رواية سعوديه/ احباب في مقبره الحب الفصل الرابع والأربعون 44 - بقلم مارسلين

.

قفل منها واتصل على خالد...
طبعا خالد مارد عليه اتصل مره ثانيه
خالد:نعم
معاذ:كيفك ياخالد؟؟
خالد:منو معي؟؟
معاذ:انا معاذ
خالد:هلا هلا بغيت شيء لأني مستعجل
معاذ:ايه وش فيها سحر...كلمتني سمر وهي تبكي
خالد:ولا شيء ولاشيء
معاذ:كيف ولا شيء والبنت تبكي؟؟
خالد:موضوع في الشركه وبس..
معاذ:وش دخل سحر..
خالد جات في باله فكره:أقولك وش رايك تطلب الشرطه على هذا العنوان وتعال معهم
معاذ:وش دخلني انا..؟؟
خالد:لأن سحر هناك..
معاذ:عطني العنوان
خالد:**********************
..................................................
المكـان المنشــود
محمد ورجــاله
عيسـى ورجـاله
كل واحد فيهم في جهه...المسدسات موجهه لبعض وماحد متحرك من مكـانه...سحر واقفه جنب عيسى وماحد ماسكها لكن الكل حولهـا
محمد:اترك البنت ياعيسى..مالها ذنب
عيسى:انت خليت لها ذنب
محمد:المسأله بيني وبينكم هي مالها صلاح
عيسى:انا مثلها مالي ذنب..الموضوع بينك وبين علي وجماعته
سحر كلمت عيسى:كذابـ..انت ساس البلا
عيسى:اسكتي الحين لا أطخك في راسك
سحر:ماتقدر
طالع فيها بنص عين:مابرد عليك لأن عقلك صغير
سحر:ارحمني ياكبير..
عيسى:ترى مامزح هالمره...
سحر:طيب ليش تقول أنت مالك ذنب وانت السبب في جيتي هنـأ...؟
عيسى:لأن انا ضحيه مثلك
سحر:لاااااااا..
عيسى:مثل ماستدرجتك وجبتك هنـأ...هم استدرجوني ومقابل حياتي وحياة أهلي ابيع الدنيـا ولا يسوون فيهم شيء
سحر:طيب انت تعرف أن مالي ذنب وانا ماحب محمد خذوه بدالي
عيسى:انا أحسن شيء أبعد عنك عشان أرتاح...
راح عنها وصارت هي واقفه لوحدها لكن حولها البودي قارد لكن ماحد ماسكها...وينها وبينهم مسافه..طالعت في أبوهـا وهو يطالع فيها وعيونه مدمعه كانت مستلذه بدموعه وخوفه لأنها اول مره تشوفه مهتم لها..
فجـأه سمعوا صوت سيارات الشرطه...الكـل صار يدور عالمصدر ويطالعون في بعض مستغربين...جـات سيارات الشرطه والاسلحه جميع أنواعها طلعت..
سحر طالعت في أبوها اللي يخاصم خالد..
محمد:أنا وش قلت لكـ..انت ماتفهم
خالد:ياعمي صدقيني مابيحمنا غير الشرطه منهم..
محمد طالع في سحر ووشاف ان كل اللي حولها مو منتبهين له صحيح محاصرينها لكن لها مجال الحركه
خالد يأشر لها عشان تجي عندهم ومحمد يأشر براسه (لا)...خالد يعانده
محمد:لا ياخالد
خالد يأشر لها:إلا..
سحـر تطالع فيهم ومو فاهمه شيء تشوف هز راس وإشارات لكن مو عارفه قصدهم..
طالعت حولها حاسه الكل مرتبك من الشرطه.. بدون أي تفكير وبكل تهوور..رفعت عبايتها وراحت جرررري وبمجرد ماخرجت من حصار علي وجماعته بدأ أطلاق النـار من الشرطه وجماعة علي وجماعة محمد
محمد:لااااااااااااا ياسحر
..ماقدرت تكمـل جري صوت إطلاق النـار مخوفها حاسه وكأن الرصاصه بتجي فيها...رمت نفسها في النص(لاهي مع علي ولا هي عند ابوهـا)كل اللي فكرت فيه انها تهرب ....جلست على ركبها وحطت يدينها على أذنهـا عشان ماتسمع صوت الطلق ومغمضه عيونها بكل قوتهـا
