رواية روحي فداكي الفصل العاشر 10 - بقلم جهاد خالد

صلاح بتفهم. انتو عايزين امته؟ ادم بسرعه. والله لو عليا يبقى دلوقتى. صلاح بص لبنته اللي بتبصلهم باستغراب. وانت يا جهاد عايزه ايه؟ ادم بصلها بابتسامه خبيثه. اكيد هتعوز نكتب كتب الكتاب بسرعه، اصل هي بتحبني أوي. جهاد بتبصله بغيظ. صلاح بتنهيده. ها يا بنتي، رأيك ايه؟ جهاد. ب ب با ل ل. ادم بسرعه. احنا هنكتب كتب الكتاب بكره إن شاء الله، والفرح بعد ما جهاد تتحسن. جهاد بتبرق بصدمه. صلاح ابتسم. أنا موافق.

زهره بفرحه. لولولولوى، ألف مبروك يا حبيبتي. وشغلت أغاني والجيران خبطوا يشوفوا فيه إيه. ادم راح لجهاد و بهمس. مامتك ما صدقت تخلص منك، هههه. جهاد ضربته على كتفه. ا ا امشِ. ادم بضحك. هههههه، لا هتغدى هنا معاكي. وبيرقصلها حواجبه. جت عليهم بنت من نفس سن جهاد. يارا بغل بتحاول تخفيه. ألف مبروك يا جهاد، بس بسرعه لحقتي تنسي يونس؟ جهاد برقتلها. ها؟ ادم وانتبه. لا بتقول إيه؟ يونس مين؟

يارا بخبث. يونس اللي جهاد بتشتغل عنده، أصل كانت بتحبه و بتموت فيه. جهاد مصدومة من اللي بتقوله. ادم بغضب. يونس صاحبي، استحالة. جهاد بدموع. ا ا امشِ، ا ا اطلعي ب ب ب ر ه. يارا بخبث و بتبوسها و بتتكلم بهمس علشان جهاد بس اللي تسمع. مش هتتهني بيه، مش كل حاجة انتي بس اللي تاخديها وأنا لا. باي يا يا عروسة. وسابتهم ومشيت. ادم و عيونه حمرا من كتر الغضب. هي بتتكلم بجد؟ انتي كنتي بتحبي يونس؟ أو كنتي إيه؟ لا لسه بتحبيه؟

جهاد دخلت اوضتها وهي منهاره، وادم أخد بعضه ومشي. وطبعاً زهره وصلاح مشغولين بالضيوف وصوت الأغاني العالي مسمعوش حاجة. عند ياسمين. قامت من النوم وهي مبسوطة. اتصلت على أم ياقوت تطمن على ياسين. أم ياقوت. السلام عليكم، ازيك يا بنتي؟ عاملة إيه؟ ياسمين بحب. عليكم السلام يا ماما، الحمد لله حضرتك عاملة إيه؟ وياسو عامل إيه؟ يامن أخد الموبيل من مامته. كويس، ابنك أهو مزهقني في عيشتي. الا قولولي، هو انتي قرعة أو ياقوت كان أقرع؟

الولا كل شويه يشد شعري، إيه الاستغراب ده؟ ياسمين ضحكت. لا أنا مش قرعة ولا ياقوت. دا ياقوت كان شعره أحلى من شعرك بكتير، دا كان قمر كدا. و هههه. وكتمت باقي ضحكتها لما شافت يونس خارج من الحمام و وشه هينفجر من كتر الغضب. ياسمين بتوتر. طيب سلام دلوقتي. وقفلت. يونس بغضب. لسه بتحبيه؟ لسه يا ياسمين؟ اومال ليه عملتي الجو ده والرومانسية دي؟ انتي كنتي بتدوبي في إيدي امبارح؟ ليه كدا؟ كنتي بتمثلي عليا؟

ياسمين بإحراج من كلامه وتوتر. لأ، أصل. يونس بزعيق. أصل إيه بس؟ أنا تعبت، أنا بحبك وانتي بتحبي في اللي مات. ارحميني بقى. أنا الغيرة بتموتني. ياسمين بحزن. يونس لو سمحت اهدى. يونس بجنون. اهدى؟ اهدى إزاي وأنا سامع مراتي بتتكلم وتقول حلو على راجل غيري؟ بتقول. ياسمين حطت إيدها على شفايفه. اهدى، ده كان يامن وبيقولي. يونس بغضب وزق إيدها. يامن كمان بيكلمك ليه أصلاً؟ و بتاع إيه؟

