رواية سعوديه/ احباب في مقبره الحب الفصل الثالث والأربعون 43 - بقلم مارسلين

.

دخلت الفيــلا
دخلت ووقفت في نص الصاله وعيونها مصنمه عالارض..ووجهها صامت خالي من التعابير
كانت تحس بصدمه كبيــره...وش فيه معاذ؟؟نظراته لها تغيرت...كان يطالع فيها ويتأملهـا وعلى شفايفه نفس ابتسامة زمان..فرحان لكن خافي فرحه خلف ابتسامته..من يوم ماتزوج سمر وهو طريقته معاها غير..كان جامد وجدي معاها ومايحب ياخذ ويعطي وغير كذا مايطالع فيها وإذا شافها اعطاها نظرات أستحقار...اليوم كان غيــر كان معاذ القديم اللي تعرفه..
:اللي ماخذ عقلك يتهنى به
سحر فاقت من غفلتها:هاااااا
سمر:وش فيك؟؟ليه كسرتي الاب ...
سحرارتبكت:ماكسرته..لكن وأنا امشي هو طاح مني
سمر:بنننننننننت!!!وش فيك كذا؟؟
سحر صرخت:أنتي اللي أشفيك..مافيني شيء مافيني شيء
سمر:لايكون سمعتيني وانا اكلم زياد
سحر:ليش أنتم كملتم كـلام وأنا مو موجوده...ووينه زياد؟؟
سمر:أنت مره مو على بعضك..زياد راح
سحر:وين؟؟
سمر:راح لأهل البنت
سحر:هههههههه مو طبيعي الولد...وليش ماياخذنا نشوفها
سمر:ماله داعـي..قالي لكن انا مالي نفس لآن..
سحرتتكلم بسخريه:وشو؟وشو؟أنتي سمر محمد الفهد اللي ماتترك مناسبه إلا وحضرتها..ماتبي تروح تشوف خطيبة اخوها...
سمر أخذت الريموت وجلست تقلب وكانها مو مهتمه لكلام سحر..لكنها بتتهرب من سحر
سمر:بالله فكينا من كلامك ذا..
سحر افتكرت:أيـــــــه تعالي تعالي..أنتي وش مجلسك هنـا؟؟مومعقوله كل ذا حب فيني..وليش نمتي عندنا؟؟
سمر:كذا..من حبي فيك أبي أجلس معاكـ..
سحر:ياحبني لك ياخيتي..أقول اختصري وقولي لي..
سمر:سحر خليني اتفرج الحين..طسي على قولتك
سحر:هههههههه (راحت جلست جنب سمر)اختي حبيبتي الحلوه العسوله المغروره سويمر قليلة الحيا اتكلمي لاأقوم افقع لك وجهك..
سمر اعطتها نظره ورجعت تابعت تلفزيون:...
سحر:سمـر لاتخليني اشحتك كلام..أوووف منك
سمر رمت الريموت وغطت وجهها بيدينها وبكيت من أول وهي ماسكتها من يوم ماكلمت زياد...سحر موفاهمه شيء وعلى راسها علامات تعجب!!خخخخخخ
سحر:سمووور وش فيك؟؟
سمر تبكي:.....
سحر:الحين تبكين لأني قلت لك تكلمي؟؟؟
سحر:سمر مابيك تتكلمين خلاص...
سحر:طيب ليش تبكين؟؟
سحر:سمر لايكون سويت لك شيء...
سحر:سمر تعبانه؟؟؟
سحر:سموررر طيب قولي لي ليش تبكين؟؟
سحر خنقتها العبره:لايكون افكرتي سلوى؟؟
سمر يوم سمعت اسم امها بكيت اكثر وأكثر...
سحر الدموع في عيونها:سمر قسم قطعتي قلبي...بس قولي لي وش فيك؟؟
سمــر من بين الدموع:أبيها....ماما...تكفين ارجعي
سحر أطلقت العنان لدموعها:.....
جلسوا يبكون لما ماتعبوا...وناموا في مكانهم وهم يبكون زي الاطفال<<<هههههه أضحك عليكم ياهبل لاتصدقون كل شيء أقوله خخخخ<<معليش انا مسطوله اليوم هع هع...نرجع للجــد>>والعم والخال خخخخ....بلا هبل
بعد نص ساعه هدوء يعم المكان والذكريات تاخذ مجراها...
