رواية صعيدي علمني الأدب الفصل الثالث والثلاثون 33 - بقلم حنين عادل

صوت عربيات الشرطة بيدخلوا على شاكر ورجالته وبيمسكوهم. شاكر: في إيه؟ في إيه؟ الظابط ومعاه العساكر: امسكوهم. شاكر: ليه؟ ليه؟ الظابط: ارموا السلاح اللي في إيديكم. شاكر ورجالته رموا السلاح، والعساكر مسكوهم وحطوا الكلبشات في إيديهم. الظابط: مش عارف ليه؟ وياترى أنت تبع إيه؟ داعش ولا تنظيم إرهابي تاني ولا إخوان ولا إيه؟ شاكر: صدقني يا باشا أنا مش تبع أي تنظيم ولا حاجة. الظابط: أومال ليه كل السلاح اللي معاكم ده؟

جايين حفلة ولا فرح؟ شاكر: أصل... الظابط: هاتوه، ارموهم في البوكس. بيطلع الظابط والعساكر وهما ماسكين شاكر ورجالته، وبيركبوهم البوكس وبيمشوا. شاكر بتفكير: ضحكت عليّ ولبستك العمة ولبستك مصيبة. يا عالم هتخرج منها ولا لأ؟ آه يا زمن. في أوضة روح. روح: يونس.. يونس أنت فين؟ أنا مش حاسة بيك. ليه أنت مش جنبي؟ يونس: ومن قال لك إني مش جنبك؟ أنا هنا وهنا. بيشاور على قلبها وعقلها. روح: لأ، أنت مش جنبي. أنت وحشتني.

يونس: يلا بقى، يونس هيموت من غيرك. روح: يونس، ما تقولش كده. أنا اللي هاموت من غيرك. يونس: بلاش سيرة الموت. اصحي بقى، كفاية نوم. روح: صدقني مش قادرة. بحاول. يونس: لازم تفوقي يا روح، لازم. وكأن الأرواح اتلاقت والقلوب بقت مربوطة ببعض وبقي بينها صلة نادرة الزمن ما يقدرش عليها. كريمة وهيا ماسكة إيد صفاء: أنا خايفة يا خيتي. أنا تعبت من كتر العمليات. صفاء: ربنا يعافيكي ويشفيكي يا خيتي وتكون آخر عملية.

كرم: إن شاء الله هتبقي كويسة. هدعيلك. بصت له كريمة باستغراب. وبعدها دخلت مع الممرضة أوضة العمليات. يونس كان قاعد في ركن في السجن. يونس بتفكير: ها يا روح النمر، لسه كتير؟ بتقف عربية الشرطة في مكان مهجور. بينزل العساكر ومعاهم شاكر والرجالة. شاكر باستغراب: أنتم جايبنا فين؟ الظابط: امشي وأنت ساكت. شاكر: فين قسم الشرطة؟ أنتم مين؟ زقوا الظابط قدامه لحد ما دخلوا بيت مهجور. سامية كانت قاعدة على الكرسي.

سامية بضحك: حمد الله على السلامة يا شاكر يا نمر. شاكر: آه يا بنت ال... سامية: هههههه معلش، اتضحك عليك مرتين. بتقوم من على الكرسي. سامية: خلص على كل الرجالة دي وتاويها، وسيب كبيرهم عشان هاعذبه براحتي. ده... أحد الرجال: تمام يا ست هانم. شاكر اتعصب على الرجالة اللي ماسكينه وحاول يفك إيده منهم بس ما فيش فايدة. سامية: شاكر.. اهدي. شاكر: هاتتحاسبي. ماتفكريش إنك هاتفلتي من كل الوساخة دي. هاتتحاسبي وحسابك هيبقى عسير.

