رواية روح الأدهم الفصل الخامس عشر 15 - بقلم هاجر العفيفي

بعد مرور عدة أيام في فيلا عاصم جنه: يابنتي انتي متأكدة من كلامك ده؟ روح: أه متأكدة. جنه: ياروح دي هتكون حياة جديدة. موافقة على العريس؟ انتي بتحبيه؟ روح بحزن: لاء بس هحاول أحبه. أنا خدت اللي بحبه وخذلني. جنه بحزن على صحبتها: اللي تشوفيه صح اعمليه. روح لسه هترد، قاطعهم خبط على الباب. مايا: ممكن أدخل؟ روح بابتسامة: تعالي يامايا ادخلي. مايا دخلت وتحدثت: اللي سمعته من ماما ده صح ياروح؟ روح بهدوء: اه.

مايا بندم: روح أنا عارفة إن غلطت بس... قاطعتها روح: مفيش بس. مش عايزين نفتح مواضيع تاني. يلا بقا ننزل نتفرج على فيلم جديد. جنه ومايا بصوا لبعض بحزن على حالة روح ونزلوا كلهم يتفرجوا على فيلم. *** في صباح اليوم التالي في شركة الحديدي أدهم كان جالس كعادته، حزين. باين عليه الإرهاق، جسمه نزل من قلة الأكل والشرب. قاطعه من شروده دخول السكرتيرة. نهى: آنسة مايا عايزة تقابل حضرتك يافندم. أدهم بضيق: عايزة إيه دي؟

نهى: بتقول حاجة مهمة. أدهم بضيق: خليها تدخل. خرجت نهى ودخلت مايا. أدهم أول ما شافها اتصدم من هيئتها بس تجاهل. أدهم بضيق: خير؟ مايا باحراج: احم أنا عارفة إن غلطت بس... قاطعه أدهم بجمود: مش عايزين نفتح كلام تاني. أنا دلوقتي كل تفكيري إن روح ترجعلي وبس. ولا انتي راجعة المرة دي عشان تحطمي آخر أمل ليا؟ قاطعته مايا بدموع: والله أبداً. أنا عرفت غلطي واتعلمت. أنا جيالك دلوقتي عشان... أدهم بعصبية: عشان إيه؟

انطقي. واوعي تكوني فاكرة دموع التماسيح دي عليا. مايا بصراخ: افهمني بقاااا! روح بجد المرة دي هتروح منك. أدهم ضيق عينيه بعدم فهم: قصدك إيه؟ مايا وهي تمسح دموعها واتحدثت بقوة: روح كتب كتابها يوم الخميس. أدهم بصدمة وغضب: انتي كدابة! أكيد بتعملي كده عشان أبعد عنها تاني. مايا وهي تأخذ شنطتها بغضب: على العموم أنا جيت وعرفتك. عايز تصدقني ماشي، مش عايز براحتك. سلام. ولسه هتخرج، قاطعها صوت أدهم الجهوري. أدهم: استني.

مايا ببرود: نعم؟ أدهم وهو ينطق بصعوبة: طب... طب هي بتحبه؟ مايا: لاء، بس هي وافقت عليه عشان حالتها اليومين دول صعبة جداً، بس بتحاول تبان قوية. أدهم بعصبية: روح مش هتكون لغيري. لاء. مايا: وأنا جيالك النهارده عشان كده. عشان أنا عرفت غلطي وندمت، وروح سامحتني. ومقدرش أشوفها بتعذب نفسها بعد ده كله وأسكت. انت لازم تتصرف يا أدهم بأسرع وقت. أدهم: حد يعرف إنك جاية؟ مايا: أه. أنا قايلة لجنه.

أدهم: طب أنا عايز أقابلكم كلكم في أسرع وقت. مايا بعدم فهم: كلكم؟ اللي هما مين؟ أدهم: انتي وجنه وأدم. مايا: مش عارفة أدم هيرضى ولا لاء، بس جنه ماشي. أدهم: هاتي رقم أدم وأنا هتصرف. وانتي قولي لجنه وقابلوني في العنوان ده بليل. مايا بابتسامة: حاضر. عن إذنك. ولسه هتخرج، قاطعها أدهم. أدهم: مايا. مايا التفتت إليه: نعم؟ أدهم: أنا آسف على المقابلة اللي قابلتك بيها. مايا بابتسامة: حصل خير. عن إذنك. أدهم بامتنان: اتفضلي. مايا

خرجت وأدهم تحدث لنفسه: مااااشي ياروح. بقا بتتحديني؟ بس والله ماهتكوني لغيري. *** سليم: مش ملاحظة يا نادوش إن الفترة طالت أوي؟ ندي: أنا عارفة والله ياسليم، بس غصب عني. انت متعرفش حالة أدهم عاملة إزاي دلوقتي. سليم: طب وهتتحسن إمتى؟ ندي بمشاكسة: يعني كمان تسع عشر سنين كده. سليم بصدمة: مين! ندي بضحك: بهزر ياحبيبي. وفجأة سكتت واستوعبت كلامها. سليم بصدمة أكتر: قولتي إيه؟ ندي بخجل: مقولتش حاجة.

