رواية سعوديه/ احباب في مقبره الحب الفصل الخامس 5 - بقلم مارسلين

سمر يالميجا مول (الصيرفي ) لابسه عبايه مطرزه مكتوب فيها أسمها(أحلى سوسو) وماسكه على جسمها وشكلها مره حلوو وطبعا العباية مفتوحه ولافه الطرحه بس وكانت لابسه بنطلون جنز ماسك عليها مره وبلوزه نص كم لونها فوشي واكسسورات فوشي ومشمره العبايه وماسكه الجوال في يد (موترلا الفوشي) والشنطه في اليد الثانية وحاطه قلووس أحمر وبلاشر برونزي ولابسه كعب واسمعوا كيف لما تمشي الكل يطالع فيها يعني وقررت اليوم اليوم تقابل خالد لأنها خلاص ماتقدر تصبر
سمر تكلم بالجوال:بيبي خالد متى حتجي ؟
خالد:خلاص أنا قريب ثواني وأنا عندك
سمر :اوك
سمر تلف بالسوق طفشانه بتستنى حتى وخالد يجي وفجأة مسكها ولد من يدها وقال :الحلو دا ليه طفشان ؟؟؟(مبتسم)
سمر لقيتها فرصة تتسلى شوي على مايجي خالد قالت بدلع:تقدر تسليني؟؟؟!!!
الولد:أمرك
سمر :ممكن تعطيــ................(انصدمت من اللي قدامها سحر أختها مع ولد ..........معقوله سحر مع ولد ...........لا وتضحك كمان وماسكه يده وكأنه أخوها أو أبوها ) رووح بابا جاء
الولد بدون ما يطالع حط رجله وهرب وسمر راحت لسحر معصبه وبصوت عالي :سحـــــــــــــرررررر
سحر طالعت قدامها وشافت سمر أنكبت عليها مويه حاره لما شافت اختها وبسرعه فكت يدها من معاذ وارتبكت :ســــــــ.......مـــــ........ر (سارت تتنفس بسرعه وتتلفت خايفه أمها لاتكون مع سمر)سوسو لاتفكري غلط ...........بليييز
أما معاذ ماخاف ولا شيء بس انبهر من شكل سمر يعني اللي يشوفها ما يشوف غيرها فرق السما عن الأرض عن سحر
بيضاء........سمراء
طويله............قصيره
شعر ناعم..............شعر غجري
بنوته...........ولد (بالنسبة لسمر)
مغرورة(معاها حق)..............متواضعه
حلوووه..............وسيمه
ناعمه................عفشه
كلام جداوي..........كلام نجدي
سمر تطالع في معاذ بنص عين:مين دا ؟
سحر :هذا معاذ........ماينفع أقولك الحين........في البيت نتفاهم اوك
سمر عجبها شكل معاذ مره ودخل مزاجها وتبغى رقمه فمشت الموضوع مع سحر عشان تاخذ رقمه لكن الغيرة اشتغلت عندها ليه تشوف واحد حلو مع سحر المفروض يكون معاها
سمر والقهر باين عليها : ممكن اسأل سؤال............(أشرت على سحر باستهزاء)يعني مالقيت غير البشعة دي تمشي معاها ؟
معاذ انقهر وعصب من كلامها : البشعه ذي تسواك وتسوى عشره زيك (مسك سحر من كتفها وبنفس غرور سمر قال)وبعدين مين قال سحورتي بشعه ........ صدق ماعنده عيون
سحر طبعا ساكته خايفه أن سمر تروح تقول أي شيء لأمها لكن هي تغلي من جوا كان نفسها تمسك سمر وتدعسها ضرب أما معاذ قرب من سحر وقالها بشويش
معاذ :انـــا بروح السيارة ..........أتفاهمي مع المغرورة حقتك والحقيني
سحر :طيب
راح معاذ ودق جوال سمر (أنا ولاعارف أنا مالي ولا اللي جراللي بحبك........ ياحبيبي بحبك) لفت سمر وجهها عن سحر وردت :ايوا ياخلود ........وصلتي.........أنا في الدور التاني ....أنتي طالعه ........اوك
