رواية صعيدي علمني الأدب الفصل الثامن 8 - بقلم حنين عادل

بيلم يونس الرجالة وبي مشي وهما وراه وبيفتشوا بكل بيت في البلد. بيخبطوا على بيت بيت وبيفتشوه، ويونس أول واحد بيدخل. وماحدش قادر يمنعه لأنه النمر ابن العمده اللي ماحدش يعرف يقف قدامه في عصبيته وعقيد في الشرطة. يونس بعصبية: هيا فين؟ انت فين يا روح؟ *** طلع روح وكرم من البيت وركبوا العربية. كرم: ليه عاتبكي دلوك عاد؟ روح: حيوان ربطني بالحصان وشدني وراه وكمان خلى التعبان يقرصني، تفتكر ده بني آدم؟

كرم: أهدي، كل حاجة هتبقى تمام، بس مش الحل إنك تهربي. روح: مش الحل، بس حل مؤقت، استني لحد ما يموتني يعني. كرم: لأ، بعيد الشر عنك يا قمر. روح: من ساعة ما كنت في البيت عندكم وأنت بتقولي يا قمر، أنا اسمي روح. كرم: قمر لايق عليكي أكتر. روح: خليها روح أحسن. كرم: طيب، أنا هاوديكي محطة القطر، هتعرفي تروحي القاهرة لوحدك؟ روح: أيوه هعرف، بس المهم أطلع من البلد دي. *** يونس بعصبية: إزاي يعني؟ الأرض انشقت وبلعتها؟

الغفير: دورنا عليها في كل البلد يا يونس بيه، عانعمل إيه دلوك؟ يونس: مفيش عربية تخرج ولا تدخل إلا ما تتفتش، ودوركم انتهى لهنا وأنا اللي عليا الباقي. الغفير: أمرك يا بيه. *** في محطة القطر. كرم: حجزتلك تذكرة القاهرة، تحبي أجي أوصلك؟ روح: لأ، كتر خيرك. كرم: هتسافري؟ آخر كلام، ماتشوفي حل تاني، مش لازمن السفر. روح: ده اللي عرفت أفكر فيه دلوقتي، شكراً يا كرم، كتر خيرك. بيطلع كرم ورقة وقلم وبيكتب فيها.

كرم: ده رقمي، إن عزتي حاجة. بتاخد روح الورقة بابتسامة. بيطلع من جيبه فلوس. كرم: خلي دول معاكي. روح: كتر خيرك يا كرم، بس أنا ما أقدرش آخد منك فلوسك. كرم: أنا عارف إنك مش معاكي دلوقت وما عملتيش حسابك، وعلى العموم اعتبريهم سلف. روح بإحراج: شكراً يا كرم. القطر بيجي وكرم وروح واقفين. بتدخل روح وكرم بيطمن عليها وبيفضل واقف. خمس دقايق والقطر بدأ يمشي وبيزمر.

روح بتفكير: كان أكبر غلطة في حياتي إني جيت هنا، أنا ماشية يا بابا عشان لو فضلت هاموت لك النمر الحيوان ده. كرم بعد ما اطمن عليها والقطر طلع، مشي. القطر مشي وروح غمضت عينها وارتاحت. لقت القطر وقف مرة واحدة. روح استغربت. وبصت ناحية الشباك. "هربانة على فين يا بت عمي؟ اتسعت عيونها من الصدمة وبصت جمبها. لقيته واقف مربع إيده ببرود. روح بعصبية: إنتِ عايز إيه؟ إنت مالك بيا؟ إنت بارد، سيبني في حالي بقا.

يونس بعصبية: صوتك ما يعلاش. بيشدها من إيدها وبيمشي، وبتمشي وراه بتحاول تفك إيدها مش بتعرف. روح بعصبية: سيب إيدي يا حيوان. بيضغط على إيدها جامد بعصبية. بتوطي دماغها وبتعضه جامد في إيده. بيشد إيده بيلاقي إنها بتطلع دم من عضتها. بتجري منه، وهوا بيجري وراها. يونس: روووووح، وقفي، وقفي أحسن لك. بتفضل تجري، كل همها إنها تهرب منه، وبتدخل في الزحمة عشان ما يشوفهاش. *** شاكر: ما خلاص بقا يا بدر، خبرتك إن يونس عيرجعها.

بدر: أنا اللي غلطان من البداية وعايز أغير طباع في يوم وليلة، صدقني لو حصل لبتي حاجة مش هاسامحك أنت وولدك ولا هاسامح نفسي. *** روح فضلت تجري وتجري ومش عارفة هيا فين لحد ما قرأت لوحة مكتوب عليها: مركز شرطة. اتنهدت بارتياح. ودخلت. العسكري: رايحة فين يا آنسة؟ روح بتنهيدة: عا..عاوزة أعمل بلاغ، عايزة حد كبير هنا، أنا عايزة حقي يا حكومة. العسكري: طب أهدي، اسمك إيه؟ روح: روح بدر النمر. العسكري بيقوم من مكانه.