سليم بابتسامة وقرب منها: وأنا مش همشي غير ما تقوليها. ندي بكسوف من قربه: سليــم. سليم: قلبي. ندي: امشي بقا. أدهم ممكن يشوفنا. سليم: اسمعها الأول. ندي بصوت منخفض: حبيبي. سليم بحب وفرحة: ياااارب على أجمل كلمة سمعتها النهاردة. ندي وهي وشها يكاد ينفجر من شدة الخجل: أنا هدخل. سليم: بالله عليكي حاولي تفاتحي أخوكي في الموضوع. عايز أضمن إنك من حقي وملكي. ندي بابتسامة: حاضر. سليم: يحضرلك الخير ياجميل. ندي: سلام بقا.

سليم: مع إن مش عايز أسيبك، بس هسيب كل حاجة لوقتها. ندي: هههههههه. سليم: ادخلي يابنت الحلال يلا. الواحد ساكت بالعافية أصلاً. ممكن أخطفك. ندي: هههههههه. لاء وعلى إيه. سلام ياسليم. وسابته ودخلت. سليم بحب: سلام ياقلب سليم. وراح ركب عربيته ودخل الفيلا بتاعته. *** في المساء في إحدى المطاعم أدهم: انتوا عارفين أنا جامعكم ليه؟ أدم: جنه حكتلنا، بس ممكن أفهم إيه المطلوب؟

أدهم: أنا بحب روح ومش هستحمل حد ياخدها مني. ساعدوني إنها ترجعلي. أدم بسخرية: انت متأكد من كلامك ده، ولا هيكون زي المرة اللي فاتت؟ أدهم بجدية: صدقوني. أقسم بالله أنا بعشقها. واللي حصل ده أخدت عقابه وأكتر كمان، بس مش هقدر أبعد عنها أكتر من كده. خالد باستغراب: طب واحنا هنساعدك إزاي؟ أدهم: لازم نفكر كلنا، بس الأول توعدوني إنكم مصدقني. أدم بتحذير: أنا هعمل مصدقك، بس لو أختي حصل ليها حاجة تاني، متزعلش من اللي هيحصل.

أدهم بابتسامة: أنا لو امتلكت قلب روح من تاني، استحالة أسيبها تاني ولا أتخلى عنها. أدم: إذا كان كده، مااشي. قول عايز إيه واحنا معاك. جنه: احم احم. سلام عليكم. أدهم بضحك: منورة. جنه: بنورك. شالله يخليك. المهم دلوقتي أنا عندي الخطة الـ تمام اللي هتخلي روح ترجعلك بدون نقاش. أدهم بلهفة: قوليلى بسرعة بالله عليكي. أدم: ربنا يستر. أدام انتي هتفكري. جنه بصتله بطرف عينها: ممكن تنقطنا بسكاتك. أدم: هو أنا بتكلم بلسانك يابت انتي؟

مايا: بااااس خلاص. خلونا في الموضوع. وبعدين اقتلوا بعض. الاتنين بصوا لبعض بوعيد واتحدثوا في صوت واحد: حاااضر. جنه: بصوا بقا. الخطة هي......... وقصت عليهم خطتها. خالد: اممم. خطة مقنعة. مايا: بس كتب الكتاب بعد بكرة. هنلحق؟ جنه: أيوه طبعاً. ننفذ بكرة. أدم: ده كله يطلع منك انتي. جنه: اللهم طولك ياروح. أدم ببرود: طول ما أنا وراكي هتقصر. أدهم: ههههههههههه. وربنا أنتوا مجانين. أنا دلوقتي مستعد أنفذ في أي وقت.

جنه لسه هترد، فونها رن برقم روح. جنه: هششششش. محدش يتكلم. دي روح. وفتحت الخط. جنه: ألو ياروح؟ روح: انتي فين يابت؟ اختفيتي ليه من غير ما تقوليلي؟ جنه بتوتر: ها... أنا مع خالد. خالد بصله بهيام وحب. أدهم بهمس: مش وقته ياعم النحنوح. بعدين. خالد: بس ياض. روح: يعني هتيجي إمتى؟ جنه: كمان ساعة كده. روح بملل: ماشي. متتأخريش. سلام. جنه: حاضر. سلام. وقفت معاها. جنه بارتياح: الحمد لله. محسيتش بحاجة.

