رواية روح الاسر الفصل الثامن 8 - بقلم رحمه محمد

آسر لما ملقاش حد في العربية، طلع تليفونه ولسه هيرن على حد، شاف حاجة بتلمع في الأرض. ولما قرب منها كان حلق روح. مروان باستغراب: إيه دا؟ آسر: دا حلق روح. وبص حواليه وخصوصًا في الاتجاه اللي كان واقع عنده الحلق. مروان بتركيز: آسر، في بيت هناك أهو. آسر بص في الاتجاه بتركيز أكتر: تعالى. وركبوا العربية وبسرعة راحوا في اتجاه البيت. آسر نزل من العربية وجري ناحية البيت. مروان نزل من العربية ولسه هيجري وراه.

آسر: خليك أنت هنا ورن على شريف. ورمى ليه التليفون بتاعه وكمل: خليه يجي في أسرع وقت. مروان: آسر استنى. بس كان آسر دخل البيت. آسر لما دخل البيت كان ضلمة أوي، وكان صالة كبيرة جدًا وحواليها أوض. فتح أوضة كانت جنب الباب بس مكنش فيها حاجة. سابها ولسه هيفتح أوضة تانية سمع صوت روح وراح في اتجاه الصوت، ولما فتح الأوضة شاف روح متربطة، جري عليها وفك إيديها ورجليها وحضنها جامد. آسر: اهدي أنا معاكي.

روح بدموع: كنت عارفة إنك هتيجي. آسر باسها من جبينها: أنا ماليش غيرك. وفجأة سمعوا صوت حد بيسقف وراهم. ولما بصوا اتصدموا. : حلو أوي الفيلم الهندي دا. آسر جز على سنانه: زييييين! ولسه هيجري عليه، زين بسرعة طلع المسدس من جنبه ووجهه ناحيته. روح بخوف: آسررر. وجريت عليه. آسر: اهدي متخافيش. وبص لزين: شيل اللعبة دي لو فاكرني هخاف منه تبقى غبي. روح بدموع: أنت يا زين اللي تعمل فيا أنا كدا؟

زين بابتسامة: عشان بحبك يا روحي وعشان حبك. بص لآسر وكشر: أعمل أي حاجة حتى لو هقتل. أوعى تكون فاكر يا آسر إني غبي ومكنتش أعرف إنك هتعرف توصل لحد هنا، لا أنا اللي سهلتها عليك عشان توصل وأقتلك وتبقى روح بتاعتي أنا وبس. ضحك وكمل: والبنت اللي قالتلك إنها شافتني وأنا شايل روح وحطيتها في العربية دي أنا اللي بعتها ليك تعرفك. "فلاش باك"

روح كانت رايحة الحمام وزين واقف متابعها. وفضل يبص حواليه وتأكد إن محدش واخد باله ودخل وراها. روح كانت واقفة قدام المراية بتظبط طرحتها. وفجأة لقت واحد لابس قناع أسود قرب منها، كانت هتصوت بس كتم بوقها ورش في وشها منوم وأغمي عليها. كان في باب تاني للحمام خرج منه وطلع للعربية، قربت منه بنت كان متفق معاها على كل حاجة وأمنت ليه المكان. زين طلع فلوس من جيبه: دورك يلا. البنت خدت الفلوس: اعتبره تم يا زين باشا.

زين ركب العربية طلع تليفونه ورن على حد. زين: كل حاجة تمام. : عليك نور. *بااك آسر العصبية اتملكته وكور إيديه وضغط عليها. روح بصتله بقرف: أنا بحب آسر ولآسر طول العمر، وعمري ما هكون ليك ولو على موتي. زين ضحك جامد وصوت ضحكه جت من وراه. : لا قوية يا بت. آسر بصدمة: ماما! والدة آسر: أيوه أنا يا حبيبي جيت عشان أخلصك من الحرباية اللي خدتك مني دي. روح: أنا حرباية ليه؟ أنا عملتلك إيه عشان تعملي معايا كدا؟

والدة آسر بغضب وقربت منها: خدتي ابني مني وبقى بيحبك أكتر مني وأنتي زي الحرباية بتبعدي عني. روح بصدمة: أناا! والدة آسر: لا بريئة يا بت. ولسه هتمسكها من شعرها، آسر مسك إيديها وبعدها بغضب. آسر بزعيق: مش مبرر إنك تعملي دا كله عشان تبعدينا وأنتي عارفة إني بحبها، وكمان أنتي أمي إزاي هحب حد أكتر منك؟ أنا بجد مش مصدق كل اللي بتعمليه دا. والدة آسر: أنتي بتزعقلي عشانها؟ كشرت وبصت لزين: زين نفذ.

زين ابتسم بخبث ووجه المسدس على آسر. آسر بصدمة: أنتي عايزة تقتليني؟ والدة آسر ابتسمت بخبث: للأسف يا بني غصب عني والله، مش هينفع أموت روح عشان زين عايزها ولازم حد فيكو يموت عشان تبعدوا. روح وآسر من كتر الصدمة مبقوش قادرين يتكلموا. والدة آسر: يلا يا زين. ولفت عشان تمشي. زين ضرب طلقة من المسدس وفجأة صوت آسر رج المكان وزين وقف بصدمة. آسر: رووووووووووح. لفت والدة آسر ليهم تاني و.....