رواية روح السيف الفصل التاسع 9 - بقلم منة محمد

أحمد: نور اخت سيف حبتها أوي. روح: من تلات أيام حبتها؟ أحمد: حب من أول نظرة بقى، وبعدين أنا عمري ما في بنت دخلت حياتك. روح: مممم، قولتيلي مخطوبة؟ أحمد: آه. روح: طب سيبلي الموضوع ده. أحمد: إيه؟ هتخليها تفشكل ولا هتوقعي مابينهم ولا هتقتلهم هما الاتنين؟ روح: إيه يا عم، قاعد قدامك رئيس عصابة؟ أحمد: إنتِ بتقولي فيها. روح: نعم. أحمد: لا ولا حاجة يا كبير، يلا طيري إنتِ بقى. روح: أده ياربي، ماما مخلفة واحد على القهوة.

أحمد: نينينينينيني. بعد أسبوع. شات على الواتس. روح: نوري. نور: إيه يا قلبي. روح: ممكن نتقابل في كافيه ****. نور: هلبس حالا. روح: أشطا يا زميلي. في الكافيه. روح: إيه يا قلبي، عاملة إيه؟ معلش لو اتأخرت عليكي. نور وهي بتحضنها: أبداً والله، عاملة إيه؟ روح: بخير، بس عايزة أتكلم معاكي. نور: اتفضلي. روح: أخويا بيحبك يا نور. نور: احم، وأنا مش بفكر في المواضيع دي، أنا آسفة. روح: طب ممكن تقوليلي ليه؟

وبعدين دي سنة الحياة، مش نفسك تبقي أم طيب؟ نور: مش عارفة، بس أنا اتخنت مرة وكلهم شبه بعض. وحكت لها اللي حصل. روح: صوابعك مش زي بعضها يا حبيبتي، فكري في المستقبل وعيشي حياتك وسنك، حبي واتحبي وعيشي بقى. نور بعياط: أنا بجد تعبانة أوي يا روح ومش عارفة أعمل إيه. روح: يا روحي، متعيطيش، ربنا مش بيسيب حق حد أبداً واعرفي إن حقك هيرجعلك. نور: أنا نفسي أشوفه، عايزة أطلع غلي يمكن أرتاح. روح وهي بتحضنها: متزعليش يا قلبي.

نور بصدمة: إنت... حازم اللي سابها يوم كتب الكتاب. حازم كان رايح يمشي. نور بغضب ومسكته وضربته بالقلم: استني عندك يا حيو*ان يا كل*ب يا غشاش، هو ده يا روح؟ هو ده؟ روح: بقيت تضحك على بنات الناس يا ابن الـ 🐕 وسبهم في أجمل يوم في حياتهم. حازم: إنتوا بنات وأنا مش برد على حريم. روح: لا يا سطا، ما إحنا زي بعض، اتكلم عادي. حازم: يا آنسة عيب كده، الناس بتتفرج. الناس: إيه قلة الذوق دي؟ ده كافيه محترم، اطلعوا برا.

روح: الو يا سيف، تعال بسرعة على كافيه **** بسرعة. روح: والله ما هسيبك، ده أنا صدقت أمسك حد من شعره، ارتحتي شوية يا نوري؟ نور: أوي أوي يا صحبي، بس مكسوفة أوي إننا اتطردنا من الكافيه ده، وأنا بحبه أوي. روح: ولا يهزك شعرة. حازم: يا آنسة عيب كده، أنا راجل محترم، عيب أوي لحد كده. وسعوا بقى. وهو جاي يمشي. روح: مستكو جامد. وربطت حبل عليه وفي رجله ووقعته على الأرض والناس كلها اتلمت. سيف: نور؟ روح؟ فيه إيه؟ إنتوا كويسين؟

ومين المتخرشم ده؟ روح: الأستاذ ده اللي ضحك على أختك. سيف: أومال وشه فين؟ ونزل فيه ضرب: بقيت تضحك عليها وتسرقها؟ منك لله، إنت مكانك هيبقى في السجن، لأنك ضحكت عليها ولأنك سرقتها. يلا قدامي. حازم: وربنا لأوريكو. سيف: يلا يا حبيبي قدامي. سيف لروح: معلش، ممكن تروحوا إنتوا؟ نور وروح: تمام، خلي بالك من نفسك. في القسم. سيف: إزيك يا سطا؟ عامل إيه؟ علي: إيه يا سوفة؟ أخبارك إيه؟

سيف: بخير الحمد لله، أنا جايلك عايز أبلغ على الأستاذ ده. علي: شكله متشلفط ليه كده؟ مين ده؟ سيف: أنا آسف، بس بطلع غلي وغل أختي فيه. (علي يبقى صاحب سيف وظابط وبيحب سيف أوي) علي: آآآه، ده اللي سابها في كتب الكتاب وكان سارق دهبها. سيف: آه، شفت؟ لا، وأنا أصلاً اللي كنت جايب الدهب علشان الأستاذ مكنش حالته حاجة. حازم: سيبوني أمشي وخدوا الدهب، ونبي سيبني أمشي. علي: يا عسكري، عسكري.

