رواية رواسي الدهر الفصل الثاني عشر 12 - بقلم روح الدليمي

بقيت اباوع بوجوههم كلهم، أمي تصرخ بخوف. أبويه واكف مصدوم. باوعت لرسيم، واگع بالگاع والدم يجري من عنده. "صخاام بوجهج رواسي، شسويتييي أنتِ!!! دفعني أبويه من مكاني ونزل روحه على رسيم يحاول يصحي. أمي اجت عليه تتفحص بيه تشوفني تأذيت أو لا. بعدتها عني وحجيت بتوتر وخوف. "مااات؟؟ بااااباااا رسيييم ماااات؟؟ گال ب استعجال. "لا عايش بي نبض، تعاي ابقي ضاغطه على الجرح بسرعه."

تقدمت كعدت يم رسيم، سحبت شال امي من راسها وصرت اضغط بي بكل قوتي حتى يوكف النزيف. بقيت اباوع عليه وحجيت. "هاي ثاني طلقه تجيك مني رسيم، شنو تسوي بيه بعد ما الومك." أبويه شايل تلفونه ويتصل، ما اعرف على منو بس واضح انو محد يرد عليه. رجع عليه وگال. "خابريييي اخوانهه بسرعههه." باوعت حواليه متوتره وخايفه. گلبي ينبض بقوه، اذا يصير بي شي كل حياتي تتدمر!! حجيت بخوف وتوتر. "ت ت تلفوننييي وينههه." أمي طلعت تلفوني وانطتني ياه.

بقيت ضاغطه على بطن رسيم بمكان الطلقه وبالايد الثانيه خابرت على غسان. رأساً رد عليه وحجيت منهاره. "تعال فدوه راح يموووت." جاوبني بخوف وتساؤل. "منوو وين أنتِ رواسي؟؟ رسيم وينه؟؟؟ "ببيت اهلي راح ناخذه للمستشفى تعالو هناك." شمرت التلفون بعيد عني وباوعت لرسيم. يفتح بعيونه ويغمضها. طبطبت على وجهه وحجيت بخوف. "رسيممم حَبيبي تسمعني باوع عليه، افتححح عيونككك لتمووتتت رسيمممم.. اني لازم امووت مو أنتَ."

اندك باب بيتنه بقوه، ركض أبويه فتح الباب واجه عمي وولده ومن ضمنهم ادم. بسرعه تعاونوا شالوا رسيم وحطوه بالسياره واخذوه. طلعت وراهم اركض بس ما لحكت عليهم. ركبت سياره رسيم وخابرت على ادم، جاوبني گال. "بمستشفى الي تطبقين بيها تعالي هناك." حركت ورحت للمستشفى. نزلت مثل المخبله ما اعرف شسوي وبس دموعي تنزل. دم رسيم بيدي وعلى ملابسي. انهاريت بمكاني وكعدت بالگاع ابجي بصوت عالي. ويه كل جرة نفس شهكه تخنكني.

التموا عليه العالم يردون يعرفون شبيه. تقدم عليه ولد شاب مدلي ايده كومني من مكاني وگال بهدوء. "اهدئي تعالي فوتي جوه خلي اشوف شبيج." حجيت بقهر وتوسل. "هسه جابوا واحد متصاوب وينه اخذني عليه فدوه." ابتسم بوجهي وگال. "لا لتخافين هسه اخذج اهله وياه." مشه كدامي واني امشي وراه وكل شوي اعثر بخطواتي. عيوني مغوشه بسبب الدموع. بس شفت أبويه ركضت عليه حضنته وانهديت بالبجي. مسح على راسي بهدوء وگال.

"ان شاء الله مابي شي بنتي خلص اهدي." حجيت بصياح. "انييي السببب اني موتته انيييي." مد ايده على حلكي يمنعني من الكلام وگال. "اششش لتحجين هيج ديري بالج رواسي، اخو گال چان ينظف بالسلاح و طلعت طلقه بالغلط." ابتعدت عنه ورحت لغسان ومحمد واكفين على جهه بعيد عن أبويه وعمي وولده. حجيت بحزن. "مو قصدي والله ردت اضرب روحي اني." رفع ايده بوجهي وگال بنتر.

