رواية روح صقر الفصل الخامس 5 - بقلم رنا احمد

في فيلا العزايزي .. في مكتب عرفان . عرفان بتفكير: وانت ايه رايك عاد ي صقر. صقر بضيق: انت عارف يابوي اني مش مرتحله اساسا بس القرار قرارك يابوي طبعا. شاكر: ي عمي انا متهيالي نجربوا مش هنخسروا حاجه واصل وعنينا هتكون علي كل حاجه. عرفان: انا بقول كده برضك ادرسوا زين وخدوا قراركم واي ان كان انا موافق في الاخر مصلحتنا كلها واحده فاهمين. أومأ رأسهما في صمت. من أمام غرفة صقر ...

كانت تسير ببطء وهي تنظر يمينا ويسارا بقلق لتسير إلى الغرفة سريعا. صباح بخبث: اه ي صقر اخيرا هتكون ليا لحالي لنتذكر كلام ام مصباح. فلاش باك ... ام مصباح: بس خودي بالك ي ست البنات العمل هيشتغل بعد 10ايام وخودي بالك اوعا العمل يتطول نقطه ميا ليفقد. صباح: خلاص ي ام مصباح انتي هترغي فهمنا عاد. باك ... صباح: ايوه تحت المرتبة هو أنسب مكان لتقوم برفع المرتبة لتضعه سريعا لتبتسم بخبث وترحل سريعا ... في منزل عثمان ...

كان يجلس علاء وهو يبحث في ذلك البرنامج ليجد الفتاة المناسبة للتحدث معها. علاء: مساء الخير ي عسل. سارة بدلع: مساء النور تحت نتعرف. علاء بلهفة: طبعا نتعرفوا ده انتي جامدة جوي. سارة بدلع: واضح إنك مش سهل خالص. علاء: بالعكس ده انا عامل زي حتة العجينة في إيدك براحتك خالص. سارة بضحك رفيعه: هههههه. علاء بسعادة: اه ي حلو انت عايز اشوف الحلويات بقا. في غرفة روح البسيطة للغاية ...

كانت تجلس وهي تذاكر دروسها لتسرح باهتمام إلى حديث هبة هل بالفعل يمكن أن يحدث ذلك هل بالفعل من الممكن أن يعشقها صقر أن تعيش في ذلك القصر وتكون الآمرة والناهية به لتفوق من شرودها سريعا لتبتسم بحزن فذلك الحلم لا يمكن تحقيقه لتغفو ببراءة في أحلامها الوردية على فرشتها البسيطة ..... في الشقة التي تنظفها هبة. كانت تنهج بتعب وتلعن من فعل بها ذلك لتتفاجأ بمن يحاول فتح باب الشقة لتنصدم.

رشاد ابن صاحب الشقة بسكر: إيه ده عاد أول مرة يجيبوا خدامة عسل كده. هبة بدموع وخوف: ربنا يسترها معاك وميوقعك في ضيقة سبني أمشي. رشاد بوقاحة وطمع: تمشي فين بس ي عسل ده أنا احنا لسه في أول الليلة. هبة وهي ترجع للوراء بدموع: أبوس يدك سيبني. رشاد بطمع: متعنيطيش ي حلوة ده احنا لسه في الأول ليمسكها بعنف لتصرخ وهي تحاول الخلاص منه يحاول الاعتداء عليها لتفلت من يده لتذهب سريعا إلى البلكونة ليختل توازنها لتسقط أرضا ..

في فيلا الزهار الخاصة ب شاهندا ابنته ... كانت تجلس وهي تدخن بعنف وغضب فهي تعشق قاسم لكنه يكن كل العشق ل ندا لكن هي تتعداد على أن كل شيء تحت يدها .. حاتم: حبيب بابا زعلانة ليه. شاهندا بزفر: مفيش ي بابي مخنوقة شوية. حاتم: ماشي براحتك بس لما تحتاجيني أنا جنبك. شاهندة بغضب: بابا فيه واحدة خانقاني حاطة راسها براسي وبتفكر تاخد حاجة بتاعتي.

حاتم بضيق: آه موضوع تافه كالعادة أنا صحيح دلعتك بزيادة بس مقولتش أن التفاهة دي هتاخد محور حياتك كله وعلي العموم مين هي البنت دي. شاهندة: ندا سالم العزايزي بنت فلاحة كده. حاتم بصدمة: بتقوليلي مين دي بنت الناس اللي بيشتغل معاهم اللي كل مصالحي تحت إيديهم بقولك ابعدي عن البنت دي خالص أنا مش ناقص مصايب تعطلي شغلي سامعة أنا حذرتك.

شاهندة بغضب وغيظ: كمان طلعتي بنت ناس أغنياء ماشي أنا هوريكي انتي وقاسم باشا لتمسك هاتفها سريعا. شاهندة بتوعد: بيتر عايزك حالا. في غرفة رحمة ... كانت تجمع كتابها داخل الشنطة لتشهق من يحتضنها بتملك من الخلف وهو يقبلها في عنقها قبلات متفرقة. رحمة بارتباك: شاكر فيه إيه سبني بلم حاجتي. شاكر بابتسامة: أعمل إيه عاد مانتي وحشاني جوي ده أنا بغيب بالساعات. رحمة: هروح لأخوي صقر ضروري وراجعة. شاكر بجدية: ليه.

