رواية صعيدي علمني الأدب الجزء الثاني الفصل الرابع والثلاثون 34 - بقلم حنين عادل

مصطفي وهو بيجز على سنانه: هههه دمك خفيف يا روح. تموتي في الهزار؟ بنت عمي بقا طالعالي. روح: إيه الثبات الانفعالي ده؟ مصطفي: ما خلاص بقا ياروح. انتي هاتستلميني ولا إيه؟ والله أزعل وأشيل في نفسيتي. روح بضحك: لا خلاص يا عم. كله إلا الشيل. إلا إنت في الشهر الكام؟ مصطفي: من مته بقا الألش الرخيص ده؟ روح: بقا أكده؟ مصطفي: أيوه أكده. انتي فاكرة إن لساني مقطوع؟ دا أنا أعجبك أوي.

كان بيبص لبسمة وكل ما بيبصلها بتحط وشها في الأرض بإحراج. بتلاحظ روح بتبتسم. روح: احم احم... نحن هنا. يلا الوقت اتأخر قوم نام يا مصطفي. مصطفي: وه الساعة لسه 10. هتناموا دلوقتي؟ روح: انت لزقة ليه؟ يلا بره. مصطفي: طالع. (بصوت واطي) جتك مغص في معاميعك. روح: سامعاك يا واطي يا زبالة. مصطفي: ما قلتش حاجة. أنا واصل سمعتي إيه؟ لاه كنت بقول تصبحوا على جنة. روح: عاوزنا نموت يا مصطفي؟

مصطفي: لاه بعيد الشر. مش قصدي. تصبحوا على خير. طلع مصطفي من الأوضة وهو بينشف عرقه. مصطفي: نشفتي ريقي يا شيخة. حرام عليكي. بس ماتنكرش يا مصطفي إنك بقيت لزقة فعلًا. بيروح مصطفي على أوضته. بيقعد في البلكونة وبيشغل عبد الحليم وبيبوصل في السما. بيكون القمر كامل. وعبد الحليم بيغني: قولوا له قولوا له قولوا له الحقيقة. قولوا له بحبه بحبه من اول دقيقة. قولوا له بحبه ومتوهني حبه. بيقوم وبيلف وهو بيغني ومغمض عينيه وبيتخيلها.

في بحوره الغريقة أبو عيون جريئة أبو عيون جريئة. كان مالي ما كنت في حالي. متهني بقلبي الخالي. فات رمشه الجريء وندهلي. وفي أجمل عيون توهني. روح: هي مين اللي مدهولاك أكده؟ بيسيب مصطفي المخده اللي كان حاضنها توقع على الأرض. بيلاقي يونس قدامه. مصطفي: لاه الأغنية بس لمست مشاعري. انت عارفني بحب أغاني عبد الحليم. يونس برفعه حاجب: ماشي يا عم الحسي. مصطفي: كنت عاوز حاجة؟ يونس: لاه. كنت جاي أطمن عليك بس بعد ما سمعت زعيكوا.

مصطفي: قصدك غنايا. يونس: أيوه. اللي مسميه غناك ده. مصطفي: عارف عارف. صوتي جميل. يونس: ربع الثقة دي بس يا مصطفي. بيضحك مصطفي ويونس بيضحك. يونس: تصبح على خير يا خويا. مصطفي: وانت من أهل الخير يا حبيبي. بصله يونس. مصطفي: إيه؟ يونس: ولا حاجة. بيطلع يونس وبيقول الباب على مصطفي. مصطفي: الكل واخد باله مني ليه عاد؟ *** باب الأوضة بيخبط. روح بابتسامة: أكيد ده يونس. بسمة: طيب تصبحي على خير. بتفتح روح بابتسامة بتتبدل.

روح: أيوه يا صفية. صفية: العمدة عاوز الست بسمة. روح: طيب. بسمة: خير... اللهم اجعله خير. بتنزل بسمة وهي قلقانة. بسمة: ياترى الدنيا لسه مخبية لك إيه يا بسمة؟ خلاص بقا ما عدتش قادرة أستحمل حاجة تاني. بتقعد روح وتحط إيدها على خدها. روح: إيه؟ هاتعمل فيها زعلان وتنام في أوضة تانية ولا إيه؟ سمعت روح صوت الجيتار. روح: لأ الموضوع كده كبير.

