رواية صعيدي علمني الأدب الفصل السادس 6 - بقلم حنين عادل

روح ببكاء: ابعد عنييييي يا بااااابا. ابتسم يونس بنصر. وتاه في عينيها. وقرب منها وباسها في شفايفها. بعد عنها بألم وشفايفه بتنزل دم. روح: هههههههههه هههههههههه. يونس بصلها باستغراب. روح: هههههه انت فاكر انك كده بتخوفني يعني مش قولتلك انت غلبان. زقته بعيد عنها. روح: قلتلك مش بخاف منك يا نمر. روح النمر مش بتخاف من أي حد. اه صحيح انا بنت بس مش ضعيفة. أي بنت مكاني كانت خافت وعيطت بس مش أنا.

بيقرب منها بعصبية وهوا بيمسح بوقه. روح بتحدي: زود علي ده انك استحالة تعمل كده وانا عارفة. أنا مش صغيرة وشوفت ناس كتير وعارفة عينتك يا يونس. يونس: وايه اللي خلاكي واثقة أكده. روح: مش هاتكسر ثقة عمك الحاج فيك وعن كلامه عنك إنك الشهم والجدع واللي لا يمكن ترجع في كلامك أبدا. يونس بهدوء: لا هرجع عشان أربيكي وهابقي أصلح غلطتي. بيقرب منها وعصبيته عامياه عن اللي هايعمله. ااااااه. بيبعد عنها وبيحط إيده على رقبته.

يونس: إيه الغباوة دي. روح: أنا اتضحك عليا والله اتضحك عليا. يونس: اتضحك عليكي في إيه. روح: هاحكيلك اصل أنا بلعب كونغ فو باندا وصارفه ومكلفة يعني واتعلمت إن الحركة دي بتموت علطول. جربتها عليك وماموتش يبقي اتضحك عليا ولا لأ. يونس بعصبية: عاوزة تموتيني يا بت عمي. روح: ما انت عايز تغتصبني يا ولد عمي كده خالصين بقا. يونس بعصبية: لاه مش خالصين. روح: ولا اوعي.

لا بجد اوعي إنك تفتكر إنك تعرف تعمل معايا حاجة مش عاوزاها أو مش على هوايا دي تبقي هبة منك على الآخر. يونس: عتعملي إيه يعني. روح: لا من جهة هاعمل هاعمل كتير وهازعل وهاجيب ناس تزعل معايا. بيقرب منها و. بدر: ياشاكر فاته إذاها دلوك. شاكر: وه. جمد قلبك حبة يا أخوي. بدر: هما فين وليه ما بنسمعلهمش صوت واصل. شاكر: لأنه واخدها في الأوضة السودة. بدر: وايه الأوضة السودة دي.

شاكر: أوضة عازلة للصوت وعتمة ما بيدخلهاش كتير إلا لما يتعصب قوي أو يفتكر حاجة. بدر: يا دي الوقعة الطين وساكت ما خبرتش ولدك لما يكون متعصب بيعمل إيه. شاكر: قلتلك أهدي ومتخافش. بدر: فين الأوضة دي أنا طالع فين. طاااخ. طااااخ. طااااخ. صوت ضرب نار. روح نازلة بتجري وهو بيجري وراها وبينشن وهي بتطنطط قدامه. روح: بااااابااااا الحقني من المجنون ده بسرعة. يونس بيجري وراها وبيضرب بالنار وكانت هتيجي فيها. راحت روح وقفت ورا أبوها.

بدر: فيه إيه يا يونس قلتلك مية مرة متمسكش السلاح وإنت متعصب. يونس: هاموتها يا عمي دي بت قليلة الرباية. روح بصت من ورا أبوها: طب بس ما تغلطش كده انت بتغلط في بابا يعني بابا مالهوش لازمة واصل أكده ومايعرفش يربي أخص. بدر: كتر خيرك يا ولدي. بصت روح ليونس وطلعت لسانها. يونس بعصبية: انت ما بتعرفش عملت إيه يا عمي. بدر: عملت إيه. روح بصت بضحكة: ما تقوله عملت إيه. يونس: ضربتني يا عمي. بدر: ضربتك فين. شاكر: ما تقول يا ولدي.

روح: ما تقوله يا نمر ضربتك فين ولا هوا افتراء تكذب وخلاص. يونس بعصبية: أنا اتأخرت على الشغل أنا ماشي. شاكر: استنى أنا جاي وياك. مشي يونس وسابها. طلعها بدر من وراه. بدر: عملتي فيه إيه. روح: يعني انت تعرف إن بنتك الرقيقة الكيوت دي تعمل حاجة في حد يا بابا. بدر: ضربتيه فين ياروح. روح: أنا أضرب يونس ابن عمي اللي هيبقي زوجي وقرة عيني. بدر: رووح. روح: الأكل عالنار هيتحرق يا بابا أنا رايحة أشوفه. بدر: ماشي بسرعة.