:لااااااااااااا
:الحقووووووووه
سحـر تطالع فيهم ومو فاهمه شيء تشوف هز راس وإشارات لكن مو عارفه قصدهم..
طالعت حولها حاسه الكل مرتبك من الشرطه.. بدون أي تفكير وبكل تهوور..رفعت عبايتها وراحت جرررري وبمجرد ماخرجت من حصار علي وجماعته بدأ أطلاق النـار من الشرطه وجماعة علي وجماعة محمد
محمد:لااااااااااااا ياسحر
..ماقدرت تكمـل جري صوت إطلاق النـار مخوفها حاسه وكأن الرصاصه بتجي فيها...رمت نفسها في النص(لاهي مع علي ولا هي عند ابوهـا)كل اللي فكرت فيه انها تهرب ....جلست على ركبها وحطت يدينها على أذنهـا عشان ماتسمع صوت الطلق ومغمضه عيونها بكل قوتهـا
:لااااااااااااا
:الحقووووووووه
بدأ صوت الطلق يخف والناس تهرب...رفعت راسها بهدوء وفتحت عيونها وطالعت قدامـها شافته طايح والكل حوله...!!!!
:عمـــــي
جالسه في مكانها ولاتحركت وتطالع وعيونها مجمده عليه..شافتها وهي تروح منها وبتشوفه وهو يروح منها...
الشرطي رفعها بهدوء:قومي يابنتي من هنـا
عيونها معلقه فيه...مسكها الشرطي وحطها في سياره إسعاف..كانت مصنمه وموحاسه بشيء وصورته في بالها...
الشرطي:من أول والبنت كذا..
الشرطي2:موسهل تشوف منظر زي كدا..ليش حطيتها هنـا؟؟
الشرطي:عشان تروح المستشفى يكشوفون عليها..
سحر مسكت عبايتها وشدتها على جسمها وجات بتنزل..
سحر:انا مافيني شيء..
مسكها الشرطي2:لالا يابنتي لازم تروحي المستشفى عشان نتأكد
سحر:بس انا مافيني شيء..اتركني
الشرطي:وش فيك؟؟هذي إجراءت أمنيه
سحر صرخت:بس انا مااااافيني شيء
:خلوها...انا بتفاهم معها..
رفعت راسها بتعب وطالعت فيه..دمعت عيونها
الشرطي:مين أنت؟
معاذ ركب سيارة الاسعاف وجلس جنبها:أنا اللي بلغت وقريبهم بعد..
سحر اتنهدت وحطت راسها على كتفه..الشرطيين يطالعون فيه مو مصدقين..ويطالعون في سحر وعلى جرآتها انها تحط راسها على كتفه كذا بكل سهوله..
سحر وهي مغمضه عيونها:والله يقربلنا..
معاذ بصوت واطي مايسمعه غير سحر:ماتشوفين شر
سحر ماسكه نفسها ماتبغى تبكي..عاضه على شفايفها:آآآآآآآه ياربي
معاذ حط يده على ظهرها عشان تسند جسمها عليه..
سحر:شيل إيدك...
معاذ خاصرهاا..
سحر:شيل إيدك ترى حدي تعبـانه
معاذ يحاول يستدرجها عشان تبكي وترتاح:عساه فيني ولا فيكـ..
سحر دموعها على طرف عينها:لاآ..
قاطعهم صوت النـاس اللي جـايين ومعاهم محمد وهم شايلنه..
نزل معاذ من السياره..وصار يطالع في سحر اللي رجعت الصدمه لهـأآإ...لفت طرحتها وحطت يدها على فمها وبدأت الدموع تنزل....خالد كان يصارخ فقد نعم الاب اللي علمه شيء لو قعد عند أبوه كل هالسنيين ماعلمه..
خالد يصارخ ويبكي:عمــــــي ياغااااااااالي لاتتركنـي
قفلوا سيارة الاسعاف وتحركت..
معاذ مسك خالد وركب سيارته وراحوا ورى سيارة الاسعاف
.............................................
وحان الوداع