خدت روح فستان طويل لونه لافندر مبين تفاصيل جسمها ولبسته وسابت شعرها. وكانت طالعة قمر بمعنى الكلمة. بتقعد وهيا بتلبس الشوز وبتضحك. روح: يا كش أجرّجرك للرذيلة ونخلص بقا من أم الجفا ده. بتنزل روح للجنينة الخلفية مكان قعدته المفضلة. هيا عارفة إنه متضايق وبيحاول يطلع الطاقة السلبية دي في عزفه. بتقف قدامه وهو ماسك الجيتار ومغمض عينيه ومندمج. بتغني روح بصوت جميل وابتسامة على وشها. روح: انت عارف قد إيه البعد قاسي؟

انت عارف إن أنا بعدك بقاسي؟ بيفتح عينيه وبيبصلها وبيتهاجنل وبيحط الجيتار ويبص بعيد. روح: لو نسيتني لسه فاكرك مش ناسيك. لو بايعني لسه قلبي مشتريك. بيقوم يونس وبيسبها. وبيدخل البيت. روح بتقعد وهيا بتضحك: عندك ثبات انفعالي رهيب يا نمر. إزاي ما ضعفتش قدامي؟ ما كفاية بعد بقا يا نمر. بيطلع يونس وبيدخل أوضة فاضية.

يونس: خلاص خلاص يا روح النمر. النمر تعب تعب من خوفه. تعب من خوفه عليكي ومن كتر المواقف الصعبة اللي حطيتيه فيها. وكان هيموت من الخوف والضعف اللي كان حاسس بيه بسببك. خلاص وقفت لهنا. أه تعبان من فراقك بس هاكمل. طلعت روح عالسلم ودخلت أوضتها اللي هيا أوضة يونس وبسمة. أوضتها هي أوضة روح القديمة اللي بين أوضة مصطفي ويونس. لقت روح مصطفي واقف وماسك إزازة المية. أول ما شافها فتح بوقه. روح: فيه إيه يا نمر؟ مصطفي بضحك: صالحتيه؟

روح: لاه يا خويا. مصطفي: يونس ده غشيم. روح: بس يا نمر. مصطفي: حاضر. دخلت روح الأوضة وقعدت عالسرير بزهق. روح: أنا مش عاوزة يونس ده. أنا عاوزة يونس يرجع زي ما كان حنين. معقول كرهتني يا نمر؟ *** في المكتب. بسمة ببكاء: كان قلبي حاسس. شاكر: هما أهلك واحنا أهلك يا بسمة. وليكي حرية الاختيار. لو عاوزة تفضلي معانا أو لو عاوزة تعودي ليهم.

بسمة: أنا اعتبرتكم أهلي يا عمي. بس أنا لازم أشوفهم. فراقكم هايكون صعب. أنا حسيت معاكوا بحنية ما حسيتهاش طول عمري. أنتم عوضتوني في اليومين دول عن سنين فاتوا. بتطلع بسمة على أوضتها وهي بتفكر. ياترى أهلها اللي ما تعرفهمش كانوا بيدوروا عليها. ويترى هايحبوها ولا هاتعيش معاناة جديدة. بتدخل أوضتها بتلاقي باب أوضة مصطفي بيتفتح. مصطفي: احم احم. بسمة: عاوز حاجة يا مصطفي؟ مصطفي: لاه. إيه ده؟ انتي عاتكّي ولا إيه؟

صدقيني العيون دي مالهاش البكا. بسمة: تصبح على خير يا مصطفي. دخلت بسمة الأوضة وقفلت الباب. مصطفي: يا ترى مالها؟ ليه زعلانة؟ أنا خسيت في حبك النص واللهي. نام بقا في ليلتك السودة دي. دخل مصطفي وقفل الباب ونام عالسرير. مصطفي: نام يا عقلي بقا أبوس إيدك. كفاية تفكير. لا كان على الخاطر ولا كان في النية. أعشق وأنا الشاطر تسهر كده عيني. رمشك يا زين قادر جاب قلبي في إيديا. أنا في الهوى شارد لا زاد ولا مايه.

