رواية سعوديه/ احباب في مقبره الحب الفصل الثاني والثلاثون 32 - بقلم مارسلين

.
.
.
ربيبه:مس سهر مستر
في الصاله
محمد- رجاء –عاليه- خليل – جاسم- سمر- سحر
دخلت الصاله وشافتهم كلهم ساكتين وكأنهم ينتظرونها...عرفت أن الموضوع يخصها
سحر بصوت مبحوح :السلام عليكم
الكل:وعليكم السلام
راحت جلست على كنبه منفرده(لوحدها)وقبالها سمر...وكانت عيونها مدمعه
محمد:سحر
سحر:نعم
محمد:لمي كل اغراضك وجهزي نفسك بتجين باكر معي الرياض
سحر:نعم؟؟؟؟؟؟؟؟؟
عاليه تحاول تهدي الجو:تعالي يابنتي عندنا هناك على الاقل ننتبه عليك وتجلسين مع العنود والبنات ولا تبقين هنا لوحدك
خليل بنفس أسلوب عاليه:ايييه تعالي عندنا على الاقل ماتمللين عندك البنات تتسلين معهم لكن هنا مالك أحد
سحر تطالع في سمروكأنها تقول ساعديني:بس انا مابي اروح هناك...ماعرف أحد
جاسم بنفس جدية محمد:وش اللي ماتعرفين أحد؟؟؟؟وحنا وين رحنا؟؟خلاص بلا كلام فاضي اتجهزي
سمر صارت تبكي على أختها وحاطه يدها على فمها
سحر وقفت:انا بجلس هنا
رجاء:وش تقعدين هنا تسوين لوحدك؟؟
سحر تحاول تببر موقفها:مابقعد لوحدي الخدم والسواقين والكل موجود هنا وبعدين سمر هنا وماراح تتركني
سمر وهي تبكي:اييه والله ماتركها
الكل اعطاها نظره يعني اسكتي:....
سحر:لاتناظرون كذا....مابي اخرج من بيتنا(بلعت ريقها)يعني مو عشان ماما ماتت خلاص الدنيا توقفت هنا..
محمد:سحر؟؟؟أنا كلمتي ماعيدها جهزي اغراضك بسرعه لاننا مسافرين الساعه 9 صباح
سحر عقدت حواجبها وطالعت في بنظرة كره وراحت لغرفتها..لحقتها سمر
سحر دخلت الغرفه وضربت بالباب بكل قوتها راحت..جلست عالكنبه وصار تهز رجولها بتوتر..دخلت سمر
سمر:سحر!!!لاتزعلي
سحرتطالع فيها وهي تتنفس بسرعه وتهز رجلها وباين عليها أنها واصله حدهاومعصبه مررررررره...
سمر:لاتخافي بجي ازورك بين كل فتره وفتره وانتي تعالي عندي
دقت الباب ودخلت ربيبه ومعاها خدامتين ومعاهم شنط...شافتهم سحر عصبت زياده...خرجت برى الغرفه وكان قدامها تحفه مسكتها ورمتها عالجدار
سحر:اكرررررررررهه
سمر جات لها:سحر!!!!!!!!هدي نفسك
رجعت للغرفه أخذت عبايتها والمحفظه والجوال وراحت للباركنق
سمر اخذت جوالها واتصلت على معاذ
معاذ:هلا حبي
سمر:وينك؟؟
معاذ:انا بالبيت
سمر:امممممم
معاذ:تبين اجي اخذك
سمر:لالا خلاص بجي بالسواق
معاذ:لاااا انا جاي لك الحين
سمر:اووك يلاباي
معاذ:باااي
راحت لجناحها واول مادخلت رجعت لها ذكرياتها مع امها كانوا دايما يجلسون مع بعض في الصاله ويتكلمون وافتكرت يوم جات لها وقاعده تتكلم معاها عن الزواج....خرجت من الجناح ووقفت عند الباب حق جناح امها وافتكرت اليوم اللي قبل زواجها لما امها خاصمتها وبعدها زعلت عليها وراحت لسحر وكلمتها عشان تنام عندها
سمر: (يااااااااااه كيف قلبك كبير وماقدر يستحمل زعلي)

