رواية روح السيف الفصل الثامن 8 - بقلم منة محمد

سيف: يلا ياحبيبي خد خطبتك وروحو اتعشو برا. سيف: مش لازم هي مش جعانه صح ياروح؟ روح: ده انا ميته من الجوع. يلا ياعم. سيف: يلا. في المطعم. روح: فاضل اهو تلات شهور الا يوم. سيف: اه الايام بتعدي هوا. روح: لا ودمك خفيف. سيف: مش احسن مايبقا تقيل. روح: انت ليه محسسني اني جوز امك. اش حال يعني انك انت اللي قايل نعمل التمثيلية دي. انا غلطانة يعني. سيف: معلش انا اسف ياروح، بس مضايق شوية. روح: لو حابب تحكي يعني معنديش مانع.

سيف: مممم هحكيلك ياخطبتي كده وكده. روح: هههه احكي. فلاش باك. ام سيف: يلا ياحبيبي روح هات خطبتك. سيف: يلا يانور. في العربية. سيف: نور انتي بتعيطي مالك؟ نور: لا مافيش. مبسوطة انك هتتخطب. سيف: انتي كدابة. قولي مالك.

نور بعياط: انا خايفة. خايفة اوي ياسيف. خايفة احب واتجرح زي ما اتجرحت قبل كده. خايفة يخوني. وخايفة اختار غلط. تعرف انا دلوقتي لو شاب يكلمني يقولي ممكن اقابل اهلك بتهرب. مبعرفش ارد. مبعرفش اتعامل. بقيت خايفة اوي ياسيف. سيف: صوابع ايدك مش زي بعضها ياحبيبتي. فكري في بكرة وانسي اللي حصل بقى. كل واحد بيبقى عنده فترات في حياته بتبقى تقيلة اوي بس بنقول الحمد لله. نور: الحمد لله. باااااك. روح: مش فاهمة برضوه هي مالها.

سيف: ياستي من سنة ونص المفروض كان يتكتب كتابها. ضحك عليها بكلمتين حلوين. فا هي حبته. ويوم كتب الكتاب سابها ومشي. والمشكلة انه كان واخد دهبها اللي انا جايبه اصلا. علشان جالي قبل الخطوبة بيوم وقالي ان الفلوس اتسرقت بتاعت الدهب. فا انا جبت له. غير سمعتها اللي كانت زي الـ****. وكانت في حالة اكتئاب ولسه فيها لحد دلوقتي. أي حد يقولها ممكن اقابل أهلي تقوله مخطوبة. ورافضة فكرة الجواز نهائي. وسألت عليه صحابه عرفت ان دي مش أول بنت يعمل معاها كده.

روح: ياحبيبتي. طب انا ممكن أكلمها عادي. أنا اصلا حبيتها وحبيت الرقة بتاعتها. سيف: والله هي أغلى شخص في حياتي. علشان كده كنت متنكد طول الخطوبة ومش طايق نفسي. وعايز ألاقي الواد ده بأي طريقة. وأسف لو زعلتك انهارده. روح: لا مزعلتش والله. وإن شاء الله خير. سيف: تعالي أروحك. روح: يلا. بس ممكن رقم نور. سيف: تمام. 011*****. روح: تمام. بعد شوية. روح: عايز حاجة؟ سيف: لا سلامتك. سيف: روح روح. روح: ايوه. سيف: ممكن رقمك معلش.

روح: تمام. 011*****. شات على الوتس. سيف: الو ياروح أنا سيف. روح: مممم تمام. هسجل رقمك. سيف: كلمتي نور؟ روح: لا لسه. هكلمها اهو. بس مش هتزعل لما تعرف انك قولتلي. سيف: لا هي نفسها يبقى ليها صحاب. استنى لما هي اللي تحكيلك. روح: مممم تمام. سيف: تمام. شات على الوتس. روح: السلام عليكم ورحمة الله وبركاته. نور: وعليكم السلام. مين؟ روح: احم. أنا روح. نور: روح عاملة إيه ياحبيبتي. روح: بخير الحمد لله.

