رواية روح صقر الفصل الثالث 3 - بقلم رنا احمد

في فيلا حاتم الزهار.. كانت تجلس في غرفه نومه وهي ترتدي قميص نوم احمر وكانت تتأنن وهي تتطلي أظافرها ليدخل حاتم وهو يخلع جاكيته بإهمال ويرتمي بجانبها. سوزي بدلع: مالك ي قلبي فيه ايه. حاتم بضيق: مخنوق، صقر ده هيقف زي القمة في الزور وهيقرفني. سوزي: حبيبي تحب أضيعهالك ولَك خالص، شاور انت بس وأنا تحت أمرك. لينعدل وهو ينظر إليها بسخرية: كان غيرك أشطر ي حلوه، مش مع ده، ده يوديكي وراء الشمس.

سوزي بدلع: هو انت مش واثق في إمكانياتي ولا ايه. ليتتطلع إلى جسدها بجراه وهو يحرك يديه عليها بأريحية: بصراحه بطل، بس مش صقر العزازي، ده عايز تخطيط تاني خالص بس على رواقه. في فيلا العزازي.. في جنينة الفيلا.. كان يجلس عرفان وهو يستحي كوب الشاي. خديجه: بقولك ايه ي عرفان، مش آن الأوان بقا ننفذ وصيه اخوك الله يرحمه وتجوز البنات، العيال بقا. عرفان بتنهيده: والله منا عارف ي خديجه، خايف أكون بظلمهم، سواء ولادي ولا بنات اخوي.

خديجه: واه عاد تظلمهم كيف؟ هما ولادنا هيلقوا احسن من بنات عمهم فين؟ ده انا مربياهم على يدي وعرفاهم، مش احسن ميجبولنا بنات منعرفش أصلهم من فصلهم، وبعدين مانت خابر زين إن صباح وندا دايبين دوب في صقر وجاسر، عايزن تفرحوا عاد. عرفان: إنشاء الله ي خديجه، أنا هروح أنام لأني عندي شغل كتير الصبح. خديجه بخبث: نوم العوافي ي اخويا، ده أنا لازما أجوزهم دول بالذات عشان يبقوا تحت طوعي وينفذوا كل أوامري وفلوسهم متروحش للغريب.

في غرفه صقر... كان يسند رأسه وهو يفكر في تلك الصغيرة التي سلبت عقله، فكيف لذلك الملاك الصغير أن تكون حياتها مليئة بكل ذلك التعب؟ رآ فيها البراءة، حقًا أنها مختلفة، فقد سرقت تفكير الصقر الذي لم تستطع ملكات جمال العالم أن تشغله ولو وقت بسيط، لدرجة أنه لم يشعر بجاسر الذي يقف أمامه ويحدثه منذ وقت طويل. جاسر: صقر، صقر. صقر بانتباه: بتقول حاجة ي جاسر. جاسر باستغراب: بقول حاجة، أنا بتكلم معاك من بدري وانت مش معايا خالص.

صقر بابتسامه: حقك عليا ي اخوي، أوامر. جاسر بطيبه: ميؤمرش عليك ظالم ي اخوي، كنت عايز منك مبلغ كده للمستشفى. صقر بحنان: عينيا ي اخوي، شوف عاوز كام وأنا أسدد، دي فلوسك ي جاسر. جاسر بابتسامه: ربنا يخليك ليا يا صقر، أسيبك أنا بقا ترتاح. صقر وهو يحدث ذاته: لأ، أنا مش هقدر، البت رحمه أكيد تعرف عنها كل حاجة، ليسرع إلى غرفه رحمه. في منزل عثمان.. روح بغيظ: شايفة ياما، اهو ابنك لسه مارجعش ل حد دلوقتي.

بدريه: تلاقيه قاعد على القهوة، وانتي عايزة إيه ورايحة فين دلوقتي. روح وهي تتضع الذرة: هروح ل عمي عرفان، طلب مني كوزين درة لازما أروحله. بدريه بقلق: طب خلي بالك من نفسك زين وخودي الفستان ده ابقي اديه ل ندا. روح: حاضر ي أما. إيه ي بت اتاخرتي ليه عاد ي بت. هبه بنهج: اعمل إيه، مانا جيت جري اهو عقبال ما خلصت من العقربة، ويلا عشان هروح أنضف شقة. بدريه بضيق: في الوقت ده ي ضنايا، ده الوقت وخري جوي.

روح بغيظ: كله من بنت المنجد، ربنا ينتقم منها. هبه: يلا ي روح عشان نلحق نرجع، يلا. بدريه: خلي بالكم من نفسكم ي بنات. في القهوة... كان يجلس علاء مع أصدقاء السوء. علاء وهو يشرب سيجارة ممنوعة: يااه ي جدعان الواحد تعب من شغل المحارة ده. طه: ومين سمعك، بس احنا عندنا الي يهون علينا كل ده. علاء: قصدك إيه. عصام وهو يمسك بيده الشيشه: المزز بتوعتنا، بتكلم بنات مصريين بس عايشين بره، وعايزنا تروحولهم كمان.

