رواية صعيدي احتل قلبي الفصل السابع 7 - بقلم حنان أحمد

تاني يوم... صحي زين بدري، خد دوش وراح مكان كده. زين واقف مع شخص. زين: بص لو سمحت جهزلي كذا وكذا وكذا، والساعة 5 قبل المغرب كده هاجي. شخص: تمام يا فندم. مشي زين اتجه عند مدرسة فرح. زين: صباح العسل. فرح بخضة: انت! انت إيه اللي جابك هنا؟ امشي لو سمحت. زين: وربنا ما أنا ماشي غير وإنتي معايا. فرح: لو سمحت امشي. زين واقف ساكت. فرح: عايز إيه يعني دلوقتي؟ زين: تمشي معايا لحد عندكوا البيت. فرح: طيب. ومشت معاه.

زين: بقالك إيه البس ده وتعالي. فرح: لا. زين: يالا. فرح: لا. زين بزعيق: قولتلك يالا. فرح بخوف: ح ا ض ر. زين: تمام، قدامك عشر دقايق وتبقي قدامي. فرح طلعت وعمالة تقول: مش كفايا مزعلني ودلوقتي بيتحكم فيا وبيزعقلي. زين: أنا سامعك، اخلصي. فرح بخضة: يخربيتك سمعتني ازاي! زين: اخلصي. فرح جريت على السلم طلعت تلبس.

كان فستان لونه أسود وجزمة حمرا، وكان توحفة. لبسته وسابت شعرها وحطت روج، وكانت زي القمر. وزين لبس بدلة وجهز شنطة عشان هنعرف إيه المفاجأة دلوقتي. خلص ونزل ونده عليها. فرح: أنا جيت أهو. وهي نازلة على السلم كانت زي القمر، بتأخد القلب. زين أول لما شافها فتح بوقه. فرح: اقفل بوقك عشان الدبان. زين عشان اتحرج راح مطلع منديل ومسح الروج: أيوه كده حلو، تعالي بقا. فرح: طيب، هنروح فين؟ زين: امشي وإنتي ساكتة. مشيوا ووصلوا المكان.

زين: انزلي تعالي. نزلت من العربية وطلعت وهو وراها. فرح: أول لما دخلت الدنيا ضلمة، أنا خايفة يا زين مش شايفة حاجة. زين: متخافيش، امشي بس. فرح فضلت ماشية لحد مرة وحدة النور كله اشتغل. وكان مليان بلالين وصورها كلها على الحيطة وبوكس كبير أوي مقفول وتورتة عليها صورتها. والمزيكا اشتغلت على أغنية تبدأ حكايتي لما كنت بشوف عنيكي يبدأ كلامي لما إيدي بتلمس إيديكي. زين قعد يرقص هو وفرح. وفرح كانت مبسوطة أوي.

زين قعد في الأرض وقالها: أنا آسف، أنا غبي إني مسمعتكيش. حقك عليا سامحيني. ممكن تقبلي اعتذاري وتقبلي الخاتم ده. وفتح العلبة كان خاتم ألماس رقيق. فرح عيطت من كتر الفرحة وقاليتله: مسامحاك. وزين لبسها الخاتم وقالها: دي شبكتك، عقبال لما نسافر ونكتب الكتاب. تتجوزيني. فرح بكسوف: آه. زين: بحبك. فرح: وأنا... زين: إنتي إيه؟ فرح: بحبك. ومرة وحدة طلع محمد أبو فرح من ورا الستارة. فرح: بابا! محمد: أيوه بابا ياختي. فرح بضحك: اختك!

محمد قرب منها: قلب بابا، ألف مبروك يا حبيبتي. فرح: الله يبارك فيك، بس... محمد: أنا عارف كل حاجة، خليكي مع خطيبك. أنا مجهز الشنط عشان نسافر. فرح: بقا كده يا سي بابا، يعني متفقين مع بعض؟ محمد وزين: أيوه. فرح بضحك: اممم، ماشي ربنا يخليكوا ليا. زين: يالا يا جماعة، الحاج شاكر أبويا مش ساكت، يالا. ونزلوا وفرح خدت البوكس طبعاً. ركبوا العربية ووصلوا البلد. أول لما فتحوا باب القصر ودخلوا النور كان مقفول. زين: أي ده، في إيه؟

فرح ومحمد مش عارفين. ومرة وحدة النور اشتغل وكانوا مزينين القصر. فرح: الله، إيه الجمال ده! بتطلع زين: وحشتيني يا فرح. فرح: زوزة حبيبي. زينب تجري عليها بالحضن: كنت عارفة إنك هتجيلي تاني. فرح: أنا أقدر أسيبك؟ أه صح، البوكس ده ليا ولكِ، نقسم بليل، إشطا! زينب: إشطا يا با. وقعدوا يهزروا وسلمت على كريمة وشاكر وكلهم. زين: غيري وتعالي نتعشى ونتمشى شوية. فرح وهي مبسوطة: حاضر.

طلعت خدت دوش ولبست تريننج أبيض في أسود واسع وكوتشي أبيض. وزين كان طالع من الأوضة لابس طقم خروج، حاجة كده قمر. زين: يالا ناكل. نزلوا وقعدوا كلوا وهزروا. شاكر: مبروك يا فرح. فرح: اللي يبارك فيك يا عمي. شاكر: هعملك أحلى ليلة، البلد كلها تحكي وتتحاكى عينها. فرح: ربنا يخليك. فرح بصت في الأرض بس. زين: بس إيه؟ فرح: عشان امتحاناتي. زين: أنا عامل حسابي، أنا هذاكرلك وهوديكي الامتحان، إيه رأيك؟ فرح فرحت أوي: بجد؟ زين: طبعاً.

فرح: أوكي. زين: وإن شاء الله تجيبي مجموع حلو وأدخلك جامعة كمان. فرح: بجد بجد؟ زين: بجد بجد. فرح زي الأطفال: هيييي! كلهم قعدوا يضحكوا عليها. زين: طب أنا هاخد فرح نجيب حاجة ونيجي. محمد: خلي بالك منها. زين: دي على عيني. محمد: تسلم عيونك يا حبيبي. ومشيوا. زين: تعالي نقعد عند البحر. فرح: ياريت. وقعدوا. زين: بتحبيني يا فرح؟ فرح بكسوف بس سكتت. زين: مكسوفة مني ليه؟ فرح: ها، لا. زين ولسه رايح يتكلم.

فرح: أنا عايزة آيس كريم، يالا يالا. زين بضحك: طفلة والله، طفلة. حاضر تعالي. وجبلها. زين: عارفة يا فرح... فرح: لا معرفش، هعرف دلوقتي. زين بضحك: بحبك. فرح: يخربيتك الناس بتبص علينا. زين: مش مهم الناس. فرح: مجنون. زين: بيكي مجنون بيكي. فرح ضحكت وقالتله: وأنا كمان.