رواية رسالة غيرت حياتي الفصل الثالث 3 - بقلم مي عبدالله

الشيخ قال: بس مافيش أي حاجة من دي بتحصل. وإن حازم ده خيال. أمل بصت بصدمة وزعر وقالت: الزاي الزاي؟ أنتو هتجننوني. أيوه صح الكلام ده مش حقيقي. هاجر مسكت إيدها بقوة وهي بتقول: اهدي يا أمل، اهدي. أمل مسكت راسها بجنون وهي بتهزها بعنف ورافضة تمامًا الفكرة دي. أمل خرجت من المكان بالانهيار. وهي كانت هتتجنن من كتر التفكير. روحت البيت ودخلت الغرفة بتاعتها بصمت وحبت تقنع نفسها إن ده كذب.

جابت الفون التلفون علشان تشوف الرسايل، لكن الصدمة إن مكنش في أي أثر للرسايل. فضلت تدور في الفون بجنون ولكن مكنش في أي أثر للرسايل. حتى الرقم اللي كان رانن عليها ملقتهوش. حست إنها في كابوس. كانت هتتجنن من كتر التفكير. الزاي الرسالة كانت موجودة امبارح. ازاي اختفت. هاجر رنت عليها كتير ولكن هي مكنتش بترد نهائي. أمل كانت في عالم تاني. كانت مرعوبة وهتتجنن في نفس الوقت. أمل قامت وهي بتكسر كل حاجة في الغرفة.

كانت بتكسر كل حاجة بانهيار وجنون. مامتها دخلت بخوف على بنتها ولكن انصدمت من اللي شافته. أمل شعرها كان منكوش وبتعيط بهستيريا وفي دم على إيدها من أثر الزجاج اللي بتكسره. الأم خبطت على صدرها من الخضة وجريت عليها وهي بتحضنها جامد. ولكن أمل أغمى عليها. بعد فترة أمل صحيت لاقت نفسها في المستشفى. ومامتها وباباها واقفين جمبها بقلق. أمل كانت مش بتتكلم ودا بسبب إن في صدمة أثرت عليها خلتها فقدت النطق. مرة واحدة حازم دخل.

وهو بيبصلها بصات مريبة. أمل فضلت تهز في رأسها بجنون وعمالة تشاور على الباب. بصوا وراهم باستغراب ولكن ملقوش حد. الأب قال: في إيه؟ مفيش حد واقف. أمل برقت من الخضة وعمالة تهز راسها بعنف وتشاور على الباب. لكن الأب بيبص مش لاقي حاجة. وأمل بتبص بتلاقي حازم بيقرب عليها. أمل فضلت تهز في راسها بجنون وعنف. ولكن الممرضة جات وهي بتديها حقنة خلتها راحت في النوم. بعد فترة أمل صحيت ولكن بصت بصدمة. ولسانها عجز عن الكلام.