رواية صعيدي احتل قلبي الفصل الأول 1 - بقلم حبيبة محمود

حسن والد سلمى: والله يا بابا أنا تعبت معاها، مش عارف أعمل إيه. الجد سليمان: إنت اللي عصيتني من ول يا حسن وروحت اتجوزت واحدة من بنات البلد، ومكنتش موافق عليها. حسن: سامحني يا بوي، بس مش عارف أعمل معاها إيه. البت كل يوم ترجع الصبح، ومقدرش عليها. وإذا كان على مرتي، ما إنت عارف إني طلقتها. سليمان: طب اسمع اللي هقولك عليه. إنت تجيبها وتيجي، وتجيلها. هنجعد كام يوم، وبعد كدا... حسن: إيه ده؟ لا مش للدرجادي، مستحيل توافق.

سليمان: هو ده اللي عندي. حسن بضيق: حاضر يا بابا، بس حمزة هيوافق؟ سليمان: سيب حمزة عليا. حسن: تمام، هقفل أنا دلوقتي. سليمان: مع السلامة. سليمان: صفاء يا صفاء. صفاء الشغالة: أيوه يا سليمان بيه. سليمان: روحي جولي لحمزة ومحمد يجولي المكتب حالاً. صفاء: أمرك، دقيقة واحدة. صفاء راحت مكتب حمزة، وكان قاعد هو ومحمد. صفاء بتخبط. حمزة: أدخل. صفاء: سليمان بيه طلب حضراتكم في المكتب دلوقتي. حمزة: تمام، جايين. روحي إنتي.

صفاء: عن إذنك. وخرجت. محمد وهو بيقوم: جدك عايزنا في إيه يا حمزة؟ حمزة: علمي علمك يا بوي. محمد وهو بيقوم: هم بينا نشوفه. حمزة قام معاه، وراحوا مكتب سليمان. خبطوا ودخلوا. حمزة: خير يا جدي؟ صفاء جالت إنك عايزنا. سليمان: طب اجعدوا الأول. محمد: ادينا جعدنا، خير يا بوي. سليمان بجدية: حسن أخوك نازل قنا يا محمد. محمد بفرحة: يااااه، يا بوي. ليا زمن مشفتوش. أكمل سليمان: ومعاه بته يا حمزة. حمزة: أيوه يا جدي، أعمل إيه؟

سليمان: البت دي، هو هيجيبها ويجي على أساس هيجعدوا كام يوم عندنا. والبت دي مش جادر عليها، ومبترجعش إلا الصبحية، وعايشة حياتها على الآخر. حمزة: وأنا إيه المطلوب مني؟ سليمان: تتجوزها. حمزة قام بغضب.