رواية روح رحيم الفصل الرابع 4 - بقلم ولاء ندا

رحيم: رووووووح فوووقي (المستشفى) الجدة: خير يادكتور مالها حصلها إيه؟ رحيم: اهدي يا تيتة استني. الدكتور: مافيش داعي للقلق يا جماعة، دا جرح بسيط هي بس فقدت الوعي من الصدمة، فـ إن شاء الله كل حاجة تمام. احنا طلبنا أشعة دلوقتي ع المخ وهنتأكد، وإن شاء الله خير. أحمد: أنا قولتلك يا أمي إن البت دي مش هيجي من وراها غير وجع القلب دا، مكملتش يومين ع وجودها وكل ده حصل.

رحيم: يا بابا مش وقته كلام من ده دلوقتي، ربنا وقعها في طريقنا وهو أكيد له حكمة في كده، فـ ارجوك خلي الكلام ده بعدين. الجدة: راحت فين الناس دي يا رحيم؟ أحمد: اختفوا خالص، احنا كنا مشغولين بالبنت وهما هربوا. أكرم: خير يا أحمد إيه اللي حصل ده ومين الناس دي؟ سارة: رحيم أنت كويس؟ أحمد: أنا آسف ع اللي حصل، مش عارف أقولك إيه والله. رحيم: أنا كويس الحمد لله. أكرم: إيه اللي حصل ومين الناس دي وإيه الحوار الكبير ده؟

أحمد: بعدين هفهمك كل حاجة. الممرضة: مين مع الحالة اللي جوه؟ الجدة: أنا. رحيم: خير فـ إيه؟ الممرضة: مافيش، السلسلة دي بالخاتم مع المريضة واحنا داخلين الأشعة ومش هينفع تدخل بيه. الجدة: هاتيهم يا بنتي معايا. سارة: إيه الخاتم ده؟ دا شكله غالي أوي ومافيش منه خالص هنا، إزاي يكون مع واحدة زي دي؟ الجدة: (بسرعة تشيل الخاتم في الشنطة بعيد عنهم) (فـ اليوم التالي) الممرضة: المريضة فـ الأوضة لو حد عاوز يدخلها يا جماعة.

الجدة: ادخل أنت يا رحيم وخلي بالك منها عقبال ما أروح مشوار وأجي على طول. رحيم: هتروحي فين؟ الجدة: مش هتأخر عليك يا ابني، بس خلي بالك منها كويس، أنت فاهم؟ رحيم: حاضر. (ويدخلها الأوضة) روح: إيه اللي حصل؟ هما راحوا فين؟ رحيم: انتي إيه حكايتك بالظبط وإيه اللي بيحصل؟ أنا عاوز أفهم. روح: (تقوم من ع السرير وتروح تقرب من رحيم) رحيم: انتي بتعملي إيه؟ (وكان متوتر خالص) روح: اتجوزني.

رحيم: يااااه تاني نفس الموضوع والكلمة الهبلة بتاعتك دي. روح: أنا عارفة إن واحد زيك عمره ما هيبص لواحدة زايي، بس أنا مش عايزة أتوجزك زي أي اتنين. أنا عايزة بس أعرف أخلص منهم عشان أعرف آخد حقي صح. رحيم: حق إيه؟ أنا مش فاهم حاجة.

روح: مش مهم تفهم، أنت خسران إيه لو ياسيدي مش عايز حد يعرف، أنا مش هقول لحد. المهم أكون على ذمتك، أكون خدامة في البيت زي ما ست الحاجة قالت، بس عايزة أروح البلد وأعرفهم إني اتجوزت عشان محدش يجي يدور عليا تاني وعشان متجوزش غصب عني. رحيم: اهدي بس كدة، انتي شكل الخبطة مقصرة ع دماغك. روح: (تمسك فـ إيده جامد أوي) روح: أرجوك فكر في الموضوع، وأي حاجة أنت عايزها هعملهالك. رحيم: انتي الدنيا سهلة عندك كدة يا روح؟

