رواية سعودية/ اللامبالاة هي آخر فصول الوجع الفصل الرابع وثلاثون 34 - بقلم r_x3366

͏ ͏ ͏
هذا البارت «« 32 »»

أسفه على الأخطاء الإملائية .^-^

و أسفه على التأخير في تنزيل البارت '

بسم الّٰله الرحمن الرحيم

السلام عليكم ورحمة الله

مدخل ) :-
͏ ͏
͏

البارحه .. والليالي طوّلت عمري
فالموعد اللي سقاه الحب وابتله ͏
͏

وطفّت نجوم السما أنوارها بدري!
وأنتعشت الأرض من مرّ وسبق ظلّه
͏

أحتاج لك ياحبيب الكل من صغري
يـ مقسّم القلب..الا ماخذه كلّه!
͏

ويحتاج لك جرح سابقني على كسري
منك الكسر ياحبيبي.. يبري العلّه!
͏

أنت "الشعور المقيم" الفارق بـ صدري
يامرحبا يا "المقيم".. وحيّ هالطلّه
͏

مو بيدي إنّي أحبّك وإنت ماتدري!
الود ودي.. أعلّم كل خلق الله.
͏

#شريان_الديحاني
͏

...............................................................

اسيل حطت يدها على يده تحاول تحرر شعرها بس مو راضي يترك شعره رفعت يده فوق لين وصلت ل راسه وسحبت شعره بقوة ومن قلب / اترك انت مين اصلن ترفع يدك علي هاااا

انحنى عليها بسرعة وشالها ودخل فيها الفله وهي تتحرك بسرعة نبي تنزل دخل فيها الصاله وحطها على الكنبه وصرخ عليها / انتي وبعدين معك مع ذا التمرد و انا مو قلت لك طلعه من هنا مافي ليش ماتسمعين الكلام يعني لازم اتعامل معك ب سلوب ثاني هاا ردي هنا بس كلامي المسموع

كنت جالسه على الكنب وتناظر فيه بصمت تام ولا اهتزت لها شعره وحده ولا هب خايفه من صراخه وتهديده لو وحده من البنات كام يمكن تخاف بس اسيل من بعد ذاك الموقف و يوم تبكي و الاحساس عندها رجع ميت أكثر من قبل واقفت وعطته وراها وهو مابعد يخلص كلامه

عصب ومسك يدها تكلم وهو يشد على أسنانه / انا مابعد اخلص حكي معك

اسيل ببرود / وانا مالي مزاج اسمع حكي فاضي وعشان كذا وفر ذا الكلام لنفسك

ضغط على يدها بقوة وقرب وجهه من وجها / اسلوبك هذا غيريه ي بزر

صرخت عليه بصوت عالي / سلوبي عاجبني واحسن لك
ي الشايب المراهق ترفع يدك عني.... وحاولت تحرر يدها بس هو جالس يضغط أكثر رفعت يدها الثانية وضغطت على يده مابين أصابعه أسبابه ولابهام وترك يدها بسرعة بسبب الألم البسيط اللي حس فيه وعرف انه ب راح يعيش جو معركه مع اسيل

ذياب / اااوه البزر تعرف حركات دفاع عن نفس

ماردت عليه / متى ناوي ترجعني السعودية اخ ذياب

ذياب / والله ي زوجتي

قاطعته ب نرفزه / لا تقول زوجتي لا تقول الكلمه تغث ب شكل مو طبيعي نفسك

ذياب قرب منها وصار يفصل بينهم شي وهمس ب أذنه / غصب عنك زوجتي.... ونزل برأسه عند رقبتها كان ب يبوسها بس دفته عنها بقوة / وربي اذبحك لا تنسى نفسك

ضحك بصوت عالي عشان يقهرها / اكك ي بزر

اسيل بقهر / واطي حقير

قرب منها بسرعة وهي رجعت على ورا ك ردة فعل / لازم تتعودين تعيشين هنا

اسيل / لو تموت ماعيش معك ف مكان واحد وعع.. وصعدت فوق بسرعة

دخلت الغرفة نفسها اللي قامت كن النوم و لقت نفسها فيها صرت تدور في الغرفة وهي تحس ب قهر و حقد لازم تبرد الحره اللي فيه ف اي شي قدامها شافت كأس ماي على الطاوله راحت عند الطاوله وشالته وعلى الجدار بسرعة وصرخت ب قهر / اااائئئ الله ياخذك