"لخاطر رسيم بسس سكتتلج خلي يكوم بالسلامه و يصير خير، روحي منا و لتشوفينه وجهج بعد! باوعت لمحمد ما رفع عينه عليه ابد وحجيت. "محمد فدوه لا تتجاهلوني و تحجون هيج ويايه اني احب رسيم والله ما اتحمل يتأذه." لزمني من ايدي بقوه حجه بصوت خافت وبنبرة تهديد. "اذا متروحين منااا اني اشتكي عليج والله." تقدم أبويه علينه وگال بعصبيه. "ايدك عن بنتي لا اكسرها الك و اعلگها برگبتك." عاف ايدي محمد بعد ما غسان سحبه وراحوا بعيد.

اندار عليه أبويه وگال. "رجعي للبيت متبقين هنارواسي:ما اعوفه ابد مستحيل." نتر بيه بصوت خافت. "امشي رواسييي ما اريد امد ايدي عليج، رسيم يموتج بس يصحى والله يموتججج." مسحت دموعي وحجيت بتأكيد. "ميسويها رسيم روحه من الدنيا اني، اني اريد ابقى هنا و ما اروح اذا رسيم ميتحسن و ارجع وياه لبيتنه." عفته وطلعت بَره انتظر محد يريدني موجوده، بس ما اكدر اعوفه مستحيل اعوفه. كعدت بباب المستشفى. حسيت عيوني دتتغوش شوي شوي.

غمضتهن بقوه ورجعت فتحتهن. الدنيا صارت تفتر بيه. سمعت صوت غسان قريب مني ينادي باسمي بس على غفله اختفى الصوت والدنيا صارت سوده بعيني وما حسيت على اي شي. حسيت على شي بارد يمشي بوريدي. فتحت عيوني. باوعت حواليه نايمه على سرير ومغذي بيدي. وجهت نظراتي على القنفه الموجوده. أبويه وادم كاعدين. نهضت روحي وحجيت بتعب. "رسيم طلع من العمليه؟ گاموا أبويه وادم اجو يمي كل واحد وكف من جهه. نزل راسه عليه باسني من راسي وگال.

"شلون صرتي حَبيبتي بشنو تحسين." "كولولي رسيم وينه طلع من العمليه لو بعد؟ "عار ميصيرله شي نقلوا لغرفته." "انتبهي على نفسج رواسي صار عندج انهيار عصبي." رفعت الغطه عن جسمي ردت اكوم لزمني ادم ثبتني وگال. "وين رايحه مو زين ترجعين تدوخين." "اريد اشوف رسيم عوفني." "مابي شي اخوانه و نسوانهم و مرته يمه ميحتاجج." بعدت ادم عني ومديت ايدي شلت الصونده مال مغذي وكمت بدون ما اسمع منهم وحجيت. "اني السبب بحالته هاي و لازم اكون يمه."

مشيت على كيفي راسي مسطور سطر. اجه أبويه سندني واخذني لوحده من الغرف الي بالطابق. وكفت يم الباب وگلت. "اني ادخل روح أنتَ." "لا وياج اريد اشوف نسيبي العار." "بابا ابوس ايدك خليني براحتي." هز راسه وبقه واكف يم الباب. دكيت الباب ودخلت. هيا بس شافتني كامن من مكانه هجمت عليه تريد تضربني. سحبها غسان من ايدها و نتر بيها. "اذا تمدين ايدج عليها اكسرها والله." "هيَ الي رادت تموت اخوووك و بعدك تدافعلها؟؟

"وحققق الله اذا مترجعين بمكانج ارجعج للبيت." تجاهلتهم ومشيت لرسيم. نزلت راسي عليه بسته من كصته وحجيت بهدوء. "حَبيبي تسمعني؟ اني اجيت و ما اعوفك بعد." فتح عيونه ببطئ صار يباوعلي، وگال بتعب. "تقتلين القتيل و تمشين بجنازته روسيه." "لتحجي هيج تعرف اني ما ردت اضربك الك كله بسببك صار هالشي." مد ايده على ايدي لزمها قربها من شفايفه طبع بوسه عليها وگال بصوت مسموع. "اطلعوا عوفونه وحدنه."