ياسمين بغضب. اديني فرصة أتكلم. هو فيه إيه لكل ده؟ ياقوت كان جوزي ودي حاجة مش هتتغير أبداً، افهمي بقى يا يونس. ده أبو ابني، ده. يونس بصالها بغضب وغيره. هشششش، مش عايز أسمع حاجة عنه. وقام لبس هدومه ونزل وهو عفاريت الدنيا بتطنط في وشه. ياسمين بحزن. أعمل إيه بس يا رب. روفيدا بترن الجرس على ياسمين. ياسمين بخضه لبست وطلعت تفتح. روفيدا بصدمه. انتي ياسمين مرات أخويا؟ ياسمين بابتسامه. انتي روفيدا.

روفيدا بغيظ. آه أنا، هو قالك إن أخته اللي مش بتبقى في بوقه فولة دي؟ ياسمين ضحكت. لا، مش بيخبي عني حاجة. اتفضلي ادخلي. روفيدا دخلت. هو فين؟ ياسمين بحزن. نزل. روفيدا. طيب، انتي ليه زعلانه؟ ياسمين بحزن واضح. يونس زعلان مني، حصل. أنا مش بإيدي، ده أبو ابني، عمره ما هيكون ماضي. ويونس الحاضر ومستقبلي. مش عارفة ليه هو مش مقتنع بكدا. أعمل إيه؟

روفيدا بتفهم. طيب، اهدى وأنا هتفاهم معاه. يا ياسمين، هو بيحبك أوي والله وغيّرته عمته. يونس اتصل على روفيدا. روفيدا ردت عليه. حبيبي، عامل إيه؟ يونس بقرف. حبيبك؟ ولا تميم اللي حبيبك؟ بتقرطسيني يا بنت محمد؟ روفيدا بصدمه وبتبرق. تميم؟ تميم وأخد منه الموبيل. أنا حددت مع أخوكي كتب الكتاب يا بنت محمد، ماشي. روفيدا وبتبرق أكتر. انت؟ انت بتعمل إيه مع يونس؟ تميم بغيظ. بناكل كبدة من الفلاح مع بعض، صح يا يونس؟

يونس وهو بياكل. صح يا خويا. جيب البيج كولا بتاعتي، خليني أبلع الكلمتين اللي انتو بتقولوهم دول. روفيدا بغيظ. يونس، انت بتبيعني لواح اللي جنبك ده؟ تميم وعيونه احمرت. أنا لواح يا بقرة؟ والله لما أشوفك. يونس بياخد الموبيل وبيقفله السبيكر. بت أنا وأبوكي عطيناه كلمة، بكره كتب كتابك من تميم مع جهاد وادم. يلا باي، تتك القرف انت وهو. وقفل في وشها. روفيدا بدموع. شفتي أخويا عايز يجوزني تميم اللي أنا مش بحبه أصلاً.

ياسمين بحزن. طيب، ليه مش بتحبيه؟ احكيلي أنا زي أختك. روفيدا وحكت ليها كل اللي عمله تميم فيها. ياسمين بصدمه. إزاي؟ وانتي ساكتة كل ده؟ يونس لازم يعرف. روفيدا بخوف. مينفعش، مقدرش أقولهم حاجة زي كدا، ده ممكن يموتوا فيها. ياسمين بدموع. بس انتي حياتك كدا هتدمر يا روفيدا. روفيدا بدموع. أعمل إيه؟ قوليلى. ياسمين وحضنتها. سيبها زي ما ربنا كاتب هيكون، و إن شاء الله حاله يتعدل. وفضلوا يتكلموا مع بعض.

ياسمين بتذكر. جهاد مكلمتهاش من زمان. واتصلت عليها ومحدش رد. ياسمين بقلق بعتت على الواتس بتاعها. جهاد، عاملة إيه؟ طمنيني عنك. جهاد ردت وهي بتعيط. ياسمين، أنا محتاجاكي جنبي. ياسمين بقلق. مالك؟ فيه إيه؟ أنا بكلمك مش بتردي. جهاد بتكتب. مش هعرف أرد عليكي، لإن بتكلم بالعافية من بعد الحادثة وأنا فقدت النطق. وحالياً بدأت أتكلم بصعوبة. ياسمين عيطت. روفيدا بصتلها. مالك يا بنتي؟ ياسمين. صحبتي تعبانة أوي و.

