رواية صعيدي علمني الأدب الفصل الخامس 5 - بقلم حنين عادل

يونس بعصبية: كنتي فين يا ست هانم؟ لسه بدر. روح داخت كده وراحت قعدت على السرير. روح: مغص رهيب. يونس: إيه؟!! روح: كنت تعبانة قوي ومصطفى ربنا يباركله جه معايا للدكتورة، لولاه كنت مت. أصل أنا بيجيلي مغص كلوي بيبهدلني. يونس: وفين العلاج؟ طلعت من شنطتها علاج. يونس: وإنتي دلوك مليحة؟ روح بتكتم ضحكتها: مليحة يا ولد عمي. يونس باستغراب: ماشية. روح: ممكن تتكلم معايا زي ما بكلمك، حاسة إن ده لايق عليك أكتر.

بيبصلها يونس برفعة حاجب وبيطلع. روح: هيروح عند مصطفى وده من نظرة بيعترف بكل حاجة. بتطلع وراه. بتلاقيه بيخبط على أوضة مصطفى. بيفتح مصطفى الباب وبيتاوب. قال إيه كان نايم. روح: بطل تمثيل يا أهبل، هاينفخنا. مصطفى: في حاجة يا خوي؟ أصلي كنت نا... روح راحت بسرعة. روح: مصطفى.. أنا جاية أسألك، هيا الإعادة إيه واخد بالك بتاعت الدكتورة اللي رحنالها إمتى؟ مصطفى: إيه؟ الدكتورة.. آه.. آه.. بعد أسبوع.

يونس: اسمها إيه الدكتورة دي عاد؟ مصطفى: اسمها.. هش.. روح: هانم.. اسمها هانم. يونس بيبصلهم بنظرة غموض وبيمشي. روح: اهو الحمد لله ما اتضربتش المرة دي. فتح مخك بقا. مصطفى: شكل نهايتي على إيدك. جيب العواقب سليمة يا رب. روح: تصبح على خير يا درش. مصطفى: وإنتي من أهله. بتدخل أوضتها وبتضحك. روح: كويس إني خدت علاجي القديم معايا. سواء عمي أو بابا أو الرخم ده، قابلني تبقي حجة عال العال.

مسكت تليفونها وهيا بتضحك. قلبت في صورها هي والهويس بفرحة. غيرت هدومها وقعدت على السرير. روح: أول يوم في بلد جديدة حصل فيه أحداث كتير، وكان أحلاهم الحدث اللي قبل الأخير إني قابلت الجخ، والأخير إني ضحكت عليه. هههههههه ولسه ولسه... في الصباح. بيصحي يونس من النوم بياخد شاور وبيلبس لبس كاجوال. طق.. طق.. حد بيخبط عالباب. يونس: ادخل. صفية: القهوة والجرنال يا بيه. يونس: حطيهم يا صفية.

بتحطهم عالترابيزة وبتمشي. بيقعد بيشرب في قهوته اللي متعود عليها أول ما بيصحي من النوم. وبعدها بيفطر. بيمسك الجرنال وبيقلب فيه. بيخلص قهوته وبينزل وهوا في إيده الجرنال. في أوضة روح. بدر: اصحي يا روح. روح: يووه يا بابا سبني شوية بقا والنبي، وأنا من إمتى بصحي دلوقتي. بدر: لاه، كل حاجة اتغيرت هنا. اتعودي عالصحيان. روح: طب خمسة وهصحى يا كبير. بدر: أنا قلت أصحى بدل ما أصحيكي بطريقتي. روح: خلاص خلاص، ميه لأ والنبي.

بتقوم تجري من على السرير. بدر: خودي دش ويلا عشان نفطر. وبينزل. روح بملل: ماشي. بتدخل تاخد دوش وبتطلع بتبص في تليفونها. روح: بقا كده أنا روح النمر أصحى الساعة ٧. مش حرام؟ إيه اللي وصلني الحياة لكده. لبست بنطلون ضيق وبلوزة كاب ووقفت قدام المراية تسرح شعرها.