كل حاجة سهلة كده؟ أي حد تروحي معاه البيت وأي حد يتجوزك؟ ولا انتي عشان أنا غني بقى وبيت حلو وعيشة حلوة قلتي خلاص امسك فيه؟ روح: قصدك إيه؟ رحيم: قاصدي إن شكلي صيدة حلوة بنسبالك؟ ولا انتي مين أصلاً؟ ولا تكوني واحدة بقى متسلطة علينا عشان الانتخابات بتاعت أبويا؟ روح: أنت بتقول إيه؟ وليه وشك اتغير كده وملامحك اتغيرت؟

رحيم: بقولك إيه فوقي كده لنفسك واعرفي إنك بنت ولازم تكوني أقوى من كدة وبلاش السذاجة اللي انتي فيها دي. انتي فاكراني هقولك حاضر ويلا بينا نتجوز كده وخلاص؟ هي الدنيا سهلة وسريعة أوي كده ولا إيه؟ إحنا عملنا اللي علينا معاكي وزيادة. الجدة: (فـ إيه؟ إيه الزعيق ده؟ صوتك طالع كدة ليه يا رحيم؟ مالك يا روح فيكي إيه؟ وشك أصفر كده ليه؟ رحيم: مافيش يا تيتة، أنا هحضر العربية على ما تنزلي، عن إذنك.

(رحيم ينزل العربية وكان مضايق من نفسه وطريقة كلامه) (فـ المنزل وبعد عدة أيام) رسمية: الفطار جاهز يا هانم. أحمد: هي روح مش بتساعدك ليه يا رسمية في شغل البيت؟ هي مش خلاص بقت كويسة؟ الجدة: لا، روح مش هتشتغل هنا. روح هتنزل مع رحيم الشغل في الشركة. الأم: ودي هتشتغل إيه بس يا ماما هناك؟ هي مش هتفهم حاجة. رحيم: أنا مش عارف تيتة مالها كده، إيه اللي حصلها مرة واحدة.

الجدة: مافيش كلمة تاني، خد روح معاك الشغل من النهاردة وتجيبها وانت جاي، أنت فاهم؟ رحيم: بس... الجدة: من غير بس، خلص الكلام. (تلبس روح وتروح مع رحيم الشغل) (فـ الشركة) المكتبرحيم: هو ده لبس تيجي بيه شركة زاي ده. روح: (مكنتش بترد ع رحيم خالص من آخر مرة وهي بتحاول تتجنب رحيم قدر الإمكان) رحيم: شايفة المكتب ال هناك ده؟ تروحي تقعدي عليه بس لا أكتر ولا أقل، ولما أنا أطلب منك طلب تعمليه، غير كده لا، تمام.

(روح برضه مش بترد وتروح تقعد ع المكتب وهي نايمة سرحانة وبتفكر هتعمل إيه فـ اللي بعد كده) (ومرة واحدة تقوم من مكانها وتمشي) رحيم: (كان مشغول طول الوقت فـ الشغل ومش ملاحظ غيابها خالص) (فـ السماء) رحيم: الو، إيه يا رسمية؟ هي روح جت البيت؟ رسمية: لا يا أستاذ رحيم مش جت البيت طول النهار، هو فيه حاجة؟ رحيم: لا مافيش، سلام. (راحت فين دي في وقت زي ده؟ (فـ مكان آخر) المحامي: أهلاً وسهلاً يا حربي بيه، نورت المكتب والله.

حربي: بنورك يا رأفت. المحامي: خير يا حربي بيه؟ إيه سبب الزيارة الحلوة دي؟ حربي: أنا عاوز منك خدمة. المحامي: أنا تحت أمرك. حربي: عاوز بيانات الشخص ده وكل حاجة عنه، كل حاجة، بس في أسرع وقت، أنت فاهم؟ المحامي: أنا تحت أمرك، في أقرب وقت هيكون كل ده عندك. (كان يوجد ع المكتب ورقة فيها اسم إبراهيم مرعي) إيه اللي مستني روح فـ كل ده؟ ومين معاها ومين ضدها؟