وجيت ابي أحضن كفوفك ..

أبيك تترك لي طيوفك ..

تصبرني على بعادك ..

وتحكيلي عن علومك ..

عن أكبر وآخر همومك ..

وأوصيها .. ترسل أشواقي ..

وتروي لك عن قسوة أيامي ..

عن الآمي ..

كيف أحتاج لعيونك ..

والله أضيع من دونك ..

وأنت بعدك مارحلت ..

يالله ياقلبي فديتك ..

الله يحفظك ويصونك ..

بالسلامه.. !!
في سياره الاسعاف
لحظاته الاخـيره..
كان يحاول يبعد الاكسجين عنه يبغى يتكلم لكن موقادر...يبغى يكلمها يبغى يعتذر منهـا
محمد كلام مقطع:ظلمـ...لمتكـ. ظلمــتك
سحر مسكت يده ودموعها تنزل:لاتروووح تكفين مسامحتك لاتروح الله يخليكـ
محمد يهز راسه بهدوء ودموعه تنزل:نفسـك نفسكـ سحر
سحر:ابيك لاتروح..بقعد معك بالرياض تكفين لاتخليني..
محمد:ياليتـ..لاأوصيك على نفسكـ..خليك مثل مانتي ولاتتغيرن حبيتك وحبيت شخصيتك القويه اللي كانت تعاندني في كل شيء...تمنيت زياد يكون كذا لكن ربي سخرك لي بداله..أحب شخصيتك وأحبك احب كل شيء فيك لأنك مثلي وأنا صغير
سحر رمت نفسها في حضنه..كانت أول مره في حياتها!!أول مره في حياتها..!!
سحر:احبك يبه أحبك والله أحبك والله مسامحتك....سامحني انا السبب في اللي فيك
محمد ابتسم كانت ابتسامته فيها راحه لنفسه...اخيـرا سمعها منهـا مع انه ماتوقعهااا..
محمد:مالك ذنب..انتي سامحيني ...دوم ظالمك ولاعطيتك حقكـ..انتي آخرالعنقووود آخره
سحر تضغط على يده بقوه:أي حق..؟؟كل شيء أبيه أخذته مافي شيء نقصني..لاتقول كذا
محمد دموعه نزلت اكثر وأكثر من قهره...:حق الاب ياسحر...ماعطيتك شيء منه....أنا أب اسم..حقك ضيعته بنفسي وعطيته لغيرك وهم مايستاهلونه
سحر ضمته بقووه لأنها فقدت هالشيء في حياتها...فقدت حنان الام والاب..ويوم تبي تعوضه يفارقونهـا ومايعطونها فرصه تتهنئ فيهمـ...
محمد بدأ ينطق الشهاده:أشهد.. أن لا.. إله إلا.. الله و..أن محمد.. رسول الله..
سحر ضربت برجولها في الارض:لاتقولهاااااااا لاتقولهأأأ لاااااااااااااااااااا
رفع الممرض الشرشف...!!!
شـافت أهم اثنين بحياتهم يفارقون الحياه...شافت لحظاتهم الأخيـره تخيلوا تفقد غاليكـ قدام عينكـ...وش بتكون حالتكـ
......
وصلوا عند المستشفى..
جا الممرض بيفتح الباب عشان ينزلون الجثه
سحر :دقيقه..خلني أمسح دموعي وأعدل نفسي..
مسحت دموعها وعدلت طرحتها وطلعت النظاره ولبستها عشان تخفي آثار البكـاء
طالع فيها الممرض:عزت نفسك ماتفيد..
سحر:موشغلك أفتح الباب..
الممرض:ماكذب يوم قالها الله يرحمه..
انفتح البـاب وشافت شيء ماقد شافته..هي صحيح بنت محمد الفهد لكن ماقد حست هذا الاحسـاس غيراليووووم حست نفسها بنت مشهوره...
كان فيه مصورين ومراسلين كثير...كانت مصدومه من اللي شافته شافت البودي قارد يجون عندها ومعاهم معاذ وخالد اللي ميت بكاء..
نزلت من السياره ومسكها خالد ومعاذ ومن بين الزحمه والاسئله..كانت منزله راسها وماتطالع في أحد دخلوا المستشفى..
جلست عالكرسي وطالعت فيهم وبكل برود:أبوي مـات..!!
معاذ:هـا..؟؟؟
سحر وكأن الخبرعادي:مات مات...مات في السيـاره وحنـا جايين هنـا
خالد ضرب بيده في الجدار:لااااااااا..لاحول ولا قوه إلا بالله...راح الغالي راااااح راااااح
معاذ دمعته سبقته جلس عالكرسي ونزل راسه وبكا..
سحر كانت رافعه راسها وبكل شموخ وتطالع فيهم..البودي قارد كل واحد نزلت دموعه ولا صرخ واللي بكا بهدوء واللي..الخ
كان المستشفى من حولهـا في حالة فوضى..وكلهم رجـال وهي البنت الوحيده..
الدكتورمصري:انتي فيكي حاقه؟؟
سحر:لا الحمدلله..
الدكتور:يعني همـا ماعملوا ليكي ولا حاقه؟؟مخدر؟؟عصير؟؟أي حاقه زي كدا؟؟
سحر:لاااا أنا كنت بوعي طول الوقت...
الدكتور:طيب تفضلي معانا عشان نعمل ليكي شويت تحاليل وبعدها تبقي زي الفل..
راحت مع الدكتور وسوت كل التحاليل والاشعه ...
سحر:معاذ يلا وديني البيت؟؟
معاذ:يلا..
خالد:خذوني معكمـ..
جووو خارجين نص البودي قارد جوو معاهم..
معاذ:لالا خليكم هنـا مايحتاج تجون معنـأ..
البودي قارد بحزن:لالا في ناس بتبقى هنـا
معاذ:خلاص انتم روحوا..
البودي قارد:لا ياأستاذ حنـا عملنـا ماخلصّ...هو صحيح عم محمد مات(طالع في سحر بأسى) لكن عياله ماماتوواا..والحين جـاء الوقت إنـأّ نحميهمـ,,
................................................[/font]