سحر واقفه حتى وخلصت سمر وبعدين قالت سمر :أنت جلستي معايا
سحر بخبث :ماأسيب أختي لوحدها .............وبعدين خليني أشوف صديقتك
سمر :أنتي ماتبي أشوف صحباتك .............حتى أنا ماحوريك صحباتي.............خلاص روحي
سحر أشرت برأسها لا و سمر فقدت الأمل أنها تروح و سارت تدور بعيونها على خالد ولما شافته كان يقرب منهم وسمر خافت من سحر لاتعرف بعدين بتمسك عليها زي ماهي ماسكه عليها
خالد كان مبتسم وكل ماله يقرب وسمر كانت خايفه أنه خالد يكون عرفها سحبت يد سحر :يلا نطلع من هنا
سحر دفتها :لحظه بس..............هلا خلوّووود
سمر فتحت عيونها: (سحر تعرف خالد ......هذا وهو عامل فيها أنه مايكلم غيري ...........وسحر كيف عرفته وليه دايم تعرف الحلوين؟؟؟ معاذ وخالد والله يستر من الباقين........وأنا ماعرف غيرخالد حلووو...........وجععععععععع من جد قهر)
سحر تدق أختها:لا تفهميني غلط ............ولدين بنفس اليوم قويه مو هههههههه
خالد بفرح :هاي سحر كيفك ؟...........والله لك وحشه يابنت ..........ليه ماسرنا نشوفك؟؟؟؟؟
سحر :وأنت أكثر ......بس معاذ يقولي ماعاد تروحين هناك
سمر واقفه بينهم مستغربه
خالد عرف يربيك معاذ) ولا يهمك أي وقت تبين تروحين هناك دق لي (خالد قرب من أذن سحر وقال)مين الحلوة ذي ؟؟؟؟
سحر بصوت عالي تسمعه سمر :لاما اتفقنا على كذا............ أختي مؤدبه مالك فيها
سمر هنا فارت وعصبت مره: ( يتكلم معاها نجدي هذا.............لا وكمان يقرب منها ويبغى يغازل كمان )
خالد يأشر لسمر :هاي
سمر ساكته ماترد عليه خايفه لا يعرف صوتها :....................
خالد :ترى الكلام ببلاش ههههههه(بنت الذين مره حلوووه .........بس لو الهبله سحر تبعد كان أخذت رقمها )
سحر :مو قلنا أختي مؤدبه ..................إلا انت أش جايبك هنا؟؟؟؟؟؟؟
سمر بعدت عنهم وسارت تتطالع في واجهة المحل على الملابس لكن أذنها وقلبها معاهم وأول ماسحر سألت خالد حطت جوالها عالسايلنت ورمته في الشنطه
خالد بتصنع ماتشوفه سمر :آآآه جاي أقابل قلبي
سمر طارت من الفرح وابتسمت بعد ماسمعت هذا الكلام كان نفسها تلف عنده وتقول قلبك قدامك
سحر :تكفين ..........كل مره أشوفك فيها تقول بقابل قلبي لا يكون كل البنات قلبك هههههههه
خالد :ههههههه لا هذي من جد غير عن كل البنات .............يالب قلبي على صوتها...... لو تسمعين صوتها يدوّووووخ ............وبعدين إذا صوتها كذا شكلها كيف؟؟؟؟؟؟
سحر: طيب روح قابلها والله يعينك على شكلها اللي راح تنصدم فيه
سمر لماسمعت كلامه ساحت وماهي قادره تشيل عمرها من الفرح خالد يمدحها كل ذا المدح أكيد هي تحلم وبما انها سمعت هذا كله قررت تأجل المقابلة لليوم عيد ميلادها عشان من جد تقابله بيوم مميز
سحر دقت على معاذ
سحر :ها معاذ وينك؟؟؟؟
معاذ:بتجين ولا أمشي
سحر :لالا خلاص أنا نازلة أنت وين ...
