رواية روح السيف الفصل السابع 7 - بقلم منة محمد

أحمد: إيه يا روح مش يلا الوقت اتأخر. سيف: تمام يلا هنتقابل بكرة عشان نجيب الدهب. يلا عشان أوصلكم. أحمد: لا مش لازم، متتعبش نفسك. سيف: يلا يا عم، تعب إيه بس. أحمد: تمام. الصبح. سيف: ألو يا أحمد، أخبارك إيه؟ أحمد: تمام، بخير. أنت عامل إيه؟ سيف: الحمد لله. إيه يلا عشان نجيب الدهب؟ أحمد: تمام، ماشي. أحمد: يلا يا روحي عشان نجيب الدهب. روح: إيه ده، انتو اتغيرتوا ليه كده؟

ده حتى أمك بتقولي هتعملي محشي. لا فيه حاجة في الجو أكيد مغيركم. أحمد: إحنا عندنا كام روح؟ روح: عندكم كام معرفش. أحمد: !!!!!!!! روح: مالك؟ أحمد: قومي يلا البسي عشان رايحين نجيب الدهب. روح: آآآه بقى كده بتعملوا كل ده عشان هتخطب وبعدها هروح على بيت قُرة عيني. بس يا عيني! ده كله تم. أم روح بمقاطعة: يلا يا أحمد، دي لو فتحت مش هتخلص يا ابني. روح في بالها: يالهوي! أنا كنت هتنيل أقول إيه، يقطعني.

أم روح: يا روح، خشي البسي هنتاخر. روح بخضة: إيه يا ستي، كنت بفكر إزاي كنت هقولك على الخطة وسكتت. أم روح: خطة إيه؟ روح: أنا داخلة ألبس يا ماما، عشان لو فضلت شوية كمان هعترف بكل حاجة. س س سلام. أم روح: ربنا يصبرني. بعد شوية. روح: الدبلة دي حلوة، أنا عايزة دبلة وخاتم بس. سيف: تمام. يوم الشبكة. روح بتغني: ودوني على بيت حبيبي نعيش مع بعض فيه. آآآه منها ياني ليلة آه، لما تحب بجد. آده فيه إيه ده تمثيل، تمثيل مش حقيقة.

روح: بس إيه شكلي الجمر ده. أم روح: ما شاء الله، ملاك نازل من السما. أحمد: إيه الأوفر ده. روح: امشي يلا اطلع برا. أحمد: أنا مشوفتش أجمل منك في حياتي. روح: ثانكيو، داري. أحمد: يعع. عند سيف. سيف: إيه رأيكم؟ أبوه ومامته وأخته: أخيراً شفناك عريس يا حبيبي، ربنا يتمم بخير. يلا عشان تجيب عروستك بقى. سيف: ماشي، يلا يا نور. عند الكوافير. سيف: إيه الجمدان ده. روح: بقينا نقول جمدان يا دكتور؟ سيف: لا، شكلك قمر أوي.

روح: احم، وأنت كمان. سيف: يلا. روح: يلا. في بيت روح. سيف بصدمة: ينهار أبيض! نص الجامعة بتعمل إيه هنا؟ إحنا جينا الجامعة ولا بيتك؟ روح بصوت واطي: شش، وطي صوتك، أنا اللي عازماهم. قولتلهم القاعة ولعت، ههههههه. تعالوا على بيتي. سيف بصوت عالي: نعم ياختي! روح: إيه يا ابني، وطي صوتك، هفهمك. سيف: تفهمي إيه؟ مش قولنالهم في قاعة؟ شكلنا إيه قدامهم دلوقتي واحنا عاملينها في شقة؟ مكنتش تقولي لهم وخلاص. روح: عادي يا برنس، يعني فكك.

أم روح: يلا يا ولاد، مش وقت كلام، لبسوا الدهب. روح بصوت واطي: ما علينا، تعرفي إنّي عازمة كل البنات اللي بتكرهني. سيف: ياساتر، اشمعنى؟ روح: عارف البت فاطمة وأختها مي والبت الملزقة مايا كانوا بيفضلوا يرخموا عليا ويقولوا قابليني لو حد بص في وشك بأسلوبك ده. فا عزمتهم أول ناس، هيهيهيهيهي. روح: تعرف. أم روح بمقاطعة: اخلصي يا أخرة صبري. روح: طيب. روح بصوت عالي وهي بتغيظ البنات: يلا يا قُرة عيني، لبسني شبكتي.

مايا لفاطمة: شوفي البت مستفزة إزاي. فاطمة: فكك يا ستي، هو أخوها الحليوة اللي واقف ده. مايا: معرفش. سيف بغيظ منها: ده انتي بتتـ. روح: لا، ولد، ما تخلص ياعم، مش وقت خناق. سيف: تمام. لولولولولولييييي، لولولولوليييي. أم سيف: يلا يا حبيبي، خد خطيبتك وروحوا اتعشوا برة. سيف: مش لازم، هي مش جعانة صح يا روح؟ روح: ده أنا ميتة من الجوع، يلا يا عم. سيف: يلا. في المطعم.