سمر بكل هدوء وصوت واطي:انا تطلقت اليوم من معاذ
سحر ماستوعبت:أيـش؟؟!!!!!!!
سمر بصوت اعلى شويه:انا تطلقت اليوم من معاذ...كل شيء انتهى بيننا
سحر جامده في مكانها حاسه الدنيا تدور من حولها موقادره تستعب اللي قالته سمر...سمر كانت تطالع في سحر وتشوف ردت فعلها كانت متوقعه ان سحر بتعايرها وببتريق عليها وبتاخذ حقها منها لكن شافت العكس هدوء والصدمه باين على وجهها..سحر حاسه انها في كذبه كبيره
سحر باندهاش:كيف؟ليش؟ومتى؟؟وأبوي وش قال؟؟
سمر اتنهدت:ماحد يدري...قبل شوي قلت لزياد وتخاصمت معاه وخرج..قلت له يقول لأبوي لأني مابقدر اقوله..
سحر:بس انتمـ..يعني ماكان بينكمـ..
سمر:أنا من يوم ماخذته وأنا وهو موقادرين نتفق على شيء...ودايما في مشاكل مع بعض..لكن المشاكل جات ورى بعض ولاجاتني فرصه إني أتكلم أو أشكي لأحد..
سحر:سمر انتي من جدك تتكلمين؟؟
سمر:هذي الأمور مافيها كذب ولا مزح...
سحر:طيب والحين..
سمر:الحين ولا شيء...أنا مطلقه وبس كويس إني تطلقت من بدري قبل ماجيب لي ولد أو بنت وأعذبهم في حياتهم.
سحر ساكته وتسمع وتحس نفسها في حلم تنتظر أحد يصحيها منه..نظرات الدهشه والتفكير العميق باين عليها..
سمر تبغى سحر تقولها عاللي في نفسها:وش فيك؟؟
سحر:ولا شــيء
سمر:حاسه عندك كلام وتبين تقولينه..
سحر تفكيرها مو مع سمر هزت راسها بلا:...
سمر:كأنك مو مرتاحه للي صار؟؟ومومبسوطه لأني رجعت
سحر:هذا مو بيدي عشان أرتاح...ماتمنيتك ترجعين بهذي الطريقه وهذا بيتك واللي فات مات لاتفكرين في اللي صار هذا خير من ربك..مانعرف وين الخير والشر..ولاتشيلين هم
سمر تمسك راسها:آآآه ياراسي يعورني
سحر:قومي ارتاحي...باين عليك التعب والهم
سمر:وانتي؟؟
سحر ضمت رجولها لصدرها:لا أنا بقعد هنا..مافيني نوووم
سمر عرفت أن سحر تبغى تجلس لوحدها تفكر في معاذ..لأن باين من عيونها في نفسها كلام كثيرررر..طفت الأنوار وفتحت الابجورات خلت الاضاءه خافته في كل الصاله طالعت في الساعه كانت 8:30
سمر:تصبحين على خير
سحر:وانت من أهل الخير
بقت لوحدهـا عرفت ليه معاذ كلمها؟ليه قلها الكلام ذاك؟ وليه حست ان معاذ القديم رجع لها؟...كرهته أكثـر يعني لما خلاص طلق سمر فكر يرجع لها ؟؟وكأنها بديل يوم يطفش من أي أحد يرجع لها...
سحر: (بعدك يامعاذ إني ارجعلك أو افكر فيك...مو انا اللي يصير فيني كذا)
........................................

أعلم ماذا يخبي لي هذا اليوم،،،
هل هو مثل أيام حياتي السابقه؟؟؟

أمـ أني سأجد مابحث عنه..؟!

يوم الخطبه
كانت في غرفتها وبتتقطع من البكاء...عيونها منتفخه وصارت تبكي بدون دموع جفت دموعها...
شذى: (ضيعتني يازياد الله يضيعك..باعوني أخواني عشان فلووووس)
دخلت أم حسين:أنتي هــــــــي قومي بدلي ملابسك واتروشي النـاس جايين في الطريق..