نور: تعرفي اني حبيتك لما شوفتك. وحبيت اخويا أكتر إنه عرفك. وأهلك ناس طيبين أوي. روح: حبيبتي تسلميلي. أنا لما شوفتك ارتحتلك أويي. ممكن نبقى صحاب. نور: تؤتؤ. أخوات. روح: اشطاا أويي. تاني يوم في الجامعة. سيف: اطلعي برا. محدش يخش بعدي. روح: سيف أنا... سيف: دكتور سيف. احنا هنا في الجامعة. مش في البيت. روح: معاك حق. أنا طالعة. في كافتيريا الجامعة. روح بعياط: ليه عمل فيا كده. وليه يجرحني قدامهم كده. سيف: أنا آسف.

روح قامت علشان تمشي. سيف: روح اسمعيني. روح: شكرا ليك يادكتور. وعلى إهانتك ليا انهارده. سيف: انتي لازم تسمعي. سببي انتي قبل ما تيجي. فلاش باك. مبروك يادكتور. مبروك. سيف: الله يبارك فيكم. أحد الطالبات بتريقة: وعلى كده يادكتور هتطردها برا لما تيجي بعدك. ولا إحنا بس. ههههههه. سيف في باله: انتي فين ياروح. لازم يعني تيجي بعدي. أحد الطالبات: أكيد يبني. ماهي خطيبته. مش هيطلعها برا طبعًا. سيف بتحدي: مين قال كده. هي زيها زيكم.

ـ أما نشوف. باااااك. روح: وأنا ذنبي إيه في كل ده. مش كفاية خلتني أتخطب. وكمان تطردني. كل حاجة انت اللي بتقولها بتتعمل. وأنا دوري إيه من ده. أنا ماشية. سيف: ياروح أنا آسف. في بيت روح. ام روح: افتحي ياروح الباب. واطلعي من التلاجة يابنتي. هنجيب فستان مقاسك منيننننن. روح وهي ماسكة إزازة البيبسي في إيديها وحلة المحشي في إيد: إيه ياست الكل. بتبصالي في لقمتي. ام روح: كل ده لقمتك. ده انتي خلصتي خزين الشهر.

روح: أنا هروح ياستي افتح أشوف مين. روح: أيوه حاضر. واقفه على الباب. ان... اااااحي*ه. سيف: وهو فطسان على شكلها. روح: قفلت الباب في وشه. سيف: بقه كده. روح بصوت عالي: يالهوي يالهوي. يقول عليا إيه دلوقتي. سيف: وهو بيخبط تاني. ام روح: ياروح افتحي يابنتي. روح: افتحي انتي ياماما. أنا نايمة. ام روح: والله. أومال مين بيكلمني دلوقتي. روح: عفريتي. عفريتي. ام روح: الصبر ياربب. حاضر. ياللي على الباب. سيف: عاملة إيه ياامي.

ام روح: الحمد لله ياحبيبي. اتفضل. اتفضل. سيف: ممكن أقابل روح. ام روح: حاضر. ثانية واحدة. بعد شوية. روح: ها. عايز إيه. سيف: أنا آسف. روح: أنا بضعف كده. سيف: خلي قلبك كبير بقى. أنا آسف بجد. روح: تمام. سيف: الا قوليلي مين اللي فتحلي الباب. سيف: استني بس بهزر معاكي. روح: تمام. يعني مش هتقل مني تاني. سيف: مش هيحصل. روح: طب ممكن نفضل صحاب حتى لما الـ 3 شهور يخلصوا. سيف: طبعًا يابنتي. أنا كنت هقولك كده.

احمد: السلام عليكم. ودخل أوضته. سيف وروح: وعليكم السلام. سيف لروح: هو ماله. روح بتفكير: مش عارفة. بس مش بحب حاجة تدور من ورا ضهري. سيف: مافيش حاجة وراكي. روح: يبني بقه فصلتني. سيف: طب هنزل أنا بقى. وشوفي إيه اللي ورا ضهرك. روح وهي بتبص ورا: دي ستارة. سيف: إيه. روح: ستارره. سيف: فكرتيني بالتريند بتاع ده مولتو. إيه ده مولتو. روح: ههههههههه. هموتتت. سيف: أنا نازل بقى. روح: تمام. في أوضة احمد.

روح: حمادة. احمد. حمادة حبيبي. احمد: إيه يابت. روح: مالك. احمد: مافيش حاجة. روح: اخلصص. مالللك. احمد بخضة واعترف كل حاجة عشان روح ممكن تبلعه: بحب واحدة. وطلعت مخطوبة خلاص. ارتحتي. روح: ده مين ده يسطا. احمد: نور. أخت سيف.