الحزن يمشي في دربي
ومرافقني طووول الطريق
احتاج لك في وقت
قست فيها قلوووب البشر
يبوني أنساك
يبوني أنسى حضنك الدافي
يبوني انسى من كان كل حياتي
يبوني ارحل وابتعد واهجر مكاني
لآجل انساك
مادروا انك عايشه داخلي
سألتك باللي خلقنا
انك تساعدني أبقى شامخه في مكاني
هذي وصيتك وأبي انفذها لآخر زماني
سألتك وياليت ماتردين سؤالي
عند البحر
جالسه في مكانها المعتاد....جالسه ترمي همومها للبحر...كانت تبغى تبكي تبغى تصيح لكن خلصت الدموع وخلص الصوت...جاء على بالها معاذ وافتكرت يوم كانت بالمستشفى يوم كانت محتاجته ومازلت محتاجته وماعمل لها شي بالعكس صدها وتركها ولاحاول انه يقولها شي
هي محتاجته حييييييييل..لو كان معاذ القديم كان جاء جري لها وضمها لصدره وخلاها تشكي همها وترتاح......قررت ترسل رساله تذكره انها موجوده بالدنيا...يمكن يحن قلبه ويرجع يكلمها ماتبيه يحبها ولا تبيه يدافع عنها ولاتبيه يشتاق لها بس تبي تشكي همها(((يابادي الناس من غيرك أتعبنا...كنا أعز اثنين وتالي العمر ضعنا
أنا ياغالي مااقسى ولا انسى...انا سفينه كل ماترحل
ردها الشوق للمرسى
أنا لي قلب مايقسى...ولي عقل ماينسى
ولي صاحب بدونه ماسوى)))

الحين بتروح الرياض يعني حياتها بتتغير...يمكن تعيش حياه حلوه وسعيده ويمكن حياه صعبه ومريريره يمكن تنسى جده واهلها وتتعايش في الرياض مع ناسها ويمكن تبقى بذكرياتها وماتنسى جده وتموت باليوم مية مره على روحها..وتتمنى منقذ يرجعها لجده
...........................................

كان راجع من عند أصحابه وجاته رساله فتحها بسرعه وبدون مايشوف مين المرسل
(((يابادي الناس من غيرك أتعبنا...كنا أعز اثنين وتالي العمر ضعنا

أنا ياغالي مااقسى ولا انسى...انا سفينه كل ماترحل

ردها الشوق للمرسى

أنا لي قلب مايقسى...ولي عقل ماينسى

ولي صاحب بدونه ماسوى)))