شذى تصرخ:مااااااااااااااااابي اتزووووووووج
أم حسين:كلي تبن وماتصاااااااارخين مفهووم...هذا اللي نقص..احترنا فيكـ يوم سونا اللي تبينه ماتبين ويوم مانسويه تبينه وش شغل الزراين ذا...قومي لقومك بطريقتي
شذى:اطلعي بررررى
ام حسين:قومي قدامي
شذى:اطلعي وأنا بقووومـ..ابعدي عني
.............
قامت وهي تحس نفسـها دايخه لها أيام مااكلت ولاشربت ولانامت عدل..
دخلت استحمت وخرجت لبست بنطلون جنز أسود ماسك وبلوزه شيفون ليموني وفيها ورود مموجه بالزهري والوردي الفتح طالعت في نفسها في المرايه...ولاعلبة مايك أب كامله تغطي آثار التعب والألم اللي فيـــها..بدات تستشور شعرهـا وهي تفكر
شذى: (انا ليش أفكر فيك يازياد...؟؟كيف نسيت ماضيك الاسود؟؟مو غريب عليك اللي تسويه؟؟؟ أنت اكبر كذاب ومخادع شفته بحياتي أنا مابسامحك ع اللي سويته فيني.(خنقتها العبره ).ليش تكذب علي؟؟ليش توهمني إنك تحبني؟؟ليش توعدني بشيء؟؟ليش تخليني أبني مستقبلي معك على أوهام؟؟ليش تخليني احبك ليششش؟؟)نزلت دمعها على خدهـا..مسحتها بكل هدوء
وأخذت علبة الميك أب وحطتـ...صارت تطالع في نفسها بالمرايا وكانت ذكريات بريطانيا تتصور في المرايــا...
انفتح الباب بقوووه...
ام حسين:وصلوووا وصلوووواااا..(راحت للشباك تطالع)لاإله إلا الله وش ذا الولد ملاك؟تعالي طالعي في عريس الهنـا...والله إنك طحتي وانتي واقفه..وش الكشخه ذي كلها باين عليه ولد نعمه مررررره..الله الله معاهم حرس أمني ماشالله حتى حراسهم زينيين
شذى حست إنها مهتمه تشوف العريس..لكن تراجعت لأن بالها مو معه مع غيره..
ام حسين:اجلسي هنـا حتى واناديكـ...
شذى: (يعني وين بروح؟؟)
........................................
حسين:ياحي الله من جانا...حياالله عم محمد وعم زياد
ناصر:تفضلوا تو مانور البيت
محمد:بنوربأهله
زياد يطالع في ناصربحقد..وناصريبادله نفس النظارات...
محمد:وين أعمامكم وخوال البنت؟؟
حسين ارتبك:ها..حنـا ماعندنا احد كل ..كل كل واحد مسافر بمنطقه
محمد:إيه...
حسين:ناصر روح جيب العصير
محمد:لا شكرا
حسين:أفا...كيف مايصير
محمد بحده:قلت شكرا..
حسين:هههه براحتك عمي
محمد:حنا اليوم جايين نعطيكم مهرالبنت ويشوفها ولدي وبعدهـا نحدد...
حسين قاطعه:ناصر قم شف طريق وبالمره ناد المملك
محمد:أي مملك؟؟
حسين:خلاص ياعم خير البر عاجلا...
دخل المملك:السلام عليكم
(ماعطاه أي فرصه يتكلمـ...عشان مايتراجعوان)
محمد يكلم خالد وزياد:وش فيهم؟؟وش فيهم يسرعون كل شيء ماتفقنا على كذا
خالد:شكل المملك كان في الصاله الثانيه ينتظرنا ههههههههه
محمد:أنا براويهم الحين
زياد قاطعه:لالاخلاص خلينا نملك اليوم..انا موافق
محمد وخالد مندهشين:....
محمد:مايصير كذا
زياد برجا:يبه تكفين خليني براحتي..انا موافق
محمد:لاحول ولا قوه إلا بالله...
حسين:ناصر ناد البنت على مانملك..
............

ناصر راح عند شذى:بنت يلا قومي أشوف..
شذى مسحت دمعتها:...
ناصر:لاتمثلين البراءه...انتي وسخه ونجسه مثل أمك
شذى:لاتدخل أمي بالموضوع امي أشرف منـ...