في السيــاره..
معاذ يسوق وخالد جنبه وسحر ورى...خالد تعبان وراخي جسمه عالمقعده وماسك جواله في يده
سحر:الساعه كم؟؟
الكل:5:30 صبـاح
سحر:اتصلوا على زيــاد
الكل:....
سحر:انا بتصل..؟
خالد:لالا انا بتصـل..بس خلينا نوصل عالبيت
.......
في البيـــت
سمــر نايمــه..
الخدمـ في الملحق..
الهدوء يعم المكـان...
صوت السيــاره ينسمع من شدة الهدوء في الفيلا..
دخلوا الفيــلا ومع بداية الصبـاح صوت الآذان
:الله اكبر الله اكبر حي على الفلاح حي على الصـلاه..
دخلوا البيت ودخلوا البودي قارد ..
بدوأ خالد ومعـاذ بنشر خبر وفاة محمد الفهد لكل اللي يعرفونهم..
البودي قارد في كل مكان في البيت الخدمـ كلهم صار البيت في خلال 5 دقايق صراخ وبكا و...الخ
طالعت في اللي حولها وفي حالهم كيف؟؟..طلعت بكل هدوء رغم الضجه اللي حولها دخلت غرفتهـا وفصخت عبايتهـا ورمت شنطتها غيرت أخذت لها دوش سريع..
لبست بنطلون اسود وتي شيرت أبيض وجاكيت أسود عليه..رفعت شعرهـا..
خرجت لقت ربيبه داخله لسمر...
سحر:تعالي تعالي
ربيبه ودموعها على خدهـا..:يس مس
سحر:روحي انا بدخل لها..
دخلت على سمـر اللي كانت نايمه..غرفتهـا بارده ومافيها ولانور..فتحت النور وراحت عند سمر
سحر:سمرسمر
سمر:هممممممم
سحر تهزهـا:سمر قومي بكلمكـ..
سمر:وش تبين؟؟
سحر:قومي ابي أقلك شيء..
فتحت عيونها لكن موقادره لأن النور يعورها..
سمر:وين رحتي امس؟؟؟وجع الكل يتصل ويدورعليك..
سحر:طيب يوم تقومين والبسي عدل وتعالي في الصاله انتظرك
سمر:الساعه كم؟
سحر:6 الصبح
سمر:نعمـ؟؟؟؟؟؟؟
سحر:6 الصبح
سمر:سحر اقلبي وجهك..
سحر:ترى اتكلم جد..الموضوع له علاقه بخرجتي حق امس
جلست سمر عالسرير..
سمر:شوفي والله العظيم لو طلع موضوعك تافه لأكفخكـ..
سحرراحت للصاله..كانت مو حاسه بشيء..كل شيء فيها جــامد حتى مشــاعرها موحاسه فيها وكأنها مو في وعيها..جات سمر وجلست بجنبها وانسدحت على رجل سحر

