رواية روح الاسر الفصل السابع 7 - بقلم رحمه محمد

تاليا: هي فين روح؟ اسر: قالتلي إنها رايحة الحمام. تاليا: تمام. راحت تاليا لروح ومش لقتها هناك، بس لاقت الأسورة بتاعتها واقعة على الأرض. خرجت جري لاسر وقالتله. اسر باستغراب: هتكون راحت فين؟ وفجأة قربت منهم بنت وهي بتجري. البنت: أستاذ اسر الحق روح. اسر بخوف وتكلم بسرعة: مالها، هي فين؟ البنت: شوفت واحد شايلها وحطها في العربية ومشي، كان باين إنها مش في وعيها. تاليا بصدمة: إيييه!

اسر من خوفه على روح مبقاش عارف يعمل إيه. البنت طلعت تليفونها بسرعة. البنت: أنا صورت نمرة العربية. اسر شد منها التليفون بسرعة وشافها ولسه هيمشي. تاليا بخوف: هاجي معاك. اسر: لا، خليكي هنا. قرب منهم مروان. مروان: فين روح يا ابني؟ مامتها بتدور عليه. تاليا بدموع: روح اتخطفت. مروان بصدمة: اتخطفت؟ اسر خرج من المكان جري ومروان جري وراه وركب معاه العربية. مروان: انت رايح فين؟ اسر بتوتر

وسايق العربية بسرعة عالية: ليا صاحب ظابط هروح ليه، لازم ألاقي روح. مروان: طب هدي السرعة شوية كدا، إحنا اللي هنموت قبل ما نوصل ليها. اسر: _مروان بخوف من سرعته: طب بص، نزلني وهاخد تاكسي وهاجي وراك. اسر: _مروان: يجدع حرام عليك، أنا لسه معترف للبنت بحبي. اسر بزعيق: بطل رغي بقى. مروان: الله يرحمني، كنت طيب. اسر طلع تليفونه ورن على شخص ورد. اسر: الو، ياشريف. شريف: مال صوتك يا ابني؟

اسر: هبعتلك رقم عربية عايز أعرف مكانها حالاً. شريف: ماشي، بس في إيه؟ اسر بسرعة: بعدين هعرفك يا شريف، بس بسرعة. شريف: تمام. وقفل معاهم. مروان: خفف السرعة بقى الله يكرمك. اسر بص له بازدراء وتليفونه رن وكان والد اسر. اسر: الو، يابابا. والده: انت فين وفين روح؟ اسر بخوف: معرفش روح فين، وإزاي اتخطفت. والده: اهدي عشان تعرف تفكر، وبلغني بأي جديد. اسر: تمام.

وقفل معاه وزود سرعة العربية أكتر. مروان طلع تليفونه من جيبه ورن على تاليا. تاليا بدموع: ها يامروان؟ وصلتوا لحاجة؟ مروان بحب: لا، أنا بس بطمن عليكي. تاليا: طب لما توصلوا لأي حاجة عرفني. مروان: ماشي، بس برضه معرفتش ردك. تاليا: على إيه؟ مروان: لما قولتلك بحبك مش رديتي عليا. اسر بص له بغضب وشد منه التليفون. اسر: هو دا وقت محن؟ مروان ضحك: في إيه يا عم. اسر بغضب: مروان، هرميك من العربية.

مروان: لا وعلي إيه، الطيب أحسن، أنا سكت أهو. وقاطع كلامهم صوت رنة تليفون اسر ورد بسرعة لما لقي شريف. اسر بسرعة: الو. شريف: العربية موجودة على الطريق الصحراوي. وبعد فترة اسر ومروان وصلوا لمكان العربية، بس مكنش فيها حد. اسر خبط برجله في العربية بعصبية: مش موجودة هنا. مروان: اهدي يا اسر، اكيد موجودة في أي مكان هنا. اسر جتله فكرة وفتح تليفونه و...... كانت روح في أوضة ضلمة وأيديها ورجليها مربوطين.

روح بدموع: اسر الحقني.. انتو عايزين مني إيه؟ وفجأة باب الأوضة اتكسر. روح بدموع ممزوجة بفرحة: اا.. اسر. اسر جري عليها ونزل لمستواها وحضن وشها: اهدي، أنا معاكي أهو. وبسرعة فك إيديها ورجليها وحضنها جامد. روح بدموع: كنت عارفة إنك هتيجي. اسر باسها من جبينها: أنا مليش غيرك. وفجأة سمعوا صوت حد بيسقف وراهم. ولما بصوا اتصدموا. صوت: حلو أوي الفلم الهندي ده.