رواية سعوديه/ احباب في مقبره الحب الفصل الحادي والثلاثون 31 - بقلم مارسلين

.
.
.

في المستشفى
بعد عشردقايق من المكالمه
سمر جات جري عند سحر...سحر كانت واقفه في نص السيب وتطالع في سمر ومعاذ وهم جايين عندها
سمر:خيييييير وش فيه
كانت جامده ماتتحرك مابكت ولا صرخت ولا قالت ولا شي اللي يشوفها يقووول جبل ماينهز
سحر:ماما تقولي انتبهي على سمر انتبهي عليها لا تتركينها وحدها
سمر مسكت يد سحر وصارت تتنفس بسرعه:وش فيها ماما؟؟
سحر:أمك تطلب أنك تدعيلها بالرحمه
سمر:لااااااااااااااااااااااااااااااااامااااااااااا ااااااااااااااااااا...
ماكملت كلامها إلا وهي طايحه عالارض مغمى عليها مسكها معاذ من ورى وسحر راحت تنادي الممرضات...فوقوها وبدأت تصرخ وتسحب عبايتها وملابسها وشعرها دخلوها غرفه وأعطوها أبره منومه طبعا لأنها تلقت خبر قوووي وصدمها سبب لها انهيار.....كانت تون معاذ جلس عندها وصار يهديها لما مانامت بعدها بفتره خرج برى يشوف سحر لقيها واقفه في مكانها وتشوف الممرضات وهم يشلون جثة أمها ويودونها لثلاجه..نزلت دموعها لكن صوتها مكتوم تبغى تخرجه وترتاح لكنــ موقادره تبغى تصرخ زي سمر تبغى تطيح ويغمى عليها عشان تنسى تبغى.....!!!أحد يساعدها<<<
:سحر
لفت عليه:معاذ
راحت له ورمت نفسها في حضنه مسكت ثوبه شدت عليه بقوووه تبغى تهرب من كل شي حولها تبغى تنسى أن امها ماتت...واخيرا طلع صوتها
سحر:راحت يامعاذ راحت راحت معااااذ الحقني الحقني يامعاذ والله ماعذبها والله بس خليها ترجع تكفيييييين يمه تكفيييييييين ارجعي مالي أحد بعدك تكفييييييين
جلست عالارض ضمت رجولها لصدرها ودفنت راسها بين رجلينها....لما رمت نفسها في حضنه ماحضنها ولا قال لها شي حس أن قفصه الصدري بينكسر وكأنها تبغى تدخل وتقفل على نفسها جوته بللت ثوبه بدموعها من أول كاتمه كانت محتاجته!!!!نزلت دموعه لما بعدت عنه وجلست عالارض بقي واقف في مكانه وهي جالسه قدامه مو قادر يعمل لها شي لأنه بيخون سمر ونفسه لكن شاركها الدموع كان يبكي وهو يسمع كلامها
سحر:تكفيييييين تعالي ماحد يبيني ماحد استحملني مثلك ماحد يبيني تكفين ارجعي ابيك انتي وبس سامحيني انا قتلتك اناتعبتك يمممممممممممه لاتخليني مابقدر اعيش بدونك تكفييين خذيني معك يمممممممه والله ماعذبك بس ارجعيلي لاتتركيني
..........................
دخل المستشفى ومعاه البودي قارد(4) وخالد وعيسى
وصلوا عند سحر ومعاذ.....خالد شاف سحر جالسه في الارض راح جري عندها
خالد:سحررررررررررر
رفعها من الارض وضمها وبكى معاها بكى وكأنه هو اللي فقد أمه >>>>لأنه فقدها حاس بقيمتها
معاذ شاف خالد حسده لانه عنده القوه والجرأه ولا خاف من أحد ومافكر في شي
سحر ضمت خالد:الحقني خلوووّد راحت راحت مابقى لي أحد فقدتها ياخلوووّد
خالد:كلنا فقدنا كلنا فقدنا ياسحر
محمد جلس على اقرب كرسي ورمى عقاله في الارض وبكى كان يسمع كلام سحر وكانت تطعنه وهي تتكلم......البودي قارد وعيسى كلهم بكواا من منظر سحر وخالد وكأنهم أخوااان فقدوا أهم شي بالدنيا
سحر:مالي أحد يا خالد مالي احد بعدها تعبانه رجعوها لي
خالد:ياما بنتعب بدونهم حنا ولا شيء
سحر تكلم أبوها:تكفين رجعها لي مثل ماتّرجع حق الناس...بدفع لك اللي تبيه بس رجعها بعطيك روحي بس ردها لي تكفييييين
عيسى:خالد طلعها من هنا ولا بتنهار
سحر:انا مو مجنونه عشان أخرج من هنا انا ابيهااااااااااااااااااا
محمد أشر للبودي قارد(2) وراحوا لسحر وسحبوها وهي تصرخ وتضاربهم...لحقها خالد وهو يحتقر محمد على حركته...بعد ماخرجوها من المستشفى
خالد:اتركوها خلاص
بودي قارد 1:مانقدر هذي اوامر الشيخ
خالد صرخ:قلت اتركها ماتسمع....انا بوديها عالبيت
تركوها مسكها خالد وركبها السياره
....................................
في المستشفى
محمد:وين سمر؟؟
معاذ مستند عالجدار ورامي الغتره على كتفه:في الغرفه
محمد:؟؟؟؟؟
معاذ:جاها انهيار
محمد:لاحول ولا قوه إلا بالله...عيسى
عيسى:سم ياعم
محمد:اتصل على زياد وبلغه وبعدها انشر الخبر
عيسى:انشالله طال عمرك(راح عيسى..
محمد:معاذ
معاذ:هلا
محمد:وش صاربالظبط؟ وليه ما وصلني خبر؟
معاذ قاله السالفه من وإلى
.................................................. ...
في السياره
كان السكوت سيد الموقف...سحر وقفت بكى..أعصابها مشدوده مره كانت عاقده حواجبها وكان شكلها غامض<<<<مثل سحر القديمه تكتم كل شيء ولاتبين شيء
خالد:سحر يلا انزلي وصلنا
سحر نزلت بدون ولا كلمه
خالد:سحر انتبهي على نفسك
مشت ولا كانها سمعته..فتحت باب الفيلا استقبلتها ربيبه
ربيبه:مس سهر مستر زياد وصل
سحر بكل برود:لاااا بدري
زياد من بداية الدرج:من عمرك يابووويه
سحر تطالع فيه باستحقار:....
زياد:حبه حبه لاتطيح عيونك....كيف امي
سحر خنقتها العبره...طلعت للدرج ولا طالعت فيه..مسكها من يدها
زياد:لما الكبير يكلمك تسمعين كلامه فاهمه
سحر رفعت حواجبها:...
زياد:وانا الحين قاعدلك وبربيبك من اول وجديد وهذا اللي لابسته (يأشر عالسلاسل اللي في حلقها)افصخيها عشان مافصخها بطريقتي ولبسك يتغير فاهمه(كانت تطالع فيه باستخفاف وكانها تقول مو ناقص الا اسمع كلامك)واسلوبك معي يتغير ونظراتك ذي تغيرينها لاني مو عبد عندك وإذا ماتنفذ كلامي اعرفي أني راح استخدم اسلوب الضرب والحبس معك فاااااااااهمه؟
سحر دفت يده وكملت الدرج ولما وصلت لنهايته صرخت بأعلى صوتها:قبببببل ماتربيني خذ عزا اااااااااااااااامك
زياد ماستوعب اللي قالته:وشو؟؟
سحر:ماما قالت لي قولي لزياد امك مسامحتك وكان نفسها تشوفك
زياد يبغى يكذبها:هي هي هي دمك ثقيل يلا اقلبي وجهك
راحت سمر لغرفتها وراح زياد لغرفته وطلع جواله لقى 20 مكالمه من عيسى ورساله
((عم زياد
اتمنى انك ترجع في اقرب وقت ممكن
لأن الوالده توفت
عظم الله أجرك))
عندما تتحرك الدنيا ويتوقف الانسان

