رواية روح الادهم الفصل الثالث 3 - بقلم سميرة فرج

أدهم انصدم لما لقى زين مبيردش عليه. أدهم: زيين... رووووح تعالي بسرعه. روح: اي حصل اي؟ أدهم: زيين مبيردش عليا. روح: ايي طب ابعد شوية عشان أشوفه في إيه. أدهم بعد وروح بدأت تقيس نبضه وتحسس على جبينه، بعد ما خلصت. أدهم: زين في إيه يا روح؟ روح: هو عنده حراره عالية وحساسية في صدره، لازم نعمله كمادات وهديك نوع دوا تجيبهوله. أدهم والدموع في عينه: يعني هو هيبقى كويس مش كده؟

روح: ما تخافش عليه هيبقى كويس، ولازم تقوي نفسك على شانه، ويلا بقى روح هات الدوا على ما عملة كمادات. أدهم: حاضر. بعد ربع ساعة كانت روح قاعدة جمب زين وبتعمله كمادات، وأدهم راح جاب الدوا ورجع بسرعة عشان الصيدلية مش بعيدة. أدهم: أنا جبت الدوا. روح: تمام، أنا عملتله كمادات وهو هيصحى كمان شوية. كانت روح هتمشي بس أدهم مسك إيديها. أدهم: شكرا ليكي، مكنتش هعرف أتصرف لو مكنتيش موجودة.

روح: ده واجبي كدكتورة، وكمان أنا حبيت زين واعتبرته زي ابني ويمكن أكتر كمان، ويلا بقى عشان نسيبه لوحده، وأنت كمان لازم تاكل عشان تقوي. أدهم: لا أنا هاكل مع زين لما يصحى. روح: بقولك إيه، مفيش حاجة اسمها لا، وكمان زين هيتأخر على ما يصحى، وأنت ماكلتش حاجة، ويلا قدامي من غير نقاش. أدهم: إيه يا المبي براحة شوية علينا. روح: بلا مبي بلا بتاع، يلا يا عم أنت قدامي. أدهم: في واحدة تقول لجوزها يا عم؟

روح: أيوه أنا، ويلا بقى عشان الأكل خلاص برد. أدهم: أنت كل همك بطنك وبس. روح: بقولك إيه، أنا مش هعيد كلامي تاني، يلا قدامي على السفرة. أدهم: حاضر يا جعفر. روح: إيه إيه إيه إيه إنت قولت إيه؟ أدهم: قولت حاضر يا مدام. روح: أه كنت بحسب. ... بعد ساعتين زين فاق ولقى جمبه أدهم وروح على السرير، وروح حطتله الأكل قدامه عشان ياكل. زين: بابا أنا مش جعان. روح: أنت هتعمل زي أبوك، بقولك إيه أنت هتاكل ولا أجيبلك الحقنة؟

زين: لا لا بلاش حقنة، أنا هاكل. روح: شاطر، يلا افتح بقك. بعد شوية. روح: يلا آخر لقمة. زين: لا أنا شبعت. أدهم: كلها وأنت ساكت لتقوم وتاكلك. روح: أنا يا بني إزاي تقول عليا كده، أنا حتى أموره وطيبة أوي. أدهم: يا بني!! أنا يتقالي يا بني ومن مين، من واحدة ما تسواش؟ روح: من دي اللي متسواش يا بابا، أنا أحسن منك بكتير عشان كده مش هرد عليك. زين: خلاص خلاص، أنا حاسس نفسي إني أنا الكبير فيكم. روح: طب يلا يا كبير كل اللقمة دي.

زين بتزمر: حاضر. بعد نص ساعة كان في حد بيخبط على الباب، روح راحت تشوف مين وانصدمت لما.