سمر:يلا قولي لي..وش سويتي امس..؟انتي تعرفين أنا قلت أكيد صار فيك شيء حادث مضاربه مستشفى لأن امس دق علي خالد ويصارخ وماني فاهمه شيء من اللي قاله..سحربتموت ومدري ايش..وانتي مثل أبليس جنبي ههههههههه
كانت سمر تتكلم وسحر موسامعه وش تقول تسمع سمر لكن ماهي مستوعبه وش تقول..
سمر:إلا تعالي من جد وش صارأمس؟؟
سحر مسرحه:...
قامت سمر ومسكتها من كتفها:سحررررررر
سحر بتعب:هــاااا
سمر:وش صار؟وجع ليش تصحيني عالفاضي؟؟(انتبهت لشكل سحر)وش فيك كذا؟؟
سحر:أبوي مات
سمر ماستوعبت:هاااااا
سحر بدون ماتطالع في سمر عيونها في الارض:اقول محمد الفهد مات مات
سمر:كذاااااااااابه
سحر:...
سمر:لاتمزحين ..ترى مزحك ثقيل
ماكملت كلامها وقامت جري وطلعت برا جناحها..وبعد 5 دقايق بالظبط
سمر:لااااااااااااااااااااا لاتقولون مات تكفـــين لاتقولنها لااا لااا..حرام عليك ياسحر حرام عليك لااااااااا...
معاذ وخالد وربيبه والكل حولها..
سمـر بعدتهم عنها ومسحت دموعها:بعدو عني مامات...
راحت لجناحها..قفلت الباب بكل قوتها ورمت نفسها وتطالع في سحر..
سمر:ليش ياسحر حرام عليك حراااااام..ليش تروحين؟؟؟
سحر تطالع فيها وساكته:...
سمر :ليش ياسحر أنتي السبب دايما ليش..؟موكفايه واحد بعد الثاني يروح مين بقى لنـا..؟؟ضعنـا ياسحر ضعنا..دايما تضيعنـا ياسحر..
سحرعاقده حواجبها وتضغط على يدها:أنا مالي ذنب...هو قالي مالي ذنب
سمر تطالع فيها:انتي السبب في موته..مابسامحك
سحر قامت وجات بتخرج,,,قامت سمر ووقفت وطالعت في سحر وضمتها وبكت بكت لمـا ماخلصت دموعها وصارت تشهق...
سحر بعد ماضمتها سمـر بكت لكن بدون أي صوتـ..دمووع
.................................................. ...............
ْ ْ~في الشيرتون~ْْ

كانوا جالسين ويتكلمون مع بعض..~
زيـاد:انا أبي يكون اسم ولدي عايض
شذى:لاااااااااااااا وع وع مو حلو
زياد:هههههههههههههههه وش دخلك انتي سمي البنات وانا الاولاد..
شذى:الحمدلله والشكر ذوقك شييييين
زيـاد:خلاص ياذووووق انتي..الله يستر على اسماء عيالي مــا..
قاطعهم صوت الجـوال
شذى تطالع في الساعه:مين يدق الحين؟؟
زياد:صديقتي..
شذى:نعم؟؟؟
زيـاد:ههههههههههههه مدري والله رقم غريب..ألو
خالد صوته رايح فيها من البكى:هلا زياد
زياد:هلافيك...منوو..؟
خالد:معاك خالد منصور
زياد:هلا والله..بغيت شيء
خالد:بغيتك ضروري في بيت أهلك
زياد:خير ان شالله..
خالد:الخير بوجهك بغيتك تعال ولاتتأخر
زياد:الاهـل فيهم شـيء...؟؟؟
خالد:انت تعال وبس
زياد صرخ:خالد وش فيه؟؟
خالد:الوالد عطــاك عمره
زيـاد:نعمـ..؟؟؟؟؟؟؟؟؟لا إله إلا الله الحين بجي(رمى نفسه عالكنبــه)

