رواية روح السيف الفصل السادس 6 - بقلم منة محمد

روح: ماما في حد رن عليكي. أم روح: لا. روح: طيب ماشي. روح في بالها: مرنش ليه ده. بعد شوية. أم روح: لولولولولولوي! روح وأحمد وهما بيجروا: إيه الزغاريط دي جاية منين؟ روح: معرفش، تلاقي البت شرو افتكرت إن ممكن يكون سيف رن على مامتها. أم روح بفرحة: جالك عريس ياقلب أمك وهنفرح بيكي. روح: شفتوا، عيب عليا. أم روح: بتقولي إيه؟ روح: بقول ألف مبروك، ربنا يتمم بخير. أم روح: هو أنا بقولك أخوكي هيتجوز؟

أحمد: أسمع من بوقك ربنا، بس مين العريس؟ أم روح: معيد في الجامعة عند روح وحبها، وجاي النهاردة نتفق على الشبكة ويقعدوا مع بعض الأول. روح: ما شاء الله، ده إنتي عرفتي كل حاجة، هييجي يتكلم في إيه بقى؟ أم روح: نينينينينيني. روح: نينيني، هروح أجهز. أم روح: ماشي. بالليل. مامت روح: اتفضلوا اتفضلوا. (اللي جه أبوه وأمه طيبين، ونور أخت سيف 23 سنة، عينيها خضرا وشعرها أصفر غامق زي أخوها) مامت روح: هخش أجيب روح وأجي.

(روح كانت لابسة فستان أحمر وسايبة شعرها الأسود القصير وحاطة ميكب خفيف، تخيلوا بقى) نسيب العرسان سوا يتعرفوا بقى. روح بتسرع: متعرفين، قصدي يعني ماشي. سيف: مكنتش أعرف إنك قمر كده. روح: ونبي ليه، كنت شايفني راجل قبل كده؟ سيف: عايزة تعرفي حاجة عني؟ روح: هعملك بطاقة ولا إيه؟ سيف: إيه يابت الخفة دي؟ روح: بنتعلم منك ياعسل. سيف: هاجي أخدك بكرة تنقي دهبك. روح: إنت ليه محسسني إننا هنتجوز بجد، ده كله تمثيل.

سيف: ما إحنا عشان بنمثل لازم نطلع التمثيل صح. روح: ما تيجي ننزل نتمشى شوية. سيف: بمنظرك ده. روح بعصبية: ماله منظري إن شاء الله؟ سيف: قمر. روح بكسوف: اتلم ها. سيف: لسانك ده عايز يتقص. روح: ليه، شايفه بنطلون جينز؟ سيف: نادي أحمد كده عشان متعصبش عليكي. روح: نينيني، أحمد! أحمد وهو متنح مع نور: يوووه، قطعتوا التسبيلة. روح: أحمد، ينفع ننزل أنا وسيف نتكلم تحت أحسن ونغير جو ونفكر هنعمل إيه بكرة وكده؟

أحمد: إنتي وافقتي خلاص بالسرعة دي؟ والدهب كمان بكرة؟ طب إيه رأيكوا كتب الكتاب بعد بعد بكرة؟ روح: ونبي! أحمد: طب أنا هنزل معاكو. نور: احم، وأنا كمان. سيف: ماشي، تعالوا. بس هروح ماما وبابا بقى الأول ونتقابل في كافيه ***. نور: تمام. في الكافيه. أحمد لنور: وإنتي مرتبطة؟ نور: مردتش. أحمد: تعرفي، وأنا كمان مش مرتبط. نور: مردتش. أحمد: بتحبي عبد الحليم؟ نور مردتش. أحمد: وأنا بحبه برضوه. نور في بالها: إيه الهبل ده.

أحمد: هو إنتي مش بتتكلمي زينا طيب؟ نور: اشمعنا؟ أحمد: أخيراً نطقتي ياشيخة، ده أنا كنت قربت أفكرك مش بتتكلمي. نور بضحك: لا بتكلم عادي، بس إنت كنت بتكلم نفسك باين. عند سيف وروح وهما باصين على أحمد ونور. روح: ما شاء الله، التمثيل اللي إحنا هنعمله طلع بفائدة أهو. سيف: يعني إيه؟ روح: إنت مش شايف البت والواد واقعين إزاي؟ سيف: ونبي، ده لسه شايفين بعض من ساعتين. روح: عادي، حب من أول ساعة.

سيف: بلا ساعة بلا خاتم، ركزي في اللي إحنا فيه. روح: في إيه؟ سيف: إنتي محددة بعد يومين، طب كنتي خليها الأسبوع الجاي على الأقل. روح: خلاص بقى ياعم، أهي ذلة لسان. سيف: تمام، هنروح بكرة نجيب الدبل ونلبسها في البيت عشان مافيش حجز قاعة، قبلها بيومين كده. روح: اشطا. الأ قولي، أمك وأبوك وافقوا كده بالساهل؟ سيف: ده انبهرو بسرعة الأداء. روح: ههههههه. عند نور وأحمد. نور: ههههههه، إنت مسخرة.

أحمد: والله إنتي اللي مسخرة. المهم، مقولتيش إنتي مخطوبة ولا سنجل بائس زيي؟ نور بتوتر: لا، مخطوبة. أحمد: صدمة كبيرة! نور: نعم؟ أحمد: ها، ولا حاجة. أنا قايم أقعد مع روح وسيف. نور: لا، اقعد هنا. سيبهم يتعرفوا على بعض. أحمد: لااا، الجو بقى خانقة فجأة، فعلاً الحلو مش بيكمل. نور: ماله ده؟ نور في بالها: وبعدين، كان لازم أقولك كده. ياترى نور قالتله ليه كده؟