رواية صعيدي علمني الأدب الجزء الثاني الفصل السابع 7 - بقلم حنين عادل

بتحضنه بالجامد... بدر: وحشتيني يا بنت الـ... بيحوش النضارة... روح: انت كويس؟! بدر: الحمد لله تمام. روح: يارب دايما يا حبيبي... اتبسطتي؟ روح: جدا... بيجي يونس بعد ما وقف العربية وشال كام شنطة. يونس: عمي... وحشتني. بدر: بقا كده يا بكاش. يونس: أيوه طبعاً. بدر: هههههه المهم اتبسطتوا؟ يونس: آه... أومال. بدر: أكيد طلعت عينك. يونس: ابداً... دي نسمة. بدر: آه، هاتقولي ههههه... روح: طيب هاروح آخد شاور وراجعة.

بدر: روحوا ارتاحوا شوية، انتوا جايين من سفر. روح: لا أنا هاخد شاور وهاجيلك لأني عندي كلام كتير مش هايخلص وعايزة أقعد معاك كتير. بدر: هههههه طيب يلا... بتطلع روح تجري على جوا. يونس بيقعد على الكرسي اللي جمب بدر. يونس: إيه يا عمي شكلِك تعبان. بدر: أنا كويس يا عمي. يونس: أنا مش فاهم ليه ساكت ومش بتدور على نفسك؟! بدر: ساكت إيه؟

أكيد حاولت كتير وروحت لدكاترة كتير، كنت بحاول مش عشان الحياة غالية لأ، عشان روح مش عايزها تحزن. روح: أحزن؟ ليه؟ بدر بيبص وراه وهو ويونس متوترين. روح: أحزن ليه؟ في إيه يا بابا أنا قلبي مش مطمن. بدر: مفيش حاجة يا حبيبتي. يونس: أصل أبويا تعبان شوية يا روح وعمي بيقول إنك لو عرفتي هاتزعلي، يعني... روح: تعبان ماله؟! يونس: تعبان يا روح، ادعيله ربنا يقومه بالسلامة. إنتي كنتي جاية ليه؟ روح: نسيت آخد الهدوم. يونس: طيب...

روح بتاخد الهدوم وبتمشي. بدر بعد ما شافها مشيت: يونس. يونس: أيوه يا عمي. بدر: أوعي يا يونس تقول لروح حاجة. يونس: ماتخافش يا عمي. بدر: كنت متأكد إنك أكتر واحد أستأمنه على بنتي، لأنك هاتصونها وهاتحميها. أما حكاية تحبها، فـ أنا واثق إن بنتي هاتخليك تعشقها. يونس: فعلاً أنا عشقتها يا عمي. بدر: حافظ عليها يا يونس، واتحمل جنانها وعصبيتها وعنادها، هي عمرها ما بتيجي غير باللين والحنية. عايز أموت وأنا مطمئن.

يونس: ربنا يديك طولت العمر يا عمي، إن شاء الله هاتشيل عيالها وتجوزهم. بدر بص للبحر بشرود... ويونس... يونس بيقوم من جنبه وبيدخل الشاليه، بيفضل يفتح الأوض يدور على روح. بيفتح أوضة وبيلاقي روح فيها، وروح لابسة بيكيني. روح: يا فضيحتي... يونس بغمزة: العب يلا... *** في بيت متوسط... بتدخل البنت اللي اتشاكلت مع مصطفى. بيكون قاعد راجل كبير في السن. بسمة بتروح عليه وبتبوس إيده. بسمة: إزيك يا جدي، اتوحشتك.

الجد: للمغربيه في الجامعة؟ دي جامعة إيه دي؟ بسمة: كان عندي محاضرات كتير يا جدي. الجد: الوضع ده مابقاش عاجبني. بسمة: ليه يا جدي؟ أنا الحمد لله الكل بيشهد بأخلاقي وإني متفوقة في الكلية وماحدش يقدر يقول نص كلمة غير أكده. الجد: أنا جاي النهاردة عشان أخبرك إنك هاتتجوزي. بسمة: هاتجوز؟! الجد: ولد عمك وهدان، من وإنتي صغيرة وانتي ليه وهو مستعجل على الجواز. بسمة: بس أنا ماعوزهوش، ده بتاع بنات. الجد: الراجل ما يعيبهوش غير جيبه.

بسمة: لاه يا جدي، الراجل ما يعيبهوش جيبه، الراجل يعيبه أخلاقه، لو مش محترم يعيبه دينه، لو مش قريب من ربنا. يعيبه قلبه لو مليان كره وحقد وكبر. عمر الفقر وقلة الفلوس ما كانوا عيب. الجد: علمتك وكبرتك عشان تيجي على آخر الزمن وتعلميني كيف أتحدد.

