يونس بص للراجل وقاله: اتكلم إيه اللي حصل. الراجل: يباشا كانت راكبة معايا التاكسي وكان ليها باقي ربع جنيه وأنا مكنش معايا يباشا. يونس بص لتمارا برفعة حاجب. تمارا باندفاع: كداب. وبصت للراجل: تنكر إنك قليت أدبك عليا في الشارع؟ يونس بزعيق: بسسس. يونس لتمارا: اتخانقتي معاه على ربع جنيه يا قادرة. تمارا بفخر: أيوه يباشا طبعًا، أمال إنت فاكرنا إيه. يونس بحدة: يا عسكري. العسكري: أؤمر يا يباشا. يونس: خد الاتنين على الحجز.
تمارا: ليه إن شاء الله؟ هو أنا كنت عملت إيه؟ يونس: يلا يا عسكري. تمارا: يلا يلا يا خويا، اللي يعني كده بيخوفني، أنا أصلاً رد سجون، يلا يا خويا. يونس ابتسم على المجنونة دي. يونس بحدة: هتتفضل على الحجز عشان تتعلم متقلش أدبك على حد تاني. الراجل بتوتر: يباشا بس... يونس بزعيق: مش عايزة أسمع صوتك، ودي على السجن يا عسكري. عند فيروز. صحيت على صوت دوشة بره. طلعت عشان تشوف فيه. (طلعت على كرسي متحرك بمساعدة الممرضة)
فيروز لقت أحمد واقف وجنبه واحدة لابسة فستان أبيض ومغطية وشها. أحمد بخبث: أعرفك بمراتي. فيروز ببرود: إيه ده بجد؟ مبروك. فرحتوني بجد. (وبصت للممرضة وطلبت منها تدخلها الأوضة) فيروز دخلت الأوضة وكانت كاتمة نفسها من الصراخ أو إنها تروح تقتل أحمد. عند أحمد. أحمد بتوتر: أنا مش مطمن لرده فعلها، حاسسها بتخطط لحاجة. محمود قرب من أحمد: اطمن، تلقيها بتفكر هتقتلك إزاي. أحمد بتريقة: لا والله، طمنتني يا خويا.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!