والشوق إليك قايد سهرني لياليا. *** بسمة: عارفه اللي انت حاسس بيه يا مصطفي. بس مش هينفع. ما تتعشمش في الفاضي. أنا أكبر منك. *** عند كرم. كرم: لاه زعلان. كريمة: خلاص بقا يا حبيبي. كرم: حبيبي؟ كريمة: حبيبي وقلبي وقرة عيني كمان. كرم: انتي مين؟ مين اللي بيكلمني؟ بينزل التليفون يبص عالرقم وبعدين حطه على ودنه. كريمة: ههههه. أنا الفقر البومة. كرم: أيوه. إيه سر التغيير المفاجئ ده؟ كريمة: جرى إيه يا كرم؟

مش لازم عشان تثبت حبك لحد تفضل تقوله ليل ونهار بحبك. الحب ده إحساس. أفعال. انت مش فاهمني يا كرم. عشان كده تعبان. جرب تفهمني. كرم: يعني انتي هتحبيني يا كريمة؟ كريمة: عليا الطلاق بالتلاتة بحبك. كرم: ......... طلاق بالتلاتة؟ على طلاقك انتي ما فيكي فايدة. كريمة بضحك: معلش استحملني. *** ميرا كانت نايمة على السرير وجمبها أخوها. ميرا: ياترى مستنيكي إيه يا ميرا؟ ياترى ناويتي على إيه يا فاتن؟ ***

بتتقلب روح يمين وشمال مش عارفة تنام. بتقوم تبص في الساعة بتلاقيها 3:30. بتطلع من أوضتها وتمشي لحد أوضة الضيوف اللي شافت يونس داخل فيها. بتفتح الباب بالراحة وتقفله وتدخل تتسحب. بتلاقيه نايم. بتبتسم لما بتبص على شكله وهو نايم وفاتح دراعه. بتنام جنبه على دراعه وبتحط إيدها على صدره. بتلاقي إيده مسكتها. بتبص عليه بتلاقيه نايم والحركة اللي عملها لا إرادية. روح: كده هاعرف أنام. بتغمض عينيها وتنام بسلام. في الصباح.

بيصحي يونس بيلاقيها في حضنه وهو مكلبش عليها. بيبص في وشها وبيتأمله كأنه وحشه. بيكون قريب كده من ملامحها. بيكون شعرها نازل على وشها. بيحوشه. يونس: مش ناوي تحن بقا؟ بتفتح عينيها وهي مبتسمة. بيقوم من جنبها بدون أي كلام. روح: يا نمر. روح النمر تعبانة من غيرك. ما تبقاش انت والزمن عليها. بيدخل الحمام بدون أي كلام. روح: لا تراجع ولا استسلام يا عبد السلام. تاتا تاتا. ترارارا رارارارارارا. عليا النعمة ما أنا سايباك. ***

في القاهرة ونيلها ومواويلها. ميرا: متأكد من اللي هتعمله ده؟ خالد: صدقيني. أمن مكان بالنسبة ليكي في الصعيد. مش هتتجرأ تعمل حاجة. عمّا البوليس يمسكها ونخلص منها. ميرا: وتفتكر هايتقبلوا وجودي؟ ومش هابقى تقيلة على قلبهم؟ خالد: انتي عمرك ما تبقي تقيلة على قلب حد يا ميرا. اركبي. بتبصله بابتسامة وبتركب العربية هي وأخوها. *** بيطلع يونس من الحمام وهو بينشف شعره ومش لابس تيشيرت. روح بغمزة: أو نو. مثير جدا.

بيتجاهلها وبيجيب تيشيرت يلبسه. روح بتغني: يا حبيبي عمرنا عمال بيجري. وانت فاكر لسه لسه العمر بدري. بيكمل لبسه وبيسرح شعره وهيا قاعدة على الكنبة قصاده. روح: طب اعمل بوصية بابا وتعالى على نفسك وحبني. بيطلع من الأوضة بعد ما رش برفانه اللي عبي الأوضة. روح: ياااه. كل حاجة فيك حلوة يا نمر. حتى برفانك. بتطلع تجري وراه. روح: يا نمر. يا نمر. بيركب عربيته وبيمشي. روح: دماغك فرده جزمه قديمة. بس واللي خلق الخلق بحبك يا جدع.