العالم يدور وهو واقف في مكانه متجمد

لا يرى

ولا يسمع

ولا يتكلم

عندما يفقد حواسه

فأنه هنا

يحس بقيمة الانسان

فقد جميع حواسه من أجل فقد أنسان لم يعلم بقيمته إلا بفقدان حواسه

عندما كانت جميع حواسه تعمل لم يهتم ولم يكترث له

رغم ان الشخص الاخر هدر جميع حواسه من أجل محبة انسان

هناااااااااااا

تتوقف جميع الحواس وتظهر المشاعر والمدفونه

مشاعر مدفونه ليس لها اهميه

لقد تلفت واهترأت بعدم اهتمامنا حتى ودعناها

بدفنها.....

ماصدق اللي قراه واللي قالته سحر نزل جري زي المجنون خرج برى الفيلا قابل محمد والبودي قارد
زياد يصرخ:وين امي؟؟؟؟؟؟؟؟؟؟؟
محمد بكى مسك شماغه وغطى وجهه:....
زياد بصوت اعلى:ماتت ولالا؟؟؟؟؟
عيسى:ادعيلها بالرحمه
زياد راح لأبوه وصار يهزه:ماتت ولالا؟؟؟؟
محمد مسك ولده وحضنه:ماتت ماتت
زياد طاح في الارض على ركبه وصرخ:لاااااااااااااااااااااااااااااااااااااااااااا ا.....ماتموت ماتموت انا جيت لها جييييت تبي تشوفني هي قاااااااااالت تبي تشوفني رجعوهااااااا لي تكفى تبي تشوفني اشتاقت لي حيل يممممممممممممه جيت لك جيت يمممممه تكفين جيت لاتروحين ابيك محتاجلك يمممممه
................................
كلً في بحرالهموم يسبح