صارت تتكلم ب حزن / ياربي ليش كل مابقيت شي يصير العكس انا كيف تزوجت هذا يارب يارب... جلست على الأرض وهي ترجف من العصبيه / من وين طلع لي هذا اااه وش حالك الحين يمه اكيد الكل يعرف اكيد صقر قال لهم مو كافي الي صار لي ف المزرعة... وقفت بسرعة و توجهة عند البلكونه وهب تكرر / لازم انسى الي صار ف المزرعة... غمضت عيونها وهي تدمع / ما صار شي ماصار شي ف المزرعة.. مسحت الدمعه من طرف عينها / اسيل انتي قويه قويه مو ضعيفه اعتبري ذا الشي ماصار...... حست ف برد مو طبيعي يذبح العظام دخلت وسكرت البلكونه و نسدحت على إلسرير و تغطت ف المفرس ولمت رجولها وغمضت عيونها

.
.
.
.. ..

‏ابحلم بالحنين يحن لأحوالي
وابصحي والوله وصلني كفوفك

...............................................................

عند ذياب

جلس على نفس الكرسي عند الدفايه الكبيرة الي تتوسط الصاله الي تبهر من فخامتها الفله من تصميمه صمم ذا الفله وبناء وحده في تركيا و وحده في الرياض
كان يرسم التصميم من يوم كان عمره 20 سنه صمم ذا التصميم ل زوجته المستقبلية الي بتملك قلبه وهذا التصميم ل اسيل هي الي ملكت قلبه وروحه

رفع رأسه ل الدرج ورجع ابتسم على اسلوبها برودها انفعالها و طولت لسانها كل محاول يكون عصبي معها يعصب شوي ويهدا مبسوط انها أخيراً صارت له ومعه ف نفس المكان هو وهي

تذكر عيونها صج هي قويه و عنيده بس عيونها فيها ضعف يظهر في وقت ويختفي بسرعة ويحل مكانه قوة وشجاعة كانت قبل كم يوم تبكي و اليوم توقف ف وجها بكل شجاعة بدون خوف حتى يوم قال لها أنه زوجها انصدمت ف البداية بس بعدين راحت الصدمه وحلت مكانه العصبيه والقهر والحقد مرات يسأل نفسه هو وش سوى له عشان تكره مرات يقول عشان الموقف الي ف المطعم بس يقول لا اكيد في شي ثاني وقريب راح يعرف ذا الشي الي مخليها تكره كل ذا الكره

يحاول يكون هادي ولا يعصب عليها بس هي تخليه يفقد أعصابه من كل النواحي عصب قبل شوي عليها يوم كانت تبي تهرب وعرف انها مراح تسكت له وسكتت الحين بس عشانها تعبانه بس والا هو عرف عنها أشياء كثيرة من كثر مايرقبها انها مراح تستسلم ب سهوله حتى لو كان بموتها يحب العناد الي فيها و القوة يحسها نفسه هي الي تناسبه هي نصفه الثاني وإذا شافها قدامه مايقدر يقاوم انه يبوسها أو يضمها أو حتى يمسك يدها

رفع الجوال من على الطاوله واتصل على مديرة الخدم و مدير الحراس و طلبهم

دخلو ب حترام

مدير الحرس و مديرة الخدم وبلغة تركيا / السلام عليكم سيدي

ذياب / وعليكم السلام

مدير الحرس الي يكون زوج مديرة الخدم / لماذا طلبتنا سيدي

ذياب / ايرد منك أن تشدد الحراسه ب الخارج من باب الفله حتى البوابة الرئيسية

مدير الحراس " مصطفى / حسنا سيدي هل هناك أوامر آخر

ذياب / لا شكرا لك يمكنك الانصراف

طلع مصطفى ولف على مديرة الخدم / وانتي اريد منك الاهتمام ف إلسيده اسيل فاهيء صغيره ف العمر الاهتمام ف طعامها و ملابسها و ادويتها وكل شي يخصها

