رواية روح وجحيم حمزة الفصل العاشر 10 - بقلم الكاتبة المميزة

سهى: انت عاوز تقتل ابنك؟ حمزة: مش مهم عندي. سهى، اطلعي بره الأوضة. سهى: مش هطلع. حمزة، روح مش هتنزل الولد. حمزة: أنا قلت هينزل يعني هينزل. يلا اطلعي بره. سهى: مش هطلع. حمزة قرب من سهى وزتها بقوة. راسها خبطت جنب الترابيزة. مكنش منتبه ليها. قرب من روح ولقاها قاعدة على السرير. كانت سامعة كلامهم كله. حمزة وهو يحط إيده على بطن روح: الولد ده لازم ينزل. فهمتي؟ روح: انت عاوز تقتل ابنك ليه؟ ده من لحمك ودمك. حمزة: ازاي يعني؟

أنا مش عاوز من واحدة عمية تكون حامل بابني. روح: يبقى طلقني. حمزة مسكها من شعرها بقوة: أطلقك ليه؟ روح: سيب شعري يا حمزة. حمزة: هتنزليه، فهمتي؟ زقت روح بقوة ونزلت من السرير. شافت سهى على الأرض وغرقانة في دمها. حمزة: فوقي يا سهى. روح قامت من السرير: سهى فوقي.

حمزة حمل سهى ونزل بيها. اتفاجأ نمر من حالة مراته. راسها كانت متغطية بالدم. ركب عربيته. محمد وروح وناهد ونمر ركبوا بالعربية التانية. وصلوا المستشفى. نزل حمزة من العربية. نمر حمل سهى ودخلوا بيها الأوضة اللي جنب أوضة العمليات. نمر: ازاي حصل كده لسهى؟ حمزة: كله بسببي. اختي وقعت بسببي. نمر يمسك حمزة من لياقة قميصه: مراتي حصلها كده إزاي؟ روح: حمزة، انت فين؟ نمر: حمزة! محمد: حمزة، سهى!

بوكس نزل على وشه. نمر خلاه يوقع على الأرض. روح عرفت إنه حمزة ونمر بيتخانقوا. روح كانت عايزة توقف الخناقة. وهنا زتها حمزة بقوة على بطنها. مكنش أي حد منتبه ليه. روح: حمزة! حمزة شاف روح على الأرض. حملها وودوها أوضة تانية. الدكتورة طلعت من عند سهى. نمر: طمنيني يا دكتورة، سهى كويسة؟ الدكتورة: الحمد لله. بس حصلها نزيف حاد بالمخ أدى إلى فقدانها ذاكرتها. نمر: يعني هي مش هتفتكر حاجة؟ الدكتورة: إحنا عملنا كل اللي علينا.

في أوضة روح، الدكتورة طلعت من عندها. حمزة: مراتي كويسة؟ الدكتورة: أيوه. بس إحنا مقدرناش ننقذ الجنين. حمزة: كويس كده. لما مات أحسن. قلم نزل على وشه. محمد: انت مكنتش عاوز تجيب ولد من روح؟ حمزة: أيوه. وكنت مجبور على الجوازة منها. محمد: ازاي يعني؟ حمزة: انت أجبرتني على إني أتجوز واحدة عمية. محمد: يا خسارة تربيتي فيك. قلم تاني نزل على وشه. محمد: منك لله يا حمزة.

عند روح. روح فتحت عينيها. لقت ناهد قاعدة معاها. وهي مكنتش شايفة ناهد، بس سمعت صوتها. حمزة ومحمد دخلوا عشان يطمنوا عليهم. محمد: انت كويسة يا بنتي؟ روح: أيوه يا عمي. بس أنا خسرت ابني. سهى كويسة يا عمي؟ محمد: أيوه. بس هي فقدت ذاكرتها. سهى كانت نايمة. ونمر دخل عندها. ومجرد ما دخل، فاقت سهى. سهى: انت مين؟ نمر: سهى، انت مش عارفة أنا مين؟ سهى: أيوه. انت مين؟ نمر: أنا جوزك، نمر. سهى، انت مش فاكراني ولا فاكرة حبي الكبير ليك؟

سهى: ممكن تطلع بره.