العسكري: خد الأستاذ ده قعده في أوضتي، وأنا جايلو، واوعى يهرب منك. عسكري: تمام يا علي باشا. سيف: هتعمل إيه فيه؟ علي: كل خير. المهم سيبك إنت، حبيت إمتى يا خويا؟ واتخطبت فجأة كمان. سيف: اهو عادي بقى، كل حاجة جت بسرعة. علي: ربنا يهدي لك الحال. سيف: همشي أنا بقى وشوف شغلك. علي: أشطا يا با، سلام. عند روح ونور.

نور: يااااه، أنا مبسوطة أوي إنه هيتعاقب على اللي عمله. أنا آه مضايقة إني معرفتش أختار صح من الأول، بس الحمد لله إنه هيتعاقب على اللي عمله. روح: يا حبيبتي، زي ما فيه الوحش فيه الحلو، المهم مبسوطة دلوقتي. نور: أوي أوي. روح: ربنا يجعل البسمة في وشك. نور: يارب يا روح قلبي. روح: بس عايز اكي تفكري بخصوص أحمد. نور بتوتر: هحاول. بعد شهرين. سيف: الو، إيه يا حبيبي؟ عامل إيه؟ علي: بخير الحمد لله، إنت أخبارك إيه؟

سيف: تمام الحمد لله. علي: بقولك، أنا عازمك على فرحي آخر الشهر، وتجيب خطيبتك معاك واختك. سيف بحزن: تمام. سيف في باله: ياااااا، الأيام جريت، يوم فرح صاحبي هو نفس اليوم اللي هنسيب بعض فيه، ياترى ممكن تكوني بتحبيني زي ما بحبك. عند روح. روح: بحبك أوي يا سيف، مش عارفة إزاي هسيبك، وأنا اتعلقت بيك أوي. معقول تكون بتحبيني زي ما بحبك. والأيام بتجري وهما دماغهم شغالة إن هيجي يوم وهيشيلوا اللي بيربطهم ببعض.

سيف: عاملة إيه يا روح؟ روح: إزيك يا سطا. سيف: بقولك يا قلبي، في فرح واحد زميلي كده وعازمنا، تعالي إنتِ وأحمد بقى. روح: إمتى؟ سيف: الأسبوع الجاي، يوم الأربع. روح: احم، ده نفس اليوم اللي هنقول فيه لأهلنا إننا مش هنكمل سوا. سيف: معلش، اجليها يوم. إنتِ مستعجلة أوي باين. روح: لا طبعاً، قصدي آه. بص، سلام. سيف: تمام. روح: أحمد حمادة. أحمد: يبنتي بلاش كلمة حمادة دي، مبحبهااااش. روح: أحمد حمادة. أحمد: مبحبهااااااش.

روح وهي بتطلع لسانها: أحمد حمادة. أحمد: يا بنت المستفزة. أم روح: سمعتك يا حيو*ان. أحمد: حبيبة قلبي. وطلع يجري. ولف وشه لروح: مقولتيش كنتي عازماني في إيه؟ روح: في فرح واحد صاحب سيف. أحمد: فيه جاتوه وأكل؟ روح: أكيد، متنساش علبة بقى علشان نحط فيها. أحمد: ده هي تروح وإحنا لا. روح: جدع، جهز بقى علشان هي يوم الأربع اللي جاي. أحمد: تمام يا سطاا. عند سيف. سيف: نور. نور: أيوه يا سوفة.

سيف: عندي فرح بتاع علي وعازمك، ابقي جهزي بقى. نور: تمام، روح جاية. سيف: أها، جاية هي وأحمد. نور: أحمد؟ سيف وهو بيقلدها: آه، أحمد. نور: امشي يا مستفزز. يوم الأربع. الصبح في الجامعة. روح مع نفسها: سيف مش هيحضر التخرج بتاعتي، ياترى إنت فين؟ سيف: أنا وراكي أهو. روح: اده، سيف! مبسوطة إنك جيت، تعال بقى. سيف: مبروك، أنا فرحان لك جداً يا أحلى روح. روح: أنا مبسوطة جداً. نور: احم، أحمد عامل إيه؟