مسكها من شعرها:اسكتي لا تخليني موتك على إيدي..
شذى:اقتلني ولا أتزوج الحقير اللي جايبنه بالفلوس..
ناصر:هههههههههه الحمدلله إنك عارفه إنه حقير..لأن الحقيره ماتاخذ إلا حقير..
ألمـ الفراق..تعب البعد...مرض النسيــان

لهفه الشوق...حنان الاشتيـاق..جنون الحـب

كانت تمشي بهدوء وعلى أقل من مهلها تبغى تضيع الوقت..نبضات قلبها تدق بسرعه،،تتنفس بصعوبه،،دموعها أسرع منها حفرت خدودها،،..قربت من الباب حست بدوخه قويه..غمضت على عيونها بقووووه
ناصر من وراها يدفها:ادخلي
فتحت عيونها وشافت جزمته وطرف ثوبه رفعت راسها بهدوء...
وقفت الكلمات والعبرات كان السكون سيد الموقف من شدة الدهشه كل شيء حولها توقف وماصارت تشوف إلا شيء واحد هو هو وبس ماغيره أحد...
كــان ينتظر بلهفه دخلت عليه بهدوء,,شاف وحده ثانيه مختلفه عن اللي يعرفهـا,,كان التعب باين عليـها والالم وجهها أصفـر جسمها نحيف مررررررره..شكلها تغير تغير عن اللي يعرفها...بدون أي تفكير قام لهـا كان محتاج يدفيها يحسسها بكل شيء فقدته..حب حنان عطف امان راحه..الخ
استوعبت ان اللي قدامها زيـاد بشحمه ولحمه رمت نفسها في حضنه بدون ماتفكر أن اخوها وراها..
ناصر:هي هي..أبـ
زياد:خيروش فيه زوجتي....ممكن تخلينا لوحدنا شوي
ناصر خرج وضرب الباب بقوووه..
زيــاد وهو ضام شذى كان حاس ببرودة أطرافهـا حاس بلهفه في حضنها حاس وكأنه هو جاء ينقذهـا من اللي هي فيه..يبغى يدفي أطرفها البارده ويبرد قلبها المحروق يبغى يلم الشتات اللي صنعه..
شذى بين دموعها وهي في حضن زياد:زيـاد..تعباآآآآنه حييييييييل
زياد يمسح دموعهـا:سامحيني يالغلا..ذي غلطتي انا
شذى:عتباآآآآنه عليكـ
زياد ماقدر يستحمل حـالها أكثر..ضمها بقووه وبكى معهـا...:أدري أدري اني غلطــان..وماحد يلومكـ غلطان مهما ماسويت لك ماوفيت ولو نص حقكـ..سامحيني سامحيني...احبك احبك احبك..
شذى:إذا تحبني ريحيني..ريحيني
زياد:آمررري
شذى:مابي اجلس هنـا دقيقه وحدهـ..
زيـاد طالع فيهـأ:بس؟؟
شذى:مابي أي شيء منهم بس أبي أبعد عنهم وعن حياتهم ولاأبي شيء من الفلوس..حتى زواج مابي ولاابي احتفل ولا شيء أبي راحتي وبس..
زياد:خلاص خلاص...الحين تجين معي روحي جهزي أغراضك على ماكلم أبوي..
...
خرج زياد وراح لأبوه وكلمه في أذنه
محمد وقف:نــــــعم؟؟؟
زياد:يبه هدي بالكـ..واستهدي بالله
محمد:انا وافقت اني اسوي لك كل شيء لكن زواج بهذي الطريقه لاااا وألف لاااااااا
زياد وقف في وجهه أبوه:طووول عمرك تسوي لي كل اللي أبيه..وقفت على أبسط وأقل شيء
محمد:إيــه انا اعندي ولد يتزوج بهذي الطريقه..
زياد:يبهـ..ترى اخذها وأطلع ولا همني أحد ...(كلمه بهدوء)أنت لوشفتها ماتلومني..يبه تعبانه حيييل(اتجمعت الدموع في عينه)
محمد:ماتعبني في الدنيـا غيركـ..(يكلم حسين) احم احم حنا بنأخذ البنتـ..