بسمة: العفو يا جدي، إنت على العين والرأس، وكلمتك لا يمكن أكسرها حتى لو على موتي، بس أنا بعتبرك أبويا وأخويا وسندي وضهري ودنيتي كلها بعد ربنا. أخلص الجامعة ونفتح الموضوع، وعاعمل اللي يعجبك، بس ارجوك يا جدي راجع نفسك تاني، أنا حبيبتك بسمة اللي اتربيت على إيدك من وأنا صغيرة.

الجد بيبصلها: إنتي عارفة غلاوتك عندي قد إيه، بس خليكي خابرة يا بسمة إن إحنا هوارة، يعني مابنديش بناتنا لحد غريب. كملي جامعتك، بس خليكي خابرة إنك في الآخر لولد عمك. بتبصله بسمة بحزن... القدر بيفرض علينا اختيارات صعبة، اختيارات تحس إنها غير قابلة للتغيير، وتحس إن مهما عملت في حياتك مرجوعك للصفر تاني. قليل أوي اللي بيقدر يغير مصيره ويتحدى الظروف. يارب اجعلنا منهم. *** في أوضة روح... يونس قاعد وروح فوق رجله.

روح بتضحك بصوت عالي. يونس: فضحتِينا يخربيتك. روح: أنا قبل الجواز كنت بتحرج وكده، ويمكن إيدي ماكنتش بخليك تمسكها، بس كنت ناوية لما أتجوزك أقفل عليك الباب ما أطلعكش إلا وعندنا 3 عيال. الله! بحبك يا نمر. يونس: ليه؟ روح: بحبك ليه؟ يونس: أيوه. روح: بص يا سيدي، اكتشفت حاجة غريبة أوي هههه. يونس بضحك: إيه هي؟ روح: إن الحب اللي بجد مش هو الحب الأول. يونس: إزاي؟

روح: الحب اللي بجد هو الحب الأخير، حب الشخص اللي قدر يلملم جروحك ويرجعلك ثقتك بنفسك، الشخص اللي كان لك العوض بعد الوجع والخيبة وفقدان الأمل، الشخص اللي شال معاك همومك وحاول يصلح اللي اتكسر جواك. الشخص اللي شاف فيك الحلو في الوقت اللي إنت كنت شايف فيه الدنيا كلها وحشة. الشخص اللي حبك وإنت مستهلك ومستنزف. الشخص اللي اتمسك بيك بالرغم من كل الظروف، مش اللي سابك في أول محطة. وإنت الشخص ده يا نمر.

يونس: إيه الكلام الجامد ده؟! روح: عشان من القلب للقلب، واللي بيطلع من القلب ما فيش أحلى منه! يونس: إحنا الاتنين شبه بعض أوي، متشابهين جداً، حتى في الظروف. إنتي اتربيتي من غير أمك وأنا كذلك. روح: أيوه... بس ربنا عوضنا. بابا ما فيش أحن منه، وعمي شاكر ربنا يخليهولك. يخربيتك! نسيتني! بقالنا ساعتين قاعدين. أروح أقوله إيه؟ أودي وشي منه فين! يونس: إيه؟ هو أنا شاقطك؟ إنتي مراتي! روح: أروح أقوله كان بيستفرد بيا!

يونس بضحك: ده أنا برده هههه. روح: الله! هو أنا شاقطاك؟ مش جوزي حلالي بلالي؟ يونس بيضحك عليها. بتقوم تعدل شعرها وبتطلع. *** في أوضة كريمة... في مكالمة تليفون. كريمة قاعدة على السرير. كرم: عايز أفهم ليه حاسسِك متغيره. كريمة: ما فيش يا كرم. كرم: احكي يا كريمة، ماتبنيش مابينا سد، ده إنتِ عندي أهم من أي حد. كريمة: مش أنا اللي متغيره يا كرم. كرم: أومال مين؟ خالتك؟ كريمة: يا ظريف. كرم: يا لطيفة. كريمة: يا خفيف.

كرم: يا زرافة! مش هانخلص بقى؟ خبريني! كريمة: ما هي دي المشكلة! كرم: هي إيه؟ كريمة: المشكلة إنك مش عارف المشكلة. كرم: يا سلام! فعلاً مشكلة كبيرة أوي بردك. كريمة: اتقلبِت عليا، ما ده بردك من ضمن المشكلة يا كرم. كرم: استهدي بالله. كريمة: لا إله إلا الله. كرم: صلي على النبي. كريمة: اللهم صلي وسلم وزد وبارك على سيدنا محمد. كرم: اذكري الله. كريمة: جري إيه يا كرم؟ أنا مسلمة والله.

