رواية سعوديه/ احباب في مقبره الحب الفصل الرابع 4 - بقلم مارسلين

الأربعاء الساعة 10
سلوى راحت لمدرسة سحر تشوف ليه ماترد عليهم ولا ترجع البيت ...دقت باب الفصل وطالعت بنص عين وبغرور تدور بعيونها على سحر وسحر أول ماشافتها شهقت وحطت يدها على فمها عارفه أمها راح تفشلها قدام البنات
سلوى ببرود تكلم الأبله وبدون نفس: ممكن لو سمحتي سحر (ابله تغريد انصدمت والبنات أنصدموا معقوله هذي تكون أم لوحده زي سحر الأم مره مرتبه وحلوه وماحد يعطيها إنها أم لوحده غجرية وحركاتها حركات أولاد )
الأبله باندهاش:ها.....سحر ايوا
سحر بسرعه قامت راحت لأمها عشان ماتصرخ عليها قدام البنات ومسكت يد أمها وأول مره تسويها كانت تبغى تسحبها بره الفصل لكن وقفها سؤال أمها للأبله اللي خافت من إجابته
سلوى حست بارتباك سحر:يابله كيف سحر ؟؟(طالعت في سحر توقعت الأجابة أنها ضد سحر بس الله يوفقها أبله تغريد أخلاقها مطيرتهاالسماء ولما شافت معاملة سحر تغيرت تغيرت نظرتها لها)
أبله تغريد:لا ماشالله عليها سحر ممتازة (طالعت في سحر )ولو استمرت تبشر بالمئه من مئه
سلوى أنصدمت من كلام الأبله بعكس سحر اللي ارتاحت :أصلا أنا متابعه سحر أول بأول (سحر فتحت عيونها للآخر والأبله حست بكذبة أمها بس مشتها) ولو قصرت خاصميها .......
الأبله:انشالله ..........سحر زي بنتي
سحر عوجت فمها على جنب وقالت بصوت واطي: مالت .........ماخس من قديد إلا عسفان
سلوى بتصنع:ماما سحر جيبي أغراضك.........يلا حاخذيك معايا
سحر انقهرت من أمها عرفت أنه جيتها مو عشان المدرسة عشان تبغاها ترجع البيت كرهت أمها مره وحست وكأن أمها تبغى تبعدها عن معاذ
.................................................. ..................................................

ركبوا السيارة و فسخوا الأقنعة وظهرت الوجوه الحقيقية لهم
سحر معصبة:ليه تأخذني من المدرسة(قفلت الباب بقوه) عندي حصص(طبعا هي مو معصبه عشان الحصص بس تبغى تجلس مع معاذ وخصوصا انه هذا كان آخر يوم لهم في الشقة وحيرجعها لبيت أهلها وكانوا مخططين لهذا اليوم يتغدون برا ويلفون لما مايطفشون)
سلوى ولا اهتمت للي سمعته وبهدوء غريب: فين كنتي من يوم السبت لما الثلاثاء ؟؟؟؟
سحر اتلخبطت:يعني وين بكون !!!............في بيت صاحبتي
سلوى :أش اسمها؟
سحر بعبط:اسمها بنت الحلال .........
سلوى : ليه ماشفتها ؟
سحر :أنتي سألتي عنها عشان أوريك هي
سكتوا شويه
سلوى باستهزاء:مين هدول اللي استحمولك دا الأسبوع
سحر تقلد طريقة أمها الجدواية باستهزاء يقهر أمها:ناس في قلبهم رحمه...........(تكلمت بطريقتها العادية ) عرفوا ان أمي ماتعرف تربيني (بطريقه نرفزت سلوى قالت بشويش) وربـــــونــــي
سلوى تبغى تغير الموضوع اللي ماتبغى تتكلم فيه مع سحر أبدا :أيش دي أمي....اسمها ماما
سحر ضحكت باستهزاء:ماتفرق ماما أو أمي .....اللي يسمعني يقول أعرف معناها (قالت بطريقه فيها انكسار)أنا أمي ماتت من أول ما ولدتني
سلوى انصدمت من اللي سمعته وكأن الكلام جا على الجرح :أنتي كيف تقولين كذا........أحترمي نفسك أنا أمك......أنتي أصلا أنتي ماتستاهلين التعب اللي تعبته 9 شهور شيلتك ورضعتك ........وأكثر وحده تعبت فيك ... و.والمشكله مايثمر فيك ...ماخذه عن أهل أبوك كل الصفات الشينه
سحر ساكته تسمع ولا كلمه أثرت فيها وكأنها مبسوطه أن امها تنجرح بس ماتوقعت ردة فعل أمها كذا :..............