رجع قرا الرساله مره ثانيه وشاف المرسل
معاذ:ياررررررررربي أبعدها عن طريقي وابعدني عن طريقها يارب اجمعها مع من تحب يارب اجمعها مع واحد يسعدها طوول حياتها.....سامحيني سحورتي ماقدر ماقدر
................................................
اليوم الثاني الساعه7:30 صباح
قامت بسرعه دخلت استحمت وخرجت كانت تلبس وفي نفس الوقت تودع المكان تودع غرفتها وكل شي فيها تودع روحها الموجوده في الغرفه والبيت....خرجت للصاله الللله أيام ماكانت تجتمع هي وأمها وسمر وكانوا على طوول يتخاصمون راحت لجناح سمر يالدنياااا كان محّرم عليها دخووول هالمكان لانه ماينفع لشخصيتها...نزلت للحديقه ياماااااااااا جلست هنا(عند الشجر)تغني هناك(عند الجاكوزي)تفكروهنااا(عند الملاهي)ترجع لنفسها الطفوله ياماااا اخذت الحديقه طول بعرض تكلم معاذ وياما تضاربت مع سمر هنااااااااك (عند الجلسه)جلست مع العنود والبنات وضحكوا وغنواا وسولفواا..راحت للباركنق يوووووووه افتركت يوم اخذت السياره بي أم دبليووو ويوم الفلللللللله هذاك ماتنساه أبدا...راحت عند باب الفيلا الرئيسي وافتكرت أيام ماكان معاذ يجي ياخذها
:سحرررررر
لفت سحر للصوت
عاليه:تعالي يابعدقلبي افطري وتجهزي
سحر:مابي شي..انا جاهزه خلاص
عاليه:اجل خلاص روحي البسي عباتك
سحر راحت ولبست عبايتها وأخذت شنطه سوداء واصله لنص فخذها وكلها بروشات...وحطت محفضتها واغراضها فيها وجات بتاخذ الجوال لقت فيه رساله
سحر: (أكيد من معاذ..بيرد على رسالتي)
((خاااااااااااااالد - خلووووّد – خووووويلد الزباله – خويلد النذل يحي سحر بنت محمد الفهد في مدنية الرياض....واخيرا لقيت احد يجي يونسني بالرياض..صدقيني راح نفلها بالرياض مرررررره وراح نوريهم عيال جده كييييف..بسررررعه تعالي والله مشتاق لريحة جده))

سحر: (يالللللله اللي ماطرى على بالي فاكرني ووقف معاي في أصعب المواقف واللي أبيه مافكر حتى يكلمني و لا يعرف وش دنيتي )
............................................
في المطار
سمر حاضنه سحر وتبكي
سمر:سحر انتبهي على نفسك بلييييز...وكلميني كل يوم اوووك
سحر تحاول تغيرالجو وتبين انها مو مهتمه:خلاص سمووور وكاني راح أبعد للأبد كلها خطوتين بين جده والرياض
سمر تتكلم بشويش:واسمعي كلام بابا عشان لايعصب عليك وخليك جالسه عند عمه عاليه وعمو خليل باين عليهم طيبيين ويحبونك ولاتروحي لرجاء وجاسم واحذري من جاسم لأنه شبه بابا ومايرحم
سحر:ههههههههه سموووور خلاص حتى ماما ماعملت لي كذا
سمر هنا زاد بكاها لما جابت سيرة امها:بااااااااااي سحررر احبك احبك احبك (سلمت عليها بقووه
معاذ جاء لسحر وصافحها وكان بارد مرررره وباين انه مو مهتم لكن يحاول يجامل قدام العايله
معاذ:مع السلامه ياسحر
سحر السكاكين كانت تقطع قلبها منه ومن ردة فعله كان يقتلها بروده وعدم اهتمامه وحتى نظراته لها كان فيها استحقار لها وباين انه مو طايقها ابدا
سلموا عالكل وركبوا الطياره >>>الطياره خاصه حقت محمد
رجع تفكير سحر لورررررررى لكم سنه فاتت
((في الآيس لاند
سحر تأشر على وحده بنت:معاذ..شوف ذي البنت ماشالله ملاك حلوووه مره
معاذ:لاعادي شكلها
سحر:حراااااام عليك!!!ذي عاديه؟؟؟
معاذ:وأقل من عاديه بعد..يمكن فيها جمال لكن باين أن اخلاقها في الحضيض
سحر:معاذ انت تقهر بصراحه.....يعني أنت اول ولد بحياتي أشوفه مايغازل بنات مررره وماتلفته أي بنت...وااااااي؟وااااي انت كذا؟؟؟
معاذ:لأن كل البنات مايهموني دام عندي وحده مهتم فيها واحبها
سحر:أفااااااااااااا يالنذل ولا تقووول
معاذ:هههههههههه مولازم اقووول
سحر:بسرعه قولي من هي؟؟وهي تعرف؟ انك تحبها ولالا؟وهي تحبك ولالا؟
معاذ:ههههههه الله يرجك حبه حبه...هي وحده اموت فيها مرررره وماظن تعرف أني احبها وتحبني مو اكيد
سحر:تقربلك طيب؟
معاذ:أقرب من روحي بعد
سحر:اووووف وليه ماتعترف لها؟
معاذ:ماتوقع تتقبل الموضوع وخصوصا انها صغيره مو كبيره
سحر:كم عمرها؟؟
معاذ:من عمرك تقريبا؟
سحر:14 سنه
معاذ:ايييه
سحر:طيب ماقد لاحظت أنها تحبك او شي؟؟
معاذ:هي تحبني كأخ مو اكثر
سحر:يعني أنت تعرفها وهي تعرفك ؟؟
معاذ:ايييه...
سحر:طيب ليه ماتحاول تبين لها من حركاتك؟؟؟
معاذ:المشكله انها ماتفهم هبلا مرررره..ولاّ انا مبين لها زي عين الشمس
سحر:وش مواصفاتها طيب؟؟؟
معاذ:حلوووه
سحر:اييييه القرد بعين امه غزال
معاذ:ههههههههههه حلوه بنظري ماحد يعرفها مثلي..طيبه واللي تحبه تعطيه عيونها واللي يكرها يبعد عن طريقها
سحر:اهم شي أنها طيبه لانك انت طيب وتستاهل وحده مثلك...طيب وش راح تعمل إذا كانت تحب غيرك؟؟
معاذ:مستحيل تحب أحد...أنا أقرب لها من روحها يعني أعرف كل شي عنها
سحر:اهااا..شوف بصراحه أقولك لاتثق في البنات لآنهم من تحت لتحت وماتعرف لهم طريق
معاذ:إلا ذي انا أعرفها أكثر من نفسها....وانشالله ماتكون لغيري
سحر:بعد!!!!!!!!!ناوي لها على نيه
معاذ:اييييييه ههههههههههه أصلا لورحت وخطبتها بتوافق قبل امها وأبوها