شذى خافت:وش فيه؟؟
زيــاد مصدوم:أبوي
شذى:وش فيه؟؟
زيـاد:مااااتـ
شذى دموعها سبقتها..:كيف؟؟متى؟؟
زياد:مدري مدري...جهزي لي ملابسي وخلينا نمشي
شذى:ان شالله
..................................................
وصلواا على البيت
كان البيت يعمـ بالصـراخ والبكا والتعازي..اغلب المتواجدين اصحاب الاب المقربين والاولاد والبودي قارد والخدم
دخل هو وشذى وطلعهـا فوق عند اخواته...ونزل للرجال يفهم وش صار؟؟
زياد مفجوع مره:وش صار؟كيف كيف مات؟؟
قالوا له الموضوع كامل...
انهــار مره كان يبكي محرووووق عاللي صار..
زياد:وينه ابن(عيب) عيسى وووووووووووينه؟؟والله لأقتله بأيدي
أبو خالد:مايحتاج ياولدي مسكته الشرطه..
زياد:نذل نــذل ماصان اللي رباه وكبره وعلمه....وينها الحقيره الثانيه؟؟
الكل:؟؟؟؟؟
قام وطلع فووق عند البنات...
دخل عليهم كانوا كلهم يبكوون ماعدا سحر مثل ماهي منزله راسها وتطالع في الارض وبس..
زياد يصرخ عليها بكل صوته مسكها من التي شيرت ورفعها من الارض ومعصب مره..
:يالخايســه يالحقيره ..وش خلاك تروحين معاه؟؟انتي بنت بنت تعرفين وش معنى بنــــت ..قتلتي أبووووي قتلتيه..ليش تكرهينه؟؟وش سوى لك؟؟ليش تروحين معـاه ليش؟؟؟
شذى تحاول تفك سحر من يده:زياد خلاص اتركها..
سمـر تطالع فيهم وتبكي:...
سحر:انا ماقتلته..
زياد:انتي السبب في مووووته
سحرتصرخ مثله:هو اللي قتل نفسه بنفسه بعمايله الشينه
زياد رماها عالكنبه وكان بيضربها لكن دخلوا خالد ومعاذ...
معاذ:لااااااا مايصير زياد الله يهديك..
خالد:زياد انت الحين تعبااان..
زياد يكلم سحر:والله ماتركك ولا آخذ حق أبوي منك..
معاذ مسك زياد وبيطلعه من الغرفه:الاعمــار بيد الله وكل شيء مقدر مكتوب
زياد:لاااااااااااا هي لو ماراحت معه ماكان مات..
خالد:الحكايه قديمه يازياد وانت موعارف كل شيء..
زياد:اللي اعرفه أنها قتلت أبوي لأنها تكرهه وماتحبه..
مسكوه الاولاد وطلعوه برى الغرفه وراح لجناحه وراحت معاه شذى
بقي في الغرفه الاربعـــه بس سمر&خالد معاذ&سمر
سمر كانت ضامه نفسها وتبكي وتطالع في سحر..امــا خالد كانت عيونه عند سمـر..
خالد قرب منها وهو يبكي:ماينفع اللي نسويه..الميت مايجوز عليه إلا الرحمه
سمر:هذا ابوي تعرف وش معنى اب؟؟وهي غلطت بروحتها
خالد جلس جنبها:بس هي ماكانت تعرف وحنا غلطنا لأن ماقلنا لكم..عيسى خاين هو السببـ..
سمر بكت أكثر وأكثر...:خالد انا تعبانه
خالد كان يطالع فيها ويملى عينه بشوفتها...وصدره ضايق على حالها شايف حالها غير عن أول..وغيركذا هو تعبان هو نفسه مصدوم
خالد مسك شماغه ولفه على وجهه:عزيز وغاااالي المرحوم ينبكي عليه دم ياسمر
سمر:أنا تعبانه حيــل..
خالد:جعل اللي فيك فيني
سمر:لاتقوووول كذا..قلبي حيل يتقطع