نـاصر:لاااااااا
محمد طالع فيه بحده:نعمـ...؟؟
حسين:هههه ماقال ماقال شيء
ناصر:إلا قلت لاااا يعني لاااا اعندنا بنات يتزوجون بهذي الطريقه
زياد:أنتآخر واحد يتكلم ...البنت بتموت عندكم ولاحد داري عنها..
محمد طالع في ناصر:لاتتحداني..بناخذها
حسين:خلاص ياناصر طيب طيب خذوهـا..
ناصر:لاااااااااا
محمد:بناخذهااااااااااا وبالحلال بعد...مالك كلمه الحين هي في رقبة زوجها ماعاد لك كلمه عليها تعرف ولالا..؟
حسين:ايه ايه...انا الحين بروح واناديهـا..
.....
بعد ماخرجوا..
ناصر يصرخ:انت وش فيك؟؟؟اختك ماهي برخيصه عشان تروح بذي الطريقه..
حسين يعد الفلوس:رخيصه ولا غاليه وش تفرق..؟اهم شيء عندك فلووووس تغنيك وتخليك مثلهم واحسن
ام حسين:أيه وأنت الصادق...وييييييييه ياقلبي وش ذا كله؟؟؟ياويلي ويلاه ذولا شكلهم فلّسووا من بعد ماعطونا هذي الفلوس..
حسين:هههههههه يمه الله يهداك وش فلسوووا؟؟عندهم مثل هذي مية مره متجمعه على قلووبهم
ام حسين عصبت:هووو..وليش ماخذت زيـاده..؟
ناصر:انتم ماهمكم غير الفلوووس وبس..(خرج من البيت)
..................................................

.

دخل بهدوء للفيلا...وماكان قادر يشوف أي شيء الظلام مغطي المكان...مايعرف للبيت هذا كثير..ولايعرف وين المكتب حق محمد الفهـد...
: (شكل البيت فاضي...يعني باخذ راحتي والخدم وبعرف اتصرف معاهم..)
كان يمشي على أطراف رجوله..وبهدوووء
شافت الباب يوم انفتح لكن ماعرفت مين اللي دخل؟كان لابس ثوب وغتره..
سحر:زيــاد؟؟؟
انفجع من صوتهـا..صار يدور عليها..شافها جالسه في ركن الصاله ولامه نفسها ومو مبينه مره...أخذ وضيعة الواثق وأسند جسمه عالكنب..
عيسى:أقول وين أنوراكم لي ساعه أدور عليها مو لاقيها؟؟
سحر:عيسووووه؟؟
عيسى كان خايف تكون عارفه باللي سواه في الشركه:بشحمه ولحمه ودمه
سحر قامت وراحت عنده:وش جابك؟؟خير...ترى مايجيك من وراك إلا المصايب
عيسى قلبه في رجله:ليش ان شالله؟؟لايكون قتلت لك حبيبك؟؟
سحر:ياليت..انت بتقتلني انــا مو حبيبي..ماشوف وجهك إلا وتصير لي مصيبه
عيسى ارتاااااح:دوووم المصايب يارب تتحذف عليك من كل جهه
سحر ضربت بقوه في صدره:لابارك الله فيك جعلك ماتتوفق في حياتك ويجعل يومك ياعيسى ياولد امك قبل يومي....أذلف عن وجهي
عيسى حقد عليها يوم سبته:ذالف ذالف لاتخافين....أقول وين مكتب أبوك أبي آخذ منه اوراق..
سحر:مكتبه؟؟عليه تراب وغبار وعناكب وكل شيء...أصلا هام اظنتي له أوراق
عيسى:إلا هو حطها وقالي اجي آخذها..
سحر:متى حطها؟؟إذا انا ماشفت وجهه من يوم ماجاء جده..
عيسى عرف ان محمد مافارق الشركه ولا ثانيه:مو شغلك..المهم وين المكتب
راحت وكان يمشي وراها..
سحر:إلا غريبه وش يبي في الاوراق إذا هو راح يخطب لزياد....يعني هو مو ناوي يرد البيت؟؟؟
عيسى:لا مابيرد البيت موليه
سحر لفت عليه: لايكون محمد متزوج له وحده وماتبي تقوووول...؟؟؟؟
عيسى:هههههههههههه يمكن ليش لا؟؟
سحر:ماخسك من ولد(راحت للصاله)
دخل المكتب وبدأ يقلب في الادراج وفي كل مكان لكن مالقى شيء..اتصل على عصابته
علي:بشر لقيت شيء
عيسى:...مافيه ولاورقه ولا أي شيء في البيت..
