رواية رياح الحب الفصل الثاني 2 - بقلم فرح القصاص

ادم قرب منها: حياتك الجاية هتبقى عبارة عن جحيم. هتعيشي أسوأ أيام حياتك. رهف: أصلاً حياتي من دلوقتي بقت جحيم. ادم: وأنتي وافقتي ليه؟ رهف: نفس سبب اللي أنت وافقت عشانه. زينة: أهلاً يا ابني. ادم: تمام. زينة: اومال محدش جاي من أهلك معاك ليه؟ ادم: أنا حبيت أجي لوحدي. زينة: نورتنا والله. ادم: شكراً.. بعد إذنكم. محمود: اشرب الشاي حتى. ادم: مرة تانية. ورايا حاجات مهمة. (وبص لرهف بغضب ومشي) محمود: على مهلك. ***

"انت هتفضل مخبي السر ده لحد إمتى؟ "لحد ما أمسك ولاد الـ... "بس أنت كده مش بتأذي نفسك بس، بتأذي اللي حواليك كمان." "السر ده لو اتكشف دلوقتي مش هعرف مين دول، وعملوا كدا بأوامر مين، ومين اللي ليه مصلحة إنه يعمل كدا." "هنمسكهم وهنعرف وهنحاسبهم." "أنا مش هسكت غير لما أمسكهم." *** زينة: هو ماشي متضايق ليه؟ قولتي له إيه يا بت؟ رهف: مقولتش حاجة. زينة: اومال كان متعصب ليه؟ رهف: معرفش. وأهو عندكم اسألوا، أنا مالي؟

محمود: استني، لسه مكلمني أبو آدم والكتب الكتاب والفرح مع بعض. والأسبوع الجاي. رهف: أسبوع الجاي!!؟ محمود: آه. حضري نفسك بقى. رهف (بعياط) : أنتوا إيه؟ مفيش ذرة رحمة في قلوبكم؟ عايزين ترموني عشان الفلوس، كل اللي همكم الفلوس وبس. محمود (ضربها بالقلم) : اخرسي، كلمة كمان هخليكي مشلولة زيه، فاهمة؟ رهف دخلت الأوضة وانهارت من العياط. الباب خبط. رهف (بتمسح دموعها) : مين؟ نورا: أنا يا رهف. رهف قامت على طول فتحت الباب.

رهف: نورا. (وحضنتها وقعدت تعيط) نورا: شششش، اهدي. مالك؟ رهف: حكتلها على اللي حصل. نورا: أنا هقولهم وأفهمهم إزاي يرموكي الرمية دي. رهف: لا، أنا بجد مش ناقصة مشاكل تاني. نورا: كان عندي ليكي خبر، هو كان حلو بس دلوقتي معتقدتش. رهف: خبر إيه؟ قولى. نورا: ............... رهف: بجد؟ *** مالك: فيه حد عايزك تحت ضروري. ادم: ده مين اللي عايزني ضروري؟ مالك: معرفش. ادم: تمام. ساعدني أنزل. فارس: أستاذ آدم، يا أهلاً. ادم: فارس!! ...

مالك، سيبنا لوحدنا. مالك: ماشي. ادم: أنت إيه اللي جابك؟ فارس: اللي جابني أنت عارفه كويس. ادم: عايز إيه؟ وتخرس خالص. فارس (بتفكير) : اممم.. عايز......... ادم (بصدمة) : أنت بتقول إيه!؟