خالد:غصب عنـي...والله مدري أبكي على فراق غالي ولا على حال محبوبي
................
دخلوا الغرفه
زياد ضرب برجله في الكنب:آآآآخ يالقهر آآآخ
شذى جلست:زياد اختك مالها ذنب..لاتلومها حالها يقطع القلب
زياد راح لها وقرب وجه من وجهها:لاتقوووووووووولين كذا هي ساس البلى
شذى:زياد إذا انت كنت بين إيدي وفي حضني...فهـي شافت رصاصه دخلت قلب ابوك
زياد رمى نفسه في حضن شذى:والله موقاااااادر غصب علي..غصب ياااااااااااربي فقدت اعز شيء بالدنيـا..مين لي بعده؟؟إذا هو اللي كان كل شيء بدنيتي..دلعني كثيــرررر عطاني كل شيء أبيه ولا قد قال لي لا..ياما صرخت عليه وماكان يقول لي شيء كان يطالع فيني ويبتسم...كان ينتظر يسمع صوتي وماكنت اتصل عليه إلا إذا بغيت شيء..كانت فرحته يوم أجيه....كان يشوف الدنيا بعيوني..حتى يوم زواجك ماكان موافق عاللي يسونه خوانك لكن عشاني ساكت عشاني يبيع الدنيا ويشترى رضاي...وانا ماسويت له شيء ولاشيء
........................................
كاتمه غضبها تتنفس بسرعه..قاعده وتطالع في الارض وتفرك بأصبعهااا وهو جالس قبالهااا على الطاوله ويطالع فيها
معاذ:سحر..؟
سحر:....
معاذ:ماعليك من زياد هو مو عارف وش يقوول من الصدمه..
سحر طالعت فيه:أجل انا وش اقول ياللي شفت كل شيء قدام عيني..
معاذ:طيب ليش ماتردين عليهم؟
سحراتنهدت وبيأس:مين يسمع...؟؟
معاذ مسك يدها:الكل يسمع..
سحر:لاتضحك على نفسك
معاذ مسك يدها وبعدها عن بعض:انا اسمعك..
دفت إيدينه وقامت عنه..وخرجت الصاله وشافت أعمامها وعماتها وصلواا
عاليه تصارخ:وينك يالغاااااااااااااالي؟؟وينك ياخوي؟؟وينكـ يانورالبيت؟؟
خليل يحاول يهديها لكن بكى معاها:لاحول ولا قوه إلا بالله..
جاسم يسمح دموعه:استهدوا بالله ياجماعه...
طلعوا فوق الحريم ويوم شافت عاليه سحر ضمتها وبكت..
رجا:وين سمر؟؟
سحر بعدت عن عمتها:بغرفتها...
رجاء فصخت برقعها ودخلت على سمر ولقت عندها خالد ويبكي معها..وكانت عيونهم منفخه من كثر مابكووااا
رجاء راحت لهمـ..وضربت على كتف خالد:قوم وانا أمك أنزل سلم على عمامك
خالد مسح دموعه بطرف شماغه وبصعوبه تكلم لأن ماصار عنده صوت من كثر البكى
خالد:ان شالله
رجاء جلست جنب سمر وحضنتهااا وجلست تبكي معهااا..وسمر ماسكه منديل في ايدها والتعب طاغي عليهااااا..حاسه نفسها مصنمه واللي حولها يحركونها مثل مايبوووون..ماصارعندها دموع من كثر مابكت صارت تشهق بس...
عاليه دخلت عليهم وكملت بكى معاااهم...
سحر دخلت غرفتهــا وجلست هناااااك بعيد عن الكــل..تحاول تسترجع الاحداث اللي حصلت لها لكن من التعب غلبها النوووومـ..
.................................................. .....
كم بكينا وكم سنبكـي على فراقهمـ,,
ولكــن’’