سلوى والدموع في عيونها: لا ....واليوم جايه أخذك من المدرسة عشان أصلح علاقتي فيك ..............لكن معك لاينفع خير ولا شر
سحر طالعت في أمها وكأنها تبغى منها تكلمها تفتح معاها صفحة جديدة اتجمعت الدموع في عيونها ياما أتمنت تكون علاقتها بأمها زي علاقتها مع سمر: (آسفه ياماما سامحيني )
سكتوا شويه بعدين لفت سلوى على بنتها ودموعها مطر:سحر........... إذا ما أشرفك قولي لي؟؟؟
سحر نزلت دموعها كان نفسها تصرخ وتقول ايوا بس ماهي قادرة :...............
سلوى :أشرفك ولا لا ؟؟؟؟؟؟؟؟
سحر :..............
سلوى صرخت عليها: أشرفك أيوا ولا لا.....؟؟؟؟
سحر غطت عيونها بأيديها وسارت تشهق :..................
سلوى مسكت يدها وتسحبها تبغاها ترد عليها: أنا ماشرفك صح؟؟؟
سحر طالعت فيها وكانت تقول في نفسها لالالالالالالالالالالالالالا تشرفيني وتصرخ في نفسها بس :........................
سلوى فهمت غلط وتأكدت انه سحر ماتتشرف انها تكون أمها فكت يدها ومسحت وجهها وسار ت تطالع في الطريق :خلاص ياسحر............ مو لازم تقولين أنا عرفت
.................................................. ................................

وصلوا على البيت وسحر كانت منهاره طلعت غرفتها وجلست تبكي وبما أنها كانت زعلانه غنت أغنية عشان تهدأ وترتاح كانت الأغنية تطلع بصوت مجروح ومهموم وسجلتها في الجوال
سحر: ليلي ألم ......ويومي ألم.....قلبي ألم ماله حدود......... وين ماروح تبقى الجروح والذكريات والآه .............أنت الربيع وانت الفصول .........وأنت الحنان لو ماتعود
اتنهدت ونامت بتعب بعد البكى اللي بكيته (وأنتم تعرفون الواحد لما ينام وهو يبكي)
.................................................. ................

صحيت الساعة 4:30 استحمت وصلت العصر والظهر ونزلت عالصالة كانت سمر جالسه كانت سحر لابسه تي شيرت الهلال (فريقها المفضل) واصل لما نص فخذها وبرمودا أبيض ماسك (تناقض مره.. واسع وضيق)
سمر: أكيد مباراة الهلال اليوم ؟؟؟
سحر ابتسمت ابتسامه خفيفه :طبعا ............والفوز لنا
سمر :مره مسكينه تحلمون ...........الفوز اتحادي انشالله
سحر:روحي يامعفنه ............وععععع مالت عليك كلكم كت كات
سمر:ههههههههه حلوه.......... تكفين يا فانيليا.......المهم اللعب وبنشوف مين يفوز كت كات ولاّ فانيليا
سحر راحت عندها وضربت كفها بقوه :خلاص نشوف
سمر:آآآآآي بشويش ..........