علاء بسخرية: لا يراجل بقا، بنات عايشين في أمريكا، عيب توصلكم انتوا، هي الدنيا جرا فيها إيه عاد. طه بشر: بقولك إيه، خد البرنامج ده وانت هتتدعيلي، هبعتهولك. علاء بسخرية: وهو تلفوني الكحيان ده هيشتغل عليه الحاجات دي. عصام: ي عم، كله بيشتغل دلوقتي. علاء بغباء: وماله عاد، نجرب. في غرفه رحمه.. كانت تجلس رحمه وهي تذاكر دروسها ليقاكعها طرقات الباب لتاذن بالدخول. صقر بابتسامه: عاملة إيه ي قلب أخوكي.

رحمه بابتسامه: زينة ي اخوي، تعال ادخل. صقر بارتباك: بقولك إيه ي رحمه، انتي تعرفي روح بنت عمي عثمان الله يرحمه. رحمه: طبعًا، دي أختي وقدي في السن وعشرة عمري، بس انت بتسأل عليها ليه ي صقر. صقر بارتباك: ابدأ، اصل يدوب شوفتها وعرفتها النهارده وصعبت عليا لما عرفت حالتهم من أبوي، فقولت المفروض نساعدهم. رحمه بخبث: اممممم، وماله تساعدهم بس متتعابش حالك، لأنهم مش بيقبلوا مساعدة من حد، هما بيشتغلوا ويصرفوا على نفسهم.

صقر بفضول: هما الي بيشتغلوا. رحمه: روح ووالدتها وساعات أخوها علاء، روح بتبيع درة ووالدتها بتشتغل خياطة وأخوها مبيض محارة، وأهي ماشية. شاكر وهو يحمل بيده الورود: آسف ي صقر، مخدتش بالي أنك هنا. صقر: آسف على إيه عاد، ده أنا اللي آسف، هستأذن أنا بقا. رحمه: مع السلامة ي اخوي. شاكر: حبيب جلبي، عامل إيه. رحمه بصدمه: انت بتكلمني أنا. شاكر وهو يقبل يدها: هو أنا ليا حبيب جلبي غيرك، ده انتي روحي ي رحمه، وانتي عارفه كده.

رحمه بدموع: لا، من ناحية عارفه، عارفه جوي. شاكر وهو يقبل خدها: أنا آسف، مقدرش على زعلك واصل، بس ي رحمه، ليه منحروحش نكشفه؟ إحنا داخلين على 9 شهور أهاه، عايز أطمن. رحمه بارتباك: كله بأمر الله ي شاكر. شاكر بابتسامه: ونعم بالله ي جلبي، بس تعالي بقا في حضني، انتي وحشاني جوي. رحمه بارتباك: طيب، هدخل الحمام أجهز. شاكر: براحتك ي جلبي. لتسرع رحمه إلى الحمام.

شاكر بتنهيده: عمري مهادخلك ي رحمه أبدًا في انتقامي، هتفضل حب عمري كله مهما حصل. في الحمام.. رحمه بدموع وهي تمسك بيدها شريط منع الحمل: سامحني ي يارب، سامحني، بس مش قادرة أحبه، مش قادرة، خليك معايا ي رب. من أمام الفيلا.. روح بطيبه: كيفك ي عم عبده ي طيب. عم عبده بحنان: أهلاً ب ست البنات، كيفك؟ كيفك ي هبه ي بتي. هبه بابتسامه: الحمد لله ي عم عبده. روح: خد ي عمي عبده كوز الدرة السخن دي وادي الدرة دي لابا الحاج عرفان.

ندا بابتسامه: كيفك ي روح؟ كيفك ي هبه. روح بابتسامه: الحمد لله ي ست ندا، خدي الفستان. ندا بعتاب: ندا بس ي روح، مفيش ستي والكلام ده. صباح بغضب: جرا إيه ي عمي عبده، إيه الي جاب الأشكال دي هنا. ندا بحده: كفياكي ي صباح أكده، مالك. صباح باستفزاز: وانتي ملقتيش حد ياخدهم، جايه تدوري بيهم على البيوت تشحتي عليهم ولا إيه؟ بقيتي شحاته بريمو. لم تشعر بنفسها إلا وهي ساقطة أرضًا من قوة تلك الصفعة، لتنظر إليهم بصدمه.

صقر بغضب جمهوري: احترمي نفسك وانتِ بتتكلمي مع الناس وبطلي غرورك ده، وحسك عينك أشوفك بتتحدي مع أي حد كده. صباح بصدمه وصراخ: بتضربني ي صقر عشان واحدة شحاته زي دي. روح بدموع وكسرة: ربنا يسامحك. كان ينظر لها وقلبه يكاد يتوقف، فتلك الدموع تقتله قتلاً، لا تبكي ي صغيرتي، سأذوق من ساهم في هذه الدموع المرار. صقر بغضب: اخرسي واقفلي خشمك خالص. خديجه بحده: فيه إيه هنا؟ إيه الي بيحصل.

ندا بحده: مفيش غير المصايب بسبب ست صباح وتريقتها على الخلق. صقر بتحذير: مرات عمي، ربي بنتك زين، لأن صبري بدأ ينفد منها. ليسارع الجميع إلى الداخل خوفًا من غضب الصقر. صقر بحنان: خدي منديل ومتعيطيش. روح بطفولة: تسلم ي صقر بيه، عن إذنك. صقر بهمس: مع السلامة ي روح الصقر.