رواية روح الادهم الفصل الثاني 2 - بقلم سميرة فرج

روح سمعت الصوت تاني وراحت للأوضة اللي فيها الصوت. أدهم: روح استني متفتحيش الباب استني. روح مردتش وفتحت الباب وانصدمت لما شافت طفل صغير لا يقل عمره عن 6 سنوات. روح: مين دا؟ أدهم قبل ما يتكلم الطفل جري عليه وقال: بابا انت كنت فين انا كنت خايف. وبص على روح ورجع بص لأدهم وقال: مين دي؟ أدهم نزل لمستواه وقال: معلش يا حبيبي اتأخرت عشان كان ورايا شغل. دي تبقى روح. الطفل: هاي روح انا زين. روح:

الله اسمك جميل أوي يا زين قولي بقى عندك كام سنة يا زين؟ زين: 1 2 3 4 5 6 عندي 6 وانتي عندك كام سنة؟ روح: انا 25 سنة. زين: انتي كبيرة أوييييي. روح: يعني مش أوي. أدهم: مش يلا بقى عشان نروح للنوم ولا إيه؟ زين: والنبي يا بابا شوية بس. روح: لازم تسمع كلام بابا وبكرة هنكمل تمم؟ زين: تمم تصبحي على جنة. روح وأدهم: وانت من أهل الجنة. .... بعد ما دخل.... روح: أمال فين ماماته وانت اتجوزتني ليه وانت متجوز ومخلف كمان؟ أدهم:

انا مش متجوز ودا يبقى ابن أخويا الله يرحمه عمل حادثة هو ومراته وزين كان لسه عنده سنة. روح: طب زين ازاي محصلوش حاجة وليه مكنتش عايزني أعرف ان عندك ابن أخ؟ أدهم: عشان زين كان معايا يوم الحادثة. وانا مكنتش عايز تعرفي عشان كنت خايف لمتوافقيش إنه يعيش معانا. روح: دي هنموت من الفرحة انا بحب الأطفال الصغيرين أويي. أدهم: عشان كدا بقيتي دكتورة أطفال مش كدا؟ روح: ايوه وكمان عشان دا كان حلمي وبعد تعب نجحت وحققت حلمي.

(علي فكرة البنات اللي عندها أحلام وعايزاها تتحقق لازم تعرفي ان الأحلام دي محتاجة تعب ومجهود كبير ولازم تكوني واثقة انك تقدري تحققي وإن شاء الله هتتحقق) أدهم: الحمد لله انك وصلتي لحلمك ويلا بقى أسيبك عشان عايز أنام. روح: وانا كمان لازم أنام تصبحي على جنة. أدهم: وانت من أهل الجنة. ... دخلت روح وغيرت هدومها وصلت فرضها ونامت. وأدهم دخل غير هدومه وصلى فرضه ونام. بدا يوم جديد على أبطالنا.

صحيت روح قبل أدهم وصلت فرضها ودخلت المطبخ وحضرت الإفطار. أدهم: صباح الخير. روح: صباح النور. أدهم بتعجب: انتي بتعرفي تطبخي؟ روح: يعني كنت مفكرني مبعرفش أطبخ؟ أدهم: بصراحة كنت مفكرك عويلة. روح بغيظ: نععمممم.. بص انا مش عايزة اتخانق على الصبح اه صح هو فين زين؟ أدهم: زمانه نايم هروح أصحيه. روح: ماشي على ما حضر بقى الإفطار. راح أدهم يصحي زين. أدهم وهو بيهزه: زين زين. زين: لأرد. أدهم انصدم لما.