روفيدا بحزن. تعالي نروح لها. ياسمين بحزن. بس يونس. روفيدا بغيظ. سيبك منه، هكلمه وأقوله. واتصلت على يونس وقالها ماشي تروح. ياسمين وروفيدا راحوا لجهاد اللي كانت بتبكي بقهر. زهره بحب. ادخلوا يا بنات جوا، أهو مش مبطلة عياط. مش عارفين ليه دا، حتى كتب كتابها بكره. وأنا عارفة إنها بتحبه، بس مش عارفة مالها. وسابتهم معاه وقفلت الأوضة وخرجت. ياسمين جريت عليها وحضنتها. جهاد بتعيط وبتحضنها. وبعدت وبصت لروفيدا.

روفيدا راحتلها. جوجو، وحشتيني موت يا حزينة. هتفضلي كدا على طول يا بت؟ جهاد ضحكت. روفيدا. قولي يا حزينة، إيه حصل؟ جهاد وبتكتب اللي حصل. ياسمين برفعة حاجب. ومين يارا الزفتة دي؟ وإيه علاقة يونس أصلاً؟ جهاد ابتسمت على غيرتها وبصت لروفيدا.

روفيدا بضحك. يا شيخة اتهدي. جهاد ويونس استحالة. ده كان زين بيعشق جهاد عشق كدا، بس هي كانت عارفة إن يارا بتحبه و بتموت فيه. لأن جهاد ويارا كانوا صحاب أوي. لما زين جه اتكلم مع جهاد إنه بيحبها وعايز يتجوزها، جهاد رفضت. وقالت ساعتها. ليارا إنها بتحب يونس ومش بتحب زين. لأن يارا سمعت زين وهو بيكلم جهاد. و. جهاد بصتلهم بحزن. وكتبت. أدم صدقها بقى، أعمل إيه؟ ياسمين بقرف. اوف، أدم ده مش عارفة بتحبيه على إيه. جهاد بصتلها بقرف.

روفيدا بغيظ منهم. أنا هكلمه. جهاد بسرعه ورفضت. ل ل لا. روفيدا بغيظ. ليه يا حزينة؟ جهاد كتبت. عايزة أشوف آخره إيه. روفيدا بحزن. وأنا تميم هيكتب كتب كتابنا بكره معاكي. جهاد اتصدمت وعيطت. روفيدا وياسمين عيطوا هما كمان. زهره دخلت وهم بيعيطوا وخبطت على صدرها. يا مصيبتي، مالكم يا بنات؟ هو حد عملكم عمل؟ هو فيه إيه؟ البنات ضحكوا غصباً عنهم. روفيدا بضحك. مفيش فايدة فيكي يا زهره، مهما تكبري هتفضلي زي ما انتي. كوميديا.

زهره وهي بتقلع. الشبشب. بت انتي حد مسلطك عليا؟ انتي شكلك عايزة الشبشب زي زمان. روفيدا بضحك وبتروح تحضنها. وحشتيني يا زهرتي. زهره حضنتها. وانتي أكتر يا قلب زهرتك. وقعدوا اتغدوا وروحوا. ياسمين أخدت ياسين ابنها وروحت، ويونس كان في البيت. يونس بصالها بحزن. ياسمين راحت باست رأسه. صدقني، أنا حبيتك وعشقتك كمان. بس لازم تتقبل الماضي بتاعي يا يونس. وسابتهاله ياسين ودخلت تغير هدومها. وبعد مدة.

ياسين نام، ويونس دخل الأوضة وشد ياسمين لحضنه وباس راسها. هتقبل الماضي يا ياسمين، بس ارجوكي متجيبيش سيرة الماضي تاني قدامي. ياسمين بادلته الحضن. بس ياسين هيبقى محتاج يعرف عن والده. يونس بتنهيدة. هحاول، عشان خاطر ياسين. وناموا. تاني يوم. جهاد متوترة، وروفي دا متوترة خايفة من الجاي وحياتها مع تميم هتبقى عاملة إزاي. وجهاد. خايفة لأدم ميجيش. وبعد فترة. زهره بقرف منهم. ما تقوموا البسوا وحطوا حاجة في وشكوا ده.

جهاد وروفي دا. مردوش عليها. زهره بخيبة أمل. عيال معفنة. أنا عارفة هيتجوزوكوا على إيه. بلا وكسة. وسابتهم وطلعت. يا ترى إيه اللي هيحصل، وأدم هيروح ولا لأ؟ وحكاية تميم وروفي دا.