سحر:ياي على المياعه ..........أسمعي أنا طالعه
سمر :وين رايحه
سحرببرود:يعني وين بروح عند مـــــ(كانت بتغلط وتقول معاذ ) .....مرام
سمر :أها ..........تعرفي نفسي أشوف وحده من صحباتك ...........شكلي راح أجي معاك
سحر بسرعه :لا لا وش يجيبك كلنا صغار ........... وبعدين وش يجيبك معي أمي وانا مدري .......أرتاحي
سمر :مالت عليك وعلى وجهك .............بناقص الروحه معك........... أروح مع ناني ولا معك
سحر :خلاص ماحد فايقلك .............أبي ألحق المباراة
طلعت بسرعه أخذت عبايتها وجوالها وأفتكرت انها ماكلمت معاذ فتحت جوالها لقيت 35 مكالمة من معاذ ورسالة وحده(( طيب والله لأوريك ..........أنا ملطوع عند باب المدرسة من أول ولا تطلعين ولا تردين ................ويـــــــــنك؟؟ ..........ماراح تفلتين من عقابي ))
رد بصوت نايم وهي خايفه من اللي بتلقاه منه :ألو
سحر بخوف :والله آسفه نسيت ............أنت أصلا لوتعرف وش صار معي تعذرني
معاذ جلس على السرير وببرود:لالا عادي ..........بس أنتي بخير ؟
سحر أستغربت هذي مو من عادة معاذ :هاااا.........ايوا انا بخير
معاذ:أنتي ليه متصله ؟
سحر :ايوا أنا اتصلت عشان اليوم في مباراة الهلال ............عشان نتفرج مع بعض
معاذ:ايوا صح ...........طيب خلاص تعالي وجيبي معاك غداء ترى انا ماتغديت
سحر:واناكمان .....يلا باي ياقلبي
معاذ انصدم سحر تقول ياقلبي أكيد هي تبادلني المشاعر أكيد :.........
سحر بعفاشه: قلت بـــــــــــــــــــــــاي
معاذ صحته من الحلم اللي يفكرفيه وعرف أنها قالتها بعفويه :ها......... باي
سحر مستغربة من معاذ مره مو من عادته الهدوء .........لا يكون فيه شيء (حطت يدها على قلبها) أكيد تعبان .......جت ناني من وراها وفجعتها
ناني:بووو
سحر نطت من مكانها: وجععععععع ............ خفت ياحيوانه
ناني حضنت سحر بقوه وسلمت عليها :وهشتيني يا هبيبي (وحشتيني ياحبيبتي)
سحر سلمت عليها :هههههههه قد أيش ؟
ناني دمعت عيونها : أنـــا فقدتك مررره ........أنا كنت خايف عليك مررره ...أنت فين رهت (رحت)؟؟؟ولا في أسأل على ماما ناني
سحر باستهبال:والله الدنيا مشاغل يمه ..........وأنتي تعرفين العيال وحوستهم هههه
كانت سلوى تسمع سحر وناني من اول ولما سمعت سحر قالت يمه انقهرت ودخلت عليهم
سلوى :ناني بسرعه أعمليلي قهوة.
ناني فهمت الحركة وهزت رأسها وخرجت بدون ولا كلمه أما سحر دقت على السواق ومطنشه سلوى وكأنها مو موجودة
سلوى :أنا الحين عرفت ليه ماتقولين لي ماما ...........طلع عندك أم غيري ........(قربت منها وقالت بصوت واطي ) لاتنسين إنها خدامتك
سحر رفعت عيونها من الجوال وطالعت في أمها نظرة تحدي وقالت بكل ثقة :ما رباني غيرها ..........ذي الخدامة اللي مو عاجبتك ........تركت أولادها وربتني وأنا راح أقولها لآخر يوم بحياتي يــــــمــــــــــه(شدة على كلمة يمه)
طالعت فيها سلوى بحسرة وخرجت من الغرفة وخرجت وراها سحر وهي خارجه من باب الفيلا قالت بصوت عالي عشان تسمع سلوى
سحر :باي ياماما ناني
.................................................. .................................................

