رواية رسومات الموت الفصل الأول 1 - بقلم ولاء خالد

طفلة صغيرة عمرها 7 سنين بتحب الرسم. الرسم دا موهبة بتيجي للإنسان. البنت في يوم رسمت رسمة وورتها لأمها. نور: ماما خدي الرسمة. هي حلوة؟ الأم: ن... نور. الأم انصدمت من الرسمة. كانت عبارة عن إن في سرير وراسمة حد نايم عليه. ولون الغطاء أزرق. بس اللي صدم الأم اللون الأحمر اللي غطى على الأزرق. الأم: نور. انتي ليه مخبية اللون الأزرق بالأحمر؟ معجبكيش ياروحي؟ نور: لأ يا ماما. مش لون الدم أحمر؟ وكمان بابا نايم عليه. رسمتوا أهو.

الأم: نور!! إزاي تقولي كده؟ ادعي لبابا يخليه ليكي بدل ما ترسمي كده! عطّت له الرسمة ومشت. نور عيطت وزعلت إن محدش حب الرسمة. فحبت تكملها وكتبت اسمها وجنبيها الساعة 10:00.

راحت حكت أم نور لأبوها على الرسمة. أبوها ضحك لأنها رسمة عادية. ما تأذيش. الأم كانت متوترة وقلبها مقبوض من الرسمة لسبب مجهول. متعرفش ليه. وعلى الساعة 9:59 سمعت الأم صوت جوزها بيتألم. حاولت تنقذه. كانت اتصلت على الإسعاف. وما عدى دقيقة. والاب مات لسبب مجهول. ومحدش دخل على الأوضة أبداً. أو سمعت أي صوت. كان المكان هادي. إزاي جوزها مات؟

خلصت العزا وقعدت الأم مضايقة ومستغربة موت جوزها. كانت ممكن تقول مات موته عادية. لكن كان الغطاء عبارة عن دم كتير غرقوه. مفيش علامات جرح أو أي إصابة اتعرض لها. زي ما قال التقرير من المشرحة.

شافت بنتها بترسم. خافت. قربت منها وبصت لها. نور ورفعت الرسمة لوشها. ومسكتها أمها وإيدها بترتجف. شافت صور. وتحت شوية أكنها أمواج مايه وملونها بالأزرق. كانت لسه بتلونها. وشافت حاجة بين الصور اللي فوق والبحر. وكأنها كوبري. وحد هينتحر منه! الأم: مين يا نور؟ نور وهي بترفع كتفها: مش عارفة يا ماما. بس حبيت أرسمها. شدت منها الورقة وكتبت اسمها وجنبيها الساعة 11:5. الأم: نور. ليه بتكتبي الساعة؟

نور: تخيلت البنت إنها هتموت في الوقت دا. الأم: بنت!!! بعد ساعة قعدت الأم بتفكر. طب ليه بتكتب الوقت؟ افتكرت. لتكون كتبت الوقت لوفاة أبوها. جرت بسرعة وفتحت باب أوضة نور. وأخدت الرسمة اللي رسمتها لأبوها. وشافت الوقت دا الوقت اللي لاحظت الساعة في المنبه بتشير لـ 10. الأم خافت من بنتها. وإن موهبتها هتودي لموت ناس كتير. أو ملهاش ذنب. هي بترسم وخلاص. كان دا الاحتمالين الوحيدين.

استأذنت. لما جات الساعة 11:5. وفتحت الفيس بوك. بس مفيش خبر. قفلتوا. وبعدها فتحتوه بعد 5 دقائق. لقت خبر بنت اتوفت. والشهود اللي هناك بيقولوا إنها قالت لهم إن موتها بسبب الكوابيس. وسمعها الأصوات قبل ما تنام. ودا مسبب لها تعب وإرهاق شديد. والكل مفكرها مجنونة. وقالت لهم يقولوا كده لأهلها. وربطت عيونها بشريط. ونطت للمياه. وبيحاولوا دلوقتي يتواصلوا مع أهلها.

الأم شهقت من الخبر. يعني تتوقع قبل 5 دقائق تكون نطت. يعني 11:5. الأم بصت لأوضة نور. لقت نور واقفة وبتفرك في عينها. وقالت: نور: حلمت بيها ووقعت في البحر وماتت يا ماما. الأم برقت. معرفتش تقول لبنتها أي. تاني يوم الصبح قررت تعرف سر لموهبة بنتها. من حد عرفاه في اكتشاف ظواهر غريبة. ولربما يساعدها.