علي بصراخ:دور زين...
عيسى:انا متأكد...
علي:اسمعني ياعيسى...لاترجع ويدك فاضيه مفهووووم...ولا أعرف أن نهايتك اليوم...
عيسى:طيب....انا طمعان في شيء أكبر من الاوراق والادله...شيء يخليه يجي إلى عندنا..
علي بلهفه:وشوو؟
عيسى:خلها علي...
نزل الصــاله..
عيسى:سحر
سحر:خير
عيسى:عم محمد يبيكـ..
سحر:هـاااااا؟؟
عيسى:يقول يبيك عنده بالمكتب..؟
سحر قامت وقفت:وش وش يبي؟؟وش سويت أنا؟؟
عيسى:مدري
سحر مستغربه:بس ماقد طلبني عنده بالمكتب..حتى اخواني ولاقد طلبهمـ..
عيسى:لاتخافين اظن عشان توقيعين أو شيء بسيط
سحر:لالا ماظن..
عيسى:بسرعه خلصيني..
سحر:طيب بطلع أشوف سمر يمكن عندها خبر...
عيسى:لالا هو قالي ماقول لأحد...
سحر:والله مره مو مرتاحه للموضوع أبد..بس يلا انتظرني في السياره..
.........
ركبت السياره..وكان في أثنين رجال غريبين وعيسى..والسياره غريبه عليها..ماهتمت كان تفكيرها كله وش يبي أبوها فيها..
عيسى:سحر؟؟
سحر:اوووووووف منك وش فيك كل شوي سحر سحر..
عيسى بمكر:طيب طيب ولاتزعلين..
سحر طالعت فيه مستغربه الادب من العاده يرد عليها...
مشوووا طريق بعيد وكأنهم خرجوا برى جده..
سحر:وش فيكم طالعين برى جده؟؟
عيسى:لأن الموضوع برى جده..
سحر:أي موضوع..؟؟
عيسى:.....
سحر موفاهمه:أي موضوع؟؟
عيسى:.....
سحر ضربته في صدره:أي موضوع؟؟
عيسى مسك يدها ولفها بقووه:ماتمدين يدك مفهوووووووم؟؟
سحر يدها تألمها مره:فك إيدي ياحيواااااااان
عيسى فك يدها بقوه:احترمي نفسك وعدلي ملافظك..
سحر تمسك يدها:مابعدل أسلوبي ومفروض تسمع كلامـي..لأني انا عمتكـ و
عيسى:هههههههههه كـان زمـــان..الحين انا عمك
سحر فتحت شنطتها وطلعت الجوال:انا أوريك ياعيسووه عند محمد
سحب منها الجوال ورماه..

عيسى:محمد حقكم بليه وأشربي مويته...الحين انا عمه..
سحر:من جد أنك واطي وخاين للعشره..لاتنسى انه هو اللي طلعك من فقركـ وكبرك ورباك..
عيسى:هههههههه ماربى عياله بيربي عيال غيره....هو صحيح رباني وهذي تربيته،،احمدي ربك مارباكـ ولا ربى خوانك لأن تربيته وسخه وزباله مثله...كفايه انكم طالعين متكبرين وشايفين نفسكم على غيركم وماتحمدون ربكم عالنعمه اللي انتم فيها..
سحر ماعلقت على كلامه لأن كل كلمه قالها صحـ..
...............
وصلوووا لمستودع...
نزلوا...
سحر كانت عيونها على عيسى وحاقده عليه...عيسى كان يتهرب من نظرات سحر حس وكأن في نظراتها عتـاب له لأنه خان ثقت أبوهـا..