كلهم طلعوا بدون كلام الا هيا بقت گاعده بمكانه. باوعلها وگال بنتر. "متسمعين أنتِ؟ گلت اطلعوا يلا." گامت طلعت و هيَ تدردم. رجع يباوع بعيوني وگال. "تهون عليج نفسج روسيه؟ شلون تفكرين تسوين هيج شي؟؟؟ "بسببك رسيم كله بسببك، امك الله يرحمها و السالفه صارلها سنين طويله مو شي جديد.. اذا اهل امك ما اشتكوا على ابويه ليش أنتَ تريد تشتكي و تدمر حياتنه؟ "لعد هوَ من دمر حياتنه عادي و احنه ٣ اطفال جنه ماعدنه سند غيرها بهاي الدنيا."

بسته من راسه وحجيت. "لخاطري رسيم انسى الموضوع، صعب عليك اعرف بس هوَ مو قصده يموتها هذا يومها لو الله مكاتبلها تموت بهذاك اليوم چان هسه هيَ بيناتنه بس كلشي قضاء و قدر." "كل ما اشوف ابوج اتذكر لما رجعنه من المدرسه و لكيناها غرگانه بدمها كبرنا و احنه نعرف امي داخت و وكعت انضرب راسها و بساعتها ماتت لحد ما خطبتج." "طلكني و خلينا نطلع من حياتكم ليش تبقى تتعذب و تعذبني وياك." مد ايده على وجهي مسح دموعي وگال.

"اذا ترجعين يمي مستعد انسى كلشي لخاطرج روسيه." "ما اعوفك رسيم مستحيل اعوفك، الا بحالتيناذا تبقى هيا على ذمتك و اذا ترجع تأذيني او تأذي احد من اهلي بنفس اللحظه ادوس على گلبي و روحي بالقندره و اعوفك و لو تطلع براسك نخله هم ما ارجعلك بعد." "عوفي هيا انسيها خطيه والله." بعدت روحي عنه وحجيت. "بكيفك رسيم الي عندي كلته اني." اندكت باب الغرفه و دخل نفس الدكتور الي ساعدني اول ما اجيت للمستشفى ابتسملي وگال. "شلون صرتي رواسي؟

"الحمدلله زين." "حَبيبتي انطيني مي." باوعتله وابتسمت بخفه، شلون يخزر بالدكتور. صبيتله مي بكلاص وساعدته حتى يشرب. لزم ايدي باسها وگال بهمس. "احبج روسيه." "بعدين بعدين." تقرب عليه الدكتور وقاسله الضغط والسكر وگال. "اذا تحتاجون اي شي بس دزوا عليه اسمي دِلهَام." "شكراً الك متقصر بس منحتاج شي." خفيت ضحكتي وگلت. "شوكت نكدر نطلعه؟ "فد يومين يلا." "لا باجر اطلع عندي ممرضتي هيَ تداريني." وجه نظراته الي و اردف. "مو باباتي؟

"اي اني اداري اذا طلع." "جرحك عميق كلش لان من مسافه قريبه الافضل تبقى كم يوم نتطمن على صحتك." "ما اتحمل ابقى هنا اذا تطلعوني هسه يكون افضل دكتور." بقه الدكتور يحجي وياه ويشرحله عن حالته بس هوَ قفل يريد الا يرجع للبيت. طلع بعد ما مل من عنده ودخلوا الولد و وياهم أبويه تقرب على رسيم وگال. "الحمدلله على سلامتك اجر و عافيه يارب." "منين تجيني العافيه و أنتَ بخلقتي." عطت بي. "رسيممم اروح والله! مسح على لحيته وگال.