كرم: احكي بقى كل اللي مضايقك، مش عاوزين تراكمات في العلاقة، التراكمات بتهد أي علاقة. بس أنا مستغرب من حاجة قوي. كريمة: إيه هي؟ كرم: مستغرب إنك زعلانة ومتضايقة من حد قمة في اللذاذة والجمال زيي. كريمة: غشيمة بقا، سلام. كرم: خلاص، خلاص، ماتزوقيش عاد. كريمة: بص يا كرم أنا... أنا... أنا... ممكن تشوفني هايفة في الحديث، اللي عاقلة أو ده جلَع بنات، بس لاه... أنا... متضايقة لأنك محسسني طول الوقت إني... إني... إني يعني...

مش خابرة كيف أوصلهالك! كرم: خخخخخخ. كريمة: كرم! كرم! انت نمت يا حزين. تصبح على خير يا... قلب كريمة. *** في الساحل... بتطلع روح تبص في الشقة على أبوها في الشقة مش بتلاقيه. روح: معقول كل ده لسه قاعد على البحر؟ آه، عارفة أبويا راجل رومانسي! بتمشي روح لحد ما بتطلع على الشط، بتلاقيه قاعد على الكرسي. بتقعد روح على الكرسي جنبه. روح: إيه يا بدر؟ إيه كل دي قعدة؟

عارفة إنك رومانسي، بتحب البحر والسما وكده، وعارفة إنك كنت بتكتب أشعار وكده. يا عم الشاعر! والنبي أمي لو ربنا كان طول في عمرها لكانت هاتدلع آخر دلع والحياة هتبقى آخر لذاذة ذا ذه... بابا... بابا، في إيه؟! بتقوم روح بقلق، بتحوش الطاقية وبتقلعه النضارة. روح: بابا... بابا مالك؟ اصحى... بابا... بتبدأ روح عينيها تنزل دموع. روح: بابا، إنت بتهزر صح؟

إنت عامل فيا مقلب زي المقالب اللي كنت بعملها فيك، بس مش حلو خالص. ارجوك اتكلم. بتحضنه روح وهي بتعيط. روح: طب بص، أنا قعدت على رجلك أهو، يلا العب لي في شعري زي ما كنت بتعمل، وقولي حبيبتي المجنونة اللي جننتني. يلا فتح عينيك بقى... بتنام على صدره. روح ببكاء: بابا، ليه دقات قلبك مش زي دقات قلبي؟ فاكر وأنا صغيرة لما كنت بقولك إن قلبك شبه قلبي؟ بابا... بدر، يا نمر! بتبدأ تزيد في العياط.

بتقوم وبتحاول تفوق فيه، بتجيب شوية ميه من البحر وبترشها على وشه. فجأة بتقع على الأرض وهي بتصرخ بأعلى صوت: باااااابااااا! بااااابااااا! ليه يا بابا؟ أنا ماليش غيرك، هاتسيبني... بيجي يونس يجري بعد ما سمع صوتها. يونس: إيه؟ في إيه؟ بيقرب من بدر وبيحط إيده على قلبه وعلى النفس. يونس: عمي بدر، لا إله إلا الله. إنَّا لله وإنَّا إليه راجعون. روح: لااااااا! هوا عايش، هوا ماتش!

مش ها يسيبني، مش ها يسيب روحه، مش ها يسيب حبيبته المجنونة. بتقوم تجري عليه وتحاول تفوق فيه. روح: اصحي ارجوك، يلا يا نمر بسرعة بسرعة نوديه للدكتور، هوا عايش بس عنده السكر، فااااااايق! يمكن غيبوبة، يلا يا نمر يلا بسرعة. يونس بص لها بألم وطلع تليفونه رن على الإسعاف. روح بتقرب من بدر. روح بدموع: بابا اوعي تسيبني يا بابا. اح... إحنا هانروح المستشفى وهاتبقى تمام. بتزيد شهقاتها. بس اوعي تسيبني.

بيجي الإسعاف وروح بتركب ويونس بيحاول يهديها. روح وهي قاعدة في الإسعاف بتبكي: ما تخافش يا حبيبي. إن... إنت هاتبقى كويس وهاترجعلي أحسن من الأول. أنا بحبك أوي. إنت مش هاتسبني، صح؟ عشان إنت بتحبني. بيوصلوا المستشفى. الدكتور: البقاء لله! روح: لااااا! بابا عايش، ده مين ده؟ أكيد قصده حد تاني، بيحصل غلطات. شوف يا نمر. يونس: روح... روح: لا، بابا عايش، دا مين ده؟ هوا تعبان، بس هوا عايش. يونس: روح... هاتعترضي على قضاء ربنا؟

روح: لأ... ربنا عادل ومش هايحرمني منهم هما الاتنين. يونس: روح اهدي... روح بدأت تترعش وتقول كلمات مش مفهومة ووقعت على الأرض. يونس بصدمة: روح...