علي:منو ذي؟؟
عيسى:بنته
علي تشقق فمه من الضحك:احبببببببببببببك عيسوووه..هذا المطلوووب ذي اللي بتكسرخشمه
عيسى راح لعلي وكلمه بهدوء:لاااااااا ياعلي..ذي مجرد تهديد لااكثر
علي:لااااا وش تقول أنت؟؟
عيسى:مالها ذنب في اللي أبوها سواه...لاتخلينا نعيد غلطة أبوها ونسوي مثل مـاسوىّ معنـا
علي يطالع في سحر:باين عليه ماهي بسهله
عيسى:هههههههه مررررررره
سحر تكلم علي:خير وش فيك تطالع؟؟
علي يصرخ:هي عدلي أسلوبكـ...مانتي في بيت أبوك..
سحر شمقت فيه:جعلها تتفق الاثنين يااااارب
علي:احترمي نفسك مابي أستعمل معك اسلوب ثاني
سحر:وشووو؟؟مانقص غيرك..
ماكملت كلامها إلا علي جاء عندها واعطاها كف
سحر قامت بتضربه لكن مسكوها بودي قارد من يدهـا:ياحقييييييييييييييييييير...لاتفتكر أنها حركات مرجله يازباله ياحقير
علي طلع سكين من جيبه وحطه على كتف سحر وقرب وجه من وجهها
علي:بتقفلين فمك ولا اغرز هذا في يدك...لاتفتكرين انا واحد من اللي يشتغلون عند أبوك...لاااااا انا ابي انتقم من أبووك ولو أقتلك مقابل اخذ حقي مافكرت فيك فاهمه..
سحر مصدومه مره..:بس أبوي وش سوىّ لك عشان تنتقم..؟
علي:ابوك لعب بالنـار
سحر:أبوي يخاف ربه اكثر منك ومايقتل ولا ينتقم من احد
علي:ههههههههههههههه حسستيني إني اتابع فلم كرتون..(صرخ عليها بقهر)أبوووك منافق وحقير اتهمنـا بشيء ماسوينـاه عشان يبرئ واحد ثاني..أبوك نصاب مفتري خبيث خسيس
سحر ماستحملت كل هذا الكلام رفعت رجلينها ورفست علي في بطنه وصارت تصرخ وتهز راسها..وبكت
سحر:لااااااااا محمد مايسوي كذا مايسوي كذا...هو طيب طيب
رفسته بكل قوتها علي عصب كان بيرجع يضربها لكن عيسى مسكه..
عيسى:شف حالتها كيف..خليها
علي:اتركني عليها اتررررررركني
سحبه عيسى وحطه في مكان ثاني...
علي:بنت (عيب) عورتني في بطني
عيسى:واللي قلته لها مو شوي....هي ماقد شافت معامله طيبه من أبوها وجيت انت وكملت الناقص عندها..
علي:وأنت مالقيت تجيب غيرذي...
عيسى:مالقيت غيرها...خلنا منها الحين واتصل عليه...
.................................................. ..
عند بيت اهل شذى
ركب زياد وشذى السياره..
محمد يكلم زياد:الله يوفقك يايبه.....اسمعني وانا أبوك اجلس هالاسبوع هنـا بجده بأي فندق حتى وخالد يجهز لكم إجراءت السفـر وترحون وين ماتبون..
زياد سلم على كف أبوه:تسلم يالغالي..
محمد:لااوصيك يازياد على نفسكـ وعلى أخواتكـ ومثل ماتحبهم حب لبنت الناس
زياد:لاتخاف يايبه كلهم في عيوني
محمد:هذا العشم فيكـ..وبعدين لاتنسى بيخلص شهر العسل من هنـا وبتبدأ الشغل من هنا
زياد:ههههههههههه ان شالله..تامر بشيء؟؟
محمد:سلامتك يايبه...بكره تعال البيت تغدى عندنـا
زياد:لا خلها عشا احسن...
محمد:مثل ماتحب....(يكلم شذى)يبه ياشذى لااوصيك على زياد
شذى بخجل:لاتخاف ياعمي..في عيني والله
محمد ماسمعها:ان شالله...يلا مع السلامه..نشوفكم يوم اللقا
حرك زياد سيارته....
شذى:ليش البودي قارد حول ابوك؟؟
زياد:لأنه رجال مهم (مسك يدهـا) وش فيك خجلانه من أبوي..؟
شذى سحبت يدهـا:انا لسى زعلانه منك
زياد:ياليــــل ماطولك
شذى طالعت فيه بنص عين:....
زيـاد طالع فيها بنفس نظرتها:اقووول ترى عيونك الحين مابتخوفني هااااا....

شذى ضحكت وحطت يدها على فمها:هههههههههه
زياد:خقيتي موو؟؟
شذى علت ضحكتها:هههههههههههههه مجنوووووووون
زياد:يحق لي دامك معي..
شذى:زيااااد خلاص..
زياد مسك يدها وطالع فيها:أحبك
شذى تتجاهل نظراته وتطالع في الطريق:انتبه للسياره
زياد:مابتقولينها لي...؟
شذى:هههههههههه لاتطالع فيني كذا..
زياد:غصب عني احبك...قوليها لي
شذى:مو الحين...طالع في الطريق احسن
...........................................
راح محمد للسيارته.....
خالد:عمي لك اتصال منهم...
محمد:خير ان شالله..نعم
علي:ألوو
محمد:مين؟؟
علي:مو مهم مين...؟
محمد:وش تبووون؟
علي:هههههه كنـا نبيكـ لكن جانا شيء أفضل منك
محمد حس بشيء:....
علي:افــااااا ماتبي تعرف مين معنا؟؟؟معنــا سحر بنت محمد آل الفهد على سن ورمح...
محمد:شف لو صار فيها شيء لاتلوم إلا نفسك مفهووووووووم؟؟
علي:وأنت لو جيت ومعك الشرطه لاتلوم إلا نفسك..
محمد:وين العنوان...؟؟؟
علي:طريق مكه************
قفل منهمـ...حس راسه دايخ عليه فك ازرار الثوب
محمد يتنفس بصعوبه:خالد....اتصل على البيت وووشوف إذا سحر موجوده..؟
خالد:وشووووووو؟؟سحر عندهم..
محمد:اتصل
خالد اتصل على جوالها مقفل....اتصل على جوال سمر..
سمر وهي نايمه:ألوو
خالد:سمركيفكـ؟؟
سمر فاقت بسرعه ماصدقت الصوت اللي سمعته..:مين؟خااااالد
خالد أشتاق لصوتها:سوسو شوفي سحر في البيت
سمر انقهرت منه:ليش وش تبي فيها..
خالد حس انها غارت:سوسو بسرعه سحر ضايعه وحنا ندور عليها
سمر حطت يدها على قلبها:نععععععععععم...
قامت بسرعه ودموعها سبقتها وصارت تدور في البيت
خالد:هدي نفسك سمر..
سمر بكت اكثر:ماااا مااا لقيتها....ربيييييييبه ربيييييبه
ربيبه جات جري:نعم مس سمر
سمر:وين سحر؟؟
ربيبه:مس سحر خرج من زمان مع مستر عيسى
سمر ارتاحت:وش فيك خلووّودي خرجت مع عيسى...خوفتني حرام عليك
خالد:نــعم مع عيسى...؟؟؟
سمر:ايه وش فيه؟؟
خالد:سمرتاكدي لاتكون راحت مع احد ثاني وكلميني...
سمر:ليش..؟؟
خالد:عيسى خطر خطر...لاتفتحين لحد البيت فاهمه مهما ماكاااااااااان
سمر:ان شالله...بس وش فيها سحر؟؟
خالد:ممكن تموت اليوم سحر؟؟
قفل السماعه....
سمر جا في بالها معاذ...اتصلت عليه
..................

معاذ كان في غرفته جالس عالنت..دق جواله طالع في رقم سمر..
معاذ:غريبه..وش تبي ذي؟؟(رد عليها) ألووو
سمر وهي تبكي:معاذ الحق سحر بتموت..
معاذ مو فاهم شيء:نعم
سمر:مدري مدري...راحت مع عيسى أخذها مدري وين ضاعت علينـا..يقول خالد بتموت
معاذ:سمر موبفاهم عليك..وش تخربطين؟؟
سمر:اتصل على خالد الله يخليك..هي مو عندك؟؟
معاذ:ابد ولا قربت مني
سمرقفلت في وجهه...وراحت لغرفتها جري
سمر:ربيبه اقفلوا ابواب البيت كلها....
رمت نفسها عالسرير...راحت امها عنها وسحر بتلحقها...مابقى لها احد بالدنيــا..
.................................................. ....

.