"حبيب گلبي عمي الغالي الله يعافيك و يخليك و يبارك بيك." ضحك أبويه و باوعلي وگال. "يلا بنتي خلي نروح." "خير وين تاخذها؟ "شعدها باقيه بالمستشفى اخوانك يمك." "رسيم خليها تروح و من تطلع تجيك للبيت، مترهم تبقى هنا اذا احد اجه عيب." "محد يجي و رواسي متروح تبقى يمي." لزمت ايده بستها و حجيت بهدوء. "اروح لبيته هم ابدل ملابسي و ارتاح حتى اكدر اداريك لما تطلع و باجر هم اجي اول و تالي دوامي هنارسيم:دتروحين على بنتج تشوفيها؟

"اكيد كل يوم بعد دوامي اروحلها دتتحسن شوي شوي كلها فتره و ناخذها بحضنه، بس انيييي اسميها مو أنتَ خووش؟؟ ضحك وگال. "خوشين بابا." بسته من راسه وطلعت اجه ورايه غسان. صاح باسمي انداريت عليه گال. "ممكن نحجي شوي؟ باوعت لابويه وگلت. "روح حَبيبي هسه اجيك." طلع أبويه قبلي و اردفت. "خير غسان، بقه كلام ما سمعتني ياه؟ نزل راسه وگال ب اسف. "اسف رواسي حجيت هيج من خوفي و حركة گلبي على اخويه."

"الي صار مو بقصد والله اني ردت اضرب روحي لما حاول ياخذ مني المسدس اجت الطلقه بي مو عن قصد ابد." "لتشيلين بگلبج عليه والله بلحظه عصبيه و خوف على اخويه حجيت هيج، اعرف تحبي و مستحيل تأذي." "مصار شي عيوني لتشغل بالك." ترخصت منه وطلعت على ابويه چان ينتظرني بالسياره. صعدت وياه وگلت. "اخذني لبيت رسيم." "متأكده رواسي؟ "اي متأكده ما اكدر اعوف رسيم و هوَ محتاجني." دار وجهه عليه و ركز نظراته عليه وگال بهدوء. "تحبي روسيه؟

"اي احبه هوايه ما اعرف شلون حبيته بس الله زرع حبه بگلبي بدون سابق انذار." "رسيم خوش رسيم ترا بس خرب كلشي بخطفه الجمن قبل چان يجيني للمحل و يشتري من عندي، و مره شافج و أنتِ يمي و رأساً طلبج من عندي." "ليش رفضته لعد؟ "خفت عليج اذا عرف اني الي قتلت امه جنت متأكد يأذيج أنتِ، و چان خوفي بمحله." "بابا رسيم شنو يشتغل؟ أنتَ كتلي مافيا بس هوَ يكول ماله علاقه بيهم." "الي اكدر اكوله شي واحد بس، رسيم شغله خطر."

رفعت حاجبي مستغربه و حجيت. "شنو يعني؟ "ما اكدر احجي اني اذا يريد هوَ يحجيلج." سكتت و ساق باتجاه بيتنه. بعد مده وصلنا تقربت عليه بسته من خده و نزلت. دكيت الباب و انتظرت احد يفتحه. شوي و صارت بوجهي هيا. رادت تطبك الباب بس منعتها دفعته و دخلت. لزمتني من ايدي تسحب بيه تريد تطلعني و تصيح. "شجاااابجججج شرجعججج امشييي ولييي مناااا." نترت ايدي منها و حجيت بتهديد.

"اذا تردين حالج يصير مثل رسيم، رجعي مدي ايدج عليه و شوفي اذا ما احط طلقه براسج افلشههه." "تهدديني؟؟؟ صبريلي اني اعلمج الا اگول لرسيم عليج." دفعتها عن طريقي و دخلت. شفت البنات كاعدات بس شافوني كاموا عليه سلمت و كعدنا سوه. "رواسي صدك أنتِ ضربتي رسيم؟؟ شلووون! رفعت عيوني على هيا و حجيت. "اذا تحبون اشوفكم شلون عدنه شخص يستاهل نجرب عليه! "أنتِ مجرمه مكانج بالسجن مو هنا." "رجال و مرته شعليج أنتِ؟

تذبحه يذبحها معليج لتتدخلين." "بس اني مرته الاولى و الاخيره." كعدت و حطت رجل على رجل و اردفت. "اني و رسيم اتفقنا يتزوجها بس حتى تخلف من عنده لان اني ما اريد احمل و كلها فتره و يطلكها و نخلص منها." قبضت ايدي بقوه و تنفست بهدوء اريد اهدي روحي. و حجيت ببرود. "يااا صدككك؟ شكد نذلين ليش ما حجيتولي؟ قناااادر تتراگع عليكم." "شنو ممصدكتني ؟ عندي دليل ترا! "ترديني اصدكج يعني؟ شوفيني بالله." فتحت تلفونها و طلعت صورة لمحادثه.