ديفنا / حاظر سيدي هل هناك أوامر آخرا

ذياب / نعم ابعدي عنها وسائل الاتصال وكل شي و اعتني بها ك ابنه لك وعندما تستيقظ من النوم حظري لها الحمام للاستحمام

ديفنا / حسنا سيدي.... راحت ديفنا ورجع يفكر وش يقول ل عمه و جده و ابوه إذا سألو عنها اكيد الكل عرف لأنه هو محذر الممرضه انها ماتقول

شاف شالها على الكنبه وقام وشاله و رجع جلس على الكنبه وهو يشم راحت الشال إ ااه ي قلبي وش سويتي فيني ب بنت

.
.
. ..

.
.
ماذا لو أخبرتك أن الحديث معك شيئآ يشبه احتضان الف غيمه أو تأمل سماء مليئة بالنجوم؟

...............................................................
في بيت العالي

ابو مشعل صرخت بصوت عالي / وين البنت ي صقر

صقر ب عصبيه / قلت لك البنت مو هنا من أمس وانا اقول لك

تدخل مشعل وهو معصب وفاقد أعصابه / ولد اخوك الحقير وينه

الكل /؟..!!؟"

عبد الرحمن / اي ولد تقصد

مشعل / ولدك الأستاذ ذياب وين اخذ البنت

بو مشعل / مشعل وش جالس تقول

مشعل / يبه ذول مزوجين اسيل ل واحد أكبر منها

انصدم الجد و الحريم الي ف الصاله وسمعو

بو مشعل / انت وش قاعد تقول

صقر / ايه زوجتها ليكون عندك مانع ي صلاح العبد الله

بو مشعل / وش الي بنتك...... وبصراخ / انت تعرف كم عمر البنت مابعد تدخل العشرين حتى توها قاصر

صقر / لا ترفع صوتك رفع يده ياشر على الباب.... / ولا اطلع برا

ضرب الجد العصا ب عصبيه / صقر وش ذا الحكي اسكت ولا كلمه وحسابي معكم بعدين انت و ذياب والي شاركم بذا الزواج ... لف على عبد العزيز / وانت اتصل على الزفت خل يرجع البنت الحين

رفع عبد العزيز جواله يتصل على ذياب بس الرقم خارج النطاق / يبه الرقم خارج النطاق

الجد / تفضل ي بو مشعل ارتاح لين نشوف حل... ولف على خالد / راح جيب القهوة من داخل بسرعة

جلس صلاح جنب الجد بتعب من أمس ف الليل وهو واقف على رجوله ولا ارتاح مصدق على الله خلود تهد شوي و جلس جنبه مشعل و ريان اللي طول الوقت يخزون ف عبد الله عشان هو الي كان شاهد على الزواج

خالد / انشاء الله جدي.... دخل الصاله وشاف أمه و حريم عمامه جالسين ب صدمه / يمه

وقفت ام خالد و بلقافه / وش صاير داخل

خالد / ولا شي قولي حق البنات يسون قهوة

وكأن بيمشي بس لم خالد مسكته / صدق عمك زوج بنته ل ذياب

خالد اخذ نفس / ايه يمه.... وترك يدها بسرعة ورجع المجلس لأنه عارف أمه مراح ترتاح لين تأخذ كل الأخبار

ام عبد الله بهمس / يالله ي قلبي عليك ي خلود وش حالك الحين

اما ام ذياب ف كانت ساكته مبسوطه و زعلانه ف نفس الوقت مبسوطه عشان ولدها تزوج و زعلانه عشان اسيل الي توها صغيره على الزواج و على حال خلود