هل سيفديني البكـاء بعد الفراق؟؟؟

الســاعه 12 ظهر
هدأت النفوووس...
استسلموا للأمر الواقـع
كانت الجرايد والمجلات تتكلم عن وفاة المحامي الكبيــر..!!
بدأو يستعدون لآستقبــال الـتعازي
سمر أخذت لها حبتين بندول ودخلت استحمت ولبست بنطلون جنز وبلوزه بيضـاء ورفعت شعرهـا,,
رجـاء وعاليه كان الحمل الكبيـر عليهمـ,,,لأنهم عارفين بنفسية البنات ومايبغونهم يتعبون اكثر,,,
عند الرجال ...
معاذ راح البيت وارتاح شوي وغير ملابسه ولبس ثوب وغتره ورجع لهـم هو وأبوه وأخوه,,
خـالد راح بيته غير ثوبه ورجع على طووول,,
جاسمـ وخليـل ارتاحوا شوي وبدوأ الاستعداد للدفـن’’
زيــاد المفقود كان هو أكثـر واحد مصدوم أكثر واحد مو متقبـل الموضوع مو مصـدق..
بكـى لما ماراح صوته عيونه تنفخت...
لبس ثوبـه واتجهـز أمـا شذى فغلبها النوووم..
نـزل تحت لاعمـامه وعمـاته وسمر..كـان متلثمـ وماباين منه غير عيونه,,
زياد بصوت غير مسموع:الســلام عليكمـ
الكل:وعليكم السلام
رجـاء اتغطت بالمخده:وويييييييييه مين انت؟؟
جاسم كان منسدح عالكنبـه:وش فيك يامره..من بيكون يعني؟؟زياد
رجـاء:لااا زياد واحداً ثاني
عاليه:بسم الله عليكـ هذا هو بشحمه وبدمـه..
رجـاء:لكن أنا شفت ولد ثانـي كان مـع سـ
عاليه:رجاء انتي حيل تعبانه اطلعي ارتاحي شوي..
خليل:ماودكم تسكتون خلاص..
زياد وعيونه في الارض:متى بندفن أبوي؟
جاسم:بعد صلاة الظهر
زياد يهز راسه:أبي أدفنه في نفس قبر أمي...
عاليه نزلت دموعهـا على حال أولاد أخوها..
رجاء تكلمها بصوت واطي:مادوك تسكتين...ماصدقنا أنهم سكتوا شوي..
قامت سمـر وجلست جنب زياد وحطت راسها عليه,,وصاروا يتكلمون لوحدهم ماحد يسمعهم
سمر:كيفك الحين؟
زياد:أحسن من أول
سمر:بتروح معاهم المقبره؟؟
زياد:أبي أروح ومابي,,
سمر:ليش؟؟
زياد:اخاف اني ماقدراستحمل المنظر..
سمر:روح وسلم عليه مابتشوفه بعد المره ذي..إلا وين شذى؟؟
زياد:نامت ...
سمر:مالحقنـا نتعرف عليها..
زياد:وإنتي الصادقه..الله يصبرنـا
سمر:امييين
زياد:إلا وين سحر؟؟
سمر:مدري عنها من أول اختفت
زياد:لايكون الاخت ضربت الباب وخرجت
سمر:لالاماظن لأن خالد ومعاذ برى لوبتخرج بتروح معاهمـ
زياد:اها...والله فيهم خيـر هالاولاد..
سمر:من جد والله..لوغيرهم مافتكرونـا
جاسم:يلا قوموا خلونـا نخرج برى عند الرجال
خرجـوا الرجـال كلهم وراحو ع المقبـره..
.................................................. ...
بكت عيوني آلام الفراق فردد قلبي الحزين باحتراق

كيف للقلب أن ينساكم يا من في الفؤاد سكناكم..||

عنــد المقــبره
يصـرخ بأعلــى صوته..وطايح على قبره
زياد:يبــــــــــه يبــــــــــه تكفى لاتروووح..لاتتركـــــــــــني..حملتنـي فوق طاقتي ماقدر يبـه ماقدر...الحمل كبيــــــــر علي يبـــــه تكــفى يبه لاتخلينــي ضايــع تكفـــين..ماعرف شيء ماعرف وش علي وش لي....مــاقدر على خواتي ماقدر عالشركـه..ماقدر على شيء
مسكوه أعمامه ودخلوه السيـاره...
.................................
كان البيت مايخــلى من بعد الدفــن والناس داخلين خارجين..
رجــال&حريــم
كان التعب واضح عليـهم لاالرجـال ولا الحريــم..
.................................................

كانت نايمه على طرف السرير وماهي مشغله مكيف ولا ومتغطيه...دخلت عليها ربيبه
ربيبه:مس سهر..مس سهر..مس سهر مس سهر
سحر بتعب:هممممم
ربيبه:يلاقووووم الساعه6 مغرب وفي نااااس كتييييير تهت
سحر:انا تعبانه ماقدر انزل
ربيبه:مدام رجاء فيه قول صحي مس سهر مايسير كزا
سحر:طيب شوي وبقووم اطلعي برى
ربيبه:ان سالله مس
....

.

.
..........................