العسكري: اتفضلي في المكتب أهنه لحد ما الظابط ييجي لك. بيمسك العسكري تليفونه. لقت روح مية على المكتب، فتحت الإزازة وشربت. بعدها بـ 10 دقايق دخل الظابط. روح قامت وقفت. الظابط: اتفضلي اقعدي. روح قعدت. الظابط: ها، خير؟

روح: أنا عايزة حقي يا حضرة الظابط، أنا عايزة حقي يا حكومة من المجنون ده، ده ربطني في الحصان وجرجرني وراه وضرب عليا نار واتحرش بيا وكان عايز يغتصبني، ماسابش حاجة وحشة واللهي إلا وعملها، أغيثوني، أنقذوني من الطور الهايج ده. الظابط: أهدي بس أكده. بيضغط على زرار قدامه. الظابط: يا عسكري، هات اتنين ليمون. الظابط بإعجاب: انتي اسمك إيه؟ وباين عليكي إنك مش من هنا، انتي منين ومين اللي اتجرأ وعمل أكده؟

روح: اسمي روح، فعلاً مش من هنا، أنا من القاهرة، وهوا خطفني. هوا شكله مجرم وهربان من مستشفى المجانين، أه واللهي. الظابط: ما تخافيش ولا تشيلي هم، أنا أحميكي. روح: بروح؟ الظابط: نعم؟ روح: عاوزة حقي يا حكومة، عايزة حقي، ولا أكمني لا ليا قريب ولا حبيب ولا غريب. الظابط: هافتحلك محضر وقولي التفاصيل. روح: ماشي، أنا روح بدر النمر. الظابط: النمر؟ انتي تعرفي يونس النمر؟ روح: ماهو ده يبقى... بيقاطعه كلامها حد بيخبط.

الظابط: ادخل. بيدخل يونس، وروح بتقف من صدمتها. الظابط: تمام يا فندم. بتطلع روح تجري تقف ورا الظابط. روح: تمام إيه ده مجرم؟ الظابط بصوت واطي: يخربيتك، ده العقيد يونس النمر. روح: عا..إيه، لا إله إلا الله. يونس بعصبية: تعالي أهنه يا روووح. طلعت روح من وراه ووقفت بعيد. الظابط: الآنسة يا فندم كانت بتقول إن مجرم ومجنون وهربان من مستشفى المجانين خطفها من القاهرة وكان بيجري وراها. روح بتوتر: يعني لازم التفاصيل؟ منك لله.

الظابط: بتقولي حاجة يا آنسة؟ روح: الطموووح حلو. الظابط بابتسامة: هوا في أحلى من كده؟ يونس برفعة حاجب: نعم؟ بتقول حاجة يا حضرة الظابط؟ الظابط وهو بيبص لروح اللي راحت غمزاله: الطموح حلو. يونس: نعم؟ الظابط: احم، لا ولا حاجة يا فندم. آسف. يونس: لو فتحت محضر، قفله. روح تبقى مرتي. روح: ولا أعرفه يا ظبوطة. يونس بيقرب من روح وبيحط إيده على كتفها: انتي لسه زعلانه مني يا حبيبتي؟

روح: ما تصدقوش يا حضرة الظابط، مش جوزي، وحتي لو عقيد مافيش حد أعلى من القانون، مش بتقولوا كده؟ يونس: لسه شايلة مني يا حبيبتي. الظابط بابتسامة: ربنا يسعدكم. مبروك يا سيادة العقيد. ماحدش عرف يعني. يونس: لسه كتب كتاب ما عملناش فرح. الظابط: ربنا يهنيكم. يونس بيمشي وروح معاه لحد ما طلع بره مركز الشرطة. يونس: لينا بيت يلمنا. روح: مستعجل ليه على رزقك يا نمر؟ ماتصبر. يونس: قصدك إيه؟

روح: هتعرفه قريب يا يونس بيه. وحوش إيدك بدل ما أكسرهالك. يونس: اكسريها كده ووريني. روح: حاضر. طاق طاق. فجأة إيده بقت ورا وطرقعت. بعدت عنه. روح بضحك: عاوزة أعرف بقا روحت شرطة إزاي؟ أكيد غشيت يا غشاش. مسك إيده بألم ومسكها بالتانية، فتح العربية ورماها فيها وركب. روح: ما براحة الله. *** شاكر: عاتروح على فين بس يا بدر؟ بدر بعصبية: عاروح أدور على بتي. شاكر: يونس كلمني ولقيها. بدر: وساكت يا شاكر؟ شاكر: لسه مكلمني دلوقت.

بدر بقلق: هيا بخير؟ شاكر: زي القرده. *** بينزل يونس من عربيته وبيقفّل على روح العربية. روح: راح فين العجل ده؟ بيرجع بعد نص ساعة. بتكون روح نايمة. بيسوق العربية. روح بتصحي. روح بضحك: هههههه، اتكسر واتجبس، إيه الجمال ده؟ لأ، أنا كبيهرة انبهرت بنفسي ولسه يا نمر هاوريك. بيوقف بالعربية مرة واحدة بعصبية لدرجة دماغها بتتخبط. روح: آآآه، مش تحاسب. يونس: حسابك تقل معايا أوي. روح باستفزاز: الحساب يوم الحساب يا روح قلبي.

يونس بعصبية: ما أسمعش حسك واصل. روح بتبص من الشباك وهيا بتضحك. بيكمل يونس سواقة وهوا متعصب. *** بدر: عوقوا قوي. شاكر: فاتهم في الطريق يا خوي. بيدخل يونس وروح. بدر بيجري على روح وبيحضنها وروح بتحضنه وبتعيط. شاكر: ماله دراعك يا ولدي؟ يونس: بخير يا بويا. بدر بيبعد عنها وبيسأل عليها: انتي بخير؟ روح ببكاء: وأنا هبقى بخير طول ما أنا هنا يا بابا. بدر: خلاص يا بنتي، أنا آسف، أنا اللي غلطت إني جبتك هنا. إحنا هنرجع تاني.

روح: بجد يا بابا؟ بدر: أيوه بجد، أنا ما عنديش أغلى منك. روحي جهزي شنطك.