وتحت الشباك ولمحتك يا جدع. *** في قسم الشرطة. بيكون الدنيا مقلوبة. سامية قدرت تهرب للمرة التانية. بتظهر وهي طالعة ومتنكرة في لبس ظابط وعلى وشها ابتسامة شر. والكل بيجري في السجن يدور عليها. *** بتدخل روح على بسمة. روح: أنا دخلت من غير ما أخط. بحقق حلم إني أبقى متطفلة مع أختي. ولسه. دا أنا بصي هاطلع عليكي عقد. بسمة بابتسامة: صباح الخير يا روح. روح قعدت جمبها على السرير: صباح الورد يا أحلى وردة.

بصتلها بسمة بابتسامة بس باين عليها الحزن. روح: مالك يا أختي؟ مادة بوزك ليه؟ بسمة بحزن: حصل اللي كنت خايفة منه. روح: قصدك إيه؟ بسمة: قلت لك إن أنا خايفة أفرح وأتصدم. وكان قلبي كان حاسس. أنا مش أختك التوأم. أختك التوأم ماتت يوم ما اتولدت. لأنها كانت مشوهة. روح عينيها نزلت دموع بدون أي صوت. بسمة: ماتبكيش ليه بتبكي؟

روح مسحت دموعها: ولو. بس أنا خلاص عاوزاكي أختي. أنا قلبي ارتبط بيكي. مش لازم قرابة الدم. المهم قرابة القلب. وأنا حبيتك قوي يا بسمة. وحسيت إنك أكتر من أختي كمان. أرجوكي يا بسمة ماتمشيش. خليكي معايا. بسمة: أهلي عايشين يا روح. روح بفرحة: بجد؟ أنا فرحت لك أوي. ربنا ها يعوضك بأم وأب يا بسمة. بتبدل ملامح وشها. روح: يعني هاتمشي وتسيبيني يا بسمة؟ خليكي معايا. عيشي هنا. صدقيني هاتكوني مرتاحة. بسمة بتحضنها: لازم أشوفهم يا روح.

روح: ماتقلقيش. أنا هاجيلك علطول. روح: بس أنا مش عاوزاكي تمشي. بسمة بتبصلها: أنا خايفة يا روح. خايفة يكون معاناة جديدة في الطريق ليا. خايفة. روح: ربك ساعات بياخد عشان يجيب أحلى. انتي اتعذبتي في حياتك. وإن شاء الله ها يعوضك بالخير. لأن انتي ماتستاهليش إلا كل خير. بتقوم روح من على السرير وبتتسحب وبتفتح الباب. مرة واحدة بيوقع مصطفي قدامها. روح: إيه ده؟ الأوكرة متربة؟ بتلمعيها ولا إيه؟ مصطفي: أنا... انتي... هوا...

الوضع... إنه... روح: عيلة قوي يا مصطفي. وصلت لكده؟ طب إيه رأيك بقا هاقول ليونس؟ مصطفي: لاه لاه. خلي قلبك أبيض. أنا كنت ماشي لأبي ولا عليا ببص على الباب لقيت صورصار. قربت منه عشان أمسكه عشان خوفت يدخل. وأنا عارف البنات هبلة زيك كده بتخافوا من الصراصير. يعني هو ماحدش يعمل خير في البلد دي. روح: زودتها قوي يا مصطفي. بتقرب منه وبتتكلم بالراحة: شكلك واقع لشوشتك يا معلم. مصطفي: ههه. ماتيجوا. ماتيجوا نفطر سوا يلا.

روح: طب روح حضر الفطار. اجري. مصطفي: بس كده. بيبص على بسمة. مصطفي: طلباتكم أوامر. روح: يلا يا عم الحبيب يلا. مصطفي: روح دي عليها حاجات. بيطلع مصطفي من الأوضة. مصطفي: إيه اللي أنا وصلت ليه ده؟ كيف عملت أكده؟ سامحني يارب. بس أنا شفتها متضايقة امبارح وشوفت روح داخلة عندها وقولت أكيد هاتخبّرها إيه اللي مضايقها. واديك عرفت. وإيه يعني مش بنت عمي؟ مافيش حاجة هاتتغير. حبيتها إياك عشان بنت عمي!