معاذ :قدام البوابة ..........بسرعه
سحر :طيب
سمر طالعت في أختها أصغر منها وتركب مع أولاد وبكل ثقه ولا تخاف على نفسها منهم
سحر :يلا باي سمر
سمر مسكتها من يدها:وين ياماما ........من جدك رايحه مع ولد ...............مجنونه أنتي
سحر :هههههههههه لا تخافين معاذ أخوي
سمر باستغراب وبطريقه نجدية :أنتي وش قصة الأولاد معك .............ومن ذا اللي كان واقف معنا؟؟؟(بهبل)
سحر :يوووو ...والله أول مارجع البيت أقولك كل شيء .........بس تكفين خليني أروح الحين
سمر باستسلام :اوك .......باي
سحر بعدت عنها بمسافه :بـــــــاي ............وعلى فكرة لما تتكلمين نجدي أحلى من الجداوي
سمر ضحكت على أختها تبغاها بأي طريقه تكون نجدية وتفتخر أنها نجدية زيها
.................................................. ...........................................

ركبت سحر السيارة :سوري معاذ .......بس قابلت خالد وسلمت عليه
معاذ :حتى أنا قابلته ..............على فكره لاتأخذين وجه على خالد .............تراه أكبر نذل
سحر بلا مبالاة :طيب ..................أقول خلينا نروح البحر نكمل اليوم هناك
معاذ: (مافي أحلى من البحر عشان أعترف فيه) اوك
.................................................. ..................

................
وصلوا عالبحر وأخذوا آيس كريم وجلسوا يأكلون
سحر تاكل وتضحك :ههههه معاذ فاكر أول يوم قابلتك فيه هههههه
معاذ وقف أكل وسار يضحك من قلبه :ههههههههههههههههههه
سحر بنية برئيه :والله أحلى يوم بحياتي يوم عرفتك
معاذ لقي الفرصة أنه يفتح الموضوع قرب وجهه من وجهها وقال :سحر أبي أقلك موضوع
سحر بعدم اهتمام : طيب ...........بس بشرط أعطيني الآيس كريم حقك وخذ حقي .............يعععع مو طعم يلوع الكبد
((طبعا الكل يسأل كيف تعرفوا سحر ومعاذ على بعض.............كان عمر سحر وقتها 13 سنه وكانت تتضارب مع أولاد في الثانوي اللي هي شلة معاذ ولوحدها كمان (عينها قويه) .......بدأت المضاربة عند مواقف السيارات بواحد من المولات أتخاصموا الأولاد مع السواق على الموقف وبعدين نزلت سحر وسارت تتخاصم معاهم وطبعا اللي فاز بالموقف سحر وبعدين لما دخلت المول صاروا يضايقونها وهي ما سكتت كلمه بكلمه وهي رايحه عند المواقف الأولاد ماشفوا غليلهم منها كانت قويه و ماقدروا عليها فلجأوا لطريقه وحده أنهم يضيعونها ............
قفلوا بسيارتهم على سيارتها والسواق كان خايف منهم كانوا مجموعة وهو لوحده نزلت سحر مره ثانية وتبغى تضرب أحد خلاص أعصابها قفلت لكن هم كانوا مجموعة سحبوها ودخلوها السيارة أتوقعوا أنها تبكي أو تضرخ لكن استغربوا من ردة فعلها طلعت جوالها والولد اللي كان بجنبها (معاذ) سحب الجوال من يدها سحبت الجوال من يده وقالت :هات وجع .........خليني أكلم الدلخ السواق لا يروح يتكلم ........
ومن جد دقت على السواق وحذرته مايتكلم وكانت باردة في السيارة ولا خافت طلع واحد جالس على الجهة الثانية سيجارة وسحبتها منه وسحبت من معاذ الولاعة وشغلتها وطبعا الأولاد منصدمين من حركاتها ماكانوا عارفين أنهم أخذوا غول ماخذوا بنت المهم لما وصلوا للشقة نزلوا الأولاد كلهم وكان معاذ ماسك سحر لفت عليه سحر وعيونها كلها رجا وخوف :أمانه عليك لا يسون فيني شيء ..........أنتم بديتم معي مو أنا.......تخيل أني أختك.....وش بتسوي؟؟
معاذ حن عليها وحس ان كلامها صح طنشها وسحر عرفت أنها خلاص ضاعت اليوم ولما دخلوا الشقة معاذ:شباب اتركوها .........
