رواية روح الفصل الرابع 4 - بقلم حبيبه احمد

نديم : آسر ما'ت يا روح الجميلة دي صدمتني خلتني مشلو'لة مكنتش قادرة أعمل ولا حاجة. دموعي نزلت، مكنتش متوقعة إن محمد العزايزي يعمل كده ويقتل حبيبي وروحي. آسر انصدمت من كل حاجة. آسر ما'ت؟ لأ مستحيل، هو وعدني إنه مش هيسبني أبداً. إزاي عمل كده وأخلف بوعده ليا؟ وقعت على الأرض دايخة. نديم حملني وأخدني العربية، وفرح كمان. أخدوني المستشفى. وصلوا هناك والدكتورة فحصتني وبعدها خرجت.

الدكتورة : هي تعبت ومش بتاكل كتير. أنا حكتبلها أدوية وإنتوا لازم تجيبوها. فرح : طيب، الحمد لله يعني مش معاها حاجة، مش كده؟ الدكتورة : أيوة الحمد لله. يلي جبته في الوقت ده عشان الصدمة يلي اتعرضتلها أثرت على الجنين. فرح : جنين؟ هي روح حامل؟ الدكتورة : أيوة حامل. هي دلوقتي في الشهر الخامس. عارفة إن حملها مش واضح، بس الحمد لله قدرنا ننقذها وننقذ الجنين.

بعد ما الدكتورة مشيت، نديم راح يجيب الأدوية. فرح دخلت عندي، قعدت جنبي ومسكت إيدي. فرح : إنتِ حامل؟ مقلتيش ليه؟ ليه يا روح خبيتي عني الحقيقة؟ مكنتش قادرة أرد عليها. فضلت ساكتة وعقلي مش براسي، بفكر بحاجة تانية. قلت وأنا ببص على شنطتي: روح : أنا حاخد حق آسر بإيدي. فرح : إزاي يا روح وإنتِ حامل؟ روح : أنا مش هسكت لمحمد العزايزي. هخليه يندم. هيتمنى الموت كل يوم ومش هيلاقيه. فرح : روح، ده خطر عليكي وعلى ابنك.

حطيت إيدي على بطني. عارفة إن الولد اللي في بطني دلوقتي هو آخر ذكرى من آسر، بس أكيد مش هقف هنا. أنا حاخد حقه بإيدي. علياء كانت متأكدة إني مش باخد دوا منع الحمل، ومع كده أنا خليتها تشك بيا. نديم دخل عندي ومعاه أكل. نديم : روح. كنت منزلة النقاب ومنزلة راسي كمان تحت، وأنا بفكر بحاجة تخليني أنتقم من عيلة العزايزي. *** قاسم رجع البيت ومعاه ولد صغير. حامله بين إيديه. محمد كان قاعد على الكنبة وهو يدخن. محمد : إنت جبت ابنك؟

قاسم : أيوة جبته. هو عندك مانع؟ أنا هرجعه. محمد : سيب حفيدي. تعال. بص قاسم على ابنه ونزله من إيده. الولد جرى عند محمد ومحمد حمله. محمد : اسمك إيه؟ ... : ريم. محمد : اسمك ريم. قاسم : هو مش اسمه ريم، اسمه كريم. كريم : ليم. *** قررت أرجع بيت عمي وأشوف جنازة آسر من الباب وبس. علياء بصت وشافتني واقفة جنب الباب. طلعت وحضنتني بقوة. إزاي هي الوحيدة اللي عرفت إني روح؟ علياء : ست روح، إزيك؟ روح : أنا كويسة. جدي سليمان إزيه؟

وعمي عامر ومرات عمي حياة، ازيكم؟ علياء : جدي ربنا يكون معاه. ست روح، إنتِ حامل؟ روح : أيوة. آسر حبيبي وقلبي سابني للدنيا دي. علياء : ست روح، آسر بيه كان دايماً يتمنى يكون عنده ولد ويشوفه قبل ما يموت. بس هو مات قبل ما يعرف إنك حامل ولا حتى يشوف ابنه. روح : أنا مش هسيب حق آسر يضيع. أنا عندي خطة، بس يا علياء لازم تساعديني.