رواية روح الفهد الفصل الثالث 3 - بقلم بسمله احمد

في صباح يوم جديد يستيقظ بنشاط على عكس عادته. أخذ دوش ولبس ونزل تحت وأخذ معه اللاب توب. قاسم: صباح الخير جميعا. الجميع: صباح النور. قاسم: بابا، إحنا عندنا اجتماع ولازم نرجع القاهرة. هيتلغي ولا هتروح معايا؟ عبدالرحمن: مينفعش يتلغي أصلاً. هروح. قاسم بضحك وراح عند مامته: هيسيبك ويروح الاجتماع. مش عادته دي. عبدالرحمن: ما أنا مش هسيبك. هاخدك معايا إنت وريم عشان عارف إيه اللي هيحصل. ريم: وأنا مالي يا لمبي؟

أنا مبشتغلش معاكوا. قاسم: البسي يا معلم. ريم: إنت تسكت خالص. وراحت عند مامتها وحضنتها: يرضيكي كده أروح القاهرة ليه أنا؟ قاسم وراح حضن مامته: في ناس بتشيط هنا. حد يجيب مطافي. سوزان: قاسم عيب كده. قاسم: عيب؟ هههه ده أنا بحضنك بالعافية. سوزان: معلش يا حبيبي. عبدالرحمن: والله حبيبك. سوزان: آسفة آسفة، قوم يا قاسم بسرعة هنتضرب. قاسم: بابا، أنا هقدم ورق ريم في الكلية في القاهرة. عبدالرحمن: أيوه عشان معادش تسافر.

ريم: حبيبي يا قاسم، حبيب أختك ياض. قاسم: ياض؟ ريم: أهدي أهدي، آسفة. قاسم: أنا تقوليلي ياض؟ ريم: هدي يا ياض، قصدي يا قاسم. قاسم: تاني؟ بتقوليها تاني؟ ريم طلعت تجري وهو وراها. ريم راحت عند روح واستخبت وراها. ريم: روحي، إنتي صحبتي، شيلي جوزك. قاسم: روح ابعدي بعيد. يرضيكي تقولي ياض؟ روح: لا ميرضينيش. بس اهدي بس، عيل وغلط. قاسم: واللي غلط يتعاقب. روح: هدي يا رمضان بس، اهدي. ريم: ياض، قصدي يا قاسم.

روح بعدت: اتفضل، اعمل اللي إنت عايزه. قاسم: حبيبتي يا روح. وجرى ورا ريم ومسكها. قاسم: أنا تقوليلي ياض؟ ريم: آسفين يا باشا، عيلة وغلطت. قاسم: سماح المرادي. قاسم: روح، أحولك كليتك مع ريم للقاهرة ولا هتفضلي زي ما إنتي؟ روح: هحول مع ريم أحسن. قاسم: تمام، هحولك. روح: شكراً. قاسم: عفواً. عبدالرحمن: بابا، ممكن آخد روح معانا؟ المناوي: ممكن، بس فرح قاسم وروح الشهر الجاي. عبدالرحمن بص لقاسم اللي ضحك ليه: موافق طبعاً.

وبص لسوزان: يلا جهزي الشنط. ريم اطلعي جهزي شنطتك، قاسم جهز شنطتك، روح اطلعي جهزي شنتطك. قاسم، روح، سوزان وريم: حاضر. وطلعوا لفوق يجهزوا الشنط. بعد ساعة نلاقيهم واقفين وبيودعوهم. روح قربت من باباه وحضنته. روح: بابا حبيبي، اللي هيوحشني موت. الأب: ارجعيلي بسرعة يا روحي، هتوحشيني خالص. روح: هرجعلك بسرعة البرق، مش هتحس بغيابي أصلاً. الأب: مين قال كده؟