أدهم: طب يلا روحي لها عشان متحسش بحاجة. وكل حاجة هتتم بكرة تمام. الجميع: تمام. مايا باحراج: احم. عن إذنكم. هروح بقا. أدم: استني. أنا هوصلك. يلا يا جنه. خالد بغيظ: لاء. أنا هوصلها. أدم وهو يكتم ضحكته: ماشي. الله يكون في عونك. سلام يا جماعة. خالد: يلا ياختي. جنه: حاضر. متزقش. وقامت مشيت معاه. أدهم بضحك: فينك ياروحى تشوفى المجانين دول. وحشتينى أووووى. ربنا يهديكى وتحني عليا. وقام هو الآخر ركب عربيته ومشى. ***

عند أدم ومايا وصلوا عند الفيلا. وكانت لسه مايا هتدخل، مسك إيديها. مايا باستغراب: في حاجة يا أدم؟ أدم وهو ينظر لعينيها بشدة: أنا آسف. مايا بدهشة: آسف على إيه؟ أدم: آسف على كل وقت خليتك فيه حزينة بسببى. على الحالة اللي وصلتك ليها. وده كله بسبب إن كنت متجاهل حبك ليا. مايا بهروب: خلاص يا أدم. ده كان موضوع وانتهى. عن إذنك. ولسه هتنزل، أوقفتها كلمة أدم. أدم: بس أنا بحبك يامايا. مايا بصدمة: نعم!

أدم بحب: أيوه بحبك. ومش من دلوقتي ولا من يومين. من زمااااان أوووي. بس... بس... مايا بدموع: بس إيه؟ أدم: أنا كنت ناوي أعترفلك، بس للأسف اليوم اللي روحت أعترفلك فيه، عرفت إنك سافرتي لوالدك باريس عشان شوية مشاكل. وكنت هستناكي، بس للأسف جالي فرصة إني هسافر عشان أكمل بره تعليمي. حبيت أروح أكمل بره، وكنت بدعي ربنا لو كنتي من نصيبي أرجع ألاقيكي موجودة. مايا بدموع أكتر مما تسمعه: أدم. انت متأكد من اللي بتقوله؟

أدم: أول مرة أكون متأكد من حاجة بقولها. سامحيني. مايا: انت اللي مفروض تسامحني بعد كل اللي عملته مع روح أختك. أدم بابتسامة: المسامح كريم. وروح سامحتك، يبقى أنا ليه منساش. وطبعاً كل إنسان بيغلط، وأحلى حاجة إن بيتعلم من غلطه. مايا بصتله: بحبك يا أدم. أدم بحب: بحبك يا قلب أدم. وقرب منها فجأة وقبلها قبلة طويلة تعبر عن مدى شوقه ليها. وهي اتصدمت وحاولت تبعد عنه. وبعد وقت بعد عنها، وكانت هتموت من الكسوف.

أدم بابتسامة: آسف. بس مقدرتش بصراحة أعبر عن حبي غير كده. مايا بخجل: عن إذنك. أدم: على فكرة الحجاب جميل عليكي. مايا: شكراً. أدم: وأنا هكلم خالتوا النهارده عشان نكتب الكتاب. مايا نزلت من غير ما تتكلم، بس كانت هطير من الفرحة. ودخلت الفيلا. أدم: مجنونة، بس بحبها. وراح يركن العربية هو الآخر. *** عند خالد وجنه جنه: وحدووو. خالد: لاء إله إلا الله. جنه: مالك؟ خالد بضيق: ممكن أسألك سؤال؟ جنه: إيه هو؟ خالد: هو أدم بيحبك؟

جنه وهي تكتم ضحكتها: لاء. ليه بتقول كده؟ خالد بضيق: من هزاركم وكلامكم مع بعض. مش ملاحظين إن كده كتير؟ جنه بضحك: بتغير يالودي. خالد: بت انتي جاوبي وإنتي ساكتة. جنه بضحك: حاضر حاضر. متتعصبش. بص بقا ياسيدي، أدم ده أخويا في الرضاعة. والدته الله يرحمها كانت صاحبة ماما جداً، ولما جابت أدم كنت أنا لسه عندي سنة وخمس شهور. هي تعبت جداً ومقدرتش. وطبعاً أمي أخدت منها أدم وقامت بواجبها معاه. وبس ياسيدي.

خالد بصدمة: يعني انتوا أخوات؟ جنه بتمثيل: أه. شوفت ظالمني إزاي؟ أهئ أهئ أهئ. خالد: بطلي تمثيل يابت. بس المهم هنا، إنتي بتحبيني وجاوبي بصراحة. جنه بمكر: في حد ميحبش أخوه يا أبو الصحاب. خالد بصدمة: أخوكي؟ وأبو الصحاب؟ جنه: غورى من وشي. جنه: ههههههه. متزعلش يالودي. خالد: ماهو مقدرش أزعل منك عشان بحبك. بس البعيدة مبتفهمش. 😁 جنه: انت مش جدع على فكرة. 😒 خالد: أيون. جنه: تصبح على خير يالوودي. خالد: برضو مجاوبتنيش.

جنه: بكرة هتعرف. سلاااااام. وسابته ونزلت جريت من العربية. خالد: ربنا يصبرني عليكي يامغلباني. وشغل عربيته ومشى.