مصطفي فكر في احتمال واحد. وما فكرش إن أهلها الحقيقيين موجودين وهاتمشي وتروح لهم. وما فكرش إنها أكبر منه. وده ممكن يكون عائق في علاقتهم دي. *** كريمة في أوضتها بتكلم كرم. كريمة: ما خلاص بقا يا جالوس الطين. كرم: جالوس الطين في عينك. هو عشان واد رومانسي معاكي واتحب تغلطي فيا؟ لاه يا بنت حشمت. مش أنا اللي أتشتم يا ختي. كريمة: كرررررم. كرم: ودني يخربيت اللي جابوكي. كريمة: اتعدل بقا بدل ودين النبي ما أزعل. وأنا زعلي وحش.

كرم: ماشي. كريمة: رجالة ماتجيش غير بالعين الحمرا. *** بتفطر روح مع بسمة وبتأكلها في بوقها وهي مبسوطة. مصطفي بيبص ليها وهو مبتسم وبيرفع إيده وعاوز يأكلها في حركة لا إرادية. روح: فيه إيه يلا؟ مصطفي بينزل إيده وبسمة كانت بتبص له بصدمة. روح: انت اتجننت ولا إيه؟ مالك اتهبلت أكتر ما انت أهبل. مصطفي قعد يكح. مصطفي: اللقمة وقفت. أنا رايح أشرب. بتضحك روح عليه. روح: الواد واقع لشوشته يا بسمة. بسمة: فهميه إنه مش هينفع.

روح: ليه بقا؟ بسمة: عشان ما يتعشمش على الفاضي. أنا أكبر منه وغريبة عنه. مش بنت عمه زي ما هو فاهم. روح: لاه هو عرف. انتي ناسيه لما كان بيلمع الأوكرة امبارح. بسمة: مش هينفع. هو كده. متشعبط في حبال دايبة. روح: صدقيني مش هتلاقي أحسن من مصطفي. اديله فرصة. وبعدين الحب بيصنع المعجزات. *** بعد ساعات. بتنزل ميرا من العربية مع خالد وبتقف قدام البيت الكبير. خالد بينزل من العربية هو كمان وبيدخل. بيمسك إيدها.

خالد: وقت بسيط بس وكل شيء هايتحل. أنا ماقدرش أسيبك لوحدك وأبقى مطمن. حتى لو مجرد تهديد فاضي. أنا مش هغامر بخسارتك. بتبسم له وبدخل معاه. هي مسامحاه بس بتكابر. هي بتحبه جدا. بس اللي واجعها إنه ما وثقش فيها. إمتى هاتستسلم وتنسى دا. القلب بيحب مرة واحدة مش بيحب مرتين. روح كانت قاعدة في الجنينة مع بسمة. أول ما شافتها صوتت من الفرحة وطلعت تجري عليها. ميرا بقلق: إيه ده؟ ماله دراعك؟ روح: لاه دي رصاصة طايشة أثناء تأدية عملي.

خالد: احم احم. نحن هنا. روح: انت تخرس خالص. ماسألتش عليا يا واطي. خالد: نعم يا ختي؟ ومين اللي كان معاكي في المستشفى من يومين و....... بتقاطعه روح: خلاص خلاص عرفت. خالد: انتي كويسة دلوقتي؟ بطلي حركة عشان.... بتقاطعه روح للمرة التانية: طيب طيب. تعالي أما أعرفك على بسمة. روح: بسمة. دا خالد أخويا في الرضاعة. ودي ميرا البيست بتاعتي. ودي بسمة أختي. ميرا وخالد بيسلموا عليها وبيقعوا.