طلعت تجري روح تشوف الأكل. بدر بعد ما طلعت: المطبخ من هنا مش فوق وأكل إيه اللي اتحرق وإنتي مابتعرفيش تطبخي أه يا بنت الل. بيدخل يونس مركز الشرطة. والكل بيرفع إيده تحية ليه وهو ماشي بكبرياء. العسكري بيفتح ليه الباب. بيدخل مكتبه وبيقلع الجاكت يحطه عالكرسي. الباب بيخبط. يونس: ادخل. بيدخل العسكري وبيرفع إيده تحية: سيادة العقيد. يونس: أيوه يا محمد. محمد: سيادة اللواء عاوزك في مكتبه. يونس: طيب روح انت.

روح واقفة قدام أوضة مصطفى وبتخبط وبتطبل. روح: يا مصطفى يا مصطفى. مصطفى: أييييه. روح: إيه يا درش مش هتوريني البلد بقا. مصطفى: انتي ما عرفتيش اللي حصل. روح بضحك: إيه عبد الحليم وقع اتكسر. مصطفى: لاه يا ختي صورك نازلة في الجورنال بس أنا خوفت أنزل عالفطار بس عارف إن يونس هايموتني لما يرجع. كان مستخبيلي فين ده يا ربي. روح: ما تخافش هاحميك وبعدين مش بتقول في الشغل يعني قدامنا وقت. النبي يا مصطفى.

مصطفى: لاه أنا مش حمل يونس. روح: اخص عليك يا مصطفى وأنا اللي قلت إننا أخوات وأصحاب وهتفهمني أنا زهقانة يا مصطفى. مصطفى: هوا انت لحقتي انتي لسه صاحية من النوم. روح: يلا يا درش ما تبقاش سخيف. مصطفى: إيه سخيف دي. روح: رخم يعني يلا بقا. مصطفى: أنا خابر إن آخرتي على يد يونس بسببك. روح: يلا يا درش. مصطفى: بس البسي حاجة طويلة انتي مش ماشية مع أراجوز. روح: حاضر. يونس قاعد في مكتبه. بيفتكر إيه اللي حصل.

بيقرب منها ولسه هايلمسها بتدوس على رجله بالكعب اللي لبساه لحد ما فرمتها. وبتضربه بالشلوت تحت الحزام بيقع على الأرض ماسك رجله. بتضربه في صدره برجله وبتطلع تجري. بيقوم وبيطلع مسدسه. وبيجري وراها وبينشن من عصبيته ما كانتش بتصيب لأنه هداف ومش بيصيب هدف وهو اللي كان في دماغه إنه لازم يمسكها. يونس بتفكير: ها يا نمر.

حته بت زي دي تعمل فيك أكده وتقلل منك ولا هاممها حاجة ولا انت في نظرها بتقف قدامك وبتتحداك من غير خوف دي هتبقى مراتك كيف. كيف أخليها تخاف وتعملي ألف حساب كيف أكسر نفسها وشوكتها النمر فاضيلي وهيوريكي أيام سودة. مصطفى بيخبط على روح. بتطلع روح لابسة بنطلون جلد وجاكت جلد مقفول وعليه هيلز وسايبة شعرها. مصطفى بتوهان: انتي حلوة أكده كيف. روح بضحك: أهو من عند ربنا بقا. مصطفى: احم. يلا. روح: يلا يا درش انكجني بقا. مصطفى: ماشي.

بتنزل روح ومصطفى. بدر: رايحين فين. روح: ده مصطفى يا بابا الح عليا إنه عاوز يوريني البلد واد إيه حلوة وهاحبها وكده يعني وأنا قلتله ماشي يمكن. بدر: كويس يا ولدي كتر خيرك. مصطفى بضحك: أي خدمة يا عمي. بدر: ماتعوقوش. مصطفى: حاضر يا عمي. بيخرج مصطفى وروح من البيت. مصطفى: ليه قلتي لعمي كده. روح: عشان إن قلتله إن أنا اللي عايزة أروح هايحس إن فيها إنه أنا كده أي حاجة بعملها بيحس إن وراها مصايب مش عارفة ليه.

مصطفى: أه طب يلا ربنا يستر. روح: مصطفى وديني عند الخيول. مصطفى: لاه ده الاسطبل كامل بتاع يونس ومانع أي حد يقربله لأنه بيعشق الخيول. روح: أه قلتلي بتاع يونس. مصطفى باستغراب: أيوه. روح ببكاء: عشان خاطري يا يونس ماما كانت بتحب الخيول دي أوي وأنا حبيتها عشان بتحبها حبة صغيرين ونرجع. مصطفى: خلاص. خلاص ما تبكيش هاوديكي وأمري لله. روح بابتسامة: شكرا يا مصطفى. انت أكتر من أخ. بيدخل يونس البيت. بيبوس إيد أبوه. وعمه.

بدر: هديت دلوك يا ولدي. يونس: واللي يعرف بتك يهدي يا عمي. بدر: صدقني جنانها ده أكتر حاجة هتحببك فيها. يونس: أه أنا خابر. بيدخل الغفير. الغفير: يا حضرة العمدة يا حضرة العمدة. شاكر: فيه إيه يا واد. يونس باستغراب. الغفير: الخيول بتاعتك يا يونس بيه. يونس: مالها ما تنطق. الغفير: طلعت كلها وسارحة في البلد. يونس بعصبية: إزاي وكيف. الغفير: الست روح والاستاذ مصطفى كانوا هناك. يونس بعصبية وبيحط إيده على دماغه وبيطلع يجري.

بدر: ليه كده يا روح ليه.