أحمد ببرد: كويس، إنتِ إيه اللي جابك؟ نور: جايه أحضر تخرج أختي، انت مالك؟ أحمد: عن إذنك. نور: على فكرة أنا سنجل بائس زيك. أحمد: احلفي. نور: آه والله ومش مخطوبة أصلًا وكنت بقولك كده وخلاص. وحكتله اللي حصل. أحمد: في خبرين أحلى من بعض النهاردة. نور: مممم، إيه هما بقى؟ أحمد: تخرج روح وأمي عاملة محشي. أحمد: يابنتي استني، خدي هقولك بس يانور مالها دي؟ بليل في الفرح. روح ونور وهما في الكوافير. روح لنور: شكلي حلو؟

نور: أجمل بنت شوفتها، طب أنا شكلي حلو ولا إيه؟ روح: قمر 14 والله. نور: طب يلا سيف برا بيرن. عند أحمد وسيف. أحمد لسيف: الحق مين دول؟ دول شبه روح ونور بس هما أحلى. سيف وهو متنح: آه ياسطا، ده هما أصلًا. أحمد: ده دخلوا عبدو طلعوا نانسي. سيف: ههههه، لو سمعوك هتبقى كفتة. سيف لروح: مش عارف أشيل عيني. روح: ونبي. أحمد لنور: إيه القمر. نور: بس ياأحمد سيف واقف. أحمد: الله، أول مرة أحب اسمي كده. عند روح وسيف.

روح: شوف الواد بيسيب لها إزاي. سيف: أروح أولع في أخوكي دلوقتي. روح: بيحبها وهي بتحبه. سيف: وانتي؟ روح: وأنا إيه؟ سيف: مش بتحبي؟ روح: لا طبعًا، وانت؟ سيف: لا طبعًا برضه. سيف: مايلا بقى ياأحمد ولا هتبات هنا بتسبيلتك دي؟ أحمد: سيف أنا بحب أختك وعايز أتجوّزها. سيف: عيني عينك كده، طب هات أهلك وتعال. أحمد: وحياة حماتي. سيف: وحياة حماتك. نور بكسوف: احم، يلا بقى. في الفرح بتاع علي. سيف: ألف مبروك يازمييييلييييي.

علي: الله يبارك فيك، عقبالك بقى بعدي على طول انت وروح. سيف: بص لروح، إن شاء الله. روح: مبروك ياقمر. العروسة: حبيبتي، الله يبارك فيكي، عقبالك. بعد شوية. الكابلز يتفضلو على المسرح للرقصة. علي لصاحب الدي جي: ممكن الميكروفون لو سمحت. علي: سيف تعال غني ونبي الأغنية اللي أنت بتحبها نرقص عليها سلو. سيف بإحراج: لا طبعًا يا عم، أنت بتهزر. علي: عشان خاطري، ده فرحي يعني. سيف: ممم، تمام. أحمد: تسمحيلي بالرقصة دي؟

نور بكسوف: تمام. سيف: تيجي نرقص سوا زي العيال دي. روح بسرحان: هههه، موافقة. سيف وهو بيغني: حبيتك يوم ما اتلاقينا لما حكينا أول كلام حبيتك واحلف على ده تسمع زيادة ده أنا مش بنام روح: حبيتك يوم ما اتلاقينا (آه) لما حكينا أول كلام حبيتك واحلف على ده تسمع زيادة ده أنا مش بنام سيف: الناس في عيني حاجة وانت حاجة تانية عندك مشاعري حتى خذها وإسألها أنا صعب أعيش حياتي وانت لحظة بعيد روح: إحساسي بيك في وقت ضعفي قواني

كانت حياتي ناقصة جيت تكملها فرحة لقايا بيك بتبقى زي العيد روح وسيف: فاقوا على تسقيف المعازيم. روح بسرحان: احم، صوتك حلو أويي. سيف: وانتي كمان صوتك كان حلو أوي. سيف: أنا بحبك ياروح. سيف: من أول ماشوفتك وانتي شدتيني كده. سيف: شقاوتك، حركاتك، كلامك، كل حاجة. روح بدموع: أنا بحبك أكتر وكنت خايفة أوي لتكون مش بتحبني. سيف: أنا كنت هتجوزك برضاكي أو غصب عنك، ده أنا حددت أسماء العيال لين ولؤي.

روح: لا مش عايزة الأسماء دي، فرح وسليم أحلى. سيف: لا وأنا هسمي لين ولؤي يارووح. روح: مش كفاية خليتني اتخطبلك؟ سيف: بمقاطعة وتقليد: بلعافية وأنا دوري إيه في الموضوع ده؟ روح: والله أنت كمان بتتريق عليااااا، إيه رأيك كلمتي هي اللي هتمشي بقى؟ سيف: على جثتي. علي: ربنا ياخدك ياسيف بوظت الفرححح. بعد سنة. روح: مش قولتلك ياسوفه كلمتي هي اللي هتمشي، هيهيهيهي. سيف: بحبك. روح: بس بتكسف.