رجعت ام خالد وجلست / صدق الحكي ولدك تزوج ي بدرية

ام ذياب

عند البنات جات منيرة تركض ودخلت الغرفه هجوم

منيرة بصوت عالي / بناااااااات

البنات بدون هتمام / هاا

منيرة / خبر مولع ي بنات

سارة نقزت / وش

منيرة / اسيل مختفه من المستشفى من أمس ف اليل لاهي عند امها ولا عندنا

البنات / اما

منيرة / ايه وتخيلو بعد

نورة بسرعة / لحظه لحظه وانتي وش دراك

منيرة / من امي

نورة / من امي أجل اكيد الخبر صح بس من وين عرفت أمي

منيرة / من أصوات الرجال تحت اكيد سمعت حتى تخيلو جد اسيل و خالها و اخوها تحت ف المجلس حق الرحيم وبأن معصبين الف يفكرون اسيل هنا

ريم / الله اكيد ذياب الحين معصب معهم

منيرة / ي قلبي اخوك ماهو موجود تحت طلع الأخ هو الي ماخذ اسيل ذا المريض

بشرى ب عصبيه / اقول منيرة انتي وش قاعده تقولين لا تجيبين كلام من عندك احسن لك

منيرة / واقسم بالله هذا الصدق ولا كذبت ولا ف اي كلامه ولا جبت شي من عندي

سارة / وخير انشاء الله ياخذ البنت وهي ماتحل له على كيفه اكيد بينحره خالها

منيرة / تدرين وش المصيبه الي طاحت فيها اسيل

البنات / منيرة وجع قولي بسرعة

منيرة / طلع عمي صقر مزوجها ذياب

البنات شهقو ب صدمه

بشرى / امانه

منيرة / وربي بنات أدعو لها بسرعة اخوك غثيث

ريم / ياربي منيرة انتي متأكده

منيرة / هذا الي سمعته تحت عند الحريم

ريم / ياربي اسيل لما تعرف وش بتسوي

سارة ضحكت / بتذبحه ترا هي متخاف منه

البنات تذكرو الكف الي في المطعم وصارو يضحكون / هههههههههههههه

طلعت بشرى جوالها واتصلت على مقرن

مقرن رد / هلا بشرى

بشرى حطت الجوال سبيكر / هلا اخوي صدق الكلام الي سمعنه

مقرن / اي كلام؟!

بشرى / انا عمي صقر زوج اسيل ذياب

مقرن / ايه هههههههه صارت اسيل مرت اخوي

بشرى /طيب ذياب وينه

مقرن / اخوك مشفوح اخذ البنات وراح فيها مادري وين وعادي هي متطيقه اكيد ب تذبحه

بشرى / طيب وش صاير ف المجلس

مقرن / مالك دخل.... وسكر الخط ف وجهها

سارة / وش ذا القافه

بشرى رفعت الجوال عن اذنها ب صدمه / الحيوان سكر الخط في وجهي

البنات / ههههههههههههه توك تستوعبين

انسدحت منيرة على السرير / شفتو اني ماكذب

سارة وقفت بنات خل ننزل تحت عشان نعرف كل شي اول ب اول

...........
........................................................

صحت من النوم ورفعت رأسها من المخده وشافت رحاب جالسه جنبها على السرير

رحاب قربت منها / تبين شي

خلود / عطيني جوالي ابي اتصل على شخص

جابت الجوال / طيب تبين شي ثاني انا بروح تحت اسوي لك فطور

خلود / لا مشكوره مابي شي تسلمين

طلعت رحاب من الغرفة وهي على طول رفعت الجوال

خلود / الو

...... / الو

خلود / عرفت وين أخذها

.... /واي طال عمرك تركيا تو وصل لي الخبر وعرفت شي ثاني طال عمرك

خلود خذ نفس / وش

..... / طلع صقر العالي مزوج اسيل ل ولد اخوه من نص شهر تقريبا

شهقت ب صدمه وحطت يدها على وجها سكرت الجوال / حسبي الله عليك ي صقر جعل اللي انا قاعده اعيشه تعيشه أضعاف.... وصارت تبكي / ااااائئئئ يمه ي اسيل وش لون اوصل لك الحين حسبي الله عليك ي صقر الله يحرق قلبك زي ماحرقت قلبي