اخذت التلفون من ايدها كعدت اقره، رفعت حاجبي. معاجبني الكلام ابد. "گتلج اتزوجها بس تخلف فتره و اطلگها، مو تردين طفل أنتِ؟ "اي اريد بس اغار رسيم ما اتحمل وجودها وياك." "وداعتج بس تجيب اطلگها ما ابقيها على ذمتي ابد." مديتلها التلفون و حجيت بثقه. "عادي اني هم اكدر اسوي نفس هاي المحادثه، اذا ترديني اصدكج ف دخلي للمحادثه نفسها من الواتس و خليني اشوف." سحبت تلفونها من ايدي و گالت بعصبيه.

"ما مجبوره اخليج تقرين خصوصياتنه اني و رسيم، تردين تصدكين صدكي متردين بكيفج راح تشوفين شلون يطلگج و يشمرج لاهلج." باوعت للبنات وگلت. "احفظوا كلامها عدل، حتى نشوف منو الي ينشمر على اهله اني لو هيَ؟ كمت من مكاني و صعدت فوك و عفتهم يحجون و يرزلون بهيا. طلعتلي ملابس و فتت سبحت. طلعت بدلت تمددت بالفراش جسمي كله يأذيني. "تستاهلين رواسي، كلشي يصير بيج تستاهلي. احد كلج روحي حبي واحد مجرم مثل رسيم؟؟

لا، لعد انجبي و تحملي كلشي يصيرلج." دك تلفوني باوعت غسان ديتصل، رديت عليه. "هلا غسان." "المفروض تعرفيني اني الي متصل مو غسان." "حَبيبي شلون صرت؟ "مابيه شي مثل الحصان، قابل اول طلقه تجيني منج؟ ضحكت و كتله. "ثنينهن مستاهلهن والله، بس لو حاركتك هم چان برد گلبي." "مجرمه سفاحه مو بيدج." "منك نتعلم رسييميي." "وين أنتِ؟ "بالغرفه اريد انام." "صوريلي اشوف." فتحت سبيكر و دخلت للواتس صورتله الغرفه. شافها وگال.

"حافظ الغرفه روسيه اريد صوره الج." "عييييب تلفون اخوك شلون ادزلك صورتي." "دزي و اني امسحها مو غبي اني." "استاذ بالغباء أنتَ حَبيبي." "و تالي رواسي؟ "اني الغبيه اني مو أنتَ." "يلا دزيلي صوره." "لا عيب عليك متستحي، شنو ماعندك خوات؟؟ ضحك وگال بهدوء. "لا والله ما استحي و ماعندي خوات." اجه ببالي كلام هيا عدلت كعدتي و حجيت بجديه. "رسيم شنو معنى كلام هيا؟ "يا كلام؟ حجيت بعصبيه.

"تكلي متفقين أنتَ وياها بس اجيب تطلكني و تاخذ بنتي الها." صار يضحك متألم وگال. "شلون تريدني اجيها اطيح حظ حظها." "صير زين و اذا متطيح حظها اني اطيح حظكم أنتَ وياها." "صار كلشي و لا زعلج، اريد اشتغلها على البارد." "لا بارد و لا حار والله اموتك بيدي." "تموتيني اذا اموت." "يلا كافي روح خليني انام باجر عندي دوام من الصبح." "شايفه اذا شفتج واكفه ويه هذا دِلهَام شسوي بيج؟ "اشكر ميعجبني، اني احب الاسمر المجولح ممولح مثلك."

"هسه هذا غزل لو تنمر؟ "منو يتنمر عليك هذا غزل خاص مخصص الك من ابداعي اني." "اعتزلي باباتي لتتغزلين بعد." "كافي لطشت روح يلا." سديته من عنده حطيت تلفوني على الشحن و استسلمت للنوم. كعدت الصبح على صوت تلفوني يدك. فركت عيوني و اخذت التلفون بيدي رقم غريب. جاوبت اجاني صوت بنيه گالت. "حضرتج رواسي ام هيا؟ "اي اني بنتي بيها شي؟