دخلت سحر الشقة وكان معاذ جالس في الصالة قام بسرعه أخذ الغذاء منها وحطه عالطاولة وسحر عاقده حواجبها مستغربه من حركته فصخت عبايتها وجلست على الكرسي بخوف
سحر :كيفك؟
معاذ منسجم مع الأكل :تمام ..............فين كنتي في الظهر ؟؟
سحر قالت لمعاذ القصة وش صار لها وهم يأكلون ولما خلصوا
معاذ بمكر: سحر
سحر نسيت الموضوع لفت عليه ببراءة وهي تغسل يدها:هلا
معاذ بعيون حاقده :على بالك راح أسيبك تفلتين من عقابي
سحر خلصت غسيل افتكرت الرسالة وبخوف :أش قصدك؟؟؟؟!!!!!
صار يقرب منها وهي كل مالها ترجع لورا لما ماسارت في الركن وحست باحساس غريب ناحية معاذ أول مره تحس فيه كل ما يقرب منها يزيد هذا الأحساس حست أنها خايفه وقلبها يدق بسرعه
مسك معاذ المخدة وسار يضربها فيها بكل قوته وطاحت في الأرض وصارت تضحك
سحر وهي تضحك: خلا ههههه ص وال هههه لله ماعيدها ههههههههههههه
معاذ مطنشها ويضرب يشفي غليله من اللطعه اللي أنلطعها في الحر وبعدين راح جلس عالكنبه مرتاح وسحر طايحه في الأرض ضحك .............قامت عنده
سحر:وأنا أقول وش فيه معاذ هاجد ما خاصمني
معاذ :ههههه هذا الهدوء اللي قبل العاصفة
سحر :ونعم العاصفة ههههههه
معاذ :خلاص اسكتي المباراة بدأت
سحر شمقت فيه : وجععععع.....لاتسكتني
معاذ صرخ:خلالالالالالالاص
سحرطالعت بنص عين جلست عالكنبه و طنشته وبدوأ يتفرجون المباراة وللأسف انتهت المبارة بخسارة فريق الهلال وطبعا معاذ ساكت لكن سحر تعلق على المبارة بعصبية وأنهم ظلموا الهلال ومعاذ صار يقلب في القنوات ومطنشها وشوي سحر قامت من العصبية فسخت تي شيرت الهلال معاذ فتح عيونه عشره عشره (مسكين راح تفكيره بعيد)لكن سحر كانت لابسه تي شيرت من تحت التي شيرت حق الهلال رمادي نص كم مشجر بالأبيض ماسك عليها ومع البرمودا الضيق بان جسمها مره وبانت معالم الأنوثه فيها ولأنها كانت فاتحه شعرها الغجري طالع شكلها جنان
معاذ يطالع في سحر المعصبة ومكشره وماده براطمها شبرين :هههههههههههه(سحر طالعت فيه بنص عين يعني ليه تضحك) ههههههههه .......اتوقعتك تجننتي يوم فصختي التي شيرت (ابتسمت) بس بصراحه شكلك جناااااااان
سحر مطنشته رجع يقلب في القنوات وجات أغنية راشد الماجد سلامات
(سلامات حبيبي مو على بعضك سلامات.........)
سحر :الله خليها (قامت ترقص عليها)
سارت ترقص وتهز خصرها ومعاذ يطالع فيها مبسوط ويتأملها يتأمل شعرها وجسمها اللي أول مره يشوفه كذا من العادة ما يبان عشان الملابس اللي تلبسها تأملها وكأنه اكتشف سحر البنوته اللي ماحد يعرفها (أنا وياك مثل قيس وليلى ) سحر تأشر عليه وعليها ببرآءة معاذ خلاص تأكد من أحساسه ناحيتها تأكد انه يحبها ويعشها ويموت عليها ويخاف عليها ...في البداية كان يتوقع انه يشفق عليها لأنه مافي أحد مهتم فيها لكن الحين عرف وتأكد انه مهتم فيها لأنه ميت في هواها وعرف أنه الغيرة اللي كانت جوته مو غيرة أخ لالالالالالا غيرة حبيب
سحر :معاذ قوم أرقص معي
معاذ طلع جواله وأشر برأسه لا
سحر :قوم ياشيخ ...............ماينقص من رجولتك شيء
معاذ مو معبرها رجعت رقصت لوحدها
معاذ :ترى مابي أقوم عشان مافشلك و تبطللين ترقصين
سحر :هي هي هي دمك ثقيل (وقفت رقص وجلست قدامه على الطاولة ) معاذ ليه مانروح عند الشباب ..........ترى مررره وحشوني
معاذ قفل الجوال وطالع فيها بجدية :كويس أنك فتحتي الموضوع (كلمها وكأنه الأب لما ينصح بنته) سحورتي انتي بنت و ماينفع تجلسين مع الأولاد .............ترى مهما ماغيرتي من شكلك ولبسك ...بتظلين بنت ....وبتظلين في نظرهم بنت مهما لعبوا معاك وضحكوا واتريقوا ....حتى لوكانوا يتريقون على البنات ترى نظرتهم لك نفس النظرة
سحر ساكته تفكر في كلامه:.....................