سامية: ههههه، عسير ولا عصير؟ شاكر بصلها بعصبية وحاول يفك نفسه منهم ويزقهم بس ما قدرش ورجالتها اتكاتروا عليه. في المستشفى. ياسمين: هي هتفوق امتى يا عمي؟ بدر: ربنا يسهل. كله بعلم الله. ياسمين: ربنا يشفيها يا رب. طلع خالد قعد جمب بدر. وياسمين دخلت تشوف روح. ياسمين بصت على روح اللي كانت نايمة والأجهزة شغالة وقناع الأكسجين على وشها وملامحها باهتة. ياسمين: أنتِ إيه يا شيخة؟

إيه يا شيخة.. موتي بقى. قرفتيني. عارفة أنا بكرهك ليه؟ كل الاهتمام يبقى ليكي وأنا دايماً بعدك؟ ليه كل الناس تحبك وأنا لأ؟ ليه الشخص الوحيد اللي حبيته ما حبنيش؟ يوسف... طلعت بتحبك أنتِ. واليوم اللي كنت هاعترف له بحبي قالي إنه بيحبك. كان بيقرب مني واخدني كوبري عشانك. حتى كرم اللي حسيت بالإعجاب ناحيته طلع بيحبك برضه. لازم أكون رقم اتنين دايماً بعدك. لكن لو متي هبقى رقم واحد.

فوقي بقى. وحشتيني قوي يا روح. أنتِ مش عارفة أنا بحبك قد إيه. أنتِ أكتر من أختي. أرجوكي ما تحرقيش قلبي عليكي. أرجوكي. بصت ياسمين لقت بدر واقف بيسمعلها. روح... اصحي بقى يا حبيبتي. طلعت ياسمين وشافت بدر لسه واقف مكانه. ياسمين: مش قادرة يا عمي. وحشتني قوي. بدر: إن شاء الله هتفوق وهتبقى أحسن من الأول. ياسمين قعدت جمب خالد اللي قعد يطبطب عليها وهيا بتعيط. رجالة سامية ضربوا رجالة شاكر بالنار وشاكر كان متعصب جداً وبيزعق.

سامية: كان مشهد رائع ورجالتك بتموت قدامك، صح؟ شاكر وهوا مربوط على الكرسي: هاقتلك. هاقطعك قطيع وأرمي لكل كلب حتة. سامية: متعشم أوي. أنت هنا تحت إيدي. أنا هاموتك وهاطلع عليك القديم والجديد. هاخلص منك كل اللي أنت عملته. شاكر: أنا ما عملتلكيش حاجة. أنتِ كان بيجيلك تهيؤات وبتاخدي علاج. سامية: خلاص طلعتني مجنونة. شاكر: أنت فعلاً مجنونة. اللي تبقي عاوزة تموت ولدها تبقي مجنونة. اللي تفكر في القتل تبقي مجنونة.

سامية مسكت كرباج وبدأت تضرب فيه. سامية بعصبية: أنت تخرس خالص. أنا مش مجنونة. أنتم اللي كلكم مجانين. خالد: مالك يا عمي؟ قلقان ليه؟ بدر: برن على شاكر مش بيرد من الصبح وماعرفش عنه حاجة. خالد: ماتقلقش يا عمي. المهم تليفونه مفتوح. بدر: أيوه مفتوح. خالد: خلاص سهلة. أنا هاعرف مكانه. في المستشفى. وبعد ساعات من دخول كريمة العمليات. صفاء: مالك جاي رايح جاي؟ خوفتني. كرم: اتأخروا أوي يا خالة. أنا قلقان. صفاء: ربنا يسترها.

في السجن. في أرض خضراء. يونس: أنتِ رايحة فين؟ روح: أنا رايحة حتة أحسن من هنا. الدنيا وحشة أوي. يونس: ويهون عليكي تسبيني لوحدي؟ روح: صدقني مش بإيدي. يونس: لأ، أرجوكي، أوعي تسبيني. أنا أضيع من غيرك. والله أنا أموت. خليكي. بيصحي يونس على ضرب العسكري ليه. يونس والعسكري شده وراه ورايح على التحقيقات: يارب. أنا قلبي ما عادش مستحمل وجع. أنا تعبت. اجبرني فيها. في عربية بدر. خالد: وصلنا يا عمي. بدر: إيه ده؟

مكان مهجور. إيه اللي جابه هنا؟ بينزل بدر وخالد من العربية وبيرن على تليفونه وبيرن قدام البيت المهجور. بيوطي بدر عليه وبيطفيه. خالد: تعالي نشوفه جوه يا عمي. بدر: لا، استنى. أطلب البوليس الأول. الوضع مش مفهوم ومش مطمني. خالد: اللي تشوفه يا عمي. في أوضة روح. بتدخل ممرضة بتبص وراها ومتوترة. بتحوش الكمامة من على وشها وبتظهر إنها ياسمين. بتطلع حقنة من جيبها و...