جلست على السرير ونزلت رجولها على الأرض وصارت تحاول توقف / شوف كيف دمرتني ودمرت حياتي ماني قادره حتى أوقف على رجولي من 18 سنه وانا على كل الكرسي والحين نبي تدمر بنتي مراح اسمح لك ي صقر وربي مارح اسكت ذا المره واجلس ابكي

حاولت توقف رفعت نفسها من على السرير وتمسكت ب الطاوله حست ب ألم مو طبيعي ف رجولها و جلست على الأرض وهي تبتسم و تقول ب داخلها يمكن باقي امل يمكن اقدر امشي اسيل يمه تعالي شوفي امك كيف وقفت على رجولها؛... راحت الابتسامه وحل مكانها الحزن نزلت رأسها وطاح شعرها على وجهه

دخلت رحاب الغرفة وحطت الصينيه على الطاوله بسرعة وراحت تركض لها بسرعة ورفعت رأسها و بعدت شهرها عن وجهه / خلود وش فيك

خلود / ولا شي

رحاب بحزن / شلون ولا شي و عيونك ذبلانه

خلود وهي تحاول ماتبكي / ‏موعيُـوووني الذبلانه وبس..إلاوالله قلببِبببببي بعد ذبلان

رحاب / صلي على النبي اسيل بترجع لك تو اتصل عمي

خلود / رحاب لا تكذبين على انا مو بز

سكتت رحاب و قامت اجيب الفطور / وش رايك نفطر ف الارض

خلود / مالي نفس كيف تبيني افطر وبنتي مو عندي ولا هي ف حضني

رحاب / بترجع انشاء الله

نزلت رأسها وهي تفكر ف بنتها خايفه تكون حياة بنتها زي حياتها مع صقر صارت تكر عليها ذكرياتها مع صقر و تتخيل ذا الشي يصير مع اسيل شهقت وصارت تبكي وهي ترجف / ائئئئئئ ابي بنتي حسبي الله عليك يا صقر

رحاب ضمتها بقوة / خلود اهدي ي قلبي وش فيك

خلود / اتصلي علي ابوي خل يجي يوديني لها هي تعبانه اكيد هي محتاجه لي الحين بنتي تعبانه مراح تستحمل كل ذا الصدمات اااائئئئ

رحاب ضمتها بقوة وهي تحاول تهديها

خلود بصوت يقطع القلب / ماقدر اصير قويه انا ضعيفه ماقدر اااااائئئئئئ اخذ بنتي اكيد هو نفس صقر

رحاب / خلود انتي وش قاعده تقولين مين الي اخذ بنتك وهو مثل صقر

خلود بعدت عن رحاب وصارت تحاول توقف وقفت رحاب بخوف على خلود / خلود وش قاعده تسوين مو زي تسوين كذا في نفسك

خلود / لازم امشي ابي امشي عشان اقدر احميها و ابعدها عن كل شي يضرها

رفعتها رحاب و سدحتها على السرير وجلست جنبها و مسكت يدها / خلود ي قلبي ارتاحي شوي مو كويس الي قاعده تسوينه في نفسك

خلود غمضت عيونها وهي تحارب دموعها وتدعي بداخلها

. . .
. . .

. .
.
.
. .

‏نتظاهر بالقوة والصلابة .. ثم نتذكّر أننا نملك قلب مكسور! ‏أرأيتَ إنْ ضاق المدى حتماً سيُفسحهُ الدعاء ْ .

..........................................................................

في تركيا الساعة 3 العصر

جالس ف الصاله وهو يناظر جواله اللي مو راضي يسكت رفع الخوال وحطه صامت ورمه على الطاوله مره ثانيه ووقف توه بيصعد فوق ولا شافه نازله من فوق وهي ب الجامعه و عليها جكيت كبير وشعرها فيه ماي وعيونها حمراااه وباين دايخه

قربت منه وجلست تناظر فيه وهي يناظر فيها وهو رايح فيها غمضت عيونها بقوة ومشت من قدامه و جلست على الكرسي الي كان جالس فيه وهي ترجف قرب منها يوم شافها ترجف ب شكل مو طبيعي