الأولاد كلهم طالعوا في معاذ مقهورين (طبعا معاذ الرئيس)
سحر قالت بثقه كامله :ايوا اتركوني .........أنتم ماتعرفون أنا بنت مين ...............
عبدالعزيز:تكفين لا تقولين بنت أمير
سحر قربت من عبدالعزيز: لامو بنت أمير .........(لفت عليهم كلهم ) أنا بنت محمد الفهد
معاذ والأولاد انصدموا
خالد: بنت المحامي الكبير !!!!!!!!!!
سحر رفعت حواجبها:ايوا في غيره وإذا مو مصدقين أتصل عليه .........
معاذ :شباب خلوها في حالها نحنا مو قد المحاكم والسجن ............ذي واثقه من اللي تقوله ...........خلاص إذا تبين تروحين روحي
سحر تطالع في الشقة :أنتم وش تسون هنا ؟؟؟؟؟؟؟؟
معاذ:ولا شيء نلعب ونسهر هنا .......ترى مانسرق ولانخطف ولانسوي شيء
سحر بفرح :من جد والله اعرف ألعب كون كان و...........
ومن بعدها أتعرفوا على بعض وصارت جزء منهم لكن قربت من معاذ أكثر واحد وصار معاذ أقرب واحد لها وأعز صاحب... مين يصدق العدو أعز صاحب!!! ))
بدل معاذ الآيس كريم مع سحر :تصدقين إن لنا 6 سنين وحنا مع بعض
سحر وقفت عن الأكل وطالعت في معاذ :يالله يالدنيا............6 سنين وحنا أصحاب!!!!!
معاذ:أحس أنا ربيتك مو أهلك..........افتكر ماكنتين تفرقين بين البنت والولد وفاكره يوم خاصمتك وفهمتك.......... وفاكره لما كنت أهزأك لما كنا نروح السوق ولما تشوفين أي ولد تتريقين عليه ..........أحس علمتك أشياء مفروض مايعلمها لك إلا أهلك
سحر بحزن :من جد ..........الناس أهاليهم يربونهم والأولاد يضيعونهم وانا العكس ........
معاذ: طيب ماسألتي نفسك ليه انا أتعامل معك كذا ؟؟؟؟
سحر بصدق طالعت فيه :لأنك أخ وأب وصديق دنيا مافي مثله في الكون (رجعت تطالع في البحر ) تعرف أنا أتمناك زياد عشان لما سلوى وسحر يخاصموني
قاطعها معاذ لما حضنها وكأنه يحميها وماسك يدينها:أضمك وأقول إلا سحورتي ..............واللي يقرب منها موته على إيدي
نزلت دموع من عيون سحر مسكت خده وقرصته
معاذ :آآآآآآآآآآه ياحيوانه عورتيني
سحر سلمت عليه ببراءة مكان ما قرصته : سلامة قلبي من الآه .......