مكنش بيمر دقيقة وإنتي مسافرة غير لما ألاقيكي في دماغي. مقدرش محسش بغيابك يا روحي، محدش يقدر ياخد مكانك. روح فضلت تعيط في حضن باباها وهو بيطبطب عليها. وبعدين راحت لجدها وحضنته. روح: هتوحشني يا جدي، هرجعلك بسرعة. المناوي: ارجعيلي بسرعة يا روحي، عشان البيت من غيرك مفيهوش روح. روح ضحكتله وراحت وقفت جمب ريم. سوزان وعبدالرحمن وريم في عربية عبدالرحمن. وقاسم وروح في عربيته. روح: قاسم، هو إحنا رايحين فين دلوقتي؟

قاسم: المفروض إننا نروح على القصر، وبعدين أروح على الشركة. روح: تمام. قاسم بتفكير: تيجي نخرج؟ روح: موافقة. قاسم: خلاص، تعالي معايا الشركة وهنخرج بعدها. روح: موافقة، بس مش هينفع لأن اتفقنا مع عمو عبدالرحمن إننا هنروح البيت. قاسم: هنروح البيت ننزل الشنط. روح: ماشي. وبعد شوية وصلوا البيت، نزلوا الشنط. عبدالرحمن: مش هتنزلي يا روح؟ قاسم: أنا هاخد روح معايا يا بابا عشان خارجين. عبدالرحمن ضحكلهم: تمام.

وركب العربية وودع سوزان وراح للشركة. أما عند قاسم. سوزان: خلي بالك من روح يا قاسم. قاسم: من عيوني ياسوزي. ريم: مين لقى صحابه، نسي أحبابه. قاسم ضحك: بس يا بت. ريم: ماشي، هعديها المرادي. قاسم مشي بالعربية وروح معاه ومشي للشركة. ووصلوا الشركة. قاسم مسك إيد روح ودخلوا مع بعض، قابل عماد. عماد: إيه ده إيه ده! قاسم عبدالرحمن المناوي ماشي مع بنت، لا وكمان ماسك إيدها. إحنا اتطورنا خالص. قاسم: بس يلا، مراتي.

عماد: آه يا كلب البحر يا منتن! تتجوز من غير ما تقولي؟ بس على العموم، ألف مبروك يا صاحبي. قاسم: الله يبارك فيك. عماد لروح: ألف مبروك. روح: الله يبارك فيك. قاسم: يلا عشان الاجتماع ولا إيه؟ عماد: يلا. قاسم: اسبق إنت، وأنا جايلك اهو. عماد: حاضر. قاسم لروح: تعالي يا روح، هنروح على مكتبي. روح مشيت معاه وراحوا للمكتب. في المكتب. قاسم: اقعدي هنا يا روح، وأنا هجيلك. ولو عايزة تسمعي فيلم، خدي اللاب بتاعي. روح ضحكتله: شكراً.

قاسم: عفواً. أنا هروح الاجتماع، هحاول متأخرش. روح: تمام. وراح قاسم على الاجتماع. دخل قاسم وعبدالرحمن وعماد، وعبدالرحمن تراس الطاولة، وقاسم على يمينه وعماد على يساره، وبدأوا الاجتماع. بعد ساعتين خلص الاجتماع، وكان عبدالرحمن باين على وشه الرضا من اللي أنجزه هو وولاده، لأن عبدالرحمن بيعتبر عماد ابنه. وطلعوا برا أوضة الاجتماعات. قاسم: بابا، أنا ماشي. عبدالرحمن: إلا صحيح، فين روح؟ قاسم: روح في المكتب مستنياني عشان نخرج.

عبدالرحمن: تمام، روح إنت. قاسم: باي. عبدالرحمن: باي. قاسم راح عند المكتب ودخل لقاها بتكلم حد. روح: تعالي يا قاسم، كلم ريم. قاسم وهو بيقعد جمب روح: ريمو. ريم: بقولك يا قاسم، إحنا هنسهر النهارده أنا وإنت وروح وهنسمع فيلم، بقالنا زمان مسمعناش فيلم وسهرنا. قاسم: موافق. روح: وأنا كمان موافقة. قاسم: يلا باي يا ريمو. ريم: باي. قاسم: يلا. روح: يلا. وخرجوا مع بعض وركبوا العربية. روح: هنروح فين؟

قاسم: تعالي بس واهدي دلوقتي عشان مفاجأة. روح: حاضر. وراحوا للمكان المجهول.