روح: ببص لروحي فجأة لقيتني لقيتني أحليت فجأة ومليت من المفاجأة. ما أنا عارفة إني حلوة.. ههههه. إيه اللي أنا بقوله ده. يلا يا يونس عايزني أتحشم ولبسي مايع. ماشي يا نمر. قال إيه مفكرني هاسمع الكلام ده. لما تشوف حلمة ودنك مش هتجوزك برضه. رفعت شعرها ديل حصان ونزلت. مش بتحط ميكب. بشرتها بيضاء جدا وعنيها خضرا ورموشها تقيلة، فا مش محتاجة. مسكت روج وحطت درجة فاقعة جدا. بصت لنفسها: قمر. مغرورة أه بس بحبني. ابتسمت بنصر ونزلت.

على السفره. يونس قاعد وبيقرأ في الجرنال على ما الفطار يتحط. بيشوف صورة روح وهيا حاضنة هشام الجخ في نفس الوقت اللي كانت نازلة فيه على السلم بمنظرها ده. كان الخبر في الجرنال. (أستاذ هشام.. أستاذ هشام.. أرجوكِ، قالتها فتاة من عشاق الهويس. هشام الجخ مد لها يده وساعدها بالصعود. احتضنته بشدة من فرحتها وأكملت معه قصيدته المعروفة. أيوه بغيّر في حفل أمس بسوهاج) بيخبط على السفره بعصبية وبيقوم. بدر: في إيه يا ولدي؟

شاكر: إيه يا يونس؟ بيديهم الجرنال. روح وقفت مكانها بتفكير: معقول عرف؟ بيقرب ناحيتها بعصبية وهيا بتبعد عنه. روح: ف.. في إيه؟ يونس: كنتي عند الدكتورة ها؟ روح: أيوه، واسأل مصطفى. يونس بعصبية: مابحبش الكدابين. بتحضني راجل غريب قدام الملأ ولا هامك. وإيه اللي إنتي عاملاه في روحك ده؟ أنا قلت إيه؟ كلامي ما اتسمعش ليه؟ روح: وإنت مالك؟ أعمل اللي أعمل بقا. إيه القرف ده. يونس بعصبية: أنا قرف النمر قرف. بيمسكها من شعرها بعصبية.

روح: باباااااا الحقني يا بابا. لسه هايمشي بدر بيمسك شاكر إيده. شاكر: سيبه يا بدر، بتك غلطها كتر جوي. بيمشي يونس وهوا ماسكها من شعرها وبيطلعها فوق. روح: اااه يا غبي شعري. يونس بعصبية: أنا هربيكي على طولت لسانك دي. بيدخلها أوضة عتمة. وبيزقها. بتقع على الأرض. بتقوم وبتنفض هدومها. روح: هوا ده آخرك يعني؟ هاتحبسني؟ ههههه، دا إنت غلبان بقا وغبي أوي. طااخ.. قلم نزل على وشها خلاها تدوخ. روح: إنت إيه اللي عملته ده؟

يونس بعصبية: أنا لسه ماعملتش حاجة. روح: طب وريني كده يا شبح، هات آخرك. بدر: هايذيها يا شاكر، إنت ماشوفت وشه كان كيف. شاكر: بتك يا خوي ساقت فيها ولازم تتربي من أول وجديد ويكون ليها ظابط ورابط. بدر: لا ما يئذيهاش يا خوي، أنا ماحيلتيش غيرها. شاكر: ما هوا جلعك الماسخ ده وطيبتك اللي عملت فيها أكده. يونس: بلاش تستفزي النمر أحسنلك. روح: إنت ناسي إن أنا نمر ولا إيه؟

أنا مبخافش منك يا يونس يا نمر. مش بخاف. وأعمل اللي تعمله ومش هتجوزك وهعمل اللي في دماغي. يونس: أيوه، يبقى لازم أخليكي تخافي مني يا روح. روح بتوتر: قصدك إيه؟ يونس: ولازم إنتي اللي تترجيني أتجوزك وأنا اللي هارفضك ومش هاخليكي تنفعي لحد غيري. روح بتوتر: قصدك إيه؟ يونس: قصدي إنتي كبيرة كفاية إنك تعرفيه يا روح النمر. بيقرب منها وهيا بترجع بتوتر لورا. روح: إنت هاتعمل إيه يا مجنون؟ يا بااااباااا يا بابا.

يونس: مش هيسمعك. ماتخافيش. لو صوتي ولميتي الدنيا، الأوضة عازلة للصوت. بيزنقها في الحيطة. روح ببكاء: ابعد عنييي يا باااااابااااا.