معاذ هنا ذا خلاص وماقدر يمسك نفسه:سحر ...أنا أحبك ........أحبك مو حب أخ لأخته .........أنا أحبك حب حقيقي مو .......(سكت)
سحر قشعر جسمها كله وبعدت عن حضنه وفكت إيديه من يدها وغطت وجهها :لالا ..........لاتقول تحبني كذا ...........حنا أخوان .............أخوان يا معاذ (صارت تبكي ) ............تعرف أش يعني أخوان ...........حنا أخوان مو اكثر (رفعت وجهها وطالعت في معاذ المصدوم من ردة فعلها ) أنا أمنتك على نفسي لأنك أخوي .........أخوي اللي أمي ماتعرف تجيب مثله
معاذ أتمنى الأرض تنشق ولا يسمع هذا الكلام وخصوصا كلمة أخوي منها ركب السيارة وركبت سحر
سحر: أكبر صدمة في حياتي منك ...............(صرخت عليه) أنت حيوان ونذل(ورجعت تبكي )
معاذ:أنا حيوان في اليوم اللي حبيتك ..........أنا حيوان لما ساعدتك ....أنا حيوان لما خليتك ترمين نفسك في حضني وتشكين همك ...أنا حيوان في كل شيء سويته لك .........(طالع فيها ) الله يالدنيا أعمل خير تلقى شر.............أنا يمكن غلطت لما خليتك تعرفين معاذ الحقيقي ......... يمكن لو خليتك على معاذ اللي كل الناس تعرفه معاذ اللي ماتأثر فيه الدموع...........لكن شكلك نسيتي معاذ خلاص
سحر تبكي :وديــــــــــــ...ني......... عا..............لبيت
لما وصلت قبل لا تنزل مسكت يد معاذ : لامو سحر اللي تنسى معاذ ............مو سحر اللي تخون راعيها موسحر يامعاذ ...............راح تبقى معاذ الأخ اللي سلوى ماتعرف تجيب مثله ...(بلعت ريقها وغمضت عيونها و حست إنها بتغلط لو قالت كذا) ياليت تمسح رقم سحورتك من الجوال
معاذ انصدم من اللي سمعه ولف عليها وجات عينه في عينها وابتسمت وقالت:أمنتك الله ياخوي
سحبت الشنطة( الهاند باق)ونزلت ودخلت البيت وسلوى كانت بالحديقة شافت سحر انفجعت من شكلها راحت لها وحضنتها لا شعوريا (قلب الأم) وسحر انرمت في حضنها
سلوى : ماما سحرفيك شيء........؟؟؟؟؟
سحر وهي تشهق:.........أكره الدنيا .......ليه أنا يسير فياّ كذا .........ليه أنا بالذات.......أنا.......
سلوى حطت يدها على قلبها :سحر أحد سوالك شيء ؟؟؟؟
سحر تبكي :............
سلوى خافت :انطقي ........سحررررررررر يمه لايكون صار لك شيء
سحر :ياليت ..........
سمر داخله البيت تغني وترقص وشافت أمها حاضنه سحر
سمر مستغربه:سحر تبكي في حضن ماما هههههههههههه..........شفتي فاز كت كات هههههه
ماحد طالع فيها سحر حاطه رأسها على صدر أمها وماسكه جوالها وعيونها في الأرض و سلوى تطالع فيها وتفكر استغربت سمر منهم قربت من سحر وجلست بجنبها
سمر :سحر أش فيك؟؟؟؟؟!!!!!
كانت عيون سحر حمرا ووجهها ذبلان وتعبان ولونه أصفر وشكلها شكل وحده مصدوم أو مفجوعه طالعت سحر فيها وابتسمت ونزلت دمعه من عيونها
سمر :ماما خلينا لوحدنا .....
سلوى :لالا مابروح حتى وأعرف وش فيها
سمر أشرت لأمها يعني أنا بقولك بعدين وراحت وسمر مسكت سحر وطلعتها لغرفتها وقفلت باب الغرفة وسحر طاحت عالسرير تبكي محروقه
سمر راحت لها وحضنتها :سحر أش فيك ؟؟؟؟؟؟؟؟؟؟؟؟؟
سحر تبكي :............
سمر :سحر أش فيك.......... قبل شوي شايفتك في السوق ولا فيك شيء........(شهقت) لا يكون معاذ الحقير عمل فيك شيء
سحر بكيت وهزت رأسها بايوا سمر حطت يدها على قلبها وسارت تلف في الغرفة
سمر :يا ويليك يا سحر ..........أنتي مجنونه مو أنا حذرتك و قلتلك لا تركبين معه .......أنتي ما سمعتي كلامي
سحر صرخت فيها بقوه :ما صار شيء.........
