رواية صعيدي احتل قلبي الفصل الرابع 4 - بقلم حنان أحمد

تاني يوم. زينب: اصحي يا فرح واجهزي ياله عشان تروحي الفرح معانا. فرح قامت وشربت نسكافيه وكانت قاعدة. زين: بتشربي لوحدك؟ فرح ضحكت. زين: شكلك بخيلة. فرح: بس ياه. زين: طب متعمليلي معاكي. فرح: بس كده. من عنيا. ودخلت تعمله. زين ومرة وحدة فون فرح عمال يبعت رسايل. بيبص ومقدرش يقعد ساكت. بيمسك الفون بيلاقي إيه.

"يا فروحتي يا روح قلبي صباح الخير. وحشتيني أوي أوي والله. هترجعي إمتى من البلد الزفتة دي. خداني منك. وحشني حضنك وطبطبتك عليا وحنيتك. ارجعي بقا مش قادرة أعيش من غيرك. والله يومي مش بيكمل إلا بيكي." راح الفون وقع من زين ووشه اتقلب. وطلع جري على أوضته. فرح: عملتلك أحلى كوباية نسكافيه. بتبص ملقيتهوش وتلاقي الفون على الأرض. بتمسكه. فرح: يالهوي. هو شاف الكلام ده؟ خد فكرة وحشة عني. طب أنا أعمل إيه دلوقتي. وقعدت تعيط.

دخلت زينب وكريمة وهما لابسين. زينب: إيه يا بنتي لسه ملبستيش؟ ده زين بيلبس. ياله قومي. فرح بعياط: مش عايزة أروح. زينب وكريمة: في إيه يا فرح؟ حصل إيه؟ حكتلهم اللي حصل. زينب وكريمة: طب ابقي فهميه بعدين. تعالي. فرح: حاضر. قامت لبست وحطت روج وسابت شعرها. وكانت زي القمر. جهزوا ونزلوا. وزين معرفهاش. وصلوا الفرح وكله عمال يرقص. راحوا يقعدوا. زينب وكريمة وفرح. وزين واقف مع صحابه ومخنوق على آخره. زين وهو باصلها من بعيد:

ليه عملتي كده؟ خونتي ثقتي. أنا بحبك من وأنا صغير. وأما صدقت رجعتيلي تاني. ليه توجعي قلبي وتكسريني؟ ده انتي فرحتي في الدنيا دي. بس أنا هكسرك يا فرح. وهتشوفي. فرح وهي قاعدة حزينة: شكلي حبيتك. مش عارفة حاسة إحساس غريب أوي. إنت عملت فيا إيه. واللي من حنيتك دي. حتة واحنا صغيرين كنت حنين عليا برضو. مع إنك صعيدي بس تختلف عن كل الناس. إنت احتليت قلبي بطريقة غريبة. زينب: اللي واخد عقلك للدرجة دي؟ بتحبيه يا فرح؟ فرح: اه. إيه!

لا لا. هو مين. زينب بضحك: إنتي بتحبيه يا فرح. متضحكيش على نفسك. فرح بصت بحزن في الأرض. وهما قاعدين. الطربيزة اللي فوشهم قاعد كام شاب. وزين كان واقف وسامع كل حاجة. هما بيقولوها. شاب منهم: البت اللي لابسة أحمر دي زي القمر. أنا هروح أشقطها يا أسطااا. واحد تاني: دي بطل يا عم. قوم كده يمكن نعرف نوقعها ونرقص معاها وناخد رقمها. تعاله تعاله. وهما قايمين. مسكهم زين. زين: إنت بتقول على مين؟ بطل يا ابن الـ... طب خد دي.

خد الضربة ووقع في الأرض. الفرح اتقلب. وفضل يضرب فيهم لحد لما تعب. راح لي أخواته. زين: قوموا ياله عشان نمشي. قاموا كلهم جري على العربية وركبوا. وصلوا البيت وطلعوا كل واحدة على أوضتها. شاكر: خد يا زين عايزك. زين: نعم يا با. شاكر: جهز نفسك عشان هتتجوز فرح. زين سرح: طب إزاي؟ وهي بتحب غيري وعايزة غيري. طب أعمل إيه؟ أتجاوزها وأكسرها زي ما كسرتني ووجعت قلبي على حبيب القلب. واللي أعمل إيه. شاكر: سرحان في إيه يا ولدي.

زين: لا مفيش يا با. هرد عليك بكرة إن شاء الله. شاكر: ماشي يا حبيبي. ربنا يصلحلك حالك. وزين مشي وجواه ألف حاجة ومش عارف يتصرف إزاي. فضل يفكر لحد لما تعب وغلبه النوم ونام. وفرح قاعدة بتعيط ومش عارفة تعمل إيه وتصلح كل حاجة إزاي. وتعبت من كتر العياط ونامت. تاني يوم. صحيت فرح وعينيها ورمة من كتر العياط ومش شايفة بيها. قامت خدت شاور ولبست تيرنج رياضي وعملت شعرها ديل حصان. ونزلت تجري شوية.

وهي بتجري لمحت زين بيلعب حديد وخلص وراح يجري شوية. فرحت أوي أنها شفته. بس زعلت عشان مش عارفة تصلح أي حاجة. قعدت تجري. راح شافها زين. ومرة وحدة قعدت تصوت. فرح: الحقوني. هيعوضني. هيكلني. يا بابا الحقي. وقعدت تصرخ. ومرة وحدة فضلت تقول يا ززززين. زين قلبه وجعه وجري عليها. لقي كلب عمال يقرب منها. ومرة وحدة راح عضها في رجلها.

جري زين ومشي الكلب. وشال فرح وهي عمالة تعيط. ومحاوطة إيده على دراعه. ودافنة راسها في رقبته وعمالة تعيط. زين بزعل عليها: إنتي كويسة؟ فرح بعياط أكتر: لا. زين: بس بس. أنا معاكي. وخدها على البيت. محمد: بنتي مالها يا زين؟ طمني عليها. حصل إيه؟ زين: هي كويسة. تعال بس. وجاب دكتور. اداها كام حقنة وعملها الجرح. الدكتور: خلوا بالكوا منها كويس. حد يخالي بالوا بقا. زين: أنا بعرف أهتم. شكراً لحضرتك.

ومشي. وفرح عمالة تعيط وتقول يا زززين. الحقني يا زين. زين: معلش يا عمي. روح انت وأنا معاها. محمد بحزن: ماشي يا ابني. وطلع. زين وقرب منها. بس أنا معاكي. ومسك إيديها. فرح فتحت عينها وقربت منه وحضنته جامد أوي. زين طبعاً لسه زعلان. بس أول لما حضنته نسي الدنيا كلها. وقالها: بس أنا معاكي. متقلقيش. فرح بعياط: بس انت زعلان مني. زين افتكر اللي حصل وقام متعصب وسابها وطلع بره. وهو مش طايق نفسه واللي طايق حد. نزل لي شاكر والده.

شاكر: زين أنا موافق يا با. اتجوز فرح. زين: طب على خيرت الله يا ولدي. زين: بس كام يوم كده لحد لما تخف. شاكر: ماشي يا ولدي. زين في سره: أنا هوريكي يا فرح. هندمك على كل حاجة كسرت قلبي وحبي ليكي اللي ضيعتيه ده. وطلع على أوضته. تاني يوم. زينب: اصحي يا عروسة. فرح: نعم! عروسة مين؟ إنتي بتهزري. زينب: لا. فرح: أمال حصل إيه؟ وهو مين العريس؟ مش فاهمة حاجة.