كلً يبكي على فراق انسان

كلً فقد حنان

وكـ شكى الهجران ـلً

اليوم الاول في العزا

سمر خرجت من المستشفى وراحت لبيت اهلها تاخذ عزا أمها مابكت ولا صرخت ولا عملت شي لأن ذي كانت وصيت أمها ماتنذل ولاتنهان قدام احد ولا تبين ضعفها لاحد كان باين عليها التأثر لكن مابكت
سحر من يوم مادخلت غرفتها ماخرجت منها ومارضت تاخذ عزا امها لآنها ماماتت بالنسبه لها
زياد كان بيرجع لبريطانيا لكن كلمته سمر واقنعته يبقى فتره العزى وبعدها يرجع
محمد كان منهار جدااا وباين الصدمه عليه نصه الثاني راح ذراعه اليمين راح ومابقى له احد الحين بشيل همين هم الشغل وهم عياله
أهل محمد الرجال والحريم الكبار جو اول ماعرفوا الخبر <<<بدون بناتهم وعيالهم
اليوم الاول
اليوم الثاني
اليوم الثالث
اليوم الرابع
اليوم الخامس
اليوم السادس
اليوم السابع
((اسبووووووع))
......
عاليه دقت الباب على سحر حتى وتعبت...رجعت للصاله
عاليه:مافي فايده مافتحت
رجاء:خلوها مصيرها تفتح
أم فيصل:سمر انتي رحتي لها؟؟سمر سمر
سمر كانت سرحانه:هااا...هلا عمه بغيتي شيء؟
أم فيصل:اقلك رحتي لسحر؟؟حاولتي تكلميها؟؟؟
سمراتنهدت:لا...هي دايما كذا تقفل على نفسها وبعد فتره تفتح
أم فيصل:تجلس كذا بالايام!!!
سمر:لااا...أول مره تسويها
أم فيصل:قومي كلميها يمكن تفتح
عاليه:ايييه قومي واللي يوفقك؟؟لايكون البنت ميته وحنا ماندري
سمر ماكانت تبغى تقوم لنها عارفه رد سحر...راحت لها دقت الباب
سمر بصوت هادئ مكسور:سحر
:.....
سمر:سحر تكفين افتحي ابي اكلمك
:.....
سمر:سحر نفذي وصيت امي وانتبهي لي
ماكملت كلامها وبكت اسندت راسها عالباب وحطت يدها على فمها ماتبغى صوت بكاها يطلع لاحد....فتحت سحر الباب ودخلت سمرعندهابالغرفه وحضنتها بقوووه وبكت معاها
سحر:ماقدر ياسمر ماقدر
سمر:......بكاء متواصل
سحر:هي بكل مكان بالبيت ماقدر اطلع احس اني بشوفها
سمر صارت تشهق:بسسسسسس كفايه
سحر:مدري وش بسوى بعدها مدري مدري
سمر:ماما ماما ماما
صارو الاثنين يبكون ويشهقون ويونووون كانت حالتهم صعبه مررره
بعد ساعتين
تركني

تركني مع الهم لآخر الطريق

تركني في دربي وحيييييد

تركني أبكي في حضن الغريب

تركني أصرخ في نفسي

تركني اتشتت واتعب

تركني انادي

هل من مجيب؟؟

هل من مجيب؟؟

يلمني ويبعدني

عن حضن الغريب

زياد يدق على جوال سمر
سمر بصوت مبحوح:الوو
زياد:سمر انزلي ابي اسلم عليك أنا رايح
سمر:طيب يلا نازله
قفلت منه
سحر:رايحه؟؟؟
سمر:لا بنزل زياديبي يسلم علي
سحر:اهاااا
سمر:امشي معي
سحر:لاشكرا مابي انزله انا بظل كارهته لاخر العمر
سمر:ماما سامحته انتي بعد سامحيه
سحر:لاااا ماما ماتت وهي ودها تشوفه وياما كلمناه يجي ودقيت عليه وهي تعبانه وكلمته وسفهني
سمر:لاحول ولاقوه منكم
...........
زياد حضنها وسلم عليها:انتبهي على نفسك فاهمه؟؟
سمر:انشالله وانت بعد؟؟؟ولاتنسى اتصل علينا وحاول انك تجي بين كل فتره وفتره
زياد:انشالله....انتبهي للمجنونه اللي فوق
سمر:زياد؟؟؟خلاص احترم نفسك ذي اختك
زياد:أي اخت قولي اخ...المهم انا كلمت أبوي عشان يخليها تروح الرياض عنده ماتبقى هنا
سمر:تروح الرياض؟؟
زياد:ايه..ماتجلس هنا لوحدها
سمر:انا عندها!!!
زياد:انتي أجلسي ببيتك..خلاص انا كلمت ابوووي وتفاهمت معه
سمر:بس هي مابترضى
زياد وهو يركب السياره:عساها مارضت موبكيفها تقرر حنا اللي نقرر....يلا مع السلامه
سمر حركت راسها بلا...عارفه ردت فعل سحر
......................................

.
.
.
.
.
.
.
.
.
.
.