حط يده على رأسها ودفت يده بقوة / ابعـ... د عني ي ححـ قق...ير

ذياب عرف انها تعبانه من الحراره الي فيها / متى وانتي تعبانه فيك شرك

قربت يدها من الدفايه / ماعندكم ماي حار حتى ي تافه فله وش كبرها مافيها ماي حار.... وعطست بقوة / حسبي الله عليك

ذياب ب عصبيه نادر على ديفنا واسيل غمضت عيونها من التعب ونامت على الكرسي

جات تركض / نعم سيدي

ذياب / ماذا أخبرتك قبل قليل ألم اقول لك أن تهتمي في السيده اسيل

هزت رأسها ب خوف / أجل

ذياب / لماذا لأي يوجد ماي ساخن ف غرفتهاِ

ديفنا نزلت رأسها / لم أكن أعلم أنها تريد الاستحمام

ذياب ب عصبيه / اتصلي ب الطبيب الان

ديفنا / حسناا سيدي... وراحت بسرعة

قرب منها و شافها نايمه على الكرسي لمس شعرها وشافه مبلول من الماي /ياربي وش ذا الإهمال الي فيك بزر وعلى طول مرضت

قرب وشالها وهي فتحت عيونها ناظرت فيه فتره / مشعل خذني عند أمي.... ورفعت يدها وضمته بقوة

حس قلبه يدق بقوة غمض عيونه وهو يقول هاذي الضمه مو لك ل مشعل / طيب انتي نامي الحين

غمضت عيونها وهي تتكلم / برد مره ابي دفى امي خذني لها

ذياب / طيب ي قلبي يله نامي.... صعد فيها فوق ونزلها على السرير وجلس جنبه وهو ينتظر الدكتور كان بيقوم بس مسكت يده / مشعل برد جلس ورفع يدها وبأسها

دخل غرفة الملابس وطلع شال كبير ورجع ولفها فيه بعد فتره جات الدكتوره و فحصتها و عطتها خافض حراره

جلس جنبها وصارت يشوف حرارتها كل شوي باسها على رأسها وطلع من الغرفة وهو نزل من الدرج إن جواله الخاص ف الشغل

ذياب / الو

..... / طال عمرك في واحد جاء سأل عنك ف الرحلات حقت امس ف المطار

ذياب وقف ب نص الدرج / ومين هذا الشخص يكون

.... / ماردي طال عمرك بس مو من أهلك عمك وجدك سؤالو بس ماعطيتهم اي معلومه

ذياب / اكك شوف لي من وراه ... سكر الجوال ونزل الصاله وجلس يفكر بدون يعصب جلس يفكر ب هدوء

...............................................................

في المملكه في بيت العالي

الساعة 4:15

عبد العزيز جلس وحط الجوال على الطاوله / يبه ماريد ولا على اتصال

الجد / وش الحل مع ولدك البنت مريضه

وقف مشعل بعصبيه / انا اعرف كيف اجيبه..؛ وطلع بسرعة ويان وراه

دخل عبد الله و معه خالد وجلس ب عصبيه / ماحد يدري عنه كن الي يشتغلون عنده ف الشركه

وقف بو مشعل وسلم على الجد وطلع من البيت وهو يتحسب على صقر

الجد لف على صقر / صقر وش صار مرد عليك

صقر / لا يبه

الجد وقف بعصبيه / انت وهيه اشقيتوني انت يوم كنت صغير والحين هو بروح أوقف كل حسابته في البنك

عبد الرحمن / يبه تعوذ من بليس وين رايح وش توقف تفكر راح يرجع انت تعرف ذياب زين

الجد / طي بقول لي وش الحل مادري من وين ألقاها من العم صقر ولا من التبن ذياب الي خذ البنت هي مريضه

عبد العزيز / يبه ربي يحلها اليحن كلمت كم واحد من اصدقاء زمان يسأل لي ف المطار عن كل الرحلات الجوية حقت أمس وإنشاء الله خير

الجد جلس بتعب و صقر رفع جواله ورسل رساله ل ذياب بسرعة وحط الجوال ف جيبه

. .
. .
.
.
.
. . . . .. .