سمر طالعت فيها مستغربه :أجل ليه تبكين؟؟!!!!!!!!
سحر رجعت تبكي لما ماهدأت وبعدين سألتها سمر :يالله أتكلمي ....
سحر وهي تمسح دموعها :معاذ ياسمر .................(سمر تطالع بنفاذ صبر) يقول يحبني
سمر تتكلم نجدي :أنتي الحين من أول تبكين عشان كذا ؟؟؟؟؟؟؟؟؟؟؟؟؟؟؟؟؟؟؟
سحر :ايوا...وأنا.....
سمر :ههههههههههههه تبكين عشان يحبك ههههههههه أنا أتمنى حد يحبني ولا أحد فكر يطالع في وجهي.......وأنتي في أحد يحبك وماتبين ............أقول أحمدي ربك
سحر طالعت في أختها بحزن:معاذ أخوي موأكثر.. بس أنا ماحد يحبني والكل يكرهني ............وهو مايحبني إلا شفقان علي
سمر انصدمت من كلام أختها يعني معقوله ماتعرف أنه حنا نحبها
سمر بحنيه :أنـــــــــــا أحبك .........وماما تحبك والكل يحبك.........يعني معقوله ماتعرفين
سحر :لاتقولين أحبك .........أنتي كذابه .............أصلا معاذ ماقال أحبك إلا عشان أنتي تخاصمتي معي قدامه
سمر حست أن أختها من جد صغيرة :حنا مهما تخصامنا وتضاربنا هذا مو يعني أن حنا مانحب بعض............ وبعدين أنسي معاذ هذا اللي خرّبك
سحر صرخت فيها بكل قوتها :معاذ ماخربني معاذ رباني ..........معاذ علمني أشياء مأعرفها ومفروض أتعلمها من أهلي ...لكن أنا ماعندي أم وأب يسألون فيني ماحد مهتم فيني......... لاتقولين ناني مهتمه فيني ............ناني خدامه هنا ماتعرف عاداتنا وتقاليدنا ............أصلا أنتم ماتعرفون وين كنت ذا الأسبوع وعند مين(سمر طالعت فيها باستغراب ووقفت سحر )أنــــــــا كنت مع معاذ في شقة
سمر أنبكمت ماعرفت وش تقول و حست من جد أنهم ما يعرفون شيء عن سحر ولا هم أهلها كانت تطالع في سحر مصدومه هي كانت تفتكر نفسها وسخه عشان تكلم أولاد وتقابلهم لكن سحر طلعت أوسخ منها وفي ذي اللحظة كانت سلوى ورى باب الغرفة تسمع فتحت باب الغرفة بسرعه وراحت لسحر ومسكت شعرها وسارت تسحبها
سلوى من بين أسنانها:أنا من جد ماعرفت أربيك .................تقعدين مع أولاد في شقق يالخايسة ياسافله ياحقيره ............خلاص نسيتي أنتي بنت منو(سحر تصرخ لأن شعرها يعورها )
والله ثم والله لأربيك من أول وجديد ياسحر ........
سمر طبعا مصدومه من منظر أختها اللي يقطع القلب وأمها وكيف خايفه على شرف بنتها وسمعتها مسكت سمر أمها وخرجتها برى الغرفة وقفلت الباب وسحر طايحه في الغرفة وتبكي من الألم وحسره على كل شيء سار فيها في يوم وليله تنقلب حياتها كلها وجلست في الأرض تبكي لما ما نامت.............
أما سلوى جلستها سمر في الصالة وسارت تبكي محروقه على سحر خايفه لايكون سار فيها شيء و حاطه يدها على رأسها وسمر جالسه بجنبها تهدأها
سلوى تبكي:آآآآخ ياقلبي ياسمر ...........أنا السبب في اللي هي فيه .............أنا ما ربيتها ودايم أخاصمها ولا أعرف وش فيها .........أنا ضيعت بنتي بنفسي ............أنا دمرت مستقبلها بإهمالي............ياقلبي عليك ياسحر........سامحيني يا يمه
سمر :ماما خلاص .........أنتي مو غلطانه ..........سحر هي اللي غلطت مو أنتي .........
