشد: يعني ولا سيد أو شيخ راح يقبل يطلگج منه. گمت من مكاني

أخذت الوصلة والسفنجة وگلت: رواسي: أي خلص، ما أتطلك منه بس ما أرجعله. أبقى هيج. عفتهم ودخلت للمطبخ بدون ما أحجي أو أسمع شي منهم. غسلت ايدي ورجعت گعدت. أمي گالت: جميله: شتريدون أسويلكم أكل؟ راشد: ماكو داعي تسوين، بالنسبة الي مو جوعان. جميله: لا علمود رواسي لازم تتغذى زين، توها جايبه. باوعتلها وحجيت: رواسي: أني هم مو جوعانة وما أشتهي أصلًا. راح أروح أنام. صعدت لغرفتي لگيت تلفوني ديدك. أخذته بيدي ورديت. عذراء جانت دتتصل:

رواسي: هلا عذوره حبيبي شلونج؟ عذراء: روااسييي شمسوية أنتِ؟؟؟ حجيت ب استغراب: رواسي: شمسوية؟ عذراء: ولجج رجع رسيم متخبل، مابقئ شي بالبيت صاحي، كسر كل شي كل شي. رواسي: هوَ مخبل مو شي جديد يعني! عذراء: يحلف ويتوعد ويريد يشتكي على أبوچ. رواسي: شيسوي خلي يسوي، بس رجعه اله ما أرجع بعد. عذراء: گال باچر راح يطلع هيا من المستشفى! يريد يجيبها هنا وهيَ بعدها. رواسي: شبيها بالمستشفى ليش؟ عاطت بيه: عذراء: ولججج بنتج بنتجججج!

رواسي: بنتي بعدني حتى ما سميتها، شوكت صار اسمها هيا؟ عذراء: أووف منج رواسي، أگلج يريد يجيبها وهيَ بعدها مصايرة زينة وأنتِ كل همج الاسم! حجيت متنرفزة: رواسي: أني أعرف أتصرف وياه. روحي خلي أخابره. عذراء: لتخابري هسه معصب كلش. رواسي: أني أعرف شلون أخليه يهدئ روحي. سديته من عدها أعصابي براس خشمي. شلت الحظر عنه وخابرته رأساً. جاوبني بصوت هادئ: رسيم: باباتي. رواسي: رسيم تعال اخذني. رسيم: ترجعين؟

رواسي: تعال بسرعة انتظرك أني. سديته من عنده بدون ما أسمع جوابه. طلعت من غرفتي رحت لغرفة أمي. فتحت الكنتور طلعتلي فستان طويل من عدها لبسته. أخذت أغراضي من غرفتي ونزلت جوه. أبوي بس شافني گال متسائل: راشد: وين رايحة رواسي؟ رواسي: رسيم راح يجي ياخذني. جميله: ترجعيييين! رواسي: بس نحجي، إذا يبقى هيج يسوي شغلات تدمرنا كلنا.

بقوا ساكتين ما حجوا شي. عفتهم وطلعت للحديقة. گعدت على المرجوحة أنتظر رسيم. صاير عندي برود بمشاعري مو طبيعي. ما چنت هيج أني أبد. عليه رسيم. رفضته وطلعت صعدت السيارة وگلت: رواسي: اخذني للبيت الي خطفتني بي. دار وجهه عليه يباوعلي مستغرب من طلبي وگال: رسيم: متأكده؟ رواسي: أي يلا. بس قبلها اخذني للصيدلية. رسيم: صار. حرك سيارته وأخذني للصيدلية. أول ما وكفت السيارة نزلت بدون كلام. دخلت للصيدلية وگلت: رواسي: أريد علاج ***.

بقه يستفسر شنو السبب ولازم وصفة طبيب. ألف كذبة كذبت لحد ما اقتنع وانطاني الي طلبته. رجعت طلبت منه مسكن وشاش طبي. انطاني دفعت الحساب وطلعت. صعدت بالسيارة وگلت: رواسي: يلا خلي نروح. مد ايده على ايدي قربها عليه وطبع بوسة عليها وگال بحب: رسيم: أحبج رواسي والله العظيم أحبج. درت روحي عليه وحجيت بنفس نبرته: رواسي: وأني أحبك حبيبي، ما أتحمل أبقى بعيدة عنك. سحبني من كتفي قربني عليه وطبع بوسة على راسي، وگال:

رسيم: آسف لأن دفعتج بس جنت معصب كلش. رواسي: حاول تسيطر على عصبيتك رسيمي. زاد سرعته وگال: رسيم: دلع جديد، بس يبقى أحسن من القندرة. ضحكت وابتعدت عنه حتى يسوق براحته. بعد مدة وصلنا للبيت. نزلنا من السيارة گتله: رواسي: افتح الباب بس اريد آخذ ورد من الحديقة. رسيم: لتتأخرين أنتظرج. راح هوَ وأني طلعت العلاج من الجنطة. درت منه على الشاش وابتسمت بخبث. دخلت للبيت لگيت رسيم واكف يسوي بالتلفزيون. قربت روحي عليه وحضنته ب ايد

وحدة من وره وگلت بهدوء: رواسي: عندي مفاجئة الك. غمض عيونك. غمض عيونه والابتسامة على وجهه. لثانية وحدة انبنى ضميري بسبب تفكيري. بس تشجعت. صعدت على القنفة وصرت وراه. مديت الشاش وحطيته على خشمه وضغطت عليه بكل قوتي وهمست بأذنه بنبرة قوة: رواسي: انتقلبت الأدوار أستاذ رسيم، صار دوري أردلك الي سويته بيه...