رواية روح الفهد الفصل الحادي عشر 11 - بقلم زهرة الظلام

روح بهدوء: تمام، على العموم أنا رفعت عليك قضية خلع، وبكرة الجلسة. فهد: أنتي اتجننتي يا روح؟ روح: آه اتجننت. المهم أخلص منك. فهد مسكها من دراعها بغضب. فهد: هان عليكي؟ طب وقمر دي مصدقت إنّي رجعت. روح: قمر أصلاً هاتختارك، أبقى أشوفها كل يوم. أنا وأنت هاتعيش وهات هون عليا زي ما سبتني سبع سنين في وهم يا فهد بيه. فهد بهدوء: تمام يا روح، يلا نروح.

ولف ضهره، وروح حست إن قلبها وجعها، بس فكرت بردوا إنه خدعها وسابها طول السنين لوحدها وهو عارف إنها بتحبه. روح: مش هامشي معاك، غور أنت. فهد: أنتي حرة. ركب العربية وسابها، وهي فضلت تتمشى على الشط وتعيط لحد ما جه تلت شباب. الأول: إيه الجميل لوحده لي كده؟ روح خافت، بس تجاهلته. التاني: ما تيجي يا قمر ننسيك زعلك ونبسطك على الآخر. روح: أنت حيوان وزبالة ووس*خ، غوروا من هنا. التالت: جرا إيه يا بت أنتِ، طب والله لنعلمك الأدب.

ولسه هايمسك إيديها، مسك إيده... وفضل يضرب التلاتة لحد ما جرىوا. روح: جيت إمتى؟!!! ... نرجع لفهد. راح البيت وفضل يكسر كل حاجة حواليه، وقمر سمعت التكسير وطلعتله. قمر: بابي، في إيه؟ فهد شافها، وشاف قد إيه هي شبه روح، نفس العيون والشعر والبشرة البيضا، كأنها روح الصغيرة. حضنها وفضل يعيط زي الطفل الصغير. قمر: مش تعيط يا بابي واحكيلي في إيه. فهد: أنا وروح هانطلق، وهاتعيشي معايا. قمر براءة وفرحة: بجد؟ يعني هاعيش معاك أخيراً.

فهد: آه، بس من غير ما... قمر: أنا مش بحبها أصلاً، أحسن أنا وأنت نعيش مع بعض، وهي تعيش مع حبيب جديد وتجيب بنوتة جديدة غيري تحبها. فهد سمع الكلام ده وفكر للحظة إن ممكن روح تكون لغيره، زق قمر جامد على الأرض واتجرحت. فهد بغضب: أوعي أسمعك تقولي الكلام ده تاني، فاهمة؟ روح مش لحد غيري، فاااهمة؟ وإزاي تكرهي أمك؟ أنتي غبية. أسد ومنه طلعوا على صوته، ومنه شالت قمر. أسد: في إيه يا فهد، والمكان عامل كده ليه؟ منه: وإيه مالها قمر؟

فهد فضل ساكت، وأسد خد قمر اللي فضلت تتحرك بعشوائية ونزلت على الأرض. قمر: بابي بيكرهني، هو ومامي، وأنا بكرههم، مش بحبهم. يارب يمشوا خالص ويبقوا نجوم في السما، يبقى أحسن. وجريت تعيط على أوضتها، وفهد مصدوم من كلامها، لأن في الكرتون الموت يعني الواحد يتحول لنجمة. معقول قمر بنته عايزاهم يموتوا؟ أسد: ممكن نفهم في إيه يا فهد. فهد: ملكش دعوة. أسد: مكنش ينفع ترجع أصلاً، عقدت الدنيا بدل ما تحلها. يلا يا أمي نمشي.

منه: امشي أنت يا أسد، أنا هاقعد مع فهد. أسد: طيب. ومشي، ومنه بصت لفهد. منه: مبسوط كده؟ بتمشي على نظام أبوك بالظبط. فهد: أبويا عمره ما عمل كده. منه: بس أنت أنيل يا فهد. أبوك كنت بكرهه قبل ما نتجوز، بس أنت روح كرهتك قبل الجواز وحبتك، وأنت كرهتها فيك تاني. بنتك متعلقة بيك حتى وأنت بعيد، وأنت خلتها تتمنالك الموت. انهارده عجبك كده؟ ونعمة العيلة، طلاقك بكرة، وبنتك مش طايقاك ولا طايقة أمها. فهد: ليه مش طايقة أمها؟ ليه؟

منه: عشان دايما مشغولة. روح بقالها سبع سنين بتشتغل وبتعيط وبس، تشتغل طول النهار وتعيط آخر الليل، وبعيدة عن قمر. لمجرد إن كلمها وتصرفاتها كلها... فهد فهمت لي، فهمت. فهد راح لقمر، ولقاها بتعيط ودراعها مجروح. فهد: قمر وريني دراعك. قمر: أوعى لو سمحت. فهد: طب أعقملك الجرح وأحكيلك حدوتة. قمر: وعد؟ فهد: وعد. شالها وعقملها الجرح. قمر: احكي بقى.

فهد: كان في ملك شرير وقاسي بيحكم البلاد، ومحدش يقدر يعارضه، الكل بيخاف منه. وفي مرة شاف بنت الحارس، سحرته واتجوزها غصب بعد ما هدد الحارس. مرت شهور، ومرة الملكة تحبه ومرة تكرهه، لحد ما حملت وجابت بنوتة قمر. قمر: بابي، أنا أحلى ولا إيه؟

فهد ضحك: أنتي طبعاً. المهم الملك سافر حرب طويييلة أوي، قعدت سبع سنين. كبرت بنته، ومراته مسكت الحكم بعد ما فكرته ميت. مراته كانت بتحب بنتهم أوي، بس الحكم كان بيشغلها، والبنت كرهت أمها واتعلقت بأبوها. جه أبوها تاني، بس الملكة رفضت ترجعله. وجهزت قصر ليها، والملك زعل أوي، وبنته بس اللي فضلت معاه... قمر: كمل يا بابي، وبعدين؟ فهد: وبعدين جت النهاية، اختاريها أنتِ.

قمر: اممم، اختار البنت تحب الملكة، والملكة ترجع للملك، ويعيشوا في تبات ونبات. فهد حضنها: ياريت يا قمر، ياريت. وبعد شوية نامت قمر، ونزل فهد، لقي الوقت اتأخر وروح مارجعتش، وقبل ما يطلع لقي روح داخلة مع واحد غريب. فهد: مين ده؟ روح: ده إياد، جوزي بعد ما إحنا نطلق. فهد: ....