سلوى:وشلون هي اللي غلطت................. وأنا اللي ماعلمتها وش الغلط من الصح ..............هي بنفسها قالت حنا ماعلمناها شيء ...............تعلمت كل شيء من أولاد الشوراع لين سارت مثلهم
سمر ساكته وأيدت كلام أمها لأنهم من البداية ماحد أهتم فيها من يوم ما ولدت لأنه في نفس اللحظة اللي ولدت فيها صارمحمد أكبر محامي وصار معروف ومشهور وطبعا تغيرت حياتهم وانغرو بالترف اللي هم فيه فنسوا سحرورموها في حضن الخدامات.........
.................................................. ........................................

أكيد الكل يسأل عن معاذ وش صار فيه ...........معاذ من يوم ما نزلت سحر من السيارة وهو داير في الشوارع يفكر في كل شيء بينه وبين سحر وكيف ضيع كل شيء بكلمه بكلمه ماتستاهل كل هذا اللي حصل وطبعا سار يغني ويبكي عشان ينسى
معاذ :لا خذلك الوقت ياقلبي ابتسم .......... الزمن طبعه كذا فرحه وهم ..........لملم جروحك وخل مافيك فيك يوم لك ياقلبي وعشره عليك............
معاذ: لو تعاني مثل ما أعاني في غيابك ........لو تشوف أشلون مشتاق لحنانك .........أنت مو عادي ولا أنت مثل غيرك .......وإلّي فيني لك ولا مر بحياتك ...انت ياأغلى من عيوني وحياتي ...الفرح غايب في بعدك ياغناتي .....أنا مو عاشق ولاني حيل أحبك أنا ميت فيك يا أغلى من غلاتي لو تعاني مثل ما أعاني في غيابك ...........صعب ألقى شيء فيني مايحبك مايحبك .........أنت في قلبي مثل ما أنا في قلبك روحي تسألني متى ترجع حبيبي........ يا ضوى العالم أنا أحبك وربك....
معاذ:آآه ياقو قلبك تجرحني من قلب وتروح .........آآه قولي وربك من علمك درس الجروح ماجاك مني يجرحك ولا جاك مني يألمك ......... ليه القسى قلبك نسى ...........آآه ياقوقلبك تجرحني من قلب وتروح آآآه قولي وربك من علمك درس الجروح ............أتعبتني وليه التعب واجهني لو مره بسبب .....قولي أنا شسويت فيك هذا وأنا قلبي عليك ............ ليه الجـــفا كلي وفــــا......... آآآآآه ياقو قلبك تجرحني من قلب وتروح .
وصل معاذ ابيت وعيونه حمرا من كثر البكى قابلته أخته
فرح: معاذ أخيرا جيت من الرحله.............(راحت عنده تجري لكن انصدمت من شكله التعبان وكأنه كبر 20 سنه ومهموم مره)وش فيك؟؟؟؟!!!!!!!!
معاذ :فرح أبعدي......... أنا تعبان وأبي أنام
فرح :طيب براحتك .............بس فيك شيء ؟
معاذ طنشها وطلع لغرفته وقفل الباب بالمفتاح عشان ماحد يدخل أنسدح عالسرير ومسك جواله وسار يقلب فيه كان جواله مليان صور له وهو وسحر من يوم ما تقابلوا وماكان يرضى تحط أي صورة لهم مع بعض عشان ماحد يشوفها من أهلها أو أي أحد وكمان كان فيه فيديو لها وهي تغني ومواقف لها تسير لما تكون معاه......فتح آخر فيديو وكان حق سحر وهي ترقص على أغنية سلامات في الشقة طالع فيها جلس يتأمل شكلها أكثر من ربع ساعه بعدها جلس يقلب في الجوال ويشوف الفيديو والأغاني والصور لما ما نام .
.................................................. .................................................. .....................................

.
.
.
انتهى البارت