معاذ:سحورتي أنا ماقولك هذا الكلام عشان مابغاك تجلسين معهم أو أحرمك منهم ........لا لأنه هذي نظرتهم لك .........وأنتي كبرتي ومو معقوله تجلسين مع الأولاد...........الناس بتفكر غلط
سحر :طيب أنت نظرتك فيّا كذا؟؟؟
معاذ: (لا والله نظرتي أشرف من كذا ........... طالعي في عيوني وتعرفين نظرتي ...بس ركزي في عيوني تكفين )لو كانت نظرتي كذا ماكان قلت لك هذا الكلام ..........كان ساعدتهم في اللي يبونه
سحر ابتسمت ومعرفة وش ترد وحست نفس الأحساس جاها مره ثانيه و معاذ كبر في عيونها أكثر من أول ...............وكل يوم يكبر في عيونها أكثر من اللي قبله
معاذ غير الموضوع :المهم...........اليوم الأربعاء وآخر يوم لنا هنا..........وبصراحه أنا طفشت منك من يوم الأحد وأنتي خانقتني يوووووووووه
سحر :تفوووووووه على وجهك مالت عليك(لفت على الجهة الثانية ) هذا وانا قلت اليوم أبغاك تمشيني وتعشيني
معاذ :طيب من يوم ما عرفتك وانا داير فيك في الشوارع ...............بس والله ماردك (يدفها بيده) والله مارد سحورتي ..بعد قلبي وحياتي أم عيالي
سحر لفت عليه وسارت تهف بيدها على وجهها وقالت بدلع: لا لا ماقدر..........خلاص كفاية إحراج ههههههه
معاذ كان عارف انها تستهبل لكن راح فيها وقرر انه اليوم يعترف لها :بسرعه لمي أغراضك ودقايق وأنتي تحت
سحر بسرعه قامت :وأنت دايما تقول بسرعه بسرعه.....اللي يشوفني يقول على طول أنا أتأخر
دخلت أخذت أغراضها ولبست عبايتها و بسرعه نزلت للسيارة ومشوا
سحر :يالله يامعاذ من جد راح أشتقلك
معاذ (وأنا بموت من الشوق) بهبل: اللي يشوفك يقول أنتي مو كل يوم معي
سحر :ههههه ....لا والله مدري أحس اني ما بشوفك مره ثانيه مدري ليه
معاذ قال بسرعه:اتفلي من فمك ........أعوذ بالله تفاؤل بالخير تجدوه
سحر :ههههههههه ....معوذي يالله غني لي
معاذ يحب يغني لسحر لأنه يعبر عن حبه :بحط قلبي بين ايدينك هدية.......ألخ
سحر ساكته تسمع ولا ردت عليه خلته يغني الأغنية كلها كانت محتاجه تسمع صوته كانت تبغى تملى أذنها بصوته كانت تحس أنها بتفقد هذا الصوت ماهي عارفه ليه كانت تتأمل معاذ وتملي عيونها فيه .......
.................................................. .................................................. ..........

.
.
.
.
انتهى البارت