‏لعنبو قلبك شلون ماتغير وصاير قاسي ما اذكر كنا نقسى لهدرجه

...............................................................

في تركيا

تام لمدة ساعتين وهو يفكر وقطع حبل تفكيره اسيل الي تنزل من الدرج وهي تتمايل زي الي بتطيح قام بسرعة عندها ومسك يدها / وش فيك نازله من فوق

دفت يده عنها / ابعد عني انت انسان متخاف الله

ذياب / اوف ي ليل هذا الي ناقصني

اسيل / جيعانه الله ياخذك جعلك الماحي جعلك الموت جعلك جهنم الي تا... سد فمها بيده / اص اص وش ذا الدعاوي

اسيل وهي تحاول تبعد يده عن فمها / جيعانه بموت لا تفكر بسوي نفس الي ف الأفلام و المسلسلات إذا انخطفت ماتاكل

حط يده على راسه و باقي فيها حراره / طيب تعالي اوديك فوق فيك حراره

اسيل / ايه مو كل منك جاتني حراره.... دفت يده ونزلت من الدرج وصارت تدور في المكان

اسيل بصراخ من قمة رأسها / وين المطبخ وجعع

ذياب / وجعع بذا السان لا تصارخين

اسيل رفعت يدها وهي تدعي / يوجعك ي رب ي ذياب ولد ابوك

ذياب / انتي وش فيك على الدعاوي ماكل حالك ي بزر

اسيل / ايه ماكل حلالي ي الشايب

ذياب قرب منها /وبعدين معك يعني حتى وانتي مريضه فيك شرك

اسيل وهي تقرب منه بتحدي / تفكر يعني اذا صرت مريضه راح استسلم لك بعيده عن شواربك ي ولد العالي

كان في عالم ثاني يناظر في وجها وهي قريبه منه خدودها الحمر و عيونها رغم ذبولهم حلوين وريحت عطرها الي مسيطر على المكان شفايفها وهي تتكلم صار يقرب منها وهي واقفه ب تحدي وتناظر فيه وناويه على شي

قرب منها وهي على طول رفعت يدها بس هو كان أسرع منها ومسك يدها ودفها على الجدار و حصارها ب زاوية

اسيل / وش تبي ابعد عني

ذياب بهمس عند اذنها / لا تنسن تراك زوجتي رضيتي أو لا بعد شعرها عن رقبتها حست بخوف وصارت تدفه بس هو زي الجدار متحرك ولا خطوه / اص اص

اسيل / يا مجنون أبد عني.... حست ب شفايفه على رقبتها وصارت ترجف من الخوف وتدفه في يدها / أبد عني ...... رفع رأسه وصار يناظر في عيونها الي فيها الخوف همس / ايوه ابيك كذا خوافه

بعد عنها وجلس على الكرسي وهي واقفه في مكانه ب خوف و صدمه

.
.
..
.
.
.
.
.
.
.

‏و رغماً عن قلبي اجدني أغرم بك ، اجدني مفتونة بتفاصيلك الصغيرة و عينيك العميقتين .. رغماً عني اقعُ فيك .!

......................
___________________________________________________________________________

‏‏تسألني عيناكِ : أي مشاعرٍ
تغرد في الأعماق كالسحر .. أو أحلى ؟
وأي خيالٍ مد حولي جَناحه ؟
وأية دنياً رقرتْ فوقي الظِلّا ؟
أميرة قلبي ! إنت عالم المُنى
هو الحب يا ليلي .. أحسّ دبيبه
بروحي .. أحسّ الروح تهتف : يا أهلا!

غازي القصيبي ، رحمه الله

أنهى❄

___________________________________________________________________________

اتمنى انه نال اعجابكم

حسابي في wattpab

https://my.w.tt/UiNb/rL68WWJvlH

اتمنى يكون في تفاعل كبير و تعلايقتكم هي سبب لانتهاء الرواية

للامبالاة هي آخر فصول الوجع / موقع غرام

مع حبي ❤