رحمة باستغراب: هو إيه اللي ليه هو غريب إني أشوف أخوي ولا إيه. شاكر بضيق: إنك أكيد عايزة تطلبي منه حاجة وده اللي بيضايقني يوجعني عاد. رحمة بهروب: متكبرش الموضوع عاد ي شاكر ده كتاب وملازم وهو اللي متعود يجيبهم ليا متزعلش أنا آسفة. شاكر بتنهيدة: أنا مش زعلان من حاجة واصل أنا هنام تصبحي على خير. رحمة بحزن: وانت من أهله. في غرفة صقر ..

كان يمدد على سريره فالنوم قد فارقه يفكر في عصفورته الصغيرة فماذا حدث هو يعلم جيدا أن شوية الدرة وبيعها بالنسبة لها هو مصدر رزق أساسي فتسلل عليه القلق وأصبح ينهش في قلبه ليقاطعه طرقات الباب لياذن بالدخول .. رحمة بحزن: صاحي شوي ي صقر. صقر: تعالي ي قلب أخوكي أنا منمتش واصل مالك. رحمة بدموع: تعبت ي صقر كل ما بحاول أظبط الدنيا بيني وبين شاكر بتتعك زيادة أنا خلاص استسلمت لنصيبي.

صقر بحنان: أنا عارف ومتأكد من حاجة واحدة ي قلب أخوكي إن شاكر بيعشقك جوي ومن واحنا صغيرين وعلشان كده مبرضاش أشد معاه جوي فانتي متزعليش صدقيني كل حاجة بعد كده هتتنظبط بس لو انتي فتحتي قلبك ليه. رحمة بتنهيدة: إنشاء الله ي أخوي خود معلش عايزة الكتب والمراجع دي. صقر بحنان: عنيا ي مغلباني. رحمة بابتسامة: تسلملي عنيك تصبح على خير. صقر بارتباك: وانتِ من أهله رحمة رحمة. رحمة بانتباه: نعم ي أخوي.

صقر بارتباك: بقولك عاد انتي شوفتي روح أصلها بطلت تاخد درة من عندنا وأنا عارف إن ده مصدر دخلهم يعني. رحمة بخبث: امممم هي مش هتيجي أنا عارفة هي نفسها عزيزة خوي واكيد اتحرجت من اللي عملته صباح. صقر: طب قوليلي عاد هي بتقعد فين واحنا نشيعلها احنا لازم نساعده برضك. رحمة بخبث: أكيد طبعًا ي أخوي هي فارشة جنب أم أحمد بتاعة الخضار. صقر بابتسامة: تمام جوي .. في منزل عثمان .. بدرية بقلق: رايحة فين ي بت ي روح.

روح: لقيت كام كوز جوه هروح أشوييهم نطلعوا بأي حاجة. بدرية: هو أخوكي جه. روح بغيظ: أيوه جه وشارب حشيش ولا دريان بينا. بدرية بغيظ: بس ي بت عاد واطي حسك ده. روح بغيظ: ماشي ي اختي خايفة على الحيلة بتاعتك أنا ماشية قبل ما أنشل. بدرية بقلق: خالي بالك من نفسك. روح: حاضر ي أما .. في غرفة مكتب عرفان .. صباح: ينفع أتحدت معاك شوية ي عمي. عرفان: تعالي ي بتي.

صباح بمكر: عمي أنا عايزة أشتغل في الشركة هوانا كنت واحدة بكالوريوس تجارة علشان أقعد في البيت كده. عرفان بتنهيدة: والله ي بتي القرار مش ليا لحالي أخوكي الأول يوافق. صباح بخبث: سيب شاكر عليا أنا ي عمي بي المهم موافقة حضرتك. عرفان: والله ي بتي معنديش مانع انتي مش هتبقي مع حد غريب ده أخوكي وابن عمك. صباح بانتصار لتحقيق هدفها: ربنا يخليك ليا ي عمي وميحرمنيش منك واصل.

لتحدث ذاتها بمكر: آه أكده اتحلت لازما أكون في الشركة وكل حاجة تبقا تحت عيني بس لازما الأول أشوف قطر اللي ماتتسمي روح. من أمام نصبة الدرة .. كانت تقف روح وهي تقوم بإشعال الحريق لشوي الدرة لتنصدم مما ترى كان صقر يقود جرارًا محملًا بكمية كبيرة من الدرة. صقر بابتسامة عشق: كيفك ي روح. روح بارتباك وهي تشعر قلبها يرقص: أهليين ي صقر بيه نحمودوا .. صقر بابتسامة وخبث: عمك عرفان زعلان جوي إنك مش بتاخدي درة ولا بتيجي واصل.

روح باحراج: أنا آسفة والله جوي أمي حلفت عليا بعد اللي حصل آخر مرة من الست صباح. صقر بغضب: متقوليش عليها ستك انتي ست البنات كلها فاهمة. روح بخوف من غضبه: أمال أقول إيه أنا فين وهي فين العين متعلاش على الحاجب ي صقر بيه. صقر وهو يسرح في عينيها السوداء اللامعة الذي تظهر من خلف

نقابها ليتحدث بنبرة عاشقة: هتعلا ي روح انتي اللي تستاهلي تعيشي في قصور وتعيشي ملكة تأمري وتنهي وده هيحصل قريب جوي جوي ي روح وهتكوني انتي ست قصر العزايزي كله والملكة على كل اللي فيه. روح بتوهان: كيف. صقر بنبرة واثقة: لأنك هتكوني مراتي.