سحر:بس عاد مو لذي الدرجه...قبل شوي تقول معتبرتك اخ والحين تعتبرك زوج
معاذ:لا مو كذاااا...انا لو رحت هي بتوافق لانها محتاجتني موووووت
سحر:بصراحه يابختها من بنت....امها داعيتلها بالخير والله
معاذ:أحم أحم احم
سحر:ههههههه ايه والله يامعاذ يحق لك تتحمحم والله والنعم فيك
معاذ:احم احم احم
سحر:بس كفايه عطيناك اكبر من حقك قوم خلينا ناكل بموووت جوع))
سحر: (يووووووووووه وين راح تفكيري ذاك اليوم كان يتكلم عني...آآآآآآآآخ ياقلبي ليه تفوووق متاخر؟؟؟)
...............................................
في جده
في بيت سمر
الحزن صار سيد الموقف عند سمر والسرحان والشرود.....معاذ يحاول يطلعها بأي طريقه من جوها لكن مو قادر
معاذ قرب منها وضمها له:حبي
سمر مبتسمه ابتسامه باهته:هلا قلبي
معاذ:كل سنه وانتي بصحه وسلامه رمضان كريم
سمر:علينا وعليك يارب
معاذ:وش رايك نطلع نتمشى شوي
سمر:لاااا مالي نفس انا تعبانه
معاذ:طيب براحتك وش رايك تروحين ترتاحين شوي؟؟
سمر:احسن
راحت سمر ومعاذ اتنهد
حاااااااس كل شي حووووله كيئب مرررررره...سمر مو معطيته اهتمام أبدا ودايما تتهرب منه مو معقوله كل هذا عشان موت امها...
معاذ: ((طفشت منها ومن حركاتها لكن هو انااخترت الطريق واستاهل ماجاني......عندي طريقه بجرب بشوف إذا عبرتني معانتها متأثره بموت امها وإذا ماعبرتني معناتها ولاتفكر فيني وبعدها راح يكون لي موقف ثاني معاها)) انسدح ونام في الصاله عالكنبه
..........................................

.
.
.
.
.
.
.
.