رواية صعيدي علمني الأدب الفصل الأول 1 - بقلم حنين عادل

نعم ..عايزني اتجوز صعيدي يا بابا؟!! وماله الصعيدي يا بنتي؟ يرضيك بنتي الرقيقة الكيوت اللي تقول للقمر قوم وأنا أقعد مكانك تتجوز صعيدي ..دا لما أضايقه هيضربني ويقولي أصل دمنا حامي .... وانت تضايقيه ليه؟ بلاش دي ده هيفضل طول النهار يقولي وه وه..ليه كلب هوا.. ياسلام لو جولدن.. ايه بتحبي الجولدن؟ اه بموت فيه..استني أنا مش هتجوزه يا بابا.. ليه؟! ده هيجبرني أتغمغم وألبس النقاب ويعملي فيها هشام الجخ ويقولي

(طب لو عندك حتة ماس هتخليها مداس للناس ولا هتقفلي أوضة عليها بميت ترباس) يرضيك يا والدي.... اه يرضيني.. طب ممكن أعرف ليه أنا بالذات اللي اتجوزه وإيه سر القرار المفاجئ ده؟ مش هقولك.. يا والدي يا حبيبي ده هيبقي مقفل ويطلع عليا اللي عملته في 4 خطابي .... هتتجوزيه يعني هتتجوزيه. يا بابا ده هيلبس العمة والجلابية وهيحرجني قدام صحابي يرضيك ....

إيه يا بت انتي مستعرية من الصعايدة انتي ناسيه إنّي صعيدي اياك ولا إيه وانتي كمان وابن عمك شاكر أولى بيكي.. مش موافقة ها شوف هتجوزيهوني ازاي وان الحيت عليا ههرب... لازم حد يربيكي من أول وجديد لاني غلطت لما دلعتك زيادة خليتك مستهترة واهم حاجة عندك المظاهر ونسيتي الجوهر ونسيتي إني أبوكي خلاص أنا مت ما عدش ليا كلمة.. بابا يا حبيبي انت على العين والراس بس مش جواز مرة واحدة خلي فيه فترة خطوبة حتي..

عشان تطّفشيه زي اللي فاتوا.. انت تعرف عني كده.... ايوه.. خلاص إيه اللي مخوفك بقا 😂..طيب اعملي حسابك هنسافر البلد بكرة.. وجامعتي أنا مقدرش أقعد يوم منها انت عايزني أسقط.. واللهي نفس اللي بتتكلم بتعيد في تالتة بقالها سنتين.. احم..طب هنقعد قد إيه.. شهر ونحدد الفرح.. بصوت واطي: كويس أوي دا أنا أطفش بلد في شهر😈.. بتقولي حاجة؟!! لا يا حبيبي بقول لا إله إلا الله..محمد رسول الله..

أنا روح بدر النمر طالبة في كلية تربية اللي بصراحة مش بروحها غير عشان أقابل أصحابي وبس مامتي متوفية من وهي بتولدني وبابا هو اللي رباني إنسانة مستهترة زي ما بابا بيقول بس ليها معنى تاني عندي أخده الحياة ببساطة أو بمعنى تاني بكبر الجي وروق الدي مش عندي ثقة في حد ولا عندي ثقة في الحب ولا الجواز لأني حبيت واتجرحت بس بابا مصمم إني أتجوز طفشت 4 عرسان والخامس جاي............................ خلاص مصمم برده... ايوه..

يا بابا بقي تدفن جمالي الفتاك ده في الصعيد.. جمالك ولا جمال عبد الناصر ههههه جمال إيه يا بت.. جمال إيه ده أنا عسل أنا لا فلات ولا كيرفي وسط طويلة ممشوقة القوام شعري بني وعنيا خضرا وبيضاء عايز إيه أكتر من كده.... هوا إيه اللي مشوقه ده دي حاجة كويسة.. مشوقة أركب العربية يا بابا ربنا يرضى عليك 😒.. وعليكي يا ختي.. كل دي شنط ده شهر مش سنة..

يا سلام مش حاطة هدومي وشرباتي وفوطي وكريماتي وكتبي ومجلاتي ودفتر الرسم بتاعي ومشروباتي واللاب توب والإيباد والتابلت ولو كان ينفع أجيب الرواتر كنت جبته 😐.. وليه كل ده.. عشان إحنا داخلين على أيام سودة😢.. يا ساتر يا رب عليكي.. بعد 4 ساعات..وصلنا.... وصلنا يا بنت اصحي.. وصلنا فين يععع..... إحنا هنا في سوهاچ.. يا بابا واللهي حرام عليك أنا أعيش هنا جمب الجاموس والبقر ده استحالة 😭..

دي أحب الأماكن على قلبي بحس براحة نفسية هنا.. يابابا والنبي.. العربية وقفت قدام بيت كبير..يا عبده اركن العربية. لقينا راجل ومراته واقفين مستنينا.. شاكر: بالحضن ياخوي اتوحشتك كل دي غيبة.. لو كنت اتوحشتني صوح كنت چيت وطليت عليا.. شاكر: مشاغل واللهي يا خوي.. اذيك يا عروسة.. أهلاً يا عمي.. مرات عمي نزلت فيا بوس يععع.. مرات عمي: اذيك يا حلوة ده انتي زي لهطة الجشطة..

قبل ما نخش كنت دايسة على حاجة ريحتها مقرفة جداً تقريباً بيبي جاموسة.. مسكت بوقي مش قادرة هارجع.. الحمام بسرعة بسرعة.. جوه على ايدك اليمين.. طلعت أجري ودخلت الحمام بعد ما قلعت الشوز وجبت كل اللي في بطني.. غسلت وشي وطلعت من الحمام.. بلد مقرفة إيه الغلب ده يا ربي ولسه أما أشوف العريس أكيد هايبقى يععع كل ما أتخيل العمة والجلابية يععع.. خبطت في واحد ومن شدة الخبطة وقعت على الأرض..

آه يا ضهري أنا مش مرتاحة أساساً مش تبص قدامك يا أعمى.. أعمى.. يونس النمر تجوليله أعمى دا انتي ليلة أهلك سودة ماهيطلعلهاش نهار واصل انتي مين يا بجرة انتي.. بابا عاااا😭.....