رواية رسالة الي زوجي العزيز الفصل الثالث عشر 13 - بقلم نبض القلب

أكرم.. بصوت عالي: كنت فين يا مرتضى؟ وأنت يا مراد؟ مرتضى ومراد: أكرم أنت جيت إمتى؟ أكرم وهو يحتضن مرتضى: مبروك يا عم على جواز. مرتضى: الله يبارك فيك. نال وهي تحتضن أخاها أكرم: حمد الله على سلامة يا أخويا. أكرم: الله يسلمك يا حبيبتي. مراد وهو يحتضن أكرم: الحمد لله على سلامة يا صاحبي. أكرم: الله يسلمك يا صاحبي. ثم تابع حديثه: مبروك يا فريدة. فريدة: الله يبارك فيك. أكرم: معلش محضرتش الفرح. فريدة بحزن: هو مكنش في فرح.

أكرم: ليه؟ مرتضى بحزن على زعل فريدة: مفيش، الموضوع جه بسرعة. أكرم: طيب يلا نروح البيت، هو إحنا هنكلم في شارع؟ فريدة تقرب من مرتضى: أنا تعبانة عايزة أنام. مرتضى: حاضر. ثم تابع حديثه وهو ينظر إلى أكرم: معلش يا صاحبي، جاين من سفر، بكرة هاجيلك من الصبح. أكرم: ماشي يا صاحبي. توجه الجميع إلى منزل مراد. ثم عادت فريدة ومرتضى إلى منزلهم. في صباح يوم جديد. في محل مرتضى.

مرتضى: نفسي أكمل تعليمي، عايز أدخل كلية تجارة تعليم مفتوح. أكرم: عشان فريدة؟ مرتضى بحب: أيوه، أنا كل حاجة في حياتي بعملها عشانها، عايز أكمل تعليمي عشان أشرفها وسط أصحابي. مراد: هي بتحبك، مش مهم عندها الشهادة.

مرتضى: أنا عارف إنها بتحبني، وأنا كمان بحبها لدرجة عمرك ما تتصورها، بس الحب مش أنانية، مش عشان بحبها أغصبها تعيش معايا، أضيع حياتها وأحلامها، أنا عايزها ديما فرحانة وسعيدة، عايزها تحقق أحلامها، تعيش في مستوى مادي أحسن من كده، عايز أعمل كل حاجة بسرعة، أكمل تعليمي، عايز أعيشها في شقة فاخمة تليق بيها، عايز أحسن من مستوى المادي، عايز أجبلها كل حاجة هي عايزها. أنا بحارب الزمن يا أكرم.

ثم تابع بحزن ووجع: خايف أكبر في سن مقدرش أكمل، هكون خسرت، مش هقدر أخليها تكمل معايا. مراد باستغراب: قصدك إيه؟ ممكن تسيبها؟ مرتضى بوجع: أيوه. مراد: أنت أكيد مجنون يا مرتضى. مرتضى: محدش فيكم فاهمني. أكرم: أنا فاهمك على فكرة، أنا كمان بعمل زيك، بحارب الزمن عشان أتجوز البنت اللي بحبها. مرتضى بابتسامة: هدير صح؟

أكرم: أيوه، زميلة مراتك، دخلت كلية صيدلة. بس أنا سبقت يا صاحبي في أول خطوة، المستوى المادي بقى كويس، اشتغلت كل حاجة ليل ونهار، عشان أرجع أتقدم لها. مراد: مين غير زعل كده يا أكرم؟ فريدة اتجوزت مرتضى عشان هو ابن عمها، هدير هتقبل بيك؟ أكيد عايزة واحد دكتور أو مهندس. أكرم بنرفزة: بطل بقى كلامك اللي يزعّل. مراد بحدة: خايف عليك يا متخلف، من كسرة قلبك لما يرفض. مرتضى: هي عارفة إنك بتحبها. مراد: رد يا أكرم.

أكرم: أيوه عارفة، أنا قلت لها قبل ما أسافر، هي قالت لي إنها هتوافق بس بشرط إني أكمل تعليمي وأشتغل وأحسن من المستوى المادي، هي أكدت لي إنها مش هتخطب إلا لما تخلص ثانوي. مراد: عشان كده نزلت لما عرفت إنها خلصت ثانوي؟ أكرم: أيوه. مرتضى: طب طالما هي عارفة كده أكيد هتوافق.

أكرم: مش عارف، هي دخلت صيدلة دلوقتي، أنا صحيح نفذت وعدي، الحمد لله ربنا وفقني، المستوى المادي بقى أحسن، أقدر أجيب الشبكة والشقة اللي هي عايزها، بس التعليم هو لسه. مراد: أنتم إيه اللي بتفكروا فيه ده؟ الواحدة هتحب الواحد على ظروفه، اللي تفرض شروطها دي سيبك منها. مرتضى: عندك حق، بس أنا عندي رأي تاني، واسمعني يا مراد. إنك تحسن من مستواك المادي أو التعليمي، هيكون ليك، قبل ما يكون عشانها.

واحدة لما تقول لجوزها: بطل شرب سجاير، دي لمصلحته. إنها تقوله: قوم صلى، روح صلى جماعة في جامع، لمصلحته في الدنيا والآخرة، عشان ربنا يرضى عنه، يكرمه في حياته، ويزود رزقه. الواحد برضه هيكون عارف الواحدة اللي قدامه كل همها المظاهر والفلوس، أنانية ما تحبش غير نفسها. ولا واحدة نفسها جوزها يكون أحسن واحد في الدنيا دي كلها، يمشي في طريق الصح، يبعد عن أي حاجة تضره، يكون زوج صالح.

وأنت اللي تقرر مين يستاهل تكمل معاه بقيت حياتك، مين يستاهل تعمل المستحيل عشان ما يبعدش عنك. أكرم: أنا حاسس إن هدير هي البنت اللي عايز أكمل معاها حياتي. ثم تابع حديثه: أوعى تسيب فريدة، كمل يا صاحبي في طريقك، إحنا من بكرة نروح نقدم. مرتضى بحزن: معلش، مش معايا فلوس إني أقدم معاك، محتاج الفلوس الأيام دي عشان تقديم فريدة في كليتها. أكرم: خد مني الفلوس. مرتضى: يا عم أنت وراك موال طويل، شبكة وشقها.

أكرم: أنت مش واخد بالك، أنا عايز المخزن اللي عندك في البيت، عايز أعمله مشغل، ومنال أختي المديرة عليه. مراد يضحك: مراتي هتاخد مرتب. أكرم: أيوه يا أخويا. آه صحيح، فاكرتني؟ قاعد تتريق على كلامنا، وتقول اللي تفرض شروطها دي سيبك منها، نسيت أختي منال دي طلعت عينك عشان تقبل تجوزك، دي خليتك تكسر بلاط الشقة بتاعتك عشان مش عايزة لونه، وأنت يا مسكين بتشتغل ليل ونهار عشان توفر الفلوس. مراد بحب: لو طلبت عيوني كمان ما تغلى عليها.

أكرم: شفت بيقول إيه يا مرتضى. ثم تابع حديثه: أمال الإحباط اللي شغال تقوله ده من أول ما كلمنا. مراد: بهزر، وكلام مرتضى صح، وأنت اللي تقرر مين يستاهل تكمل معاه بقيت حياتك، مين يستاهل تعمل المستحيل عشان ما يبعدش عنك. أكرم: طيب يلا. مرتضى: على فين؟ أكرم بفرحة: نروح لحب عمري، عشان أتقدم له. مراد: طب أنا عندي فكرة أحسن، منال تروح هي وفريدة، تسألها. أكرم: طب يلا قوم أنت وهو، كل واحد يروح يقول لمراته.

نهض مرتضى ومراد وهم يضحكون على أكرم. خرجوا من المحل. أكرم بصوت عالي: بسرعة، أنا قاعد في الشارع النهارده.