رواية رسالة غيرت حياتي الفصل الرابع 4 - بقلم مي عبدالله

بعد فترة أمل صحيت لكن اتصدمت لما لاقت حازم بيبص لها بشر وهو بيقرب عليها. مرة واحدة أهلها دخلوا الغرفة وحازم اختفى. وبعدين لاقت حازم داخل من الباب وهو مبتسم ابتسامة جميلة وبيبص ليها بحب. أمل بصت بصدمة وبتعيط بصمت. باباها قال: اتفضل يابني. حازم دخل وقرب من أمل وباس راسها وهي عمالة تبعد. بصلها باستغراب وهو بيقول: مالك ياحبيبتي. الأب والأم خرجوا من الغرفة علشان ياخدوا راحتهم.

أمل كانت بتبص ليه بخوف ورعب وهي بتعيط بهستيريا. حازم مسك إيدها لكن هي شالتها بسرعة. حازم اداها ورقة وقلم وقال لها: اكتبي هنا خايفة لي. أمل مسكت الورقة بخوف وكتبت: انت مش إنسان. ضحك وقال: أمال عفريت. أمل هزت راسها بخوف وحازم بص ليها بصة غريبة وخرج من الغرفة. هاجر دخلت علشان تشوفها وهي بتقول: مالك ياحبيبتي. في إيه احكيلي. أمل حضنتها بخوف وهي بتمسك فيها جامد. الدكتور دخل وهو بيقول: تقدري تخرجي. أمل هزت راسها بفرحة

لكن هاجر انفعلت وهي بتقول: إزاي تخرج دلوقتي. بصلها باستغراب ولكن قالت بسرعة: قصدي إزاي تخرج ممكن تتعب تاني. أمل بصت ليها وكتبت: متخافيش، أنا كويسة. خرجت من المستشفى وروحت البيت وهاجر وحازم كانوا معاها. أمل دخلت الغرفة بتاعتها وهاجر معاها وقعدوا شوية. بعد فترة مشيوا لكن فيه ماسدج اتبعت مكتوب فيها (دي حاجة بسيطة) خافت أكتر وهربت من التفكير في النوم. بعد فترة صحيت لاقت الشباك مفتوح وحازم بيقرب منها ومعاه سكينة. صوتت.

من الخوف أيوه نطقت من الخوف. الأهل جم ولكن ولكن حازم اختفى. أمل حضنت مامتها وهي مش قادرة تتكلم. أمل نامت والأب عمل مكالمة. بعد فترة أمل صحت ولكن لاقت باباها بيتكلم مع دكتور. وفي ممرضين. قالت باستغراب: في إيه. باباها قال: طلبتلك مستشفى الأمراض العقلية.