بتحكي ميرا اللي حصل لها. وروح مصدومة من اللي بتسمعه. وبسمة. روح: كل ده شيلتيه لوحدك؟ وأنا فين؟ ليه ما جيتيش؟ مش إحنا اتفقنا نفضل طول الوقت في ضهر بعض؟ ميرا: أنا عارفة إن كان عندك مشاكل يا روح. بسمة: ماحدش مرتاح. ربنا يعين كل واحد على حاله. خالد: في حياتنا شوية عقارب عال العال. سامية _فاتن _عبد الغني. روح: ضيف عليهم علوان _جمال _فوزية. ربنا يكفينا شرهم. بسمة: ربك ساعات بياخد عشان يجيب أحلى. ليه نزعل بقا.

روح: أنا فرحانة أوي إنكم هاتقعدوا هنا. أنا ناقصني اللمة من زمان. *** في وقت قبل المغرب. بيرجع يونس من الشغل. بيقعد على السفرة. يونس: صفية. حضري الأكل. بيتحط قدامه الصينية. بيبص بيلاقي إيد صفية. إيدها متغيرة. بيبص عليها بيلاقيها روح ولابسة عباية ورابطة دماغها. روح: اتوحشتك يا حبيبي. يونس بيبدأ ياكل ويتجاهلها. بتقعد جنبه على السفرة. روح: أعمل في حبك إيه طيب؟ النمر يقدر يعيش من غير روحه؟ روحه ما تقدرش تعيش من غير النمر.

بيقوم وبيتهاجنل وبييديها ضهره وطالع. روح: عارف أنا هاموت نفسي عشان ترتاح. أهئ أهئ. بيبص عليها برفعه حاجب. روح: والله أطلع أنتحر من فوق الترابيزة يا نمر. وذنبك في رقبتك. يونس بيطلع وبيسبها. روح: أعمل إيه؟ دا انت جاحد يا أخي. بيدخل يونس الأوضة وبيقلع التيشيرت وبيرميه. بيلاقي اتصال جاله. بيرد عليه: أيوه. إيه؟ انت بتقول إيه؟ هربت إزاي؟

بيقفل التليفون بعصبية وهو عارف إن الخطوة الجاية ليها هتبقى خطيرة. ولازم يجهز نفسه. بينزل بسرعة من أوضته على تحت. *** في الليل. في الجنينة. روح: بابا. ده في حتة تانية. عمركوا شفتوا حد أما رجليه تخطي مكان يوسع ويبان أجمل بكتير؟ مجرد ما تشوفه تحس بارتياح فظيع. كان ليا كل حاجة. وهو عندي أغلى حاجة. كان صديق وحبيب وأم وأب وأخ. عارفين لو اتخيرت أدفع عمري كله وأشوفه ساعة بس. أنا موافقة. ربنا يرحمك يا بدري. بسمة: يارب.

ميرا: غياب الأب. صعب. كسر ضهر. ربنا يجمعنا بيهم في الجنة. بسمة: مش عارفة أقول إيه. أنا لسه ما حسيتش بحنانهم لحد النهارده. ولا شوفتهم. تفتكروا هاجي أحكي ليكوا إنهم حنينين وعوضوني؟ ولا العكس. كرم: ربنا يسعدك. بتزغرط كريمة لكرم وهي شايفاه معجب ببسمة. ومصطفي مركز معاها وفي ابتسامة مش بتروح من على وشه. خالد كان مركز مع ميرا وميرا بتحط وشها في الأرض بإحراج. روح: القعدة دي ناقصها النمر. قعدة حبيبة. بيبصوا ليها وبيضحكوا.

روح: هاتتجوزوا امتى يا كرم؟ فجأة صوت ضرب نار وأزاز فيها بنزين متولعة بتترمي عليهم. كلهم دخلوا يجروا. كرم: ها نمووووووت. كريمة: اسكت. خالد: إحنا هانفضل مستخبيين. حد فينا بس يفضل. كرم: أنا هافضل. خالد: انت قاعد بتولول. هاتقدر تحميهم؟ خليك يا مصطفي وتعالى معايا يا كرم. كرم: سيبني والنبي. نفسي أتجاوز قبل ما أموت عاد. خالد بيسيبه وبيطلع مسدسه من جيبه اللي بيدافع بيه عن نفسه وعن عربيتي لأنه بيسافر كتير. كريمة: سبع الرجاله.

كرم: الموت ما فيهوش رجالة يا ختي. بتقدر سامية تدخل بعد ما قتلت هي وجمال الحراس اللي على الباب. بتدخل سامية البيت وبتضرب نار وجمال وراها. بتسمع سامية صوت. بتبص بتلاقي جمال واقع على الأرض ومغمي عليه. وخالد موجه مسدسه ناحيتها. خالد: ارمي المسدس أحسن لك. ارميه. بتنزل مسدسها وفجأة خالد بيصرخ من الوجع. بتكون رشت عليه حاجة على عينيه. بيقعد خالد يفرك في عينيه. سامية: هاجيب الراس الكبيرة وأجيلك.

بتشوف السفرة مقلوبة. بتعرف إن في حد بيكون وراها. بتطلع تجري وبتيجي فجأة وراها مش بتلاقي حد. بتروح ناحية المكتب لأنها عارفة إن شاكر بيقعد فيه. بتدخل عليه مرة واحدة. صوت رصاص كتير. بتقع على الأرض بعد ما أخدت عشر رصاصات. بتملا الأرض دم. بيقوم يونس من على كرسي المكتب وبيقرّب منها. يونس بحزن: شايفه. وصلتيني لفين؟ وصلتيني إنّي قتلت أمي. حرام عليكي. حرام. استكتري علينا نعيش مرتاحين. استكتري عليا. أمي.

بتبصله وهي بتحتضر: بكرهكم كلكم. بكرهكم. بتنزل دمعة من عينيه وهو شايفها بتموت. يونس: لا إله إلا الله. حتى وإنتي بتموتي عارفه بعد ده كله ما قدرتش أكرهك. ربنا يسامحك على كل الوجع اللي سببتيهولي والمشاكل اللي سببتيها لينا. ربنا يرحمك. *** بيكون شاكر بيضرب بالنار معاهم. فاتن في البيت بتدور على ميرا. بتطلع وبتمشي في كل حتة بحذر.

بتكون روح وصفاء وبسمة وميرا وكرم وكريمة مستخبيين في أوضة ورا الكنبة. ومصطفي واقف ورا الباب وجمبه إزاز فيها بنزين مولع وماسك البندقية. كريمة: قوم اقف معاه يا سبعي. روح: هههه. كرم. لا أسمع لا أرى لا أتحدث. كرم: ده وقت هزار. روح: أهو إن متنا نموت بنضحك. كرم بيحس إنه اتهان في رجولته. بيقوم وبيقف جنب مصطفي. مصطفي: معايا يا صاحبي؟ كرم: معاك يا زميلي. الباب بيتزق. بيكونوا مستخبيين ورا الباب. بتدخل فاتن.

بيطلع مصطفي ويتسحب ويضربها على دماغها. بتبص عليه بعصبية وماسكة دماغها. مصطفي: ما فقدتش الوعي ليه؟ ليه؟ بترفع المسدس عليه بعصبية. وهاتضرب. بتصوت بصوت جامد بعد ما كرم رمى عليها الإزازة المولعة ورش كمان من جركن البنزين. بتطلع تجري وهي بتتحرق وبتصوت. كرم: أنا قتلتها. أنا قتلتها. مصطفي: اهدي. اهدي. بس. ضرب النار بيقف.

بيتصاب علوان وبيقع. ويونس بيكون واقف في ضهر أبوه. وخالد بيكون واقف معاهم وعينه حمرا ومش قادر. بس بيساعدهم. بيكون كل الرجالة بقوا على الأرض. وما عدش حد. بيدخل يونس وهو ماسك أبوه وخالد معاهم. يونس: حاولنا كتير معاكوا. بس أذاكوا اتخطى الحدود. إحنا ربنا حمانا. وانتوا اللي رحتوا. عمر الشر ما كان ها ينتصر. لازم الخير ينتصر ولو بعد حين. بينزلوا يجري وكرم مصدوم. فاتن ماتت موتة بشعة محروقة. سامية ماتت بضرب الرصاص من ابنها.

علوان اتصاب في قلبه ومات. أما جمال فمحدش شافه. *** بيمر أيام. روح بتحاول كل ما تقدر تكلم النمر. لكن بيتجاهلها. بس مش هتيأس. اللي بيحب مش بييأس. *** بتدخل ميرا من باب الفيلا ومعاها خالد وحمادة. الفيلا بتاعتها. بصت لها بإنبهار كبير. بعد الشقة اللي في حي فقير. بعد ما كانت بتتعاير بفقرها اللي عمره ما كان عيب. الفقر فقر النفوس مش الفلوس. بقت مليونيرة. ربنا لما بيدي مابيديش بحساب. وخالد معاها متمسك بيها لآخر نفس.

العوض بعد تعب بيبقى كبير. الفلوس مش كل حاجة. هي خير ونعمة من عند ربنا. إنما العوض إن ربنا بيحط لك ناس في طريقك تنسيك قسوة الأيام. تعوضك عن سنين تعبك. تحسسك إنك بتعيش من جديد. خالد: هاتحني بقا وتتجوزيني ولا إيه؟ بقيتي غنية بقا وأنا فقير بالنسبة ليكي؟ بتضحك ميرا. خالد: ضحكت يعني قلبها مال وخلاص سامحتني؟ ميرا: للأسف ما قدرتش أكرهك. خالد: أنا ماتكرهش يا بنت. ميرا: دي ثقة. خالد: لاه كاريزما. ميرا: ماشي يا عم الكاريزما.

خالد: لسه هاستنى شهور العدة. يارب صبرني. *** في الصعيد. بارك الله لكما وبارك عليكما وجمع بينكما في خير. كرم: مبروك يا عروسة. كريمة: الله يبارك فيك. كرم: أنا مش مصدق إننا فرحنا بكرة. كريمة: ما عمي شاكر عجل الميعاد عشان روحت تندب له. روح: مبروك. ربنا يتم عليكوا بخير. الكل بارك لهم وهم قاعدين على الكنبة. بسمة ومصطفي ويونس وشاكر وصفاء. والتجهيزات شغالة للفرح. ويونس مكمل على مبدأه. وروح بتحاول معاه بس بيتجاهلها. ***

في الليل. بيعزف على جيتاره. موجوع. بيبص بيلاقيها جنبه. روح: طب فضفض. لو ما كنتش عملت كده كان هايبقى العكس. صدقني ما غلطتش. بيمشي وبيسيبها. روح: أنا خلاص تعبت بقا. *** في الصباح. بيعملوا الحنة وروح وبسمة بتتحني وهما مبسوطين. أجواء احتفالات ورقص. كريمة كانت لابسة فستان دهبي وسايبة شعرها. كانت طالعة جميلة. بيجي كرم وبيرقص معاها وبيكون أول مرة يشوف شعرها الطويل وبينبهر بجمالها. بتكون بترقص معاه ومبسوطين.

كرم بضحك: أنا متفائل. بيعدي الوقت وبيجي الليل. روح بتلبس فستان لافندر طويل وكمامة شفافة بس مقفول وبتعمل شعرها فورمة. وتنزل. قصة بتكون قمر. أما بسمة بتلبس دريس واسع لونه سماوي وبتلبس حجابها عليه بدون ميكب. بتكون جميلة جدا ببشرتها القمحية. بتنزل روح بتقابل بسمة وهي طالعة من أوضتها. روح: إيه القمر ده؟ بسمة: وأنا أجي جنبك إيه؟ بسم الله ما شاء الله. روح: تفتكري الراجل الجاحد ده هايحن بقا؟

بسمة بضحك: أكيد مش ها يقدر يقاوم الجمال ده. روح: جمال مين دا أنا عملت صعيدية وخليجية ونانسي عجرم ولا اتهز شعرة فيه. بس أنا هافضل صامدة. بتنزل روح وبسمة. ومصطفي بيكون واقف لابس بدلة. بيك بفتح بوقه وهو مبتسم وبيقرب منه. روح بضحك: يحنن. بيرجع لورا وهو بيضحك. بتدور روح على يونس مش بتلاقيه. البيت مليان ناس. بتطلع بره في الفرح